第一郡 (已搬遷) 新店位置

去完越南 番到香港都想搵番係越南食過既味道不過平時係香港食既越南餐廳都係港式越南但係今次第一郡無令我失望首先講下個越式法包，真係整得好好食同我係越南食既差唔多個包$38 有呢個份量真係好扺勁足料 而且麵包係烘到脆卜卜熱辣辣甘上 正呢個係朱肉撈檬都係好足料 酸汁就已經放左係碗底甘個人味道方面就覺得就無乜特別酸汁味道偏淡 同埋可以再落多d酸汁就好蕃茄蟹膏湯檬正正正佢上面個pat蟹膏真係鮮味到暈原本以為蟹味要靠d蟹膏覺得其他d配料應該都無咩味點知岀乎以料之外，一落舊朱紅都好重蟹味，最正係個豆卜，吸晒湯d精華無記錯好似叫米紙蝦卷佢個醬係類似沙爹醬甘，好重花生味甘個米紙就包住d檬粉香草同半隻大蝦味道要靠個醬 唔係剩食個卷會無味整體就一般最後見到成櫃甜品 忍唔住叫d黎試下有4隻味 椰汁紅豆 椰汁馬豆 椰汁紫米 芒果甘最後叫左比較少見既椰汁紫米同芒果糕2款都好好食 芒果好多芒果粒 而且每粒都好甜糕既芒果味食得岀係新鮮芒果整 唔係落芒果香油紫米糕都好重椰汁味 不過芒果糕太好食所以紫米糕好似有d比下去整體來說，小店只得10幾個坐位 有d迫但係食物價值同質素係成反比甘平既價值 可以食到甘足料又好食既越南菜

好評都頗多既餐廳，出左地鐵站大概都要行五分鐘左右先到，鋪頭係家庭式經營，老老實實就真係無咩靚裝修同服務可言。入到去亦到無menu,所以有選擇都寫左係牆身。今次一共得兩個人去，所以只係叫左四樣野，全部都係比較出名既款式。牛油果沙冰既感覺係奶昔咁既，食得出係真材實料，但其實係完全唔涷，多少有名不符實，我就麻麻既有米粉，好多菜同少少蝦，如果唔點汁真係完全無味。法包加上同下耐個麵啲配料大同小異既配答，因為中間有酸蘿蔔所以都係比較清新既口味多啲。個蟹黃既份量係唔少既，但個湯唔係好熱，我都係鐘意出煙既湯麵比較多啲。跟住三樣主食既味道相對都比較輕，可能係我重口味既關係瓜，而且其實所有既配料都幾乎一樣，只不過係將粉轉成包。對於我黎講真係試一次就够了，食物係中規中矩，呢個價錢係深水埗黎講可以有更多選擇，而且亦無話好好既service同環境咁。

作為深水埗街坊，幫襯Q1已經好多次了，餐牌上大部份菜式試過哂，但依然未覺厭！經常心血來潮掛念Q1兩寶 — 牛油果沙冰&班蘭葉綠豆糕！米紙蝦卷($28/2) 通常未到下午已賣哂，遲黎食唔食到睇彩數。不蘸醬汁的話味道比較清淡，勝在配搭香料葉的陣陣清香～牛油果沙冰($25) 推介過比不少朋友，無一不愛它的香滑濃厚，與其說是沙冰，口感卻更像奶昔，經常路過都要整返杯班蘭葉綠豆糕($13) 清香煙韌，下午茶黎講兩卷米紙卷食完已經好夠，拎走兩件綠豆糕回家吃所以冇影相。

近來因為夏天到, 宅女又要開始積極修身. 不過有時還是免不了要跟朋友出外聚餐, 所以選擇餐廳時都會比較小心. 感覺越南菜算是一門比較清新的菜式. 當然越南菜要吃得重口味的話, 還是有的, 但如果吃下檬粉或米紙卷的話, 罪惡感應該會比較少吧~早陣子就來到深水埗深個朋友, 而她就剛好提議說去試試這家做越南菜的第一郡. 反正離她家不遠, 就決定一起先來這裡吃個越式午餐吧!這家第一郡由2014年開業至今巳有2年多, 屬家庭式經營, 店主及負責煮食的都是來自越南. 店子位於深水埗的荔枝角道, 跟食肆密集的鴨寮街及北河街有點距離, 這邊街道上人流較少, 唯獨就是這裡都總會有一條長長的人龍在門口. 如果坐地鐵來的話, 在深水埗站A2出口一直向西九龍走廊的方向走4個街口, 大約5-6分鐘左右便到.宅女這天周末中午時份來到, 巳看到門口有大約7-8個人在等位. 幸好店子小, 食客流量較快, 大多都是. 所以等了大約15分鐘左右就可以入坐. 走進店內, 發現店子真的非常小!! 長型的店只有左右兩邊放了5-6張2人枱, 然後盡頭一點的還有3-4個伴著不少雜物的吧台, 整個店真的只有十多個座位. 而店的盡頭

夜晚大約八點半黎到，都算幾多人，但我地都唔駛等咁就入左去。坐左一陣聽到佢地話差唔多收檔，但收到我地走佢都仲出緊外賣我地叫左蟹膏蕃茄湯朦粉，42蚊，朱紅幾好味，但我覺得啲湯唔夠熱。之後諗住叫米紙蝦卷，但可能太夜，賣晒。仲叫多杯牛油果沙冰，25蚊，可能本身係咁，同埋我好熱，我期待佢係凍嘅，但原來唔凍，不過幾好飲不過佢唔記得我地杯野。要追先有整返比我地總括黎講，性價比ok，因為唔算貴。

本身好喜歡食越南/泰國嘢，成日行過第一郡都心郁郁，今日一個人，終於可以試下。叫咗個豬肉撈檬，感覺比以前食過嘅撈檬清新，因為青瓜蘿蔔等嘅配料相對上多，魚露醬汁味道恰到好處（雖然自己本身比較喜歡偏酸嘅醋汁）。店鋪所用嘅檬粉唔係香港一般嘅檬粉，口感有啲似米粉。豬肉醃得夠味。另外，米紙蝦卷餡料檬粉佔太大陪份，如果食撈檬就應該唔落米紙。但醬汁好味，用嚟食撈檬都ok。下次可以試下芒果沙冰同啲糕點。

越包和牛楠燉蔬菜（注意：這菜的蔬菜是指紅蘿蔔和薯仔）都很好吃，兩者都有熱的面包可惜蟹膏番茄檬就很一般。牛油果沙冰都不錯。環境裝修普通，可能因此價錢較便宜(一道菜平均$40-50)，現在其他一般越南餐廳的晚餐中每道菜都要$70以上, 人均$100以上相對來說, 這間我們點了 三道主食+飲品, 人均才$75, 價比值算高... 另外要注意的是周六晚上去要排隊(15-30分鐘)

今日收工要去深水埗， 去前我都好習慣search下openrice睇下有咩好食先o既！ 食o野前做足準備~ 食得開心至醒得你去相~ Go~ 打頭陣係~~~牛油果沙冰(用埋青色飲管好match) 入口非常滑溜，Creamy的， 牛油果fans must try item!! 我覺得如果再凍d就更加好 跟住出場係~蟹膏蕃茄湯檬嗯…材料有蕃茄扎肉豬紅(?! ) 牛腩肉絲，菜同埋豆卜！ 嗯~~~ 我都係睇食評先知道蟹膏同雞蛋一齊， 如果唔係我以為係有d 似咸魚蝦膏味ge炒蛋！ 蕃茄係原隻， 所以味道都好茄~ 酸酸哋開胃， 食食下又覺得似車仔麵但越南版XD 好喇， Next~越式麵包餡料有扎肉，腩肉，酸瓜絲青瓜絲紅蘿蔔絲同埋莞茜仲有就係為法包點睛o既魚鬆！ 咬一啖脆脆地o既法包(唔係硬掘掘), 再飲一啖牛油果沙冰…嘩…換個角度再睇睇d餡~係咪好豐富先？芒果糯米卷嗯…芒果夠甜但係皮就太實淨了…我諗…應該係被長洲糯米滋嚴重洗左腦…另外仲有班蘭綠豆糕同埋蝦米紙卷好搶手已經售罄啊…我睇到隔離檯聽到又無綠豆糕個下個表情幾失落呀！ 我諗應該真係好好味一定要擇日再試！

五點幾到，蝦卷同班蘭豆糕已經沽清。咁就試蟹檬，飲番柸牛油果沙冰。牛油果沙冰之前一試鍾情。首先，牛油果係愛嘅~ 其次，呢柸沙冰飲落去滑到似奶惜多過似冰沙。而且唔太甜又能保留牛油果嘅味道。其實，一柸牛油果沙冰加份法包已經很滿足。不過，呢日又想試吓蟹檬。湯檬份量唔細，不過蔬菜也不少。食落fresh啲。除咗蟹肉(相信有蛋混埋整嘅)同檬粉，還有扎肉，菜，半個蕃茄，豬紅同香草。蟹肉和想像中做法有分別，但味道不錯。最意外的是豬紅很入味，扎肉味道(冇雪味)和質地也好(有彈性)。不完美的地方是香草唔夠新鮮，粉唔夠滑。總括，幾十蚊有呢水準也不錯。

越式麵包，外層脆卜卜嘅麵包裏面搽滿肝醬，包住扎肉，醃蘿蔔同埋大量莞茜，勁好味。豬肉撈檬，豬肉醃得勁入味，煎得亦都夠曬香，撈檬個魚露酸甜味都夾得幾好，特別鍾意佢面頭又有大量醃蘿蔔同埋生菜，令到成個撈檬都好味左。牛油果沙冰，牛油果就食得多嘞，牛油果沙冰都係第一次試，口感好綿滑，味道就有啲青青地咁啦，平時食牛油果都未試過淨食，原來淨係牛油果陣味係咁樣㗎喎。

係深水埗既 第一郡今次已經係第二次幫襯必食 蟹膏蕃茄湯檬湯底有濃烈蕃茄味酸酸甜甜的 夏天食都會覺得好開胃蟹膏份糧都尚算多配上檬粉感覺不錯餸方面仲有豬紅 豆卜 一大舊蕃茄本人對豬紅不太喜歡食落有點sen味豆卜就因為長時間浸在湯中好入味另外叫了杯牛油果沙冰飲落幾fresh但有少少覺得不夠凍

人氣熱店便要试一下，蟹膏番茄湯檬。。有點失望 材料豐富，這店檬粉好似米粉，蟹糕頗多質感像蛋，扎肉頗厚應該自製，番茄味不太突出，感覺像食車仔麵，店內多人座位有點迫牛油果沙冰，很香滑像奶昔但吾夠凍

之前同男友嚟食越南菜, 到步後發覺係家庭式運作小店, 座位唔多~我地點咗個蟹膏蕃茄湯檬, 越式三文治同香茅牛肉撈檬~~~賣相一般, 但一試啖湯發覺鮮甜到不得了!!! 海鮮嘅鹹香味加上蕃茄吊味, 好得!!!!撥開芫茜發覺有一大pat 蟹膏!!!!結果個湯我幾乎飲哂, 食得出係誠意十足, 而且只售$42, 呢個價錢同質素真係贏哂!!! SSP 果然係美食界嘅臥虎藏龍之地... 結果男友碗撈檬我係不屑一顧haha! 其實男友都話幾好食, 我試咗一啖都Ok 嘅, 但我果碗實在太高分!!! 最後開心share 埋個越式三文治個越式三文治焗到個皮脆卜卜! D 配料有酸蘿蔔絲好醒胃!!!! 不過食哂成碗湯檬(仲要連湯都飲埋) 之後實在太飽啦, 連半份三文治都差D 食唔哂

好友推介的街坊越南小店。我唔知點樣係正宗 淨係覺得好好食。香茅豬肉撈檬*檬粉比平時食既粗身少少 好彈牙。豬肉用香茅炒過 唔會太硬 好香口 惹味。配上醃製蘿白 酸酸味 好開胃。青瓜 生菜絲 全部爽脆新鮮。撈檬既汁一早已經落左在碗 好香蒜味 酸和甜度調較得好好 perfect match真是好好食。小店食物種類唔多 但勝在夠誠意 高質素。大讚。

是日去完上環就返左過黎深水埗鴨寮街尋寶搵到寶之後更系去醫醫個肚先❗ 天氣熱辣辣須然SSP好多美食但系，都系決定去食凍食既撈檬就行左過黎荔枝角道黎到望左望無位電話響 講完電話後又禁岩有人埋單走 正❗ 就入左去坐底 叫左碗香茅豬肉撈檬同一個椰皇，幾分鐘就上菜：椰皇=夠凍味道清甜，香茅豬肉撈檬=豬肉腌到夠曬入味又吾會鹹配埋甜酸既配菜絲（腌酸蘿蔔絲/青絲/生菜碎）再加上個撈檬汁系炎炎夏日令味蕾興奮起來， Q1果然保持到快靚正既水準。是次下午100分滿分不過米紙蝦卷賣曬無得食