第一郡 (已搬遷) 新店位置

班蘭綠豆糕 💲12 @ Q1第一郡以兩層質感柔軟煙韌既班蘭糕包裹住綿密既綠豆蓉，食落感覺好細緻，而且味道清香，唔會過甜。米紙蝦卷 💲28（2卷） @ Q1第一郡米紙蝦卷亦相當吸引，薄薄既米紙包裹住豐富既餡料，例如蝦、檬粉等。餡料較淡味，點上佢地既秘製醬汁可以有提味既作用。

與表妹相約到深水埗買手工藝材料，購物前，想來個輕食，表妹介紹這間越南餐廳！餐廳裝修十分簡單，沒想到食物水準十分高越式包，法包烘過，少少熱，外脆內軟，涵料特別，有肉鬆、檬粉、芫茜、札肉等等，很有新鮮感！米紙蝦卷，用葉包好，十分衞生，米卷包得十分結實，涵料十足，有蝦、芫茜、檬粉等！配合醬汁，十分美味！牛油果沙冰，比較似牛油果汁，濃度適中，十分健康！

今晚七點去到, 剛剛好淨返一張枱, 舖頭唔大, 得幾張枱仔, 每張枱大約坐二至三人.一坐底叫野時, 已經話所有湯類的粉, 小食, 牛肉燉蔬菜 (只限星期六及日供應) 都已經賣晒, 只係淨返蟹膏蕃茄湯檬, 撈檬類, 同埋麵包!係冇可選擇之下, 我地叫左雞絲撈檬, 蟹膏蕃茄湯檬, 再加杯牛油果沙冰!雖然係叫沙冰, 但係唔似平時飲既沙冰咁好凍, 好清新, 好香既淡淡牛油果味..唔錯! 可以係平時飲檸檬茶既另一健康選擇!雞絲撈檬, 初時黎到見佢冇俾汁, 原來佢已經預先落左啲汁係碗底, 入面有啲酸蘿蔔, 好味!哩碗係最多人叫既蟹膏蕃茄湯檬, 入面有一個大蕃茄, 兩片札肉, 兩舊豬紅, 兩舊豆卜, 一舊蟹膏炒蛋, 個湯底好香蕃茄味, 帶有少少酸, 好飲, 舊札肉係厚切, 好味, 豬紅我就覺得麻麻, 豆卜索左啲蕃茄湯食, 好正..個蟹膏用蛋炒埋, 好香蛋味同蟹膏味..唔錯!下次有機會要試埋個斑蘭綠豆餅, 同埋蝦米卷

夏日炎食乜好？清涼的越南野也是不錯的選擇。門口餐牌是方便外面排隊中的人睇，因為我們來到時門外排滿人的。豬肉撈檬＄42睇佢咁多蔬菜，其實是禾稈襟珍珠喔！面層好多花生碎，之後有紅白酸蘿蔔非當醒胃，再下層有好多烤過的豬肉，烤過更香口！呢度的撈檬是一早撈好哂所有醋呀香料的，所以食落已經夠哂味的了！豬肉丸扎肉河一睇湯的色水就知犀利，很濃很夠味道加埋金不換更增添香味。豬肉丸勁彈牙，又沒有肉腥味；扎肉更特別，片片扎肉內藏有立立豬耳骨，非常爽口，食落shot shot聲。沙甸魚軟包 ＄22細細個，但內藏厚厚的沙甸魚，加埋腌酸的紅白蘿蔔和青瓜絲，野味得來又青新！炎熱天氣冇乜胃口，食個飽也不錯！牛油果奶昔 ＄25 牛油果健康係人都知，但多數用來製作三文治和沙律的，而奶昔則是第一次試，濃濃的牛油果香，和奶打在一起既線又滑，又冰涼，正正正！馬豆糕每天新鮮製作，滿滿的馬豆好有哨頭，而椰汁糕軟硬適中好吃！杧味糯米卷睇到就流口水了，果肉又厚又大又甜，而糯米皮煙煙韌韌又有椰奶香，只不過皮有點兒厚！

一向對越式食物都有好感見星期日去開深水埗就順便encore呢間食店一目瞭然的餐牌門前有一級...唔算好高...高度大概等如一盒250ml 紙包飲品打平放...假如用手推輪椅/BB車入店內，問題都唔會太大。但係電動輪椅既話就困難少少...入唔到就叫外賣吧，店內打工嘅人好友善又有禮貌舖頭唔算好大....枱與枱嘅擺位尚算坐得舒服...本人係輪椅使用者，果日只有我同朋友一齊食野，我哋入咗店內坐，可選擇嘅位就只有靠近門口...輪椅泊放好之後，店內仍有空間比其他食客/侍應走動，不算太逼...幾乎每枱都有人叫呢碗粉...所以又跟住叫...碗粉一送到上枱...已經覺得好開心顏色又配搭得好靚...香味亦吸引！呷一啖湯...正！食落非常足料...廚師將蟹膏同蛋一齊煎..食落幾香口..差唔多飲哂成碗湯..隔咗好耐都無口渴...叫咗一份越南包..餡料都好豐富...內裡加咗肉鬆...如果有得加辣就會更惹味但其實咁樣已經好好食😋蝦卷又係熱門食物之一...中間嘅醬甜甜哋...將蝦卷打直放...然後用塊葉包住嚟食...食完一啖撕一層...乾淨俐落...最後食埋呢個班蘭綠豆糕就完滿喇...好食架...煙煙韌韌...又唔

喜歡越南美食，到過越南，就更加喜歡Q1了。裝修簡樸，最喜歡的就是最簡單的米紙捲、班蘭糕及越南咖啡。米紙捲漂亮配上沾醬更有風味喜歡越南咖啡濃濃的加點奶香，注意不要把它拌勻，否則太甜，一向不喜甜只喝黑咖啡的我，就把它當甜點。配班蘭糕一起吃，是美妙的甜點。班蘭糕清香軟彈，加上鮮磨綠豆蓉，每次都外賣幾塊呢！在深水埗不大熱鬧的一角，淸爽舒服的小店，有它叫人一再回去的魅力。

早起的鳥兒有蟲吃 為了美食 可以去到幾盡之前睇到網上介紹深水埗區美食指南 留意到此店 心想一定要到訪一次 試試傳聞中的法式麵包 今早10點多到達 店舖裡已滿座 店員加開一張枱給我倆。 店裡大約放七張枱 地方淺窄 不要介意坐得不舒服。反正 美食才是主角嘛! 看到很多人都點了麵食 我反而想試麵包 法式麵包 : 內有札肉、肉鬆、青瓜及酸蘿蔔 , 好醒胃, 已經材料豐富。斑蘭綠豆榚原先我無留意 在等緊野食時四周八卦吓 有位叔叔入黎買咗半打呢個榚 我多口問吓好好食架? 叔叔話好食呀 出面其他舖食唔到。於是 我又要一件試吓 。。斑蘭味不重 淡淡清香 中間一層綠豆蓉 新來之筆 增加了層次感 整體不會過甜。一件唔夠喉 外帶兩件回家慢慢嘆

深水埗要找吃越菜的地方不易，加上這天想吃香茅豬扒，近近地就選了屋企附近的第一郡。那天是星期六晚上，要等約10分鐘才有位。 試了大家都讚的越法麵包，外層是法包，放在一張厚白紙裏，法包硬硬厚厚的，剛烘完，吃落還暖暖的，包着一塊口感像啫喱的肉片、生菜、粉絲、火腿、西洋菜、酸菜、紅蘿蔔及特製的酸汁，咬下去冷熱交集，軟硬揉合，絕對適合大胃王，本人的嘴巴較小，不能一口垂直咬下麵包的一個部份，但若嘴巴較大，便可一次過享受多重口感。 另外，雞絲河粉也不遜色。雞絲鮮嫩肉滑，配以河粉浸在清湯之中，河粉出奇的滑，並且上菜時仍蠻熱的，上湯面裝滿了香葉，縱然本人不太喜歡它那苦澀的味道，但上菜有陣陣香草味，很清新的感覺。 唯一缺點是舖子較少，和那最受歡迎的甜品已賣光，下次來一定要試。

鋪頭簡陋，無餐牌，寫係左右兩側，叫左豬肉撈檬，蟹膏蕃茄湯檬，越式法包，豬肉醃過，入味，好味道，不過如果撈左落啲檬汁到就會淡左，蟹膏好多，有半個蕃茄，蟹味唔突出，湯底清，微酸，我自己本身幾鐘意食酸野，所以覺得湯底ok...一口咬落啲豬紅到覺得好好味，啲湯入晒豬紅到，札肉都厚，樣樣都有兩舊，同朋友一齊食，一人一半岩晒，但我覺得個檬粉好似同我平時食個啲唔同，佢係幼米線，越式包，應該有啲香草醬，淡淡地，料都多，除左有扎肉重有豬腩肉，會再去食。。

見到佢既蝦米紙卷好似幾正返工前就過黎試下小店好乾淨，店員都好友善呢度係叫完之後先出去俾錢第一次黎以為俾完錢先🙈叫左份蝦米紙卷（3條）+牛油果汁 $55等左無耐就已經有野食喇米卷幾大份，個醬更加無得頂，有d花生粒甜甜地蘿白絲好濃味牛油果汁係my favourite! 好creamy唔係太甜，感覺好似落左成個牛油果咁，可惜細杯左d😩下次再黎一定會再叫！

本人好喜歡食越式法包，喜歡她表面香脆，內容紮實。尤其在柬埔寨吃過地道味道之後，對於那個肝醬更是念念不忘（哈哈，但不要考究為何不是在越南吃）。係香港努力尋找，始終找不到那種獨特味兒。找到相近，但無奈餐廳又結業。有一次到深水埗整電腦，機緣巧合下遇到第一郡，餐廳主打越南法包小食，既然黎到，一定要俾機會試試看。聽聞店員姐姐大多從越南來港，就試試口味是否獨特。落完order,大概五分鐘，法包就送上。法包用紙包好，又預切了一半，咀細細的人都唔會食到通枱都係。一眼望落， 餡料豐富，由於好辣，特意叫姐姐另上辣椒。第一口咬下，法包卜卜脆，其實真係好難將全部材料一口吃下。材料有札肉，酸蘿蔔絲，青瓜，肉鬆，芫荽....札肉爽口，酸蘿蔔甜甜酸酸，非常醒胃，各種材料配搭得宜。喜歡食辣的，一定要加少少椒絲，辣得醒神。食完法包，見到雪櫃裏面放滿各款甜品，就點咗坊間少見嘅斑蘭綠豆蓉糕，口感似煙煙韌韌，斑蘭味不太突出，綠豆蓉夾响兩塊斑蘭糕中間，豆味濃，一個人食都幾滯，可以開心share。見到店舖仲有牛油果奶昔，同蕃茄蟹膏湯河，有機會一定會再試。雖然柬埔寨法包地位依然，但第一郡越南法包都可以打入三甲。大家有機會，要去深水

今日同同事又係公司附近搵野食！呢間野位置真係唔太起眼，好彩同事帶路。以小店黎講，食物選擇都幾多，有湯粉，各款軟包，仲有特式甜品！諗黎諗去，揀左蟹膏蕃茄湯濛同斑蘭綠豆糕食。蟹膏蕃茄湯濛有好多蟹膏 蟹味好香！而蕃茄湯底好濃郁，有新鮮蕃茄係入面，應該有其他秘製食材加左入去。濛粉的軟硬度適中，唔會浸到淋哂👍👍上面有d香葉，味道多層次。碗濛粉仲有扎肉，豬紅，蕃茄，少少菜，材料爆滿成個碗！豬紅無腥味，仲食到有少少檸檬味辟左原本我唔中意陣味！而價錢只係$38，好感動呀！其實食完碗湯濛已經好鬼飽。但個甜品真係抗拒不了。個綠豆糕有3層，煙韌+彈牙！ 好食~

呢日平日7點鐘黎到，已經full左，等左兩張枱至有位，到我地入座後陸續有客人係門外等位，好彩早一步黎到咋店子門面並不是好起眼，食物種類不多，估唔到當中有幾樣野食都好好味而且有特色！牛油果沙冰 $25本身已經好中意食牛油果，呢杯沙冰用真正牛油果做，好香好滑，一粒打唔碎既冰粒都無，好好味！斑蘭綠豆糕 $12上下兩層斑蘭糕，夾住中間綠豆蓉斑蘭糕用斑蘭葉打汁做，唔係香精，味道清香，質感非常煙un,與中間綠豆蓉好夾，整體唔太甜，我好喜歡法式麵包 $35店家細心地用牛油紙包住，唔會食到成手係麵包碎烘至外脆內軟既百吉包，中間有醃製過既酸蘿蔔，青瓜，芫茜，雞絲，豬肉，兩款札肉同醬汁，味道清清地又開胃，口感層次豐富！札肉湯濛 $43兩款札肉均爽口惹味，湯底加入九層塔都幾香濃，濛粉較腍身同碎~

跟朋友來到這間不起眼的小店，因是下午茶時間，我們点了豬肉撈檬，蝦纸米卷及漏滴咖啡。豬肉檬可用驚為天人來形容，肉碎炒得十分香，伴汁十分複雜，似有多種香料層叠出來的味道。纸米卷的米纸口感很特別，感覺是新鮮做的，绝不是一般越式菜館的貨色。最後必須提漏滴咖啡，味道極濃郁，十分地道，跟我在胡志明市嘗的味道很相近

是晚同老公搵左好耐, 都唔知食乜好於是係SSP一帶遊走左好耐..係對面馬路見到呢間細細鋪仔, 於是去八下有咩食行到門口望到個MENU, 原來係食越南野店內既裝修都好簡單, 摺枱同櫈仔雖然間店咁既LOOK, 但入面又出奇地多人wor結果就入左去試下個menu並唔係一份份擺枱係要望係牆身既手寫白板menu主要分法包同撈/湯檬2類選擇唔多本身入黎見到隔離食緊一碗好吸引既野係「蟹膏番茄檬粉」點知到叫個陣已經賣哂.. =(於是叫左呢個扎肉湯河扎肉唔係肥淋淋, 都幾好味湯底帶少少酸味, 初頭老公以為變壞左但應該唔係, 係魚露個種酸味粉都幾薄, 不過就碎左d.....另外仲有個豬肉撈檬都係偷偷地見到隔離嗌先跟住叫~XD出街食飯其實好少食豬肉既野..因為多數都一片瘦肉咁唔係幾好食 (除左炸豬扒 / 燒豬頸肉 / 燒味個D)呢個豬肉有D驚喜喎又好重香茅既味道同埋應該有炸過走過油, 感覺幾香口惹味基本上呢間店零裝修可言唔好望坐得舒服, 真係小店一間不過D野食如果以三十幾四十蚊落到樓黎講就算係咁架喇同埋老細應該係地道越南人, 因為聽到佢地溝通係用越南話既~希望佢地黎緊D野食種類會多少少, 同埋唔好咁快賣哂啦