第一郡 (已搬遷) 新店位置

五點幾到，蝦卷同班蘭豆糕已經沽清。咁就試蟹檬，飲番柸牛油果沙冰。牛油果沙冰之前一試鍾情。首先，牛油果係愛嘅~ 其次，呢柸沙冰飲落去滑到似奶惜多過似冰沙。而且唔太甜又能保留牛油果嘅味道。其實，一柸牛油果沙冰加份法包已經很滿足。不過，呢日又想試吓蟹檬。湯檬份量唔細，不過蔬菜也不少。食落fresh啲。除咗蟹肉(相信有蛋混埋整嘅)同檬粉，還有扎肉，菜，半個蕃茄，豬紅同香草。蟹肉和想像中做法有分別，但味道不錯。最意外的是豬紅很入味，扎肉味道(冇雪味)和質地也好(有彈性)。不完美的地方是香草唔夠新鮮，粉唔夠滑。總括，幾十蚊有呢水準也不錯。