立体派拉麵 (威靈頓街)

營業中

休息中

中環過江龍拉麵店【立体派】，木質色調的環境空間寬敞，由日本著名的冠軍級拉麵大師林隆臣創立在各地都有不少分店，在香港創立分店多年，但依然備受追捧，到訪的平日晚市依然坐滿了客人！自從上次去到試過他們的期間限定蟹味拉麵後一直心思思想再試一試【九味醬油湯拉麵】！以九種特級日本醬油熬製的湯底清澈、但香氣濃郁，配上以特製醬油醃製的厚切慢煮叉燒，入口即溶完全不需用力咬！經典的【特級白湯拉麵】keep得到水準，用了日本京都有機飼養的丹波地雞熬製的極濃雞白湯非常濃郁，湯底的鮮味用上了高質素昆布而且無添加，加上掛湯的麵條，再配上有黑椒輕輕再調味薄切叉燒，喜歡他們的味道和穩定的出品！拉麵碗寬闊，拉麵和配料的排列也非常有藝術感～以拉麵再加上餃子作經典配搭超滿足！

好有鷄味既白鷄，第一次幫襯，都算有特別！刚刚好剌激喉咙 但又唔会咸到食唔到其他味 而且食到好香香料味 令人忍唔住一啖又一啖咀饮晒个汤 慢煮叉烧系薄片慨 叉烧唔柴 配个辣汤好正！。

假日特登來中環食呢一碗拉麵。係路面再落去一段樓梯級，先會見到立体派。幸好12點前來到，不用等位，走時已要等位。拉麵湯底濃厚，好大一塊肉，不過稍嫌肥膩。朋友叫了個極上芫茜醬油湯拉麵，勁多芫茜，湯底清清地，反而非常清新。

今晚簡單食返餐，求其食個拉麵，點知中伏！叫左個雞白湯拉麵同一個九味醬油拉麵，白湯偏稀，完全冇雞肉味，點知好戲在後頭…個九味醬油拉麵，完全冇味，勁淡！醬油在哪裏？情況就好似用一包公仔麵味粉，開咗一大煲水咁樣！真係自己煮公仔麵都好食過佢咁多好評真係不可思議，同場加送螞蟻一隻

上網見到咁多好評 就同朋友去試入到去兩個人都叫咗雞白湯拉麵個麵係太麵 偏硬個雞白湯唔算太濃郁 上黎個時唔太熱 最重要個重點係佢有燶味問過侍應 佢話個湯底正常係咁樣嘅味 可能係因為啲叉燒燒過影響 但係我哋食過啲叉燒冇味係得個麵同埋湯底有燶味話如果我哋食唔慣可以換（當時唔想麻煩所以無換）之後佢就叉燒，超級肥 亦都唔知點解超級鹹咁多樣嘢加埋，令到我哋最尾冇食晒就走咗兩碗雞白湯拉麵加一支果汁梳打，埋單差唔多$300應該唔會再去，因為個湯底真係太得人驚

拉麵之旅😝好濃好膠的雞湯呀🤩漿住左個咀好有骨膠原啊😍😜🫢「林隆臣特級白湯拉麵」🤔幾特別用了春菊👍👍吾好睇佢义燒是簿切，食曬三件都幾夠，見有黑胡椒在中間，火燒過黑椒及豕肉D香味及油份出哂來🫢👍D麵同其他店有D吾同，聽店員講話係日本師父特別配方喎🤓，粗麵，幾香還有D趙口，掛埋個膠湯🤤糖心蛋😨發現是新紀元䁱蛋(比我昅到送貨🤪）蛋黃棉有D流心，濃香蛋味🤩整體~~ok啦😝正呀😂😜👍

今日下午茶時間同朋友叫了兩碗白湯拉麵，叉燒慢煮，大碗賣相吸引，而且拉麵食材豐富美味，可追加京蔥，芫荽配料，欣賞湯味也是濃郁美味，本來我們都好期待，可惜湯底是完全不熱，這是減分的主因，不會再幫襯。

咁啱要出中環，又有約一小時空檔，就試試下由＜＜日本冠軍級拉麵大師林隆臣＞＞主理既立体派，真的不錯👍好味道😋前後光顧咗2次，分別試咗沾麵同白雞湯拉麵，2款都好味沾麵好飽差d食唔哂

一向同老細都好鍾意食日本拉麵，所以都會週圍搵好食拉麵店。今日過嚟landmark出席試酒活動，嚟得中環，梗係去搵立體派食返碗美味拉麵啦～不出所料，真係要排隊…🫣😓因為佢冇得訂座，咁就乖乖地排啦…大概20分鐘就有得入座！念念不忘嘅係佢嘅九味醬油拉麵，因為嗰件豬腩肉實在十分吸引🥰🥰👍🏻而且個鰹魚湯底好濃郁，麵身又夠彈牙，上面仲有好多蔥絲，十分惹味（當然食完嘅口氣係另一回事🤭😝）。佢新出咗一個濃郁味噌雞白湯沾麵，老細最鍾意食沾麵，一定要試下～上菜個樣好吸引，沾麵個味噌汁非常濃郁啲雞白肉沾完熱辣辣嘅湯汁，好好味，好似食緊蒜泥白肉咁嘅feel。朋友試咗雞白湯拉麵，都話個湯底好正～份量又十分足夠，再叫多幾個小食，真係飽到上心口！！🥰🥰👍🏻

中午時間約朋友黎到呢間拉麵到Lunch 唔知係唔係下雨天的關係，無需等候就可以直接入坐點了個白湯拉麵，諗住將佢同之前的泓一及座銀比較一下。 拉麵一上枱，超 級 大 碗 ! 食麵之前，先試啖湯，沒有想像中的濃郁，味道偏咸。麵不能簡硬度，而塊肉我會話係成碗麵最好食既野! 脂肪同肉既比例剛好，入口有少少即融感! 不錯!! 雖然門口寫左45分鍾要還枱，但無人等既情況下，侍應都冇特別趕!

Lunch time 去左呢間中環拉麵店試試，佢個位置有d特別，差d 搵唔到🤭🤭林隆臣拉麵（大）$118其實姐係雞湯拉麵，佢個雞湯好濃好好味😋叉燒係薄身既，都唔錯👍特式辣味濃厚白湯拉麵 $88鐘意食辣既我叫左個辣味試下，碗野一黎到比佢嚇親，因為好多辣粉🤣🤣🤣幾驚佢好辣，不過食落其實唔係好辣，大家唔洗驚！個湯好野味，鐘意辣既朋友可以試下，不過我覺得食到尾有d咸。另外仲叫左份餃子$48同埋炸雞$52。兩樣都熱辣辣，餃子皮薄，炸雞好脆有肉汁👍

《立體派拉麵》最好的拉麵店都在中環(⁎⁍̴̛ᴗ⁍̴̛⁎)店舖位置隱蔽喺同街之間一條樓梯第一次食都係誤打誤撞嚟到好似晚市都幾滿嘅 唔想等位可以下午嚟 -日式食店裝修同音樂唔多人嘅話真係有啲置身日本旅行嘅感覺除咗日文歌 都會播吓k pop 但都無違和感嘅呢-上菜速度好快碗麵一上枱 估唔到個碗成隻黑膠碟咁大有驚喜《特級白湯拉麵》$118《醬油清湯拉麵配低温慢煮叉燒》$88主打雞白湯底拉麵三塊大叉燒 配料有筍同流心蛋雞湯濃厚唔油膩拉麵係偏幼 彈牙好掛湯汁

搵左下響中環區有咩熱門嘅拉麵餐廳 搵到了依家 睇落都幾吸引 而且唔洗點排隊 所以就決定去試下下午2點幾到 那些限量供應嘅一早已經賣哂只淨返4款拉麵選擇· 特級白湯 碗子的確是超級大一盆 但份量就是普通量吧 哈哈可能是我餓了 所以覺得不是很多 有3片嫩嫩的肉 湯底是濃郁的雞湯 清清淡淡的湯底這味道反而更像中式料理 像媽媽煲的雞湯味道 哈哈 · 海體醬油湯 個人比較喜歡這個湯底 比較更似在吃日式拉麵🍜超厚的醬汁醃肉 口感和味道真的好好👍🏻太有罪惡感了 稱讚一下👍🏻·拉麵的軟硬度都幾好👍🏻

隱藏喺巷仔嘅拉麵舖，主打白湯拉麵，但醬油拉麵亦都係推薦之一，又係香港比較少見嘅拉麵，所以諗咗好耐揀邊個好。*九味醬油重拉麵 $98由大阪拉麵大師林隆臣用九種特級日本醬油調製，湯底清但完全唔淡，有豆香，醬油味有層次感，配京蔥絲相當夾。麵條係直麵，硬度適中，能夠掛湯又食到麵條嘅質感，個人非常喜歡。配菜係3cm厚切醬油慢煮叉燒，五層肉、半肥瘦，肉質軟腍鬆化，肥肉張口，配醬油拉麵反差好大😂*自家製溏心蛋 $12好失望🥲溏心蛋黃唔溏心，醬油味淡。

從來冇試過係香港食拉麵食到成肚氣。一開始落單嘅時候白色衫店員態度已經好麻麻，問我哋要咩小食，我先生客氣表示睇一睇先決定，店員頭也不回就走咗，個表情好冷漠甚至有些黑面，當時仲以為自己諗多咗。之後麵仲未上嘅時候單獨上咗叉燒，同隔離檯比較形狀完全唔同，size都細好多。我同先生商量後決定問下店員，因為實在無法接受兩張檯明明叫咗同一碗麵，人哋塊叉燒食咗幾塊，仲多過我哋啱啱上嗰碟，仲要大半都係得肥膏？我哋禮貌詢問，係咪因爲跟餐，所以size唔同。店員回答表示，是師傅隨意夾，每塊size有不同。我哋表示我哋不太喜歡太肥，詢問可否換一換，店員再次表示係師傅夾，無嘢可以做。我哋好聲好氣話，既然係師傅夾，可唔可以叫師傅出嚟同我哋溝通下。白色衫店員再次過嚟，黑面，重複另一位店員的說話，係師傅夾，叉燒有大細好正常。我先生見她態度差，簡單回應：「咁你幫我換過碟。」店員繼續黑面，拎走碟叉燒就走。第二碟上嚟，明顯比較第一碟大，並且肥，肉層次分明，我哋就無再出聲。俾錢買難受，樓下茶記態度都好過佢！麵味道可以，但下次不了。