究極堂 (蜆殼街)

營業中

休息中

網上食評評價不錯,午餐晚餐時間最好訂位,否則可能要等位。今次試了究極丼及壽司烏冬定食......究極丼絕對是必食之選,性價比十分十分之高,整碗鋪滿新鮮刺身, yummy!! 刺身烏冬亦不錯,不過始終不及究極丼驚艷。店面不算太大,座位略嫌有點擠迫,但都算坐得舒服。店員服務亦很到位👍👍

在公司附近的餐廳亦係我的小天堂 由於工作關係 對食物嘅選擇唔多而哩到嘅午市套餐-半熟秘醬三文魚飯就係我最常食嘅午餐原價$78 外賣自取有9折半熟三文魚 口感一流～～套餐連麵豉湯及小沙律 因為我唔鍾意麵豉湯 所以食多咗幾次之後佢哋送多個沙律俾我☺️絕對需要提及 哩個三文魚飯附送嘅 雜錦風味芝麻 絕對冇誇張係我人生食過最好食嘅芝麻😍第一次食到芝麻都會有紫菜味㗎🤤連我有一次轉左食 溫泉蛋牛肉飯 我都要叫佢哋俾多個芝麻我😂溫泉蛋牛肉飯 68蚊 都係自取9折非常適合補充體力同蛋白質 重點係 真係好飽肚😆雖然呢個價位對於返工嘅午餐來講有些少超標 但係辛勞工作或者到咗月尾梗係要獎勵吓自己啦😆一個月大概都會食四次平均每星期一次非常喜歡值得推介記得注意嘅係佢哋3:00就會最後落單3:30之後會落場休息直到晚市再開 如果有興趣嘅話記得睇返時間啦

行過見到呢間舖頭裝修靚，價錢唔算好貴於是入去食，第一次食係叫外賣（當時係晚市冇得堂食期間）叫咗個究極丼，覺得佢啲魚生好新鮮，啲料又多，魚生飯用嘅醋同平時唔同，真心覺得幾好食，又有心思嘅小店，另外，仲有叫咗份海葡萄，份量少又黃又冇海水味一啲都唔新鮮（咁我又唔應該用沖繩食過嘅質素同香港比嘅…）諗住之後有得晚市再返去堂食，完全唔係嗰回事，當晚都係叫究極丼，啲魚生完全唔係嗰回事，啲魚生好凍，冇咗之前啲魚味（唔通外賣常溫令到啲魚生軟D？）同埋啲料好似少咗。仲有叫咗一碟螢光魷魚得嗰幾條，呢個似乎唔係好抵食。同埋唔知係咪佢裝修用料嘅關係，周圍好應聲，堂食有啲嘈。

星期六晚食OT飯想黎點知full booking唯有叫外賣等左25分鐘再拎番公司食其中叫左個雙色魚生冷豆腐$48外賣仲要加多$1 for個盒番到office 一大開 只能比一個尷尬而不失禮既笑容記住呢2粒大個粒擦膠少少既豆腐要$48.

宄極堂的刺身新鮮、有新鮮甜美的帶子、明太子芝士玉子燒一流、加上環境吾錯、可以推介比大家、（ 究極丼 ） 、用料新鮮、帶子鮮甜、隻蝦夠大隻、D醋飯不錯、如果喜歡飲清酒🍶的、呢度好多選擇、裝修仲好有日本🇯🇵Feel ....雖然呢間日本🇯🇵餐廳、每日都好忙甘、但係每當心情不好時、來到宄極堂、食返一餐豐富又好味😋的食物、心情立刻好舒適、好享受、這種高品質的日本🇯🇵料理、服務不錯、侍應、整壽司🍣師傅、及經理有禮貌、排隊時間雖然會少許耐，但是食物質素冇🉐️輸、我個人最愛食清洒煮蜆湯、海膽壽司🍣、大吞拿魚刺身、帆立貝刺身、焦糖玉子燒、仲有新鮮飛機✈️貨的日本🇯🇵生🦪⋯⋯值得推薦比所有人。👍🏻👍🏻👍🏻👍🏻👍🏻😋😋😋😋😋😋

究極堂係上年二零二零年十月既時候係天后開張！一見到有新餐廳既我，當然要去試試啦😌 門面既裝修用左木嚟做主調，好有日本風！店舖面積雖然唔係好大，但就好光猛企理！午市套餐都有好多選擇，如海鮮丼同定食等等！.📌究極炎之丼 $98定食跟沙律🥗同麵鼓湯沙律落左黑醋汁，好開胃！麵鼓湯就正常發揮！.究極炎之丼： 魚生新鮮，有三文魚、油甘魚、赤蝦、帶子、左口魚！表面加左少量醬汁，再輕輕火炙，帶出咸香味，油脂感豐富！.總括嚟講，環境舒服，坐得舒服，侍應服務態度都好！食物質素唔錯！餐廳有加一服務費，中價！性價比高，可以回頭！.Follow my Instagram :🙋🏻‍♀️🥢: sikdord🙋🏻‍♀️🍷: yumdord.

身為壽司愛好者，平時出去食飯， 十日有八日都係揀食日式料理店，之前一路都覺得係香港食嘅冇喺日本食嘅咁新鮮好味，但係自從食過呢間之後，我要推翻自己講過嘅嘢！因為哩一間舖頭嘅壽司🍣真係有喺日本食嘅味道！上星期食完一次之後，今個星期忍唔住再搵朋友嚟食第二次，真係值得推介😍呢間舖頭面積唔係話好大，第一次嚟嘅時候坐係中間既位置，第二次就坐窗邊位，可以望下出面嘅街景。佢哩度既午市套餐選擇好多，而且都好抵食，而我就兩次黎都叫咗同一個餐，因為呢個餐實在係太好食！佢個沙律係落黑醋汁既，酸酸甜甜好開胃，第二次黎食嘅時候，我覺得個黑醋汁唔夠多，問完侍應之後，佢即刻另外俾咗一碟仔我，所以如果同我一樣鍾意食汁多個食菜嘅😂都可以額外問佢拎。而佢啲壽司就真係非常出色！三文魚壽司夠晒肥美帶子壽司夠新鮮右口魚同埋拖羅到入口即溶其餘每一舊食完都好滿意呢間係我暫時喺香港食過嘅壽司店裏面最好食嘅一間！評分：🌟🌟🌟🌟🌟/五粒星最高至於碗烏冬，本身都夠煙韌，不過略嫌味道淡左少少。但係整體來講，兩次黎食，兩次都好滿意！而且侍應服務態度好好，成日都會過嚟加茶，順帶一提，佢個廁所都幾靚同埋幾乾淨，真係好有日本風格，有興趣可以去睇吓😂

經過蜆殼街，估唔到條街原來有好多嘢食😋見到小店門面幾吸引😎和風🎐餐牌都有我想食嘅嘢！價錢合理，又唔貴，好決定入去試試。2:45去到3:00 last order😂所以要快揀。叫咗究極炎之丼$98🍲特濃番茄咖喱湯烏冬$68🍜味道喜出望外😍好味究極炎之丼裡D刺身🔥炎燒過好香，而且好新鮮，🍚已經加了少少醬油，唔使加豉油已經好夠味。刺身有6款唔同口味，蝦、帶子、劍魚、左口魚裙邊、半熟秘醬三文魚腩粒、蛋白蟹膏（香滑，冇醒味好特別）特濃蕃茄咖喱烏冬，咖喱味好濃，不過🍅味就差D唔夠😆整體好評👍🏻👍🏻👍🏻

心情差, 所以決定以後唔再慳錢 日日食好野, 今日黎左究極堂試左佢個$98究極炎之井, 比我想像中出色, 無論係佢既蝦, 左口魚, 帶子, 三文魚, 蟹膏豆腐味道都好好 加上佢加左少量醬汁再輕輕燒一燒個表面 味道更加出, 老實講$98黎講 性價比算高, 推介

新開張不久的日式料理，已經係第二次光顧啦，港島區放工過來好方便，近炮台山A出口。我地訂左7點，已經全員滿座，不過好彩一早book左VIP房。成間鋪嘅裝修簡約典雅，一入到去就可以感受到日本風情，Vip房更是坐得舒適，是獨立一個private area。刺身全部新鮮，最鐘意食嘅拖羅都無令我失望，入口即溶，非常甘香。芝士條炸得香口，咬落去仲有埋拉絲效果tim😍😍黑鬆露同蟹肉搭配好好食，蟹肉鮮甜，牛油果又creamy，每次都會點呢個！海膽壽司——出乎意料的鮮美！(下次嗌全海膽刺身先) 可以安慰到疫情無得去日本嘅心情。。最後滑蛋蛋包飯超大份，抵食，炸雞真係幾吸引😛同埋侍應有禮貌，都會時不時幫手添茶。滿足的晚餐，價格亦都合理。下次會再幫襯 試多d吾同嘅野食，吾知幾時會有酒精類飲品提供嘞？今次去到無🤪

由於沒有訂位，店內都差不多滿座。等了十分鐘左右可入座櫥窗位置..只要不介意給途人見到你的食相...哈哈...由於椅子太大...位置又逼...根本拉不到椅子出來...差不多要跳進去才可...店內裝潢華麗...很有居酒屋的氣氛。但空間感太少....明白有人說趕客...服務一般。食物方面...不是我想像中的專門一類日本魚生壽司吃...亦有很多熱食....小吃的或炒飯或烏冬...適合不吃魚生的朋友...但分量較少...如果一班朋友來....應該不夠...要點多幾款才夠分吧所以我跟友人一人一份魚生丼算...魚生分量算多..亦很新鮮...不錯...以這個價錢加上位置...合理吧......人太多了....等新鮮感過了才再光顧吧⋯

見舖頭企企理理，咁就搵個星期日嚟試下啦 。三個人嗌咗 ，究極當: 份量偏少，刺身正常味，湯同沙律正常，冇驚喜。另外一位屋企人嗌咗半熟蛋牛肉飯，牛肉分量都多 ，味道ok，雖然偏向有啲 un 同鞋口。最後一位屋企人嗌咗牛肉烏冬加鰻魚飯。牛肉烏冬完全冇味，淡過乜，鰻魚飯味道正常。落單之後15至20分鐘先嚟齊曬全部食物，我哋屋企人食嘢算快20分鐘食完最後一啖飯，飲緊茶時候，肥經理突然間隊張單過嚟話幫我地截數，我地呆晒，即是逼我哋埋單 !!!! 其實當時check番時間我哋只係由入座起坐咗40分鐘，三個人平均每人食咗150蚊。其實茶餐廳都唔會45分鐘就趕人走啦，何況係佢呢啲舖頭呢個價位。 雖然我知道出面有人排隊，但係我連飲一啖茶嘅時間都未有就已經迫我走，感覺非常差。我想話，間舖如果真係經營咁困難，就唔好請咁多夥記啦。目下見到都有三四個人係廚房，三個人係樓面，一間二十幾座位嘅餐廳真係絕對唔需要請三個樓面。其實佢哋最緊要係唔係開源，係節流。其實你個客坐咗45分鐘被趕走，食得唔舒服，都唔會再翻兜啦。呢間一定一定冇下次。

地址位於北角蜆殼街，新開嘅一間日本餐廳。地方雖然唔算大，但店內設有vip房，可以有個私人空間同三五知己享受美食。店內以日式簡約風裝修，十分舒適。🔝唔多覺有蒜香味，但煙熏味好重，好香。🔝鱈魚乾好香口，配酒一流。🔝魷魚上有啲溶咗嘅芝士，食落好襯，同埋都幾惹味。🔝即叫即炸熱辣辣，芝士有拉絲效果。🔝最上有魚籽，海膽，中間有三文魚，吞拿魚蓉同蟹肉，最底係啫喱同甜柑。賣相特別，打卡一流。🔝三文魚壽司 / 油甘魚壽司 / 魷魚壽司

午飯時間經過見到呢間新日本餐廳。同友人一入去店員就提醒要12:45前交枱，睇睇錶 入店時間已經過了12:15。難以置信竟然只係預半小時俾客人食午飯，我落埋單你上到菜得15-20分鐘(?) 見店內有超過一半都係空枱..但都算了，可能新餐廳多人book左枱，改天再來吧。過幾天，再來光顧看看。12:10 店內依然有大量空位。今次另一位店員過來serve。竟然都是提醒半小時要交枱.....就是說為了確保翻枱俾12:45時有可能出現既食客，餐廳完全放棄區內12:00後放lunch行過嚟既客人....看來這輩子無緣光顧這餐廳。不會再來。

重陽節幾天長假期，少不了和家人四出找好東西吃，只想不到同日午餐、晚餐，家人都不約而同建議到同一間日式餐廳《究極堂》吃。我想，why not ，橫豎餐廳是新開張的，還沒有試完它的各種菜式。午餐和丈夫兩口子去撐枱腳，丈夫點了慢煮豬軟骨蛋包飯，我想吃得清淡一點，叫了一個季節海鮮沙律，連麵豉湯及甜品，只是$88。海鮮沙律用料絕不馬虎，有四片黑松露帆立貝、一片似花枝卷的三文魚、蟹肉及三文魚籽。醋及醬油的醬汁調配適中，不會太酸。甜品是焦糖玉子，充分表現餐廳的fusion特色。就是那最不起眼的麵豉湯，也沒有死鹹及麵豉的渣滓，清清的滑豆腐及海帶，深得我心。丈夫的慢煮豬軟骨蛋包飯，蛋皮是半生熟滑蛋，竟也可以完整地覆蓋飯團，頗考師傅功力。腍滑的豬軟骨及粟米湯醬料賣相，令我好奇是怎樣的一個味道，忍不住偷吃了兩口，真要給他一個讚，這個$78連麵豉湯的套餐，大力推薦為必吃之選。晚餐和家人四人同行，重點試試各種壽司。點了炙燒右口魚壽司（不是左口魚），灑上三色芝麻，入口溶化，還有點點芝麻的餘香，家人追加了兩次。醬燒三文魚炸蝦卷、七味姜燒帆立貝壽司、牛油果軟殼蟹卷等，都有水準。不能不提明太子芝士玉子燒，我對明太子一向