究極堂 (蜆殼街)

營業中

休息中

蟹皇丼我最近去咗究極堂試咗佢哋嘅蟹皇丼，真係好正呀！佢哋嘅蟹肉係真材實料，好新鮮嫩滑，加埋啲蟹膏更加令味道更濃郁。每粒飯都吸晒啲湯汁，入口即溶，真係令人欲罷不能。仲有啲爽口嘅黃瓜同芝麻，好啱配蟹肉同飯。不過要留意嘅係，呢碗丼飯真係好飽肚！裡面嘅份量唔少，而且味道濃郁，一餐食咗就夠飽啦！如果你唔係好食嘢嘅人，可以同人分享啊。總括黎講，究極堂嘅蟹皇丼真係值得一試，不過要小心唔好食太多啦！

太耐冇食日式野，月初糧頭，豪一下座位唔太多，預先訂位比較好Lunch set有多款選擇選呢款有5種魚生，賣相好吸引，配有沙律＆麵豉湯，魚生雖然是新鮮的，但似乎解凍過度，質地食落太腍喇，少左啲爽口彈性樓面員工數量少，壽司bar師傅都幫忙留意食客須要，互相照應，真係

北角都有好野食！🤩有驚喜！lunch set唔貴！性價比高！👍🏻山藥呑拿魚蓉飯好出色🤩🤩仲有明太子芝士拉絲蛋捲！聽店員講，係佢哋嘅名物！人人去到都會點一份😬我自己因為食芝士會肚痛要求左少芝士但都仲係好好食！蛋捲熱辣辣！好多層！入面仲有啲生蛋漿令口感濕潤，唔會又乾又硬！咁芝士更加唔使講🫶🏻🫶🏻🫶🏻Btw, 佢女廁隱蔽處貼左誠徵老闆娘啟示😂😂😂有意內洽🙈🙈🙈

店子雖然小小，但食物質量卻其高，尤其丼飯極為美味。推介究極丼，魚生新鮮不在話下，再加上畫龍點晴的調味蛋黃😋，令我回頭無數次。唯一缺點是店裹位置不多，遇到熱門時間，往往要在門外等候😅

炮台山蜆殼街,新開左間日本料理,午市套餐非常抵食！（主食+麵豉湯+沙律🥗）沙律雖然簡單，但食材非常新鮮👍🏻麵豉湯不得不讚，非一般麵豉湯，選用白麵豉，配上葱花，裏邊嘅豆腐嫩滑，味道鹹淡適中。👍🏻👍🏻👍🏻山芋泥拖羅丼$138👍🏻👍🏻👍🏻暖笠笠白飯，蓋上凍冰冰拖羅和山芋泥，口味非常清新，再配上切粒粒嘅蕃茄，最後灑上蔥花。冷暖之間完美演繹！食之前灑上幾滴豉油，滋味在心頭！特濃蕃茄咖喱湯烏冬（豬軟骨）$73👍🏻👍🏻👍🏻香濃蕃茄味帶上日式咖喱，非常惹味！豬軟骨炆得軟硬適中👍🏻朋友食到舔舔嘴，回味無窮。北海道薯餅$10/ 塊，裏邊係薯蓉有點肉碎，唔算油膩，味道不過不失。

🇭🇰究極堂·呢間我喺之前見到有friend post佢個壽司拼盤好似幾吸引咁 所以就想黎食壽司 點知我地嚟到先發現原來佢個壽司拼盤係午市先有既🤣🤣所以我哋最後嗌左其他嘅嘢食😎·究極丼$218 l 活赤貝(1隻)$68帆立貝壽司$18 l 魚子醬赤蝦$18 l 槍烏賊壽司$18 l 蟹味噌蟹棒壽司$14 l 油甘魚壽司$20佢呢一個究極丼相當有驚喜 佢嘅魚生好新鮮 而且我好欣賞佢係有配一個蛋黃既 加埋蛋黃 入面既三文魚籽 吞拿魚蓉 撈飯好正😍😍🤤反而唔知點解我覺得我哋散嗌嘅壽司水準就一般 比較有驚喜係佢個活赤貝 佢望落好似比較少咁 但係佢係將個貝整咗做個手卷 出奇地好有口感 勁脆身😈·温泉蛋蟹肉沙律$78 l 炸雞軟骨配海膽醬$58之後佢個溫泉蛋沙律都唔錯 個沙律撈埋啲蛋汁幾好食🥗之後佢個雞軟骨都好好味 佢呢個係自己炸個啲黎既 所以個脆皮好薄 中間既雞軟骨都好大粒 超級送酒 我自己好鍾意🐤🍻·#rbyeat#rby日本菜#rby炮台山·📍北角蜆殼街9-23號秀明中心地下D號舖

呢一間我覺得係天后嘅其中一間隠世美食！！因為都係朋友推介我先知有呢間餐廳，同樣地，中午有set lunch就比較抵啲！朋友超級推介要食佢個蟹黃丼🔶蟹黃丼價錢大約$100 ，但係真係超少日本餐廳有呢一個蟹黃丼，佢啲蟹膏係好大碗！係多到食到濟左 🤣 如果你未去過，推介你試吓呢個啦！🪑環境坐得好舒服！唔會覺得迫！同朋友傾偈都聽得好清楚☺️🧑🏼‍🍳服務整體服務都唔錯！經常都會有人幫你加水 👍推介 (五星為最高)⭐️⭐️⭐️⭐️⭐️

焦糖玉子燒好有驚喜！！估唔到玉子燒上面個一層焦糖竟然同creme brulee個一層焦糖一模一樣，燒到好脆！另外，餐廳好多野食都有芝士，啱晒我呢個芝士控😍😍😍明太子芝士玉子燒賣相精緻，入面仲有少少蛋漿，好滑😋明太子芝士呢個組合係無敵，所以明太子芝士焗炸豆腐都好食😋帶子他他好特別，未係第二間餐廳見過！其實係炸帶子上面塗上他他醬海葡萄海藻青瓜沙律好特別，係其他餐廳未見過，海葡萄海藻咬落去一粒粒好似魚子咁，好食！仲有七味薑燒帆立貝同黑松露燒帆立貝壽司都有水準👍牛油帆立貝（粟米汁）還好，正常發揮，但就冇上述其他食物咁正除夕夜2個人食左8樣野只係5百幾蚊，仲要環境靚，非常滿意

餐廳位於炮台山蜆殼街，位於內街，環境好好 坐得好舒服，服務態度亦都非常好 店員都非常友善，價錢亦都非常合理，日本野黎講算係性價比ok!特別想推薦佢既炙燒三文魚炸蝦卷，個汁真係十分好食！

呢間日本餐廳既丼飯真係幾正，叫咗一個究極炎之燒， 因為我唔食熟嘅魚怕腥， 但係呢個火炙嘅丼丼飯一啲都唔腥，嗰塊魚仲好鮮味好好味添，真係有啲喜出望外， 火炙嘅味道有淡淡嘅燒焦味， 再帶出海鮮嘅鮮味，襯托出嚟鮮味特別突出。另外再叫咗個蟹王丼，係出面少有嘅日式蟹王丼飯，真係好美味，整個口感都好豐富，仲有一粒粒嘅蟹子，香甜濃鮮又超濃厚，美味又鮮味仲好彈牙，雖然我哋兩個好細食，但係因為太美味，所以都食曬兩個丼飯，真係好一流嘅丼飯～

今日去炮台山整簽證lunch就搵到呢間餐廳試吓啦☺️1️⃣究極丼$198好足料呀～😜有齊海膽，拖羅蓉，帶子，珍寶蝦，三文魚籽最緊要有我最鐘意嘅燒左口魚🐟2️⃣自家製炸雞蛋包飯$68炸雞🍗好脆，香口份量好多環境：不大，午飯時間要等位人均價格：$100

平時中午經過見到總有人等位，門口寫明只可以食一個鐘，好似不太友善，今日假期無人等位，趁機試下。午市套餐都幾多選擇，我揀左豬軟骨咖哩蛋包飯，套餐包少少沙律和味增湯。環顧餐廳，雖然不大，都幾企理，職員都有禮大聲歡迎，樓底高座位舒適，餐牌印的美倫美煥。豬軟骨咖啡蛋包飯送到，賣相非常漂亮，有點驚喜。🤩令人食指☞大動，食落果然不差，豬軟骨煮得軟糯而不柴，軟滑的炒蛋鋪在飯面，蛋香飯香咖啡香，味增湯裡有羅蔔和海帶，可口美味，＄78一餐，抵啊👍

北角蜆殼街附近其實都隱藏咗好多美食，今次我哋就試咗究極堂！明太子芝士玉子燒($78)：highlight of the night! 好好食，玉子燒唔乾身又唔太濕，火喉控制到，芝士和明太子完美平衡到，唔怕明太子嘅辣搶哂焦點，正👍🏻海葡萄海藻青瓜沙律($58)：海葡萄本身帶有淡淡的鹹鮮，咬開時個口會聽到卜卜聲，好似食緊蟹子咁😂海藻又爽口，襯埋個柚子醋食，好開胃醒神😌(ed小分享 ：海葡萄係食用海藻嚟，以前就產自沖繩不過宜家就台灣都有喇💁🏻‍♀️佢含有豐富的維他命以及礦物質，當中的鈣質含量更是牛奶的5倍😳而且據網上資訊話具有抗氧化功用㗎🤫)芥辣八爪魚($38)：正正常常喇，無乜特別蟹膏豆腐鱈魚乾($58)：餅底係用鱈魚乾焗成，脆卜卜，而蟹膏豆腐令到成個pâté都好creamy，好滑溜🤤，一啖一件剛剛好🤣溫泉蛋伴和風牛肉飯($78)：牛肉飯連埋個溫泉蛋上，用匙羹壓爆蛋黃好滿足😂，牛肉唔韌又算入味壽司12件(共$171)：相對出色嘅係火炙系列，特別係炙燒右口魚邊醬油漬壽($22/件)，右口魚幾肥美🥹 其他壽司就正正常常，唔係直升機，伏伏伏呀…總結，呢間餐廳lunch相對夜晚抵食，唔係話夜晚唔好，

上次經過炮台山～ 見到新開既壽司店，決定搵次去試下！我地2個人都叫左一模一樣既壽司套餐+烏冬～ 一個餐$160左右～ 係新鮮美味壽司套餐😍見到其他套餐都幾抵食，但望住壽司套餐忍唔住要試下！D壽司真係好新鮮好好味！其實以$160蚊價錢黎講個人認為幾抵食，性價比高！帶子真係超新鮮！有芝麻喺上面嗰個壽司超好味，不過唔記得係咩了～ 拖羅都好鮮甜！蝦都好新鮮！食完壽司就食埋啲烏冬，女生份量岩岩好，男生可以唔算好夠飽～ ～

整體而言, 對於今次午餐尚可以, 食物賣相不錯, 只係温度不夠熱, 亦有可能我點的餐根本是凍食的, 但個麵豉湯好夠熱, 沙津都正常不錯, 只係汁不夠！至於座位就較迫一點, 同埋坐椅坐得不舒服, 加上我坐係bar 枱, 經常有人行過, 不太自然! 今次是在openrice預先訂座13:00, 12:45到店門口就可以進入, 不過就要坐bar枱, 店員話沒有其他座位了!