87
7
3
開飯介紹
裝修以木為設計主軸，更以武士主題牆畫作裝飾；其日式西餐及特色日本料理選擇豐富，來這裡聚餐、約會也很合適。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
食家推介
去開北角，遇到呢間都幾抵食嘅居酒屋，我哋先叫咗一客「明太子芝士玉子燒」（$78），玉子燒都好大條，一定要趁熱食，入面嘅拉絲芝士多到好震撼！再加埋明太子嘅香味同蛋味，非常夾同好食。另一客叫咗「海膽右口魚邊蝦卷」（$78），呢款卷物個底基本上係炸蝦卷嚟，蝦卷夠脆就不在話下，都幾欣賞餐廳加咗右口魚喺面，更突顯到鮮香，有少少油脂感，再加上細細塊嘅海膽喺面，再吊多啲鮮味出嚟。跟住係「豆腐魚餅」（$68），呢款係送酒小食啦！都幾有驚喜，脆皮豆腐嘅配搭都幾特別，食落亦唔覺heavy，入面撈咗魚粒，加埋蛋黃醬，都幾惹味。 主食叫咗「究極丼」（$218），呢款絕對係呢度嘅招牌喇，望到咁多魚生，好難相信佢賣咁平。魚生非常新鮮，就算係好常見嘅三文魚都好，都非常鮮香， 佢有齊油甘魚、帶子、左口魚、海膽、三文魚籽等等好多種類，而我最鍾意嘅係大大隻嘅牡丹蝦，超級厚肉，又超級新鮮，真係一食難忘。另外仲叫咗一客「燒油甘魚鮫」（$98），呢款調味會比較重，應該係落咗啲鹽同胡椒去燒，但啲皮加上鮮嫩嘅魚肉都幾正，而我都幾鍾意佢唔會燒得太透，可以食到油甘魚本身嘅油脂香。飲品方面，我哋叫咗一杯「青檸梳打」（$38），十分抵飲，酸度適中，餸與餸之間可以清清喉嚨。 另一杯叫咗「姬京柚子檸檬酒」（$58），柚子味好突出，酒精濃度唔會太高，十分易入口。
繼續閱讀
要尋找數一數二，好食又性價比高嘅日式料理，同時又要符合平靚正嘅條件，<究極堂>絕對可以滿足以上嘅條件，亦係一間好啱我口味嘅日式餐廳之一。<究極炎之丼 $138>刺身蝦非常大隻，三文魚腩、帶子、左口魚裙邊，材料都非常新鮮。<角切魚生丼 $118>角切魚生飯，材料同樣豐富，加埋餐廳自家製嘅醃製蛋黃，帶點鹹香風味，非常特別。<菠蘿橙燒酎沙冰>味道有菠蘿同橙的香甜，感覺清新，容易入口。<抹茶朱古力牛奶>朱古力味道特別香濃，而且奶亦夠香滑。<芝士鰻魚玉子燒 $78>蛋味香濃突出，入面仲夾住芝士嘅拉絲同埋厚厚嘅鰻魚肉，非常惹味好食。<醬燒三文魚炸蝦卷>入口啖啖三文魚肉同埋炸蝦肉，口感多層次。<四重芝士炸蝦卷>芝士味道非常香濃，同炸蝦極為相配。<薯蓉廣島蠔 $108>廣島蠔隻隻都又肥又飽滿，脹卜卜，配埋芝士焗薯蓉，更為好食。整體來講，餐廳無論服務質素，食物品質，都非常之好，而且價錢大眾化，還有VIP房間可以預訂，如果同朋友食飯或者聚餐，都係一個非常之好嘅選擇。
繼續閱讀
一間日式居酒屋設計主要強調骨骨子子、四四正正、企企理理、簡簡單單、CC服服、見得下人，整整齊齊，呢D標準野黎咖姐，要再追求多一層層次，咁就要睇下野食質素，話哂野食係愛黎食，唔係愛黎睇，當然要有返咁上下要求，咁至食得稱心又放心呀麻！👇🏻📌究 極 推 介 - ▪️ 海 膽 右 口 魚 邊 蝦 卷 - $78▪️ 究 極 海 膽 杯 - $98▫️ 一定要試試佢地呢個「海膽右口魚邊蝦卷」，左口魚邊經火炙燒過，質感滑溜，加上迫出黎既魚油相當油潤甘香，裡面卷住炸蝦卷，再係面頭點綴粒海膽，層次豐富；「究極海膽杯」由底開始數起分別係柑橘啫喱、柚子肉、蟹肉、三文魚漬、吞拿魚蓉、三文魚籽、海膽、魚子醬、金箔，唔同鮮味配搭埋一齊，加上賣相精緻，絕對係打卡恩物。▪️ 蟹 皇 丼 - $138▪️ 滑 蛋 吉 列 日 本 黑 豚 包 飯 - $98▫️ 第一個丼飯必食「蟹皇丼」，面頭鉓滿蟹籽同埋蟹肉，配上火炙過既芝士，送飯一流，加埋蔥花，旁邊有D鱈魚乾，口感更加豐富；「滑蛋吉列日本黑豚包飯」黑豚肉質地非常厚身，食落外層鬆脆，肉質爽彈好咬口，而蛋亦炒得夠嫩滑，加埋d洋蔥，食唔停口呀！▪️ 炸 雞 軟 骨 配 海 膽 醬 - $58▪️ 豆 腐 魚 餅 - $68▫️ 小食方面呢個「炸雞軟骨配海膽醬」炸得好鬆脆，雞軟骨食落夠哂咬口，配埋海膽醬，份外惹味；而「豆腐魚餅」魚餅包住個豆腐，兩種口感分明，無論配搭Highball定係柚子梳打一樣出色。
繼續閱讀
時光飛快，睇番社交平台動態回顧，原來已經離開咗炮台山一年嚕，晚上要嚟呢度附近食晚餐，行過嘅路都充滿回憶！當晚去了位於蜆殼街的究極堂，餐廳都算大間，座位之間有空間唔會太迫🤭！菜單料理選擇很多，竟然連pizza都有😯今次嚟到究極堂只揀咗4款美食及2杯飲品，下次先再試其他❤️❤️1️⃣究極丼：最深刻係天婦羅炸魚皮、兩大赤蝦味道香濃鮮甜，拌飯的蛋黃都非常濃郁❣️2️⃣究極海鮮杯：外型好精緻味道好清新，海鮮杯餡料次序由普通脆魚絲餅、三文魚籽、黑魚籽、海膽、拖羅蓉、三文魚腩粒、蟹肉、最底係柑肉果凍，估唔到海鮮同柑肉原來咁夾😍，3️⃣海膽右口魚邊蝦卷：左口魚就成日食，右口魚都係第一次，好新奇嘅感覺😂食落到左口分別唔大，海膽鮮甜、香脆嘅蝦🍤4️⃣溫泉蛋蟹肉沙律：弄破溫泉蛋再配酸酸甜甜沙律醬，開口又健康5️⃣燒酌沙冰配時令水果：小妹揀錯水果口味🥹好後悔呀，應該揀橙味先岩，但揀左藍莓味😨係藥水味！呢杯係有酒精飲品，而且燒酌味都幾濃🫣6️⃣巨峰提子蘇打：係淡紫色嘅飲品，超靚亦唔太甜，Nice👍🏻👍🏻👍🏻究極堂在銅鑼灣都開了新分店丫，兩間分店都備有VIP房，如果同大班朋友聚會，又驚搵唔到餐廳食飯，可以考慮嚟究極堂gathering、吹水食好嘢🧡🧡
繼續閱讀
呢間係北角嘅究極堂環境超靚，好似日式居酒屋🏮有一個吧枱後面有好多唔同嘅清酒，氣氛好好，張枱都幾大，就算坐低都唔會覺得好逼夾傾偈起上嚟都好舒服，價錢上我覺得性價比10分高，居酒屋來講平到有啲出乎意料！究極炎之丼 $138我覺得燒過嘅魚生嗰種焦香會令海鮮油味更加香，所以就叫咗隻燒嘅海鮮丼，入邊有好多唔同款嘅海鮮，有魚、帆立貝、蝦、明太子同埋吞拿魚等等，全部都好新鮮！蝦口感爽彈，魚油味超級香口，除咗海鮮種類好豐富之外，佢嘅飯都係調味過嘅飯，所以同壽司係有分別，更加香口同滑身！明太子芝士玉子燒 $78明太子芝士玉子燒嘅份量，仲大過手板，係比較嫩滑嘅玉子燒口感，明太子同芝士鋪滿滿一層，所以口感層次非常豐富，明太子醬之外仲有蟹籽喺上面☝🏻好香好濃郁既味道海膽左口魚邊蝦卷 $78左口魚鋪上面，魚香味油香滿滿，蝦卷喺中間卜卜脆，海膽係濃郁口味，大方地鋪上面好creamy , 三種味道夾埋好香，十分推薦！炸芝士條 $58嚟到居酒屋當然要食啲香口嘅嘢，芝士條入邊係會拉絲㗎！外脆內軟鹹鹹香香好啱送酒！炸雞軟骨配海膽醬 $58炸雞軟骨每一粒都係薄皮好薄，唔會成口粉，脆身得來有咬口，適合送酒，海膽醬嘅話令到雞軟骨唔會淨係鹹味，帶啲海鮮嘅感覺！牛油帆立貝（粟米汁）配薯條 🍟 $88牛油帆立貝有四隻，大約麻雀咁大，份量都唔少，彈牙有貝味，粟米汁掛身濃郁，味道甜甜鹹鹹，可以加埋側邊嘅薯條一齊食！ 巨峰提子梳打，青檸梳打因為一陣同朋友睇戲，所以就冇叫酒，但係佢嘅酒都非常之多種類同吸引🤩！ 同朋友叫嘅梳打非常之清爽，唔會太甜，好啱炸物☺️呢度環境好好，店員服務都好好態度，嘢食嘅話份量幾多，完全冇傳統日式居酒屋驚食唔飽嘅感覺，兩個人五百幾蚊嚟講性價比十分之高，大力推薦！
繼續閱讀