究極堂 (蜆殼街)

真係要同大家開心share北角呢間「究極堂」！今次專登為咗兩樣嘢殺上去：佢哋個「招牌檸檬雪葩」同埋「究極丼」，食完真係要拍手掌叫好，絕對係回頭首選！首先講個 「檸檬雪葩」，不得了！ 一上枱就聞到超fresh嘅檸檬香，唔係假嗰種化學味，係真係似碌緊新鮮檸檬咁！入口超級冰爽綿滑，一啲冰粒都冇，溶喺舌尖嗰陣係超純粹嘅酸甜，唔會死甜或者得個酸字，平衡得啱啱好！食完濃味嘅丼飯，啪返杯呢個雪葩，即刻成個口清新晒，解膩一流！聽講係每日鮮製，份量有限，遲咗真係會賣晒，想食記得早少少嗌！再嚟重頭戲 「究極丼」！ 睇個名就知係鎮店之寶，一上枱...嘩！個賣相誇張到爆！個碗大到呢～上面鋪到滿一滿，勁澎湃！有齊厚切三文魚、油甘魚、帶子、赤蝦、蟹籽、玉子，仲有啲我唔記得嘅（因為太多款哈哈！）。重點係全部刺身都好新鮮，三文魚肥美甘香，帶子鮮甜到痹，赤蝦爽彈冇霉味，連啲醋飯都煮得粒粒分明，酸度適中，撈埋啲魚油同蟹籽一啖入口... 真係「究極」嘅幸福啊！份量絕對夠晒飽，男仔食都未必清得晒，性價比高到笑！總括嚟講，究極堂北角店呢兩樣真係必點神物：檸檬雪葩：清新解膩，真材實料，飯後完美句號！ 究極丼：刺身新鮮爆炸多，視覺味覺雙重滿足，抵食到暈！環境就普通日式小店格局，坐得舒服，服務OK快手。如果想喺北角搵間高質又唔算天價嘅日本嘢，究極堂絕對值得你試，尤其係為咗個雪葩同丼飯！下次我都要encore，仲想試埋佢個海膽丼添～ 推薦！…查看更多

今次來到位於一間炮台山講求鮮味精緻的日本調理，餐廳的位置都好有人氣，餐廳的食物質素、環境、氣氛都唔錯，仲有VIP包房，好適合一班朋友多人聚餐。👫👭👬🥢🍣✨ 蟹膏豆腐鱈魚乾（$58），薄薄一片的香烤鱈魚乾，加入了軟嫩的豆腐、香蔥、蟹膏和一絲絲的蟹肉絲，一口一片，口感豐富，而且夠晒開胃。🫔🦀✨ 左口魚邊醬油漬壽司（$22），很喜歡油脂豐富的左口魚邊，入口即化的感覺增添了不少食慾，又帶來滿足的感覺。🐟🔥✨ 蝦味噌熟蝦壽司（$15），熟蝦肉質彈牙，塗上了一層甘甜味噌醬後再輕炙，風味濃郁，🦐🔥✨ 究極丼（$218），整個丼飯盛載住滿滿的刺身，三文魚、油甘魚、帆立貝、三文魚籽、左口魚邊、海膽、拖羅蓉、牡丹蝦，刺身樣樣有，刺身好新鮮，尤其是食到牡丹蝦真係鮮嫩無比，蝦頭充滿濃香的膏，回味無窮，整碗丼飯絕無偷工減料。刺身食到一半後，撈上餐廳特製的蛋汁在丼飯裡，令味道更提鮮更滑溜。🍚🍣🐟✨ 鮪魚套餐（$248），是吞拿魚愛好者必點的套餐，套餐包了沙律、味噌湯、大中細腩和炙燒吞拿魚的組合，以及香蔥吞拿魚蓉丼飯。從肥美甘香的大腩到清爽細膩的細腩，一次過體驗不同層次的油花。整份套餐唔止CP值高，還令口感帶有極致享受。🐟🍣…查看更多

行開北角，諗起要食啲高質日本嘢，即刻衝咗去究極堂！今次專登為咗佢哋個招牌「三色迷你丼」而來，真係冇失望，絕對係懶人恩物兼選擇困難症救星！有三小碗唔同款嘅迷你丼，每碗都鋪到滿一滿，睇見都開心！重點係三款海鮮料都交足功課：海膽丼：呢個係靈魂！北海道馬糞海膽，橙黃色澤好靚仔，入口即溶，鮮甜到痹，完全冇苦澀味或者怪異「潺」感。份量慷慨，撈埋啲醋飯食，真係忍唔住要「嗯～」一聲！松葉蟹肉丼：拆好晒嘅蟹肉絲堆成小山，食落鮮味十足，帶微微海水鹹香，口感一絲絲好過癮。最正係完全唔使自己拆殼，啖啖肉爽到爆！三文魚籽丼：粒粒魚籽脹卜卜，晶瑩剔透，一啖咬落去「卜」一聲爆汁，鹹鮮味爆棚！撈飯食，啲鮮味滲落飯度，正到痺！佢哋嘅醋飯都係加分位，微酸軟硬適中，唔會搶咗海鮮風頭，同三款主角夾到絕！一次過滿足晒「海之幸」嘅三個願望：海膽嘅濃郁、蟹肉嘅清甜、魚籽嘅爆珠口感，過癮到極！雖然叫「迷你」，但三碗落肚（尤其係撈埋啲靚飯），飽肚感十足。想試多款頂料又唔想嗌成座山咁大碗？呢個三色丼真係聰明之選，打卡一流之餘，性價比喺同級數餐廳來講算好OK！北角搵食，呢碗「三色迷你丼」真心值得衝！…查看更多

今日約左港島區返工嘅朋友食LUNCH，呢到嘅午市套餐會跟配麵豉湯及沙律，我地揀左究極丼($208)、壽司定食配烏冬($168)、明太子芝士玉子燒($78)、帶子他他炸串($38)店鋪座位唔算太多，基本上都座無空席，所以想食嘅話記得預早少少黎拎飛等位😉午市套餐配麵豉湯及沙律：基本配置已經唔馬虎，沙律清爽開胃，生菜脆口，加埋少少和風醬汁幾開胃。麵豉湯飲落唔錯，先暖下個胃😄 究極丼：呢個丼真係賣相同內容都好霸氣！有赤蝦、三文魚、吞拿魚蓉、海膽、三文魚籽、帆立貝、油甘魚，再加埋海苔天婦羅，一碗丼飯有齊咁多刺身果然究極🤩食之前將海苔蛋黃醬淋落去丼飯，鹹香creamy感爆表，好有層次👍🏻海鮮全部都新鮮到不得了，帆立貝、赤蝦鮮甜彈牙，三文魚、油甘魚幾肥美，海膽冇腥味夠甘香。底下壽司飯酸度適中，唔會搶味，成個丼飯可以慢慢享受🤤 壽司定食配烏冬：壽司有6件時令壽司同2件軍艦壽司，今次食到嘅包括三文魚、拖羅、油甘魚、赤蝦、帆立貝、右口魚邊醬油漬，仲有三文魚籽軍艦同蟹肉軍艦。每件壽司都手握得好靚，壽司飯唔會過大粒，魚生新鮮冇得彈，右口魚邊醬油漬入口即溶兼且夠惹味，好正😍軍艦壽司爆滿，三文魚籽爆口，蟹肉甜美😋至於烏冬，湯底清甜，烏冬煙韌唔糊口，食完好暖胃，加分位👍🏻大合照😎明太子芝士玉子燒：玉子燒整得好有水準，內裡半流心狀態夠滑溜，芝士溶到啱啱好，明太子嘅鹹香滲晒入蛋中，食落口感超豐富，好邪惡但好幸福😍 帶子他他炸串：睇落賣相簡單，但味道幾出色，外層炸到酥脆，入面係帶子他他，口感滑溜又鮮味十足，表層加左D醬同魚籽提味，唔止係炸物咁簡單，有驚喜👍🏻午市套餐選擇多、用料夠晒新鮮，而且款款都好有心思，難怪座無空席，人氣高企😉補MENU…查看更多

呢日放工係砲台山站同事升職請食飯但唔想再搭車見到公司附近有間日本野以小店經營 走日式居酒屋路線餐牌除左刺身/卷物外仲有小食 炸串和pizza類 我地叫左丼飯和幾個小食share店員介紹有得book VIP房原來佢仲有銅鑼灣分店下次決定成班同事再食過//明太子芝士玉子燒 $78//最吸引既爆餡玉子燒明太子醬和芝士醬很滿蛋身半熟效果 食落流心口感果然係無令人失望 //究極丼 $218//重點來了!比想像中更豐富的刺身丼刺身新鮮厚切 飯量睇落唔多一食就知道用高質赤醋飯但刺身種類好齊 1個人食唔晒 除左三文魚 油甘魚 海膽 牡丹蝦仲食到鮮帶子 吞拿魚蓉 三文魚籽 口感最正係落埋日本醬油蛋汁 好juicy! //海膽右口魚邊蝦卷 $78//個人幾喜歡食右口魚難得卷物有齊海膽和炙燒過的右口魚原來好夾 魚油香又夠鮮味 唔會腥炸蝦和飯令到味道中和 必食! //海苔墨魚他他 $28/串x2//以前我唔食炸串 升職同事想食口感豐富 食到爽口既墨魚滑加入紫菜去炸 唔會厚炸粉個皮夠香脆 一改我對炸串既觀感 //明太子什菌地雞薄餅 $118//Pizza係即叫即焗 所以後來才上菜雞粒有唔少 連同芝士野菌和明太子餅底脆 入口滋味又唔會太膩如果飲酒應該唔錯既選擇…查看更多

鮮味精緻日本料理炮台山附近日本餐廳，日式居酒屋既裝修，位置有人氣，食物亦有質素，係聚餐好地方。究極丼成個丼飯載住滿滿既刺身，三文魚，油甘魚，帆立貝，三文魚籽，左口魚邊，海膽，牡丹蝦，拖羅蓉，樣樣有齊，每款都厚切新鮮，亦都可以配上蛋汁撈係丼飯入面，令飯更加滑溜。油甘魚壽司，炙燒右口魚邊醬油漬壽司。油脂甘香唔膩，幼滑同充滿魚油香。四重芝士炸蝦卷，碎蔥花吞拿魚腩卷炸蝦香脆，吞拿魚腩卷不過不失。紫蘇免治雞肉軟骨免治雞肉軟骨夾埋紫蘇葉，雖然香脆，但較油，對比起其他魚生菜式，略為遜色。京蔥地雞（芝士忌廉汁)配薯條炸雞肉嫩滑，配以芝士忌廉汁，但醬汁略鹹。整體魚生新鮮，環境舒適，唯獨熟食較為失望。…查看更多

以為港島只有為假日式料理店，北角嘅小角落隱藏咗間平民價格，但高質嘅日式料理店內裏空間充裕，最重要嘅係和式嘅裝修設計，同旁邊嘅小酒吧枱非常搭配，好有喺日本旅行嘅感覺大熱天最需要嚟一杯巨峰提子梳打，冰爽清香，又不會過分甜膩一眼看上去色彩搭配就非常吸引嘅萬華丼，其實係角切魚生丼，蛋黃配脆口嘅青瓜和玉子，加上新鮮嘅厚粒三文魚，有鮮味嘅蟹柳同魚籽，鮮味十足另一項最想試嘅就係蟹黃丼飯，魚籽同蟹皇味道相當搭配，重點係無腥味，平常唔太食飯嘅人，配以呢個蟹皇醬，都胃口大開，滿滿的一碗飯下肚日食最不可或缺的，除咗海鮮魚生，當然壽喜燒亦是一大亮點，食咁多乾身嘅主菜，剛好有點甜甜的湯汁，牛肉肥瘦適中，微甜下口，附以蔬菜和經典嘅蛋黃，大滿足熟食壽司類，個人最喜歡食炸蝦，炸蝦香脆，外搭半融拉絲芝士及蟹籽，份量十足，口感豐富熱辣辣嘅香脆薯條，配以甜芥末醬，雖然已經少飽足，仍然非常好入口，果然收尾都需要香口的小食最後再加了三文魚小卷，作為三文魚粉絲，每次必點，彈牙的三文魚粒，食多少次都不會膩，今次只試了自己比較喜歡的菜式，下次再來，希望可以試更多招牌菜…查看更多

究極炎之丼招牌海鮮丼果然靠得住，入面好豐富有赤蝦、左口魚裙邊、灸燒帆立貝、芝士同三文魚肉，左口魚裙邊燒到燶燶地好香，佢個招牌赤醋飯好香酒粕發酵味，出面食唔到，真係必試。原條海鰻 海鰻好大條，成條食晒勁滿足，鰻魚迷必叫日本魷魚鬚、炸雞軟骨配海膽醬呢度嘅炸物炸得幾香口，配埋啤酒一流半熟玉子、軟骨雞肉潘淑玉子我幾鍾意，佢隻蛋食落去好滑亂，個蛋黃好香蛋味。叫咗啤酒點少得雞軟骨，送酒一流。明太子什菌地雞pizza 唔係好多居酒屋入面有pizza，今日咁啱特別想食pizza，推介佢個明太子雜菌，最緊要呢度係生啤買一送一，最啱同朋友一齊嚟食吓嘢飲吓嘢…查看更多

今日約咗個朋友過嚟食午餐聽講係日本嘅味道午餐有大量選擇有定食有魚生飯有壽司我哋叫咗一個究極丼同埋特選壽司定食配烏冬究極丼超級豐富有厚切三文魚❤️極新鮮兩隻赤蝦❤️蔥吞拿魚腩❤️魚腩鮮味海膽❤️超甜火炙醬燒左口魚❤️超香魚油味油甘魚❤️肥美帆立貝❤️超級滿足呢個魚生飯佢另外仲有個昆布蛋黃可以加埋落去撈🥰🥰🥰另外都叫咗個小食帶子他他炸串一食就知道大致超級新鮮，加埋個Tata醬勁match明太子芝士玉子燒無限量嘅芝士玉子燒得啱啱好超軟滑所有菜式基本上都好食下次有機會一定要試埋晚市…查看更多

為食花太郎 Fafafoodblog 究極堂 Causeway Bay 🍴黑松露牛油果軟殼蟹卷118 蚊🍤黑松露喺上面 牛油果喺壽司入面 出面落左好多唔同色既芝麻 靚同有口感 🍴究極炎之丼138 蚊🍚丼飯有吞拿魚 生蝦肉 等等 夠新鮮做丼飯就好好食🍴甜蝦唐揚48 蚊🦐勁香脆既炸蝦 🍴京葱地雞 芝士忌廉汁配薯條68 蚊🐥忌廉汁同芝士俾鐵板整溶哂 滲哂落香脆雞肉度 薯條好香脆粗身 正🍴韓式泡菜章魚玉子燒78 蚊🥚玉子燒個蛋整得好香滑 帶d千島醬 泡菜同彈牙既章魚喺入面 正🍴菠蘿有氣果酒 無酒精68 蚊菠蘿味足料 🍴抹茶牛奶紅豆 48 蚊🥛抹茶味好香濃 配埋香滑鮮奶 正#日本菜 #壽司 #蟹肉 #雞肉 #鐵板 #黑松露 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#究極堂銅鑼灣登龍街28 號永光中心11 樓~~~~~~~~~…查看更多

呢間簡直係我天后嘅飯堂 🍚每次諗唔到食咩但又想食日本菜就會去食 款式好多 暫時都未食嫌！萬華丼（角切魚生丼）三文魚、吞拿魚，仲有玉子燒、青瓜 粒粒都咁大粒 比起平時嘅角切魚生飯 多隻蛋喺上面 🍳啲蛋汁撈埋飯 撈埋一齊食口感超豐富 幾啖就食晒😙蟹皇丼蟹控必點！🦀滿滿嘅蟹肉同蟹籽 再加上炙燒過既芝士 真係邪惡到爆加埋鱈魚乾 就唔會覺得膩海膽左口魚邊蝦卷🤩呢個卷物簡直係「豪華海鮮三重奏」！海膽creamy鮮甜，左口魚邊油香滿溢，再加埋爽彈嘅鮮蝦好滿足！除咗炮台山，銅鑼灣都有分店 唔想等位嘅話，就記得上網book咗先啦究極堂 (北角)北角蜆殼街9-23號秀明中心地下D號舖 …查看更多

北角美食篇今次又同小伙伴去食日式料理👭一入到餐廳店員就為我哋簡單介紹餐廳嘅特色餐點亦會提點有些餐品等候時間需時因為是即叫即整的今次就試左貴餐廳極推的主角究極丼究極丼是有好幾款新鮮刺身包括有三文魚，帶子，海膽，赤蝦，油金魚等…另外仲有靈魂蛋汁🥚三文魚厚切 味道不過不失帶子有檸檬汁提升帶子既鮮味🍋海膽食落好新鮮絕無腥味赤蝦蝦肉爽口彈牙 有蝦既鮮甜味丼飯既脆紫菜都好好食而丼飯加上靈魂蛋汁冇需求再添加醬油都已經清盤山芋泥醉拖羅丼食得出吞拿魚蓉好新鮮而且配搭山芋泥食落一啲都品膩而九州槍魷魚🦑配菜係熱辣辣但魷魚🦑相比下不算熱這道菜遜色一點薯條🍟亦是一般 配搭魷魚既醬不太合適而燒三文魚鲛連鰭添加檸檬汁🍋就冇咁膩啦整體來講以日式料理餐廳食物品質還是不錯的👍🏻…查看更多

今日同朋友去咗究極堂食午餐，呢間日本居酒屋喺炮台山同銅鑼灣都有分店，環境幾有氣氛，如果想大班人gathering仲可以book VIP房，唔就可以玩得盡興❤️我哋叫咗究極丼，跟左麵豉湯同沙律,個丼真係超豐富，有成十幾種食材，最吸睛係兩隻超大隻嘅海蝦，爽口鮮甜；海膽creamy無腥味，三文魚同吞拿魚蓉都好新鮮，三文魚籽爆漿鹹香，撈埋一齊食真係大滿足👍另外叫咗壽司定食配烏冬，有8款時令壽司，其中帶子鮮甜厚身，大拖羅油脂甘香入口即化，三文魚籽又係無得頂!烏冬滑溜，湯底清甜，整體配搭相當正😋小食叫咗炸串日本雞柳配牛油果蓉，雞柳炸得外脆內嫩，點埋牛油果蓉清新解膩☺️明太子芝士玉子燒熱辣辣，蛋香軟滑，明太子微辣鹹香，仲有滿滿既芝士係入面，邪惡但相當好食🥰…查看更多

北角「究極堂」係一間以武士主題裝修嘅日式居酒屋，主打高質日本料理，唔止刺身丼飯出色，仲有唔少創意菜式。餐廳環境企理，有VIP房適合一班朋友聚餐。- 究極丼：鎮店之寶，超大碗鋪滿厚切三文魚、油甘魚、帶子、赤蝦、海膽同三文魚籽，刺身新鮮爆棚，撈埋特製蛋黃醬同醋飯，一啖入口超滿足！ - 迷你三色丼：懶人恩物！一次過試勻海膽三文魚籽丼（鮮甜冇苦澀）、松葉蟹肉丼（啖啖肉）同拖羅蓉丼（魚油鮮香），每碗都鋪到滿，性價比高！ - 自家製炸雞伴洋蔥沙律：炸雞外脆內嫩，配上酸酸甜甜嘅沙律醬同爽脆洋蔥，解膩又惹味！ - 玉子鰻魚炸蝦卷：雖然搜尋結果無直接講呢道菜，但係根據餐廳其他卷物嘅水準（如海膽右口魚邊蝦卷），可以預期搭配應該唔錯。總括來說，究極堂食材新鮮、份量慷慨，係北角區值得回訪嘅日式小店！…查看更多

最近發覺炮台山蜆殼街都幾多嘢食，有泰式嘢食亦都有日本居酒屋😆 而呢間居酒屋都幾受歡迎㗎，好多人幫襯👏帶子他他 🍢佢有好多串燒同炸物揀，大概$20至$30一串，呢個帶子他他都幾特別，可以試吓😊明太子芝士玉子燒 🥚 好鍾意呢個玉子燒，好香明太子味，芝士就完美地溶咗喺玉子入邊 🧀 芝心吉列豬排蛋包飯 🍛想揀熟食嘅會推介呢個蛋包飯，醬汁可以揀咖喱汁、芝士白汁或者蕃茄濃湯，我就揀咗咖喱汁，會有少少辣不過都接受到😋火炙壽司拼盤配烏冬 🍱鍾意食壽司就推介呢個火炙壽司拼盤，仲配埋個細細碗嘅烏冬，包你一定滿意😀…查看更多