究極堂 (蜆殼街)

營業中

休息中

炮台山蜆殼街,新開左間日本料理,午市套餐非常抵食！（主食+麵豉湯+沙律🥗）沙律雖然簡單，但食材非常新鮮👍🏻麵豉湯不得不讚，非一般麵豉湯，選用白麵豉，配上葱花，裏邊嘅豆腐嫩滑，味道鹹淡適中。👍🏻👍🏻👍🏻山芋泥拖羅丼$138👍🏻👍🏻👍🏻暖笠笠白飯，蓋上凍冰冰拖羅和山芋泥，口味非常清新，再配上切粒粒嘅蕃茄，最後灑上蔥花。冷暖之間完美演繹！食之前灑上幾滴豉油，滋味在心頭！特濃蕃茄咖喱湯烏冬（豬軟骨）$73👍🏻👍🏻👍🏻香濃蕃茄味帶上日式咖喱，非常惹味！豬軟骨炆得軟硬適中👍🏻朋友食到舔舔嘴，回味無窮。北海道薯餅$10/ 塊，裏邊係薯蓉有點肉碎，唔算油膩，味道不過不失。