究極堂 (蜆殼街)

營業中

休息中

每星期三返教會都係附近搵美食😋😋究極堂係有一位對食物講究既靚女姐妹介紹😍😍 她帶我食，我又約另一位靚女食～一個傳一個😋🤗😋🤗一坐底店員都好有禮貌介紹食物👍推介😋今次叫左海膽右口魚邊蝦卷，平時都係食左口魚比較多，右口魚我係第一次食🤣🤣感覺同左口魚差不多👍👍，究極丼，呢個招牌野，個人認為必嗌👍我都很喜歡，魚生好新鮮，另外跟左個蛋可以加落飯度～ 我十分喜歡😋，明太子芝士玉子燒，呢個好滑😋👍好味，溫泉蛋蟹肉沙律，用料新鮮🤗抹茶牛奶～（可以加紅豆，朱古力或咖啡3選1）我選了加紅豆，靚女加朱古力，2杯我都有品嚐左🤣🤣🤣🤣 呢間由頭盤到飲品全讚🤗👍🤗👍

之前喺銅鑼灣已經食過佢嘅分店，上次食物都好好食，今次黎到北角（炮台山）分店試試，因為菜式都唔貴，叫左好多野食！.✨究極炎之丼 $138丼飯用料十足，炙燒左口魚邊、炙燒帆立貝、炙燒赤蝦、炙燒油甘魚、三文魚沙律同蛋碎沙律，全部魚生都好新鮮，炙燒後更添風味，飯底用特色赤醋飯，赤醋由熟成的酒粕發酵而成，味道濃香醇厚，酸度柔和，撈埋所有配料一齊食，唔使醬油食都味道十足，呢個價錢有呢個質素，性價比高，推薦！.✨海膽左口魚邊蝦卷 $78用醋飯包著炸蝦，上面有炙燒左口魚燒同海膽，左口魚邊經過炙燒之後，熱力將魚油逼出，再配埋甘甜的海膽同炸蝦，入口油潤，又有炸蝦的脆身口感，好食！.✨醬燒三文魚炸蝦卷 $58同樣都係用醋飯包著炸蝦，上面有炙燒三文魚，淋上醬油同炸紅蔥頭，食落味道香濃，兩種卷物都好好食！.✨溫泉蛋蟹肉沙律 $78沙律大大份，用咗新鮮嘅蔬菜，配有溫泉蛋同埋蟹肉，會附上油醋汁（橄欖油、醋、醬油），蔬菜食落清爽又帶點酸味，同會食到一絲絲鮮甜的蟹肉，好解膩！.✨忌廉薯餅（2件）$38忌廉薯餅用左蟹肉、牛奶味忌廉同薯蓉做餡料，外面炸到香脆，內面口感軟滑細膩，好食！如果可以配埋醬汁會更好🤣。.✨紫菜明太子

去咗炮台山食咗一間好出色嘅日本料理, 佢叫究極堂, 係蜆殼街地下，佢嘅環境裝修似高級嘅日本餐廳，但食物價錢就非常親民，佢仲有個好處係，佢有一間VIP房，可以for一大班人gathering，正吖~~ 基本上好多唔同種類嘅日式料理佢都有，我今次主要想試下佢嘅飯同埋刺身，望到餐牌見到有蟹皇丼即刻心心眼甜蝦同帶子刺身我去每一間日式料理都係必叫，唔食唔安樂~~ 仲有叫咗佢嘅串燒，海苔墨魚他他，同埋巨峰提子梳打 蟹皇丼份量大小剛剛好，擺盤好用心，佢有幾片烤過嘅鱈魚片，咬落卜卜脆好好味，佢嘅飯仲用咗蟹膏同豆腐混埋一齊，味道都好夾，睇得出佢地係用心製作 刺身帶子同埋甜蝦，比我想像中的大件，帶子新鮮鮮甜，每件都係厚身肉地，價錢$58/4件，抵食夾大件，甜蝦都好新鮮，冇得挑剔 佢嘅海苔墨魚他他串燒，用料足，咬落墨魚好有咬口同埋彈牙，佢係用新鮮嘅墨魚滑做，有好多墨魚肉係入面，再加上個醬汁~~~ 不得鳥呀~~最後飲品巨峰提子梳打，好清新，有外表又有內涵，整體食物質素高汁，用心製作，抵讚

炮台山站附近呢間餐廳真係係一個用餐好舒適嘅地方。一踏入去就感受到優雅同埋 cozy 嘅氣氛，令人好放鬆。餐廳嘅裝修同環境都好有日式風情，俾人一種輕鬆愉快嘅感覺。食物方面，佢哋嘅海膽右口魚邊蝦卷實在令人驚艷，新鮮嘅海膽同火炙完充滿油香嘅右口魚結合得恰到好處。特選壽司拼盤裏面有多款精緻壽司，包括三文魚、turo、三文魚子軍艦等等，壽司飯溫度，size 適中，每一口都帶出新鮮海鮮嘅美味。除咗壽司，栗米滑蛋地獄湯鳥冬同埋日式炸餃子都係絕配。湯鳥冬滑蛋嘅口感絲滑，而湯底入面嘅芫荽味道香濃，幾辣下，炸餃子好香口。清酒煮蜆鮮甜多汁，湯底好鮮甜，啲洋蔥京蔥令整道菜更加清新。至於飲品方面，名為梅花爛漫嘅梅酒淡淡嘅香味同清甜嘅口感，用黎配搭壽司食用很不錯。而朱古力抹茶牛奶上面撒咗啲Oreo碎，濃郁嘅朱古力味同抹茶嘅香氣交融在一齊，好有層次感。整體嚟講，呢間日本餐廳嘅價錢合理，食物質素高，用餐環境舒適，絕對係一個值得一試嘅好去處。

今日天氣陰陰地，突然間好想食日本嘢，所以就去咗附近嘅究極堂，當自己去咗日本一轉😙入到去嘅時候已經差唔多全餐廳滿座，星期一夜晚都見到佢可以做到兩至三輪生意，依家都真係好罕見。今日揀咗個想食好耐嘅究極丼🥰超級超級超級好食，想食嘅所有魚生都有齊晒，超正！必定encore！炸雞軟骨配海膽醬，都好正！雞軟骨的炸醬不太厚，而且不太油，配上海膽醬，絕配！明太子雜菌地雞薄餅味道配搭得合宜，薄餅底做得很好，薄脆底，正！明太子+芝士+雜菌+洋蔥材料份量啱啱好，每一啖都好正！四重芝士炸蝦卷及明太子焗炸豆腐，個人覺得一般，反而甜品「日式焦糖芝士蛋糕」有驚喜😍

呢間究極堂，係我朋友介紹嚟嘅，佢話食過一次唔錯，環境又好，我聽完之後一直念念不忘。呢個星期五，雖然我喺荃灣收工，但係都特登搭一個鐘車過嚟專登試吓間餐廳係點樣。間餐廳其實都近地鐵站，而且贏咗個名易認。我哋叫咗一個雜錦海鮮飯，同埋一份芝士燒魷魚配薯條。食物一上枱已經好吸引，特別係個飯中間粒蛋，又啱打卡，另外個魷魚口感都唔錯，配埋薯條特別啱放工後chill下。如果我喺呢頭返工，一個禮拜實食一次。有機會試埋午餐都好。

北角有咩好食？其實有好多好嘅餐廳，只係你有冇俾心機搵。我今日就同朋友嚟呢頭實測，究竟隨便一間嘢食得唔得，先講結論，係掂嘅。呢間餐廳離遠睇已經幾特別，肯定唔係路邊茶餐廳之流，有名你叫究極堂，我哋坐低見好似返返日本咁，真係唔使比兩千蚊就返到鄉下。隨便叫一份吞拿魚蓉丼，同埋一份雞翼，雖然俾啲時間等，但係等待係值得嘅。吞拿魚唔腥，份量合理，另外雞翼都燒得幾好，而且唔會有平時燒雞翼嗰種肥膩。下次邊個話北角冇嘢食，嚟呢度試吓

首先，呢個日本雞柳配牛油果蓉非常出色，雞柳皮脆，內裏香嫩多汁，牛油果蓉嘅滑順口感同雞肉搭配得天衣無縫，係完美組合。🍗🥑再到海苔墨魚他他，濃郁嘅墨魚味同埋香脆海苔，兩者嘅結合帶出一種獨特嘅風味，加上他他醬美味而不油膩！🦑🍙呢度嘅主推菜式係究極炎之丼，裡面有多款新鮮刺身，飯粒入口即化，無論係赤蝦定帶子都非常鮮甜，上面帶有微微焦香嘅芝士，令層次感更豐富。🍣🔥之後就到鐵板，粟米汁牛油帆立貝配薯條，帆立貝新鮮嫩滑，搭配薯條同粟米汁，再帶嚟一陣濃郁粟米香甜，味道特別又飽足！🍟🌽真鯛薄切亦不錯，共有8切，師傅刀工厲害，魚肉鮮嫩，薄切帶出更強層次感，搭配清新嘅頂級wasabi，味道鮮美！🍣🐟接著係熱食，我地點咗牛肉壽喜燒，牛肉嫩滑多汁，配上濃郁嘅壽喜燒醬汁，真係令人回味不已！🥩🔥最後，士多啤梨雪芭，清新嘅原粒士多啤梨，製成雪芭，解渴又消暑，係完美嘅結尾！🍓❄️

究極堂 (北角) 天氣熱又好凍又好，總係間唔時就有日本野既心。今次就黎北角呢間食丼飯！究極炎之丼 $138材料有蝦、三文魚腩、帶子、左口魚裙邊同D魚蓉，都好新鮮大份。啲飯唔係一般醋飯，食落好食又好特別。甜蝦 帆立貝 $58同丼飯一樣都大大件，食幾件都好飽。薯蓉廣島蠔 $108食完生冷野，個廣島蠔又balance番，每隻都好肥美，D芝士焗薯蓉又勁香，飽肚之選。炸芝士條$58全部一上枱都熱辣辣，真成條芝士，十分邪惡，岩曬芝士迷。蟹子沙律青檸梳打 $36

之前朋友帶我地去過銅鑼灣分店既VIP房, 食物有驚喜仲要唔貴地方又夠大坐得舒服, 今日放工去北角分店又開餐究極海鮮杯打卡好睇又好食裡面有蟹肉、吞拿魚蓉、三文魚子、同海膽等等最底層係橘子啫喱每啖都有唔同口感同唔層次既鮮甜韓式辣醬生赤蝦丼生赤蝦既肉質軟糯鮮味, 勁厚身仲有生蛋汁同蔥拌飯如果韓式辣醬味再突出D, 更加正半熟秘醬三文魚丼半熟既三文魚有濃厚既魚油香味入口有D似左口魚裙邊既滑嫩, 但就無左口魚裙邊咁油膩蟹子沙律一個唔小心跌到成台都係蟹子煙燻蒜香火灸吞拿魚一打開蓋煙燻味好香吞拿魚有好靚既SMOKE RING外層一圈半熟既狀態然後主要肉身仲係生的比起普通食刺身多一層香氣柑橘柚子酒原本以為點解俾支裝咁HEA, 點知個柚子汁幾驚喜混埋杯底既柑橘酒, 下次必定會再嗌巨峰提子梳打提子味唔化學, 清爽好飲!

到北角幫公司處理完文件，就同同事去附近搵下有冇咩好野食見到呢間穩世居酒屋，就入去試下。店舖環境都幾闊落，裝修風格好有日本感覺，食飯時間都幾多客人。究極丼 : 有三文魚、左口魚、油甘魚、帶子、吞拿魚蓉、三文魚籽、海膽同紫菜天婦羅。鋪滿厚切既新鮮魚生加上茶漬飯，再配埋日本雞蛋，撈咗之後令到飯口感更加香滑，正宗日本風味。海膽右口魚邊鰕卷 :海膽好鮮甜，左口魚一入口即溶，有微微嘅炭烤味，炸蝦保持到鬆脆口感。究極火龍卷 :上菜嘅時候好有驚喜，火龍卷放喺鐵盆中，再放木托盤喺底，側邊放咗粗鹽。上枱嘅時候，師傅會用火槍點火，營造出火龍效果。火龍卷入面有六款口味嘅火炙壽司包括鰻魚、帆立貝、三文魚、左口魚丶赤蝦。一次過滿足唔同口味，加上獨特火炙效果，令到入口嘅時候炙味好濃郁👍🏻👍🏻明太子芝士玉子燒 :玉子燒口感好滑，上面鋪咗明太子同紫菜碎，食起嚟芝士仲有拉絲效果，再加上千島醬都有日本食嘅水準。椰子雪葩 :去日本餐廳食晚飯，我習慣一定會點椰子雪葩做甜品。呢度嘅椰子雪葩，係我食過最重椰子味，入口一啲雪味都冇，口感似食緊好細密嘅椰子雪糕，大推👍🏻因為下個月係同事生日，知道佢喺銅鑼灣有另一間分店，就諗住問吓職員預

要尋找數一數二，好食又性價比高嘅日式料理，同時又要符合平靚正嘅條件，<究極堂>絕對可以滿足以上嘅條件，亦係一間好啱我口味嘅日式餐廳之一。<究極炎之丼 $138>刺身蝦非常大隻，三文魚腩、帶子、左口魚裙邊，材料都非常新鮮。<角切魚生丼 $118>角切魚生飯，材料同樣豐富，加埋餐廳自家製嘅醃製蛋黃，帶點鹹香風味，非常特別。<菠蘿橙燒酎沙冰>味道有菠蘿同橙的香甜，感覺清新，容易入口。<抹茶朱古力牛奶>朱古力味道特別香濃，而且奶亦夠香滑。<芝士鰻魚玉子燒 $78>蛋味香濃突出，入面仲夾住芝士嘅拉絲同埋厚厚嘅鰻魚肉，非常惹味好食。<醬燒三文魚炸蝦卷>入口啖啖三文魚肉同埋炸蝦肉，口感多層次。<四重芝士炸蝦卷>芝士味道非常香濃，同炸蝦極為相配。<薯蓉廣島蠔 $108>廣島蠔隻隻都又肥又飽滿，脹卜卜，配埋芝士焗薯蓉，更為好食。整體來講，餐廳無論服務質素，食物品質，都非常之好，而且價錢大眾化，還有VIP房間可以預訂，如果同朋友食飯或者聚餐，都係一個非常之好嘅選擇

從未試過如此記得！每樣食物都好吃的全能居酒屋真的只此一家就普通一間居酒屋的裝潢，內含滄海遺珠般的寶藏服務不俗，上剪也夠快🍕明太子什菌地雞薄餅118薄底，Pizza非常爽脆！忌廉芝士🧀️稔嫩帶芝香，完全不會韌！非常意外地高質🍚韓式辣醬生赤蝦丼138.0韓式辣醬點到即止，為超大隻的赤蝦吊起了味道，丼飯相當惹味，完全無需加點醬油！生雞蛋畫龍點睛🍙究極火龍卷148.0賣相出色，點火超絃，六件火龍卷各具特色，而且大塊，最喜歡還是超豐富的蟹膏跟超肥美的火炙三文魚，當然左口魚邊跟赤蝦也不錯👍🥞雪糕班戟128.0同樣地意外，有甜品屋的質素，四層鬆軟的班戟，一層麻糬，一層脆片，層次超豐富！加上起砂紅豆跟巧克力醬夾心，巨正！抹茶牛奶青檸蘇打穩打穩扎的飲品，也不馬虎呢！也太好吃了吧！每道菜式都有驚喜！下次再來吃吧究極堂KYUKYOKU DO炮台山蜆殼街9-23號秀明中心地下D舖電話:35967848

炮台山有間日本小店幾正，名叫究極堂，食過之後覺得唔錯幾好食，生啤買1送1還有9折，相當吸引。海葡萄海棠青瓜沙律，海葡萄質感夠爽脆，配埋青瓜絲一齊食，清新感大增，配少量酸汁，胃口大開。煙燻蒜香火炙吞拿魚，微微既煙燻感令到吞拿魚更有層次，魚肉堅實！質感帶彈性，魚香夠濃郁。章魚丸topping放滿蜜糖芥末醬，大大粒唔會太粉，幾好食，内層章魚都幾彈牙呢。海膽右口魚邊蝦卷，配搭得幾好，入口層次豐富！食起身相當滿足。蝦卷炸到脆卜卜。究極海鮮杯賣相好吸引。有蟹肉，果肉，酸汁jelly做底層，中層有吞拿魚蓉，上層有海膽魚籽，層次滿滿！味道都好鮮甜，又夠新鮮！而且仲好足料。

自從上次食完銅鑼灣嗰間之後，知道佢有分店，試吓佢啲質素保唔保持到。當然都係因為食完銅鑼灣覺得都幾高質之後先再幫襯啦。依稀記得佢哋個餐牌都係一樣嘅，我哋兩個人食都嗌咗幾多，地方坐得舒服，自然會想飲吓嘢再食吓嘢留耐啲。海葡萄海藻青瓜沙律($58): 海葡萄數量係鋪滿成個沙律嘅，沙律俾我想像中有少少細，不過加埋特製嘅醋汁感覺都幾開胃，除咗海藻之外，仲有少少青瓜絲去墊底嘅，而且見到咁多海葡萄都抵番啦。半熟秘醬三文魚丼($128): 上菜嘅時候好靚，仲有一碟仔芝麻去半碟， 待應叫我哋盅碎啲芝麻先，再灑上面食。三文魚份量好多好多，而且上枱嘅時候聞到好香嘅燒烤味，真係令人食慾大增。要一讚嘅係三文魚好肥美，成個口充滿着魚油，其實唔需要落任何調味料都已經好好食啦。濃湯蕃茄咖喱牛肉烏冬($78): 上菜熱辣辣，已經令食物可以好味一倍。蕃茄嘅份量應該有成個新鮮蕃茄擺咗喺烏冬入邊，烏冬方面就正正常常，都滑嘅，湯底番茄同咖喱嘅平衡做得好好，大家唔會搶咗大家嘅味道，我諗我會為咗呢一碗烏冬再次幫襯。麥粒味噌黑豚肉薄餅($118): 賣相其實同上次試過嘅明太子什菌地雞薄餅差唔多，味道方面都幾好，但就唔會有太多特別記得