稻香 (德福廣場2期)

營業中

休息中

稻香呢餐生日晚飯，真係黑人憎到、掃興到一個點👿😠今日朋友出嚟去九龍灣專登請我食餐生日飯，諗住去稻香食下好嘢。七點前入座，以為應該服務好啲，點知個侍應將我哋落咗嘅單遲遲唔入單，由七點等到八點幾，先得一碟魚香茄子。追單追三次，八點幾先同我講，話炒飯起碼要再等半個鐘頭，而碟蒸魚同蜆就直情失咗蹤，唔知去咗邊喎，佢仲問番我轉頭，碟魚去咗邊，真係低能到一個點 。全晚得個等字。食生日飯食到一肚子氣，真係勁掃興，唯有盡快走，要求立即cut單，服務態度勁差，全無跟進， 就算客人嬲到出聲😡，仲要一句道歉都冇，黑口黑面， 咁嘅服務態度大家真係要諗清楚先去。👎👎

阿二佬好快就會離開香港，所以有時間都盡量食多啲飯。今晚嚟到佢屋企附近嘅德福廣場，因為見到稻香佢哋做緊特價阿拉斯加皇帝蟹， $168一斤。元作為所有蟹嘅粉絲，當然一定要來處理處理啦。雞絲粉皮，正常日式醬汁，唔係用麻醬，還可以。砂礓雞腳煮得唔夠耐，所以比較硬身。燒味拼盤，一件都冇食過，不過叉燒妹同阿辣妹表示不錯，當然死肥仔都覺得燒肉夠脆皮。啫啫芥蘭部，不過不失。呢個有一個名堂，不過唔記得咗，主要是阿媽子喜歡食，所有配料都新鮮，可以。黑松露蝦仁炒蛋，非常出色，蝦仁也非常新鮮。紅燒豆腐，一睇個樣都知冇特別。蛋白炒飯，叉燒妹比較喜歡，應該算不錯。六斤四嘅皇帝蟹主角終於出場，比起海X的處理方法，起碼人哋會斬件上，去晒啲內臟等等，宜稻香基本上就係原隻相一啲都冇處理過。訂枱嘅時候問咗可唔可以凍蟹，佢哋前台表示因為下午5:30先至到蟹，所以整唔切，其實全香港都係差唔多時間到蟹，點解海X整得切宜呢間整唔切呢？冇辦法之下焗住食所謂嘅水蛋蒸蟹，出嚟之後發現少少蛋嘅跡象都見唔到，不過都冇理會到就直接將隻蟹分體。食到個頭部份，發現蟹頭個殼面全部都係類似蒸水蛋嘅物體，由於味道偏鹹，分別不出來，不過應該係。基本上蒸蟹

今天放工後相約朋友們去提早食生日飯🥰見稻香做緊長腳蟹優惠，緊係去試下喇😍好彩我地提早左訂位☺️唔洗等。蟹就要去到先揀😋入都去個個都係打算食蟹🤣但細蟹比人揀哂喇😭我地迫住要揀6斤半，店員姐姐好貼心，真係有推隻蟹比我地揀。除左蟹之外，我地仲叫左幾樣小菜食住等。小菜陳醋雲耳，我地自己加左辣油，酸酸辣辣好開胃。蒜蓉粉絲扇貝好香，都大隻，食落扇貝好新鮮😍粉絲唔會太咸。啫啫芥蘭煲，芥蘭好甜，食落仲有鑊氣添☺️沙拉骨食落香口，唔會覺得太炸。😋有d 似京都骨。仲有香菇伊麵唔算油，都好正主角長腳蟹🦀終於有得食喇☺️隻蟹真係超大隻。剪開左嘅蟹腳有成隻手咁長😆食落仲勁甜呀😍蟹肉好厚😋仲有勁多羔😍好正🤤出面食咁大隻都要1500蚊以上，e 家食好抵🤓

報纸話136元一斤阿拉斯加長脚蟹，今年未食過，馬上去试一下。門口，未到6點，已有人等位，我6點3再来，已坐满8成。馬上去揀選蟹，細隻都被人揀了，只有5斤以上，服务員就拿了隻5斤14两的，等了30分鐘，终于有得食。可能人多，服务一般般。

和朋友一齊食任食任飲，6個人，每人有半隻龍蝦，姐係有3隻龍蝦，令個湯底更加鮮甜有味，，又大又鮮甜，每人仲有固定份量的海鮮，飲料方便有好多選擇，仲有啤酒提供，真係好岩一班朋友去食，食物款式又多，一定岩大家唔同口味，可能由於太多人所以服務員會慢少少先會理到你，所以大家對服務唔好期望太高，後期都係自己拎水拎野，樣樣野都好新鮮，牛肉又好味，仲有雞子大大粒，魚蛋又爽口，魚肉又夠多，好合適喜歡食火鍋一家大細，和朋友聚餐

稻香嘅抵食火鍋 係由8:30開始，一去到已經有好多人喺門口排隊。入到去之後我哋首先去攞醬油，因為每次都要排好耐隊，如果大家鍾意芝麻糊或者杏仁茶，都一定要提早攞，因為一個鐘之後就真係會冇晒。食物嘅款式多 平時大家打邊爐鍾意食嘅嘢都叫做應有盡有 肥牛鯇魚骨 唔同嘅菜類肉類都有。小食方面佢哋有雞絲粉皮，但係發現每次落完單都冇送過過嚟，要問部長拎先有，雖然冇咩雞絲，但勝在調味都幾好食。而且飲品種類好多，我諗大大話話都有接近10到15款，亦都有免費雪糕供應，正！

與好友在九龍灣一帶走走，不知不覺的過了一般的晚飯時間，來到這著名的連鎖中式酒樓。原來晚上八時三十分後，火鍋是宵夜時段，並且以優惠價，$138作招徠，週末及週日等需加$10，的確是非常吸引的價格。我們取了等候的號碼，約等了十五分鐘，其他食客差不多已入座，可是還未到我們，於是去問一下，誰知是遺漏了，職員立時給我們安排入座，可是感覺有點不太好，招待的做法有點不周。坐下後，原來是以手機自動點選食物，酒樓的點菜單上也有無線網絡接入點的資訊，職員走來問我們要那個火鍋湯底，也很快的為我們安排，這點算是不錯。湯底雖送上，火鍋食物還有待送上，自然是取調味料及飲品等。飲品雖不算太種類，仍有最近興起的韓國果汁，也有本地品牌飲品，有本地品牌雪糕及自家制甜品。自家制甜品，感覺有點特別及滑稽，好像傳統樓酒熱水的設備，而且確實也熱水供應。這個自家甜品設施太特別，而且還有喜愛的甜品之一，生磨杏仁茶，於是先試了半杯。雖不及甜品店的，可是以在此情況下，這個杏仁茶也算香，甜味合適，有點驚喜。火物食物約等了十分鐘，已經漸漸送上，到底是宵夜時段剛開始，送菜的速度可算是很快。牛肉及黑豚肉算是不錯，看來還算不差，清湯煮過後，仍有不

平日中午去飲茶，叫左特價點心，個燒賣一咬發現唔熱味道亦怪怪地，望真d入面竟然仲系生ge,😡d肉系通紅色. 叫住一位阿姐侍應好聲好氣同佢講未熟，佢「哦」左聲之後竟然直行直過，扮唔知仲走去serve其他客,見住佢倒熱水比人,冇再返黎😡.之後等呀等，見到另一個阿姐侍應叫住佢，終於呢個阿姐好快話同我地換，我地最後換左另一個點心。老實講我都系第一次飲茶遇到燒賣系生ge！當日已經系平日冇乜客，某d侍應態度亦要改進！稻香no next time!

今晚去食稻香任食火鍋，本人去過其他分店食同樣任食火鍋，德福分店係第一次，亦都會係最後一次。火鍋時段由8:30pm開始，我9：15pm左右入座，開巿唔夠1個鐘，全場未坐滿，但湯底話冇肉骨茶湯底，我算。點個皮蛋芫茜湯....仲淡過清湯......算。下單後等左好耐先上左4碟野....其他都冇黎，再下單追問先被告知好多食物沽清。有咩冇呢，等我講下，蝦、蜆、八爪魚片、花雕雞件、芝心丸、芝士年糕。我地兩個人食野，唔可能全版點菜紙都點滿，但我點既野食都有6樣野食無，咁我都算好運。最離譜係菜，我落單唐生菜、娃娃菜，打邊爐最基本啦，都無。然後我問仲有咩菜...得返白菜仔/油麥菜....好啦，叫碟白菜仔，點知白菜仔走出隻曱甴....係咪真係咁玩我先......灰左。其實你咁大個集團，係咪真係冇心做任食火鍋呢？定係要控制成本去到咁取巧呢？我食過其他分店，係有沽清情況，但冇咁誇張囉！不過要讚一讚有一個員工，佢最後幫我做結帳，我冇睇到佢叫咩名，但佢真係好好服務。其他員工都hea答hea做，飲食業工時待遇都一般，明白好難做到有heart 會笑，欣賞佢。

今日同事離開公司大家庭，搞手在之前已經訂了四圍枱打算在lunch果段時間食餐好的，還同訂枱的侍應講要安排房間方便同同事影相留念，當時侍應都指著其中一個位置示意會在呢度隔間房俾我地，叫我們放心，誰知今日去到，見到啲同事在大堂的飯枱坐著，搞手就和負責的侍應了解情況，點知果個侍應居然話”冇講過俾房我地，我在呢度俾四圍枱你就得啦”，跟著我地搞手就梗係同佢起爭執，雖然最後佢都有間返間房俾我地，但因為lunch time，果個位置都已坐滿食客，要人走都有一定難度，最後真係有一枱唔肯走，我地就要局住同人地分享間房，好彩食到一半最後果圍食客都走，冇影响我地影相，但就真係俾稻香玩死．因為要等佢安排啲食客和隔返間房俾我地，呢度已經嘥左我地一個鐘時間，好在今日全部老闆在場，如果唔係都麻煩！講完故仔，依家就講下啲食物先，我地訂左一個＄2000午市優惠套餐，係全包晏，所以所有野都set死晒，唔使煩！一開波就有一碟燒味五福大併盤，入面有燒鴨、叉燒、木耳、豆腐乾、油雞，叉燒好瘦，但幾大件，木耳，豆腐乾都幾好味，燒鴨同油雞都中規中矩。跟著黎既係牛肉球，粉果，酥炸鯪魚球和燒賣皇，每樣三籠，牛肉球我覺得比以前細舊了，燒賣

今天到德福廣場分店食，本來見宣傳單張幾抵就黎試下，點知黎到坐低先話今日無呢個優惠，又無解釋。我心諗可能因為琴日係端午節掛。甘好啦，我落小菜啦。落完個男部長行話黎，粒聲唔出聲直接係張紙劃走個金菇肥牛煲，然後我話甘改薯仔炒牛肉粒，又唔出聲劃走。有咩無曬直接講好唔好，講一樣劃一樣，想點啊，都算。我話甘我再諗諗先，其他野你落左未？佢一句得埋黎：我邊夠膽落啊。服務態度勁差。張宣傳單話假期有黎到又話無，我係未可以理解引誘人過黎呢？最終決定權係貴公司方面唔係大曬架。而且中間服務甘差，你地大集團唔憂做，係勁既，一粒星都唔想俾

上次父親節喺淘大稻香食，媽媽話唔錯想再encore，所以今次母親節又係稻香不過就轉咗德福，大家掛住食最後淨係影咗一張相今次係一家五口再加男朋友一起食，驚唔夠食所以我地另外加多三個菜，但結果淨係來咗一個菜，另外兩個完全無落到單🤷🏻‍♀️明明係同一張紙落單⋯⋯說好的蝦球沒有了因為預早比咗訂金就可以將蝦球伊麵升級為龍蝦伊麵，份量好足。不過脆米網卷同菜苗就認真麻麻，菜苗好似食緊草😂😂脆米卷唔及蝦球好食。最後服務方面都真係馬馬虎虎，雖然一來到就可以比到張檯我地，唔洗再等，但係點解上菜要係兩個人之間上菜🤷🏻‍♀️我地明明有兩個吉位🤦🏻‍♀️最搞笑係有個侍應新來嘅唔識又唔問咗同事先，一來就否認咗仲有一個水果盤🤷🏻‍♀️ 叫佢問同事就話自己第一日返工咩都唔識，唔識唔緊要但唔好咁嘅態度仲要落漏單，成個形象壞曬

今晚約左同事係德福食飯，諗唔到食咩好，所以就話去稻香打邊爐。原來呢間有海鮮火鍋任食，雖然每位要$268，比其他中式火鍋貴，但佢包既野食都算多，所以我地就揀左呢個任食套餐。我地今次揀左蕃茄薯仔湯底，清清地但好夠味。象拔蚌刺身同火鍋海鮮拼盤係套餐包埋，每人有半隻龍蝦，望落已經好吸引。刺身同海鮮都好新鮮，全部都大大隻又好鮮甜呢度有3款牛肉可以叫，我地就叫左雪花肥牛同牛小排。肥牛的雪花紋都算靚，肥瘦適中，食落唔會好韌。牛小排就真係太瘦，碌完好硬，叫左一次就算。不過呢度啲牛肉真係有肉味，質素高過同出面啲任食放題。廣島蠔都係必叫，又係好鮮甜。其他火鍋料就無咩大分別，想食的都有齊哂。不過可能當晚太多人，搞到出菜好慢，湯底煲到滾左都未出到第一輪野食比我地。同埋每次加水都係加返湯底，搞到最後個湯底變到好咸

為咗慶祝母親節一家大細去好就腳嘅淘大商場,一齊食晚飯,長輩鍾意食中菜所以就去稻香酒樓.前幾日睇到廣告推介稻香晚餐好抵食，有一蚊一隻雞！四個人可以叫兩隻雞添！我要咗個金銀蒜蒸北海道元貝，元貝肉質非常鮮甜，配埋蒜香加粉絲簡直係perfect match👍🏻👍🏻88蚊4隻抵到漏😛$78就已經食到一條龍躉啦肉質非常鮮嫩，蒸得啱啱好，又唔多骨，好啱老人家食😙😙呢個餸有絲瓜炒木耳炒海蝦，絲瓜非常清爽配上海蝦嘅先甜，好推介大家嗌㗎👍🏻👍🏻👍🏻一蚊雞真心高質，啲皮係卜卜趣嘅啲，肉質都幾鮮嫩大家食到停唔到口呀！絕對推介大家叫呢度平靚正嘅餸🤤🤤

收工一班同事去打邊爐飲飲酒，300幾蚊送海鮮，送刺身（人頭計）。任食邊爐食物都唔馬虎，牛肉唔係肥牛黎，有生蠔，有花膠。送既海鮮併盤亦非常新鮮，但記得開頭主打食左海鮮先，因為太後先煮海鮮可能已經太飽。但我覺得都物超所值既，出面仲有個甜品位任針芝麻糊。