稻香 (德福廣場2期)

營業中

休息中

每逢五月份，總係見到各大酒樓、餐廳都大排長龍👀為嘅就係一年一度母親節💐 其實呢個節日都係好嘅，起碼大家都會為mammy做啲嘢，再無藉口話忙、幾日都唔見人😅 不過無論今日係母親節定只係一個普通嘅星期日，小秘書都好享受同屋企人出嚟笑吓、傾吓、食吓嘢🍖 嘅機會🤩 今個母親節我哋就揀咗食中菜，貪佢有蝦有雞又有菜🍤，一定啱老人家口味😝包無投訴#小秘書 喺呢度 ㊗️各位媽媽們身體健康、日日都咁開心！母親節快樂！！🌹

忘了父親節食飯會多人等位、没有訂位。店員話大約等1小時、便行開找位置坐下等位。今天真是好運，又遇到好店員，突然有枱。叫了四人餐，沒想份量好足。先來一鍋紅燒海皇翅和燒味拼盤。有雞，义燒，燒肉，薰蹄和木耳。木耳爽口酸酸地好開胃。再來金銀蒜蒸貴妃蚌、大大隻蒸到剛好、還配有粉絲、蒜香入味。海味什菜煲都足料、西蘭花爽、湯底有虾干味鮮、又不太鹹。上湯波士頓龍虾伊麵底、龍虾肉爽口、伊麵又多又入味、麵質亦不會煮得太淋。已經覺飽，忘了有條清蒸诲星斑，嘩! 勁大條、但肉質是滑的。今晚餐飯份量好足，而且清又不太鹹。

6月16日中午飲茶-服務極度不好，下至侍應， 上次部長經理， 全程黑面，十問九唔應，唔知係咪稻香冇糧出。問多兩句仲鬧返轉頭， 離曬譜， 唔會再幫襯！入座已經混亂，帶位職員又好似趕收工咁，如果可以我自己搵位算啦。坐低後，發現原來全場職員都係極品，全程黑口黑面，有問冇答。叫多沖 一壺茶， 做睬都唔睬你，收唔收到都唔知， 嗌咗三次都冇，唯有叫部長啦， 佢仲話：。 唔怪得啲細嘅都黑面啦，做部長都係咁。其實唔開心，可以唔做， 何必難為啲客，又難為自己 。冇當面投訴，因為怕比人加料但今時今日咁嘅 服務態度…食物：一般稻香水準。不過就算再好都唔會幫襯。

星期五當晚我同朋友一行10人一同到稻香打邊爐。稻香火鍋價錢為268另加一，其實對中式火鍋才説這是絶對不便宜的，因為有好多酒樓都是大約佰多元已可以了！但當食物來到時，我就覺得物超所值！原來每位都包括一份日式魚生及海鮮拼盤，只要計一計啲魚生及海鮮都已覺物超所值！魚生其實都很新鮮，不過我感覺在酒樓食魚生就有些保留，因為擔心處理過程是否恰當呢⋯⋯不過，我都吃了不少，現在還好沒有肚痛！海鮮拼盤真的抵讚，每人每份有龍蝦半邊、海蝦、鮑魚、蜆、石班肉等等，還有的是～大量肥牛任點，牛肉非常好味，有時啲肥牛因急住上枱而沒有解凍，這有啲失色呢！而其他丸類、餃類及魚皮都非常好味，蔬菜都非常新鮮，還有很多其他食材多不勝數，例如:雞件、蠔、細花膠、蘿蔔、豆腐、響鈴。。。。。可以講話不怕你食得多，最怕你試唔晒！最後，我真的要大讚這個任飲任食火鍋，除了魚生、海鮮及其他火鍋配料外，還有飲品任飲，包括啤酒及糖水。真的十分超值！

近排工作超忙,今晚有得收早,所以要享受一下。稻香裝修後成日話打邊爐都無食過,就今晚食左佢。有任食同自選兩款揀,任食唔洗煩,268一位,包海鮮併盤,刺身併盤。先前覺得268都貴,但當佢兩個併盤上檯又覺得好抵喎。海鮮併盤有一人半隻龍蝦,一隻象拔蚌,貴妃蚌,帶子同兩隻蝦。除左帶子之外其他海鮮都好新鮮,隻龍蝦勁好肉。唔知係咪人多會有鮑魚,因為食到尾聲見隔離檯一行八九個人個海鮮併盤有鮑魚但我地無刺身一樣好新鮮,好味。其他配料咩都叫d,上到檯嘩左一聲,因為每樣都好大份,未試過任食火鍋d配料一來會咁大份,通常細細份要你入幾次單先夠食。任食係已包醬料,任飲,糖水同雪糕。268食到超飽,仲有咁多海鮮真係唔知仲可以講咩。可以講下服務員態度真係又一贊,當我拆完龍蝦攞濕紙巾,個姐姐好到幫我開埋,遞埋比我。當晚真係食到超飽,兩個鐘任食。

今晚兩個人去諗住食小菜，已攞小菜飛，點知到攞位嗰陣，帶位侍應話有壽宴，食小菜會出得好慢，叫我哋轉火鍋，咁見已經9點，轉就轉啦，坐低無人問開咩茶，都無意思話開茶比我哋，咁心諗都加咗每人20蚊自助吧，無茶飲都無所謂啦，好喇，到埋單，睇到張單收24蚊茶位錢，我就話無開過茶飲過茶咁都收，跟著高級嘅侍應（我諗係經理掛）過嚟話嗰24蚊係醬油錢，我話吓咪收咗每人20蚊囉，跟著高級嘅侍應話係醬油錢，唔係自助吧錢，我話你咁"long lai"都得，你咪收囉，我話我會寫上網，跟著高級嘅侍應話“好呀”！答得我咁爽，完全係覺得唔淨止得我一個覺得佢哋濫收，所以我以後都唔會再幫襯呢間咁嘅衰稻香😤😤😤

5月8日我家訂了一席2680的菜單！準時到達！之後他們帶著我們進入一間房、門和電視都是爛的！但我們沒有要求要房間！好不要緊我地來吃飯的！到叫起菜等了十五分鐘也冇人理！再次崔促十分仲後有人拿洒水來！第一道菜冇問題、之後D才就亂七八糟的來、食物只是䁔的！荷葉飯、燒雞來了但翅湯同北姑時才也未到！北姑不知道怎麼有一種甜甜的怪味我地要找服務員根本找不到？那為何要我們坐在這間房呢？除了乳豬、每一道菜都很難吃！我以後也不會再光顧這一家店

昨晚一家人去食飯，訂咗8點，早到10分鐘前攞位，點知中伏，等到8：50先至坐低，即刻快速地叫食物因為實在等得太耐太肚餓，致電訂位時限定客人只有6點或8點的時段，但其實無咁多張枱番倒就好心唔好一味貪心book 咁多客啦，reception位阿姐又亂到九彩，over book 咪棧做衰自己個名，枱枱客人都食到一肚氣，食物質素又一般，價錢偏貴，店員服務態度又差，呢間稻香算把啦，以後無下次

5人行去食一年一度嘅稻香年慶～六點左右都已經差唔多滿座～好彩一早訂咗位啫叫咗2隻一蚊手撕雞～即叫即炸香噴噴配脆脆蝦片～雖然要用手撕但味道好味～煩D都算啦孖寶：牛腩拼燒汁茄子～牛腩好入味可以再淋D～蘿白有甜又嫩口燒汁茄子成條上有賣相但食得唔方便～醬汁唔算好甜～茄子軟熟好好味龍蝦孖寶：原隻龍蝦配伊麵～龍蝦新鮮伊麵入味花膠鷄湯～足料花膠配原隻雞煲湯～營養十足雞湯鮮味龍躉兩味：由於上錯菜原故～兩味都一樣有雲耳、杞子、窩筍、懷山、魚肉鮮味彈牙～魚湯夠濃7餸1湯正

星期六早上10點同家人來飲早茶，其中一樣係盅頭鳳爪排骨飯，等左20分鐘左右未到，問侍應，回覆飯未熟……好，再等……再等15分鐘，其他點心已上齊及食完，飯仍未到，再問問，侍應見到招手都唔理，扮見唔到，話如果漏單就唔要，侍應仍然話“整緊，就到……” 最終等了一個鐘，個鳳爪排骨盅頭飯才到，但飯硬到令人胃痛……其他食物方面，叉燒腸粉皮厚；灌湯餃及鮮竹卷都頗鹹；豬肚粥唔算太差, 但明顯是味精粥；蝦餃一夾就甩底，4粒都不能完整夾起。唔想再光顧下次了。😕

哩間稻香的質素好高。噚晚與幾位朋友初次品嚐德福哩間稻香。菜式個個都讚不絕口。廚房的手藝果然不錯。價錢也公道。但是員工人數不夠。要落單及加水，要稍為等一會才有人幫手。希望下次再光顧時，有多啲人手幫手。

附近睇戲完場九時多, 2個人不約而同諗起稻香食任食火鍋 呢一間宵夜9點開始,比其他分店半個鐘~ 自從搬左去8樓, 空間大左,坐得舒服D. 先order粟米豬骨湯底, 再點左必叫既雪花肥牛,牛小排,廣島蠔,沙白蜆,白鱔片,花膠仔,海蝦,生魚片 等等 , 然後去自助吧拎飲品,調味料. 飲品有好多選擇,有韓國既, 沙冰同埋汽水 , 返坐位時,食物湯底都陸續上檯 . 我地可以先食陳醋木耳,涼拌粉皮 等水滾~ 食物用料好新鮮, 最中意有D食物可以點半份, 咁2個人都可以食多D唔同款, 尤其好好食既水餃雲吞, 如果點一份真係太多了食到8成飽又出去拎芝麻糊杏仁露, 我最愛雙拼 . 雪糕係牛奶公司不過有芝麻味都係唔錯既選擇 🍦雖然好多食物都賣哂無得食, 不過勝在種類多, 同埋$138 一位真係好抵食呢

九龍灣德福廣場2期的稻香酒樓晚市的任食火鍋套餐先來刺身及龍蝦鮑魚海鮮拼盆夠份量，另外醬料，及各式飲料沙拉雪糕和甜品源源奉上，真是令人大快朵頤！但可惜是商場女洗手間的環境惡劣，整晚連半張厠紙和抹手紙也欠奉（不知情者以為是環保計劃）

群芳茶聚在德福廣場稻香酒樓，11點鐘前的優惠套餐平靚正。呢款「輕食惜食一位餐」$16.8，我們要四份分享。除了鳳爪略鹹，其餘都尚可！呢款「輕食惜食一位餐」$18.8，我們要四份分享。除了與上圖的點心拼盤和生菜一樣，這款是味菜豚肉蒸黎麥飯。「晨光任你選」套餐的艇仔粥是不過不失。魚皮餃灼淮山雖然較清淡，都是較健康之選。脆網蘿蔔糕，香脆但多油。生滾豬肚雞粥，料足夠味道，挺不錯！這是其中一張點紙真係好抵食，人均消費$47.5，大家都吃得飽飽。

今日全家人都好早起左身，於是就去左德福間稻香飲早茶，九點前去到，無乜人，即刻已經拎到位。喺屋企人話事之下亦都好快填好左點心紙，不過唔知點解明明無乜人，將點心紙舉高揮手啲樓面姐姐們都係無乜反應，舉左手15秒左右，我大叫左聲「唔該!」先有人應機。不過啲野食都算幾快上黎，加番少少分比佢啦。打頭陣既係鳳爪排骨飯，由於本身啲飯都有啲肉汁，就算唔加鼓油其實都好夠味，加埋排骨同鳳爪一齊食都夠哂開胃。之後另一碗雲耳排骨飯亦都上枱，比起鳳爪排骨飯，佢失色左少少，可能係由於鳳爪排骨飯比較鹹，所以食呢碗雲耳排骨飯嗰時顥得唔夠味，不過佢啲雲耳食落都幾爽口，唔錯！而排骨其實就同鳳爪排骨飯既排骨同出一徹（如果唔同既話就嚇死人啦。。。）又黎左碗豬肚雞肉粥，姐姐落左比較多既胡椒粉，所以鹹左少少。不過佢用料都幾足，入面係有啲肉食下，算係中規中矩。食完啲正餐野，啲點心終於黎啦。首先係鵝肝黑椒燒賣，由於佢做緊特價，所以比起普通既燒賣更加平！而且佢食落比普通燒賣好食，的確係食到少少鵝肝味，加上佢落左啲黑椒係面度吊下味，其實食落係幾過癮。牛肉球，一家四口食就岩岩好！今次姐姐手勢好，落喼汁岩岩好，唔會比酸味蓋過哂啲牛肉味，不過建