稻香 (德福廣場2期)

營業中

休息中

為左食個一蚊鮑魚雞煲早早就收工來到稻香門口等位，但其實只需要提前15分鐘左右就可以。位置好多，晚餐的人都好熱鬧。見到人流咁多，食材都應該好新鮮準時八點拎飛，八點半入席！一坐低就有店員放低一鍋鮑魚雞煲真係好正，聞到一陣香辣味道，份量都好多，真係一d都唔孤寒呀！稍微煮一煮熱，味道都好似色水咁正我本身唔太鍾意食鮑魚，但都試左下，咬得開都好入味，呢個一蚊煲真心有誠意！兩個人仲叫左d火鍋配料，邊食邊傾計，火鍋有算人頭費，8:30之後火鍋配料半價，最後埋單只需要$176！真係好正好平哈哈哈！

不知所謂既片皮鴨，雖然真係好平，$88係唔應該有要求，個居然差到一個點，我極度懷疑上碟既唔係鴨，係雞皮😡😡😡，仲要其中一籠既粉皮一半都係濕曬，有茶色😡😡😡，再黎片皮鴨醬，一碟正常色但味道係非一般既甜醬，有怪味，而另一碟醬似千島醬，但食落去居然有wasabi味🤢🤢🤢試諗下片皮（雞）點wasabi醬，係咩玩法？😤

去開九龍灣見差唔多兩點鐘， 諗起德福廣場有間稻香有超抵下午茶食， 因為平日關係所以等位嘅人唔多， 等咗幾分鐘就已經有位， 其他酒樓都係大中小點當小點計， 而佢就連特點同超點都當小點計。我哋兩個人叫咗以下食物：鮮灼鯪魚球拼魚皮餃 8/10脆皮韭菜抄手7/10蝦餃皇7/10, 淮山藥膳鳳爪7/10鴻圖燴湯伊6/10總結以上食物最抵食係鯪魚球魚皮餃雙拼， 蝦餃個皮唔夠煙韌， 脆皮韭菜抄手一般般，淮山藥膳鳳爪足料，鴻圖燴湯伊就好普通，以咁嘅價錢算好抵食，下次會試其他。

尋晚去稻香打邊爐🍲，8:30後係半價時段，所有火鍋料都半價，幾抵食。尚品和牛盛：有日本霜降和牛、厚切牛小排、安格斯肥牛卷、牛柳粒和金菇肥牛卷。日本霜降和牛油花分布幾靚，色澤均勻，入口軟熟不過比較肥；厚切牛小排冇咁肥，牛味重啲，肉質比較結實；其他牛肉就一般。濃湯豬骨鍋：鍋底配料豐富，有豬骨，粟米，蘿蔔，豬骨味都幾香濃，帶有粟米清甜味。黃金脆竹卷：即係響鈴炸枝竹：油麥菜：顏色翠綠，爽口清甜白鱔片：晶瑩剔透，肉質新鮮，入口都幾鮮味芝士腸：桂花蚌：都幾新鮮，肉質爽口宵夜時段係幾抵食，除翻開每人百幾蚊，食物質素都OK，算唔上高質但亦都唔差。

平日我同男朋友去食火鍋宵夜8:15去到冇乜人覺得奇怪我樓下 (將軍澳) 日日8:00已經排長龍到點好餐,個呀姐問我地要咩湯底我地話已經點好,佢話佢自己拎湯底既講完唔知咩湯底,仲話叫我地拎電話出嚟但對答係廣東話,感覺好奇怪當佢新人算...到我地食到十點左右,話佢地埋數呢家埋單好唔好店員企係度就算啦之前好多時話叫埋單,店員會幫手拎出去收銀我地好懷疑咩事企係度說算咁我地埋完單一陣冇啦啦熄燈 ,得返一半燈但仲有十張檯仲食緊咁樣叫客走第一次見。。。咁都得???我見附近食客同我地一樣起碼仲有半個鐘可以食,好多野未食可以話....真係第一次見識咁樣服務…仲話優質服務???嚇死人囉

[ 砂鍋大魚頭豆腐湯 ]先呈上的魚頭湯呈奶白色，湯底以大魚頭，豆腐，芫荽菜煲成， 魚鮮味道甚為特岀。豆腐嫩滑，湯底清甜，約可分成8小碗。[ 酸甜骨 ] 餐廳的招牌菜當然要一試，紅噹噹的 士多啤梨骨酸甜味濃烈。以中式的咕嚕肉配上士多啤梨的新菜式，貌相更為吸引。金沙骨大條粗身，醬汁惹味令我想點一碗白飯。[ 上湯浸時菜 ]吃了多種肉類海鮮，還是要吃點點菜。以上湯方式調製，蔬菜保持鮮甜翠綠和爽脆。SHOP :稻香 (德福廣場) 九龍灣偉業街33號德福廣場二期8樓801號舖

今晚稻香勁多人排隊呀，人山人海👩🏻‍🤝‍👨🏼👩🏼‍🤝‍👩🏻🧍🏼🧍🏾‍♀️，可能1蚊羊腩煲實在太划算!叫左羊腩煲之後，火鍋配料仲有半價，真係好吸引呀!我地排隊都排左成45分鐘。入去環境寬敞明亮，仲有偏廳，都幾大，座位有圓枱或廂座。好彩都幾好食，無令我失望。一坐低已經有職員問我地係咪要羊腩煲。當然，我地梗係叫左羊腩煲啦，之後仲有象拔蚌、蔬菜籃、蝦滑🦐同苕粉🍜等火煱🍲配料。羊🐃腩煲黎到真係香噴噴呀，雖然只係1蚊，但有平時百幾蚊既質素。入面有約8件羊腩件，之後仲有枝竹、冬菇🍄、秀珍菇同蔥，羊腩炆得好腍而且好入味，枝竹吸埋啲汁，一個字，正👍🏻👍🏻!苕粉都幾爽滑，蝦🦐滑新鮮，象拔蚌略為腥少少🤏。

而家稻香平日朝頭早所有點心都半價，真係好抵食。質素嚟講就不能太高要求，蛋燒賣呢到熱辣辣，蝦餃入面啲蝦都鮮味，份量有大粒，而且腸粉又或再加上鳳爪味道濃又夠軟淋，同埋而家自己煲水斟茶，自由度就快啲，唔使等侍應幫手。

午市飲茶，由落單到第一個點心等半小時，小心凍嘅，煎薄撐煎唔熟，煎菜肉包拎上嚟冷冰冰，衰過七仔點心，已經第二次幫襯，諗住比多一次機會結果一樣咁衰。根本人手唔夠，仲要做埋外賣，傳菜等齊先一次過攞出嚟，擺都唔新鮮。跌咗張點心單落地下竟然執返起就咁擺入蒸籠繼續當冇事！簡單一句不知所謂！黑名單永不幫襯

今早突然call dinner gathering @九龍灣，有6條，有老有嫩，揀中菜，方便吹水，於是打電話去稻香，book 今晚6pm。今晚食客5多，但侍應也不多。冷氣溫度適中，5會涷到震 or 焗熱標汗。我地叫咗6人餐，份量係足，味道一般，無驚喜~燒鵝有2粒蠟燭燻住，幾好，5會涷咗起油。鮑魚汽鍋湯。。。有花膠、鮑魚做主角，幾掂~但配料既雞件和瘦肉就乾巴咗。湯都幾入味又清~三式田園泡時蔬，味道偏淡，健康之選。有鮮淮山、木耳、蕃茄、白菜仔。其他餸菜都ok~甜品係芝麻糊，同平時食既5同，比較“沙“d & 少甜，5知係咪自家磨？今次又係食5晒，要打包半碟飯，5好做大嘥鬼

一家人訂左半圍菜，茶水竟然自助，但係無人同我地講菜式：- 龍蝦伊麵：一般，龍蝦太多粉，伊麵過淋- 炒雙蚌：完全沒有味道- 百花球：杏仁片包住蝦球炸，味道一般，外面杏仁太乾，沒有蝦味- 翅：有啲腥，無乜料- 龍躉：ok- 鮑魚扣金錢：冬菇ok, 鮑魚難食- 燒雞：ok, 但份量很少- 炒飯：ok- 奶黃卷：失望全程沒有服務，人手太少，上菜慢，好多都唔夠熱，啲碟裝到滿哂無人換，想揾人幫手影張相都要等十幾分鐘第二日仲有少少肚痾

一蚊雞返黎啦~正呀喂!沙士價啊~2人起入座即可享用一蚊雞優惠了!春雞尺寸,當佢做手撕雞就OK啦 炸到香脆皮薄肉嫩 一人食一隻雞脾都回本!只限堂食原隻烤雞上菜 新鮮熱辣 帶手套食唔怕食到成手油~雞脾真係啖啖肉超嫩滑連個皮都超香脆好吃堂食叫個小炒小菜加白飯同啤酒都已經非常抵2支啤酒啤啤佢 今日夠曬豪邁啦~小菜叫左份帶子鮮魷XO醬炒韭菜小炒皇香辣惹味 帶子夠大隻 仲有魷魚片同肥豬肉 腰果等等小炒皇黎講算好有水準又香口又惹味只限星期一至五6pm-8:30pm稻香酒樓九龍灣偉業街33號德福廣場二期8樓801號舖沙田沙田正街1號蔚景園3樓尖沙咀緬甸臺3號恆星樓地舖平均消費$200評分8/10

I have been wanting to try this restaurant out with a friend of mine for quite a while now. We decided to give it a go yesterday. I have heard good things about this place and after giving it a try, I have to say I am definitely not disappointed. The Chinese food there was quite authentic in my honest opinion. There were a lot to choose from and the price was quite fair. The tea/water dispenser there was quite advanced and is very convenient!

我爸爸鍾意食稻香，作為一個孝順女，就陪佢去食啦。已經好耐無去稻香堂食，估唔到而家咁先進變咗自動入水，晚茶每位$14。我哋4個人叫咗5個餸，2個飯，真係食得好飽。啫啫鮑魚雞煲$128: 雞肉好入味，有4隻鮑魚，瓦煲熱辣辣，成餐都keep到呢個餸嘅温度。咁嘅價錢，隻鮑魚一啲都唔細。椒鹽肉排$88: 呢個餸係做稻香會員送㗎，好香口，雖然唔使錢，反而我覺得依個餸係今晚嘅亮點。大龍躉兩味$268清蒸頭腩： 蒸魚啱晒我老竇，啲魚好滑，蒸魚豉油撈飯一流。碧綠炒球：大大塊魚肉，無骨，啱晒我。安格斯腐乳通菜$98: 呢個就普普通通。埋單四個人大約$680，每人大約$170，酒樓晚市確實超值。

前排稻香做緊一蚊一隻皇子乳鴿,唔住同朋友去試下,乳鴿比想像中大隻,乳鴿送來陣陣的香味,皮炸得很香脆,咬起來啖啖肉,而且肉汁四濺,味道腌得不錯,但稍嫌少少咸,這是美中不足的地方🤣