稻成小館 (已結業)

和媽媽在屯門市廣場閒逛，見已到晚飯時間便在稻城小館晚餐。幸好早點入場，再遲5分鐘已經要等位了。稻城蟹粉小籠包小籠包有四件，內裡豬肉餡料豐富，蟹皇味突出。鮮雞湯雲吞雲吞大大粒，非常爽滑，配以雞湯一併享用非常滋味。川揚乾燒蝦球蝦球咸味和辣味並存，蝦肉新鮮，已去殼，每一淡都是蝦的精華。排骨擔擔麵擔擔麵辣度適中，與花生的香味結合，又是另一番味覺享受。三里屯粗炒麵粗麵調味適中，炒得很香口，是正宗的上海菜風味。炸銀絲卷外層香脆，沾上一點煉奶能提升味道。凍豆漿大大杯兼豆味香濃，很滿足的一餐。

遠征屯門的一個晚上兩個人決定吃中菜此乃稻成非那稻城日間的繁忙事令人疲於思考為免卻麻煩點了二人餐頭盤是南京鹽水鴨醬汁香醇帶點酒香是十分開胃的肉類頭盤再來是蟹粉小籠包這個上海代表很出色先咬開頂部再吸啜湯汁淡然的蟹黃味不多不少川揚乾燒蝦球用鐵板奉上蝦球體型巨大肉質爽口彈牙醬汁辛辣甚有四川風味是白飯的好良伴蟲草花炒翡翠苗份量很多湯汁惹味菜苗亦新鮮好吃追加一客蘿蔔絲酥餅熱烘烘是剛出爐的感覺已沒有不好吃的理由最後奉上江南地區流行的糕點拉糕用糯米制成的拉糕充滿米香是這席晚餐的完美終結

今日黎屯門行街順便食埋晚飯見呢間稻成小館有黑松露小籠包食就決定入黎一試餐牌前菜先叫左個黑松露小籠包每日限量二十份架咋Size比平時既大哦一啖係食唔哂架會爆汁 要注意呀好重既黑松露味成舊餡都有黑松露架糖醋魚塊糖醋汁做得幾好配上蕃茄 有點酸溜溜 而且啖啖肉推介砂窩雲吞雞半隻雞既份量配上小棠菜同雲吞鮮味十足湯湯甜但稍嫌雲吞煮得有點過耐排骨擔擔麵排骨炸得十分鬆脆而且十分大塊麵既質感亦適中如果有多d麻醬 個湯底就會更好味

同朋友去屯門市中心行完街見稻成小館有水煮食就入左去食晚餐。見佢廚師推介2人套餐400蚊都唔洗，好抵食咁所以就叫左呢但套餐！一坐底就有個小食炸黃豆好香口 一食就停唔到酒糟醉雞雞肉好嫩滑 皮好薄 一啲都唔油膩凍凍地 酒味啱啱好黑松露小籠包2隻成個權頭咁大咬落勁多汁 黑松露好濃郁好香食完小籠包都仲齒頰留香水煮海鮮大大碗勁足料有鮮魷魚、蝦、魚柳、粗粉絲、生菜、無數咁多辣椒味道辣中帶鮮 蟲草花炒翡翠苗翡翠苗爽口新鮮加埋蟲草花鮮甜又健康白飯凍豆漿豆味都幾濃桂花糕唔會太甜好香桂花味 好fresh糖醋魚塊除左2人套餐 我地仲叫左糖醋魚塊送飯魚塊炸到金黃舊舊都好厚肉 魚塊亦好結實酸酸甜甜好醒胃

2017踏入尾聲，又係時候清假，是日同母親大人來了屯門行下街，之後到了稻成小館食晚飯，見佢新開張地方大又新淨，加上不用等位，就試下先。茗茶（$5/ea）＋小食（$12）一般中菜館都會收茶錢同小食錢，呢度叫唔算好貴，而且店員不停添茶幾好態度，小食係炸黃豆，香口又甜甜地，幾得意。水晶肴肉（$58）瘦肉比例多，但不會鞋口，脂肪位入口即瀜，加上調味不錯，一口接一口食唔停呢。稻成小籠包（$38）呢度個小籠包咁大粒嘅皮薄餡滿，湯汁鮮甜，好味！川揚鮮肉煎鍋貼（$42）鍋貼同樣大大隻，鍾意食佢皮厚同煎得香，入面同樣爆湯汁，好熱呀要小心食。蟲草花炒翡翠苗（$72）點番個菜平衡下先，炒下菜苗，無乜特別同味道略鹹，一般。四川宮保雞丁（$72）辣辣地好開胃，雞肉彈牙鹹香，花生香脆，正。亞丁鹹肉炒菜飯（$72）上面啲餸好濃味，點番個清少少嘅炒飯，炒得未夠火候，飯有少少生骨，味道一般。高力豆沙（$42）最後仲點左甜品，又係好大個即叫即做熱辣辣，鬆軟微甜，好味。份量大味道又不錯，整體感覺良好，有下次

屯門商場有好多商場，呢間遠少少，其實都係商場入面行多五分鐘。見到有限量供應既黑松露小籠包(話限量每日20隻，唔知堅唔堅)，就叫一隻試下！小籠包一d都唔小，非常非常大隻。一開始見到包頂既黑松露，心諗唔會只得上面呢d咁hea呱。咬開，個皮做得薄既，亦好多汁！黑松露係個肉入面都有既，分量平均，有松露香得黎亦keep到肉味，good try!片皮鴨(呢個後期聽到話賣哂)夾皮二選一，薄同厚之分。薄既試得多，點左隻厚既，total六塊(所以肉係有多，唔可以一對一既)夾皮夠熱軟熟，good!配料都新鮮爽口呢度既片皮鴨係連少少肉，個人覺得good既，有鴨肉質地亦無咁油膩。片皮鴨幾好既，唔乾身，肥瘦適中！雞煲，有得揀勁，大，中，小辣揀左小辣，比我想像中辣。雞肉滑既，有好多蔬菜配料，新鮮！個煲係明爐燒住既keep住熱辣辣！加多個羊肉，新鮮無雪味，happy ending!

又到晚飯時間，屋企冇飯食，就同左阿妹去咗市中心搵嘢食，依家其實都開咗一段時間，又係啲角落頭位置，平時都冇乜點留意，但係阿妹話想試吓呢間就行咗入去啦，一睇個餐牌，都幾多元化，有水煮系列，又有點心，又有小菜，幾適合大眾化嘅胃口~因為我哋懶得諗，所以就揀咗個廚師推介二人套餐，其實套餐入邊都有好多嘢食揀，頭盤叫咗個酒槽醉雞，醉雞好入味，口感一流，最重要係酒味不太重，味道啱啱好，點心就叫咗巨無霸黑松露小籠包，哇~~個小籠包應該叫大籠包，大到好似個手掌咁大，入邊d料有好濃郁嘅黑松露味，主菜就叫咗松子菊花魚，表面係炸左嘅，魚身好滑，都幾好食，菜就揀咗蟲草花炒翡翠苗，都幾大碟下，最後食埋個甜品，就係桂花糕喇，我同阿妹食到要捧住個肚走丫

已經好久沒有入屯門，今天特意返入去探朋友，朋友帶我到這家新開不久的稻成小館食晚飯，外表看不出主打甚麼菜式，有辣的川菜，也有上海小籠包等等。再看看㸃餐紙的食物分類：有涼菜小吃、㸃心、肉類、海鮮、招牌水煮、蔬菜豆腐、湯羹、麵飯類；另外有甜品、飲品、特色凍飲、特色熱飲、酒類。四川涼粉 $48一條條切成長方形的涼粉質地清新爽口，粉原本沒什麼味道，都是靠醬汁，而且加上大量的薑末蒜泥香葱，味道酸麻帶辣，吃得過癮，風味十足。稻城小籠包(4隻) $38店員推介必食的蟹粉小籠包，一份四隻，皮薄夠韌度，夾起來亦不會穿，輕輕咬下，熱辣辣的湯汁流出，味道豐富鮮明。鳳梨咕嚕肉 $76熱辣辣好鬆化的口感，肉厚皮薄不韌不油膩，味道酸甜開胃，配菜有菠蘿洋蔥雙色椒。砂鍋華庭雲吞雞 $178份量足夠4人份，足足半隻雞，雞肉肥美嫩滑，雲吞大大粒，餡料豐富，湯清甜有雞味，食完已經好飽足了。豆沙鍋餅 $46貪食的我們再點了豆沙鍋餅，豆沙餡軟綿滑溜不會太甜，皮煎得金黃香脆。薑汁湯圓 $32最後還叫了一個薑汁湯圓大家分享暖暖胃，整頓晚餐圓滿。

放工同老婆不想回家煮飯，回到屯門市中心覓食，逛着逛着見到了這家新開的”稻成小館”，算是有個半開放的格局設計，最外面用個高的花糟分格，從外面可直望入內，但也顧及了客人的私隱，設計聰明。店內坐位寬落，卡位較多，坐得舒適。看到大大個2人套餐的招牌，菜式多樣吸引，今晚就試這個吧。精選廚師推介2人套餐 $398酒糟醉雞雞件入口花雕酒味濃郁，肉質嫩滑可口，沒有雪藏味。巨無霸黑松露小籠包兩隻這應該是我見過的小籠包裡最巨無霸的了，脹卜卜又實在，一口咬下，味帶肉香的黑松露湯汁溢出，是我喜歡的口感，煙靭又多汁，混合了黑松露的餡料夠香口。松子菊花魚松子魚賣相漂亮，就如其名像菊花一樣，魚炸得剛好，外層鬆脆之余又能保持到魚肉的嫰滑，醬汁味道帶微酸好開胃，細問店員下才知道原來是龍利魚柳做的，怪𣎴得沒有魚頭和魚骨。蟲草花炒翡翠苗份量很足滿滿一碟，好久沒有吃到過翡翠苗，十分喜歡它的幼嫩口感而且有新鮮青草芳香，沒有一點渣，炒得十分夠汁潤。絲苗白飯兩個、凍豆漿、精選甜品桂花糕唔錯，清甜芳香，杞子甘甜，飯後甜品不錯。

屯門市廣場已經日新月異，越來越多餐廳進駐，每隔一段時間，總有新選擇。今天在市中心閒逛見到這家稻成小館門面不俗，望入去裝修時尚，寬敞坐得舒服，決定一試。看看餐牌有甚麼特色菜，圖文並茂，點餐是從點餐紙中剔選，價錢方面亦相當親民。看到有期間限定烤魚，而且好久沒有吃過，一於試試。巴蜀烤魚 (期間限定) $208/條 凡惠顧以上套餐，專享正價飲品買一送一在一般烤魚店吃到的一般都是江團、清江魚等等，用黃花魚做烤魚也是第一次吃到，我們要了少辣，賣相不錯，魚都夠大條，只是湯汁較為稀和油膩，魚肉較少，肉質有點干硬，味道做得算是地道，配菜入味。亞丁津白春捲(6件) $42比平時的春卷大上不少，餡料豐富飽滿，是用津白為主做的餡料，外皮非常薄脆，口感非常豐富，加上少少醋酸汁，十分不錯。四川擔擔麵 $54剛上桌時湯色比想像中淡和稀，店員提示我們經搞拌後，賣相正常得多了，聞到陣陣麻醬香，麵質地較為腍軟，味道正好不會太膩。酒釀桂花丸子 $32份量正好合二人分享，十分滿足的晚餐。

屯門市中心又有新餐廳-稻成小館餐廳菜式以上海、四川為主，菜式多元化，適合多人囗味餐廳裝潢簡㓗，枱分隔比較寛濶，十分舒適稻成小籠包，小籠包外形脹卜卜，好吸引皮薄，豬肉唔駭，湯汁十分鮮甜亞丁津白春卷呢款春卷餡料特別，用左津白，外脆內軟，而津白鮮甜多汁，味道突出椒鹽小黃魚，呢度一尐都唔小，size 相當大，黃魚外面乾身，唔油，魚肉新鮮，好滑酒釀桂花丸子滿滿既丸子喺上面，好震撼，丸子煙煙靭靱，口感唔錯，夾埋桂花香味，令到味道提升哂

今日入屯門做野，所以約約朋友食飯朋友話想食小籠包，所以就黎左稻成小館試試啦四川回鍋肉香噴噴唔太辣夠曬火喉，好惹味送飯最佳之選排骨擔擔麵好大碗呀，配埋塊排骨分量足好抵食孜然寸骨呢味好香口，孜然味好香好怕D骨好干好鞋呢度火喉控制得好好，好香口小籠包熱辣辣好好味呀肉質鮮甜又多汁果然無令我地失望叫左小籠包都唔夠仲叫埋鍋貼😆煎得好香脆呀係好食既到我至愛既雞煲啦好香麻辣味，雞肉新鮮肉質鮮嫩份量唔小冬天食 真係好暖身連前味都食曬😆😆總括黎講係抵食既😋

一向好鍾意食上海野終於得閒試試稻成小館！叫左小籠包 擔擔面 醉雞特別想講個醉雞真係好濃酒味 但又唔會cover哂雞味其實我覺得幾好食小籠包都唔差舖頭夠大又幾好坐 屯門食到依個水準嘅上海野算係咁～ 

本身黎到呢間餐廳係想食烤魚，點知當晚半條賣晒，最少要嗌一條，我覺得同男朋友兩個人會食唔晒，所以轉左叫半隻雞煲，同埋其他小菜。首先要讚下呢一個小食，唔記得咗係咩豆，但越食越停唔到口小籠包係我男朋友嘅摰愛，所以每次見到有就會叫。呢間嘅小籠包皮好薄，而且勁多湯！宮保雞丁就麻麻哋啦，雖然雞肉幾嫩唔嚡但唔夠辣京蔥爆羊肉，呢個反而唔錯，調味適中，羊肉份量都夠，亦唔會”蘇”半隻雞煲，份量ok，但一開始唔夠味，煮一陣先食就最好店員會主動加湯，幾好雞煲配蜂巢豆腐最正，吸完湯之後食一流叫雞煲或者烤魚可以享有正價飲品買一送一嘅優惠，計返都係＄13杯咋西柚野莓梳打，甜度適中，味道正常圓肉玫瑰花茶，估唔到唔係用茶包，係真嘅玫瑰花同龍眼肉去沖，花香濃郁但小小過甜。

這裡有 四川 加上海 都幾特別，岩晒屋企有有辣有吾辣既人，，點知原來屋企人食過都話好，我都覺這裡2個菜都做得平均滿意。等左大約十分鐘食物就黎到啦，之後好快野食就黎到啦，而且待應都好好，見到食完好快執好野同倒水，抵讚甜品我們叫左二款，二款味道都好食，酒釀丸子 夠濃又香，小丸子再彈牙點就更好味 。蒸饅頭一層層饅頭卷成，好軟熟又新鮮，配上煉奶一流。之後來了期間限定 水煮桂花魚 好大盤，味道都夠麻，辣度都可以而且幾滑添，下面仲有紅薯粉芽菜，入晒味好味道，份量吾少最後仲要吃不完。小籠包 配醋，味道真係做得好，皮薄餡多汁都吾少蟹肉和豬肉味配合得吾錯。桂圓玫瑰茶，原來用玫瑰釀，怪不得味道濃郁又帶花香，龍眼仲要勁入味吾會中太甜剛剛好。翡翠苗有蟲草花仲香口，上湯濃郁又味道剛好，十分清新。最鐘意焦糖燉蛋 吾太甜又香蛋香。