稻成小館 (已結業)

今日同朋友吃飯，佢話家附近有間食上海食物吾錯就話過黎食，黎到因為比較早六點多就不用等位就有得入去，今次我地都係食上海為主，原來這裡還有四川食物都幾靚（見人食），所以朋友話下次都同屋企人再食。豆沙鍋餅，炸出黎吾油而且十分脆身，豆沙蓉吾甜剛剛好。松子魚係我最愛當然想食啦，魚炸得剛好吾會好硬，仲保持到魚肉嫰滑，醬汁味道少酸好開胃，而且仲要配菜吾少十分惹味，最後仲有少少食吾晒添。薑柚子茶，薑味十足又有柚子香，味道濃郁吾錯。回鍋肉份量吾少，食落好辣度剛好而且醬汁吾會太杰身，肉切得薄和菜都吸晒味，送飯一流。蔥餅，沒想到這樣的做型，食落去仲諗住成口油，點知蔥味道濃郁又香，餅面脆又香而且吾油，不過都幾飽肚。木耳青瓜脆口帶微酸，十分開胃。而且這裡的環境裝潢都好靚又舒服，傾下計都吾會覺得嘈。 價錢也不貴幾抵食。。

媽媽好鍾意食中菜 身為孝順女嘅我 梗係唔會逆佢意啦 今次揀咗呢間又係食京川菜嘅餐廳 位於屯門市廣場 行完街去食就啱曬 小食叫咗山龍抄手 呢味菜我諗係紅油抄手嘅演變版 因為味道都係辣辣香香 有蒜蓉咁樣 入面啲餡料係菜肉雲吞 之後就叫咗呢度嘅招牌菜小籠包 小籠包整得好出色 皮薄超多湯汁 而且大大粒 用筷子鉗起啱啱好唔會爛 肉質好嫩滑 而且調味恰到好處 香酥炸臭豆腐 呢味餸又係推薦嘅 臭豆腐係香港人嘅回憶 不過依家唔係到到都食到 佢係臭豆腐嘅迷你版 炸得好香脆同埋少少臭比較健康 金菇上湯翡翠苗 翡翠苗好大兜 有好有雞湯嘅味道 而且個菜恰到好處 唔會話太油 緊緊熟 菜苗真係bb完全冇揸 四川樟茶鴨子 可能我見識少真係冇聽過呢個名 隻鴨上菜個皮係脆 食落口好有煙薰味 鴨肉較為乾身 呢隻味道外面好少有 幾特別加上側邊有啲包仔可以夾埋鴨肉一齊食 味道幾夾 甜品就叫咗焦糖燉蛋 估唔到食中菜嘅地方都有 上面既焦糖好脆卜卜 而且一啲都唔苦 下面嘅燉蛋好creamy 蛋味好濃 而且夠曬滑溜 又唔會話好實 食番個上海傳統甜品 高力豆沙 新鮮滾熱辣炸起 四個大波波 外面好似綿花糖咁鬆軟 唔係太甜 入面嘅豆沙餡好

平日晚上的八點時段，係OpenRice到訂座，去到都有幾張空枱，即刻可以入座唔洗等3個人，叫左個OpenRice套餐，另外再叫左一個雞絲粉皮同雲吞定水餃(唔記得左)。套餐凍盤個鴨食唔曬，因為大家都唔好鴨。小籠包唔會一夾就穿底，配埋醋食主食要左糖醋小黃魚大家都覺得最正既，奶油白菜同蛋白炒飯正常，蛋白炒菜飯都多料的，唔係嗰啲飯多菜少的炒飯。雞絲粉皮多醬個水餃定雲吞都好食既。整體很不錯，個人黎講絕對好食過樓上間小南國，又有得係OpenRice訂座，好方便

係屯門行街行到攰，真係不得不介紹呢間野，講真果句又唔係貴，價錢正正常常，最抵食當然係下午茶餐，六十幾蚊就有一個前菜、一個主菜、同埋一份小食，加多幾蚊仲有得飲下豆漿，真係好正！加上下午茶時段唔算多人，兩個人入去都可以坐到卡位，又舒服又唔駛等講到食物味道，如果你同我一樣鐘意食酸既就熱烈推介糖醋排骨，真係無得彈，仲有唔少軟骨可以咬，餸飯/面都一流啊！仲有我至愛，每次去到都會叫既黑松露小籠包，包你食過唔會後悔，又熱辣辣又多汁，配埋個薑絲醋吊下味，黑松露既香味即刻係個口到湧哂出黎，仲要係勁勁勁大隻，保證你食過翻尋味！而家基本上我每個星期都會去食一次，因為真係太正太好味，誠意推介

放假跟媽媽去嘆茶, 之前都試過蹈成小館的晚餐, 今次試試午餐。1. 蹈成小籠包 - 入面有肉汁, 但皮不是太簿, 味道是不錯的!2. 糯米燒賣 - 做法跟普通燒賣一樣, 但入面包著的是糯米飯!很特別呢! 而我自己都對糯米飯有興趣, 所以合我胃口呢!3.川揚鮮肉煎鍋貼 - 感覺跟小籠包一樣, 有肉汁但皮不夠薄!但要二選一的話, 我會選鍋貼, 因為比較香口~4.炸菜肉末配叉子燒餅- 愛煎炸食物的我都愛此道菜!叉子燒餅芝麻味很香很脆口, 配上肉碎簡直PERFECT MATCH~!

無意間人路過，個肚又餓餓地，就試下呢間。入到去環境都幾乾淨，侍應們十分有笑容同禮貌。睇下個餐牌，就午餐都已經有超過20款選擇我點左「水煮牛肉」套餐，辣湯好夠味，唔會太喊，碗裏面d牛肉好嫩，勁多芽菜配搭紅薯粉，好夠麻辣，直頭有小小變左孖潤腸本身都係一個食得辣嘅人，都覺得好辣，唔食得嘅千其唔好叫來食，請叫其他來試，其他應該都唔差嘅套餐跟左杯「柚子茶」，幾好飲，唔會太甜。下次一定會再來試下晚飯如何，侍應介紹呢個「京城片皮鴨」，佢話每晚份數唔會多，好快賣晒，好想試。

呢間店開左一段日子，但通常都係去隔離間 ❝肥❞ ❝脆❞食飯，見OPENRICE有個6折餐推介，就相約好友在此聚一聚。環景黎講，始終開業不久各方面都唔會太殘舊，空間感呢度比隔離檔亦都寬鬆好多。唔好講咁多，先黎睇睇今餐有咩食。。。雖然系2人餐，但份量足夠3人食。如細食既話，真系變4人前都得 (但由於落單時唔知份量咁大，我地另外仲散叫左一冷盤及一雲吞雞湯) OMG三小碟 (涼拌小黃瓜、南京鹽水鴨、老醋小排骨) 雖然店家將三款涼拌放於同一大碟上，但各居一方，不至混雜上另一味道。本人最愛拍小黃瓜，清甜爽脆酸酸哋醒胃、小排骨醋味尚算適中不刺鼻、鹽水鴨就失色了少許肉質唔夠嫩滑比較硬身。雞絲粉皮 總覺得食滬菜系要點雞絲粉皮先過忍。好味好豐富既麻醬口感 呢個價錢呢個份量可以接受。蟹粉小籠包(4粒) 食左一粒先記得相機未食 揾朵花仔填一填個位 隻小籠出黎熱辣辣既，皮厚左少少，包湯唔夠，唔多覺有蟹粉。咸肉炒津白 一個字超咸師傅真系要注意下 (食得晒成碟個條友應該系有病) 蔥烤菊花魚 用上魚扒肉質尚算嫩滑 但醬汁太濃砂鍋雲吞雞湯 又系一超咸既湯 師傅可以輕手d嗎？ 正常香港人系食唔到太咸或者太甜架 pls~

早兩個星期第一次食，所以食左大路既小籠包，排骨粗面咁上下既野，饅頭，同唔記得咩前菜，都below average 😭 係個門面好少少，座位都算舒適一定唔會再去，屯門大把選擇好過佢

這間餐廳之前有經過。一直想試，今次可以試了，在openrice訂了枱。前菜炸黃豆，好香口，不過好熱氣呀！！openrice訂枱就可以優惠食二人套餐。椰林飄香+椰汁紅豆冰好大杯，一般味道！前菜：涼伴小黃瓜，南京鹽水鴨，老醋小排骨。如果可以分開放會好d，這樣放埋一齊會將d汁同味道撈埋一齊，感覺怪怪的。小排骨最好味。酸酸甜甜的。唔肥的，小黃瓜okay的。鴨就一般呀。蟹粉小籠包，肉汁夠多，好香蟹粉味道，皮夠薄身，好食。菜粒蛋白炒飯，炒到夠乾身，菜粒同蛋白也夠，份量亦唔少呀。津白咸肉。也是好大碟。都ok的。咸肉不是好咸。肥肥地咁。葱烤菊花魚，未聽過這名字，好大條魚，感覺似魚扒，啖啖肉，有好多葱同醬，那醬甜甜地咁，都幾香口，魚肉唔算好滑，不過都幾好味。桂花酒釀丸子，這個好香，淡淡桂花香，淡淡洒味，小丸子細細粒，好軟淋淋。好味道。芝麻湯丸，也是幾滑身的，芝麻也夠香，不是太夠熱同薑。服務好好，食物ok，價錢合理

今個星期，我一連兩日都係依間道食晚餐一來野好多，雖然有d貴但我都係好想試下我想食既片皮鴨上文提要....我尋日食唔到今日終於叫左鴨唔今日唔洗等就有位係可能真係夜，因為都成9點唉....打工仔係咁架啦⋯⋯食d好野咪當心靈上有d安慰囉今日我叫左半隻片皮鴨都ok既少少地2個人食係ok但我覺得唔夠熱，同埋唔係你面前片依個係有空間改善上海粗炒都唔錯喎⋯⋯都多既麵仲好彈牙夠味返食咕嚕肉依個必食好食到一個點鮮波羅正嫩雞煨麵不過不失啦⋯⋯仲有小籠包好多汁正好好味呀d野但今個月已經食晒d錢再等下個月再食

今日掛左好多年都無掛既十號風球，由於屋企無儲糧，所以夜晚就出街搵野食真係餓到一個點咁出左屯門市中心，成日都見依間野好多人排隊，於是好奇心之下就攞飛排隊等左半粒鐘就入左去滿心歡喜諗住叫片皮鴨點知賣晒好傷心呀⋯⋯咁於是第一次食既我就膽粗粗叫左水煮牛肉不過不失送飯一流好大碗架，都幾多料架小籠包皮薄多汁算係幾好咕嚕肉掂用料好新鮮有鮮波羅正呀！仲好大碟下讚讚讚同一個靚仔（白飯）食完依餐之後真心覺得有下次！堅係唔錯

呢間餐廳開咗一段時間，不過附近太多選擇，所以一直都未試過。今日心血來潮想食小龍包，就一於試下呢間。雖然佢看似食川菜，但又有京滬菜，雖然定位不是太清式，但試下唔會死，所以就試下啦。叫咗個醉🐔雞，超肥⋯⋯味道一般。小龍包反而有驚喜，一口咬落去，啲肉汁勁多到流哂出來，而且比平時嘅小龍包大個。個稻成炒飯都ok,飯炒得較乾身不過另外叫咗個馬蟻上樹同炸醬麵就中伏了首先個馬蟻上樹無乜味，除了勁大西芹味....同平時食開嘅好大出入。炸醬麵就仲衰，即係肉碎乾撈麵，連碗湯都無，而且味道認真麻麻

屯門區其實可以選擇既食店唔多．要搵好食既更難🙈今次黎呢間竟然有驚喜！點完野食我地對呢碗前菜已經食唔停．出面最多比花生你．呢度就比炸黃豆．味道原來幾好！呢個香炸豆腐超級好味．鐘意食臭豆腐既記得要叫！三色水餃真係貪影相靚．其實食落無特別上湯翡翠苗．夠晒味👍🏻呢碟又係非食不可既😙片皮鴨．睇中左個飽所以成檯野梭仲要叫．味道ok鴨夠瘦但皮唔夠脆雲鈍雞．雞好滑豬排膽膽麵．都幾ok黑松露小籠包．呢款超級超級邪惡．勁勁勁好味！店內寫係限量供應既．鐘意食黑松露既朋友必食！鮮蝦嬌紅鍋飯．感覺只係普通炒飯．又比顏色吸引而點左！總括黎講全部都Ok同有驚喜既．一定會再黎！已經又好掛住個黑松露小籠包啦．．．

今日媽媽生日，近近地揀左屯門稻城小館慶祝，人多自然叫得多，盡興d 👻👻 一坐底就睇餐牌，樣樣都想食真係點左好多🤘🏻小食叫左醉雞，雞絲粉皮，川揚鮮肉鍋貼煎鍋貼雪菜肉絲炒年糕，味道剛剛好，唔太咸，媽媽都話正！京城片皮鴨（半隻），一般水準，切得太厚，皮就唔夠脆！乾煸四季豆，呢個必叫，少少辣，好惹味，食到停唔到！蟲草花炒翡翠苗，清清地，鮮嫩青香，加埋蟲草花，絕配！水煮大黃魚，辣妹唔少得叫水煮魚，一放底就聞到陣陣麻辣味道，魚煮得好滑，配料仲跟埋粿條窩筍，一試難忘砂鍋華亭雲吞雞，足足半隻雞，個湯好有雞味，雲吞都大大粒，味道剛剛好！喜洋洋鮮茄蝦鍋巴，蕃茄汁好濃，鍋巴好脆，好香口！黑松露小籠包，重點推介，超濃黑松露，好香，肉都好鮮又多汁，好好食！

星期六陪媽媽去街後本想到茶樓飲茶，但竟要等100張枱以上！四處行下看有甚麼好吃，因看這家未吃過，又不用等位便試試了。雞絲粉皮 (8/10)麻醬足料，很香的花生味，粉皮十分軟滑！糖醋排骨 (7/10)媽媽很喜歡，覺得甜甜酸酸很開胃。但我個人愛醋味濃一點酸一點的，但這偏甜。小籠包 (7/10)皮很薄多汁，但我比較麻煩，有點嫌餡料太大粒，缺少小籠包應有的精緻感覺。但媽媽很欣賞，讚不絕口。擔擔麵 (7/10)因媽媽不太嗜辣，叫了小辣。但來有點夾，麻煩了店員要剪麵。花生味很濃，但湯太稠，吃到後來有點像撈麵，扣了少許分。雞湯餛飼 (6/10)媽媽想清淡一點，叫了一客雲呑滿足她，味道沒甚麼特別。雞絲粉皮有感比其他集團的餐廳更美味。可惜服務態度一般，常來看我們的碟要不要收，有點想我們快點離開似的錯覺。