秋拾米線

營業中

休息中

原本係想去隔離間車仔麵，冇開就求其入左黎，見佢坐滿人，以為都OK啦，點知嚴重中伏。首先，QR code落單，我地一行二人行開落左(A)一個米線連飲品，（B）一個米線連飲品另加兩個小食。結果等左超過10分鐘，黎左（A）嘅飲品 加（B）黎左米線連飲品再加一個小食，再等左15分鐘，冇其他嘢食再上過。同時亦都見到其他顧客都錯單同漏單。最後足足等左25分鐘，終於都上埋（A）餐個米線同（B）第2個小食。論嘢食，皮蛋可以，雞翼係難食的，反而米線入面嘅墨魚春卷同豬軟骨ok，但點ok都冇用，因為佢d杯、碗、匙同筷子都有幾大陣洗潔精味，根本一路食一路飲都係食住果陣洗潔精味。食完走左後即刻要買支茶漱口過左果陣味，呢間嘢永無下次。

中午去試新的米線店 - 秋拾米線。點了一個招牌魚腐米線，味道頗清淡，吃完不渴，該沒下味精。不過看著鄰桌的炭燒豬頸肉米線就開始羨慕了，看上去比較惹味。我們點的咖啡到結帳都沒來，我明明在QR code下單時按了，店員又說我沒按，最後我們就沒喝飲品。新蒲崗的米線店，雲川米線還是我心中的第一位，每次經過嗅到那麻辣湯味都有想進去吃的衝動。各花入各眼吧？喜歡清淡口味的人可能比較喜歡秋拾，也有人說覺得雲川米線很味精，我是不覺得。口味太多個人感覺在，就如同一碟芥末，我覺得不辣，不能吃辣的朋友覺得辣。

秋拾米線 新蒲崗康強街34號康強洋樓A座地下8號舖呢間餐廳開咗唔算太耐，但已經好多人推薦，今日經過新蒲崗就試吓食，睇吓係咪真係咁好食先🤨湯底方面只有兩種選擇，第一種招牌豬骨湯底，第二種秘製酸辣湯底。叫咗個人氣之選炭燒豬頸肉米線$55另加咗墨魚春卷$8酸辣湯底炭燒豬頸肉份量都真係好多，一個人勉強先食得晒😜😜😜😜。每件都非常之香脆，但肉質又唔會太乾重點一定要配泰式酸辣醬！豬頸肉值得一試😍😍😍湯底酸辣湯底配料有炸醬，花生，雲耳，湯底辣味幾惹味，不過就好似有少少唔夠酸，希望可以加少少酸菜啦🤓🥰🥰

見到食評好多人點讚 ，亦都有一啲網上美食刊登介紹。 今日經開新蒲崗 就入內去試下啦。 店內人多搭枱就預咗㗎喇。 坐低之後 點左個很多人都讚嘅豬頸肉同埋特色通心米線 。當食物上枱 豬頸肉賣相係可以的 ，但係個通心米線 淋到好似河粉咁 ，可能個豬頸肉係用炸嘅形式啦 ，每一塊都有好多 細細粒嘅 硬粒喺度， 整體食物味道沒有其他食評講到咁好食 。見到坐咗係隔離枱 一對情侶，點咗個通菜腐乳 聽到佢哋講話個 腐乳醬 咸到要用個湯清洗先至可以食。 所以 結論就係 有啲嘢試過就算喇！

今日係新蒲崗食左間超好食米線👍🏼👍🏼100分推薦😅🤭🤭尤其個魚腐同豬頸肉😍。🥢招牌魚腐米線配滷水雞翼 $67招牌魚腐米線呢間餐廳嘅招牌菜。米線配上鮮嫩爽口既自製魚腐，米線湯係豬骨湯，湯底清甜，配小辣，唔算好辣個種，但好香！米線偏硬身幾有咬勁。。🥢炭燒豬頸肉米線配滷水腩肉及蘿蔔 $77炭燒豬頸肉米線超級好食！首先湯底係秘制酸辣湯，又酸又辣超多配菜！炭燒豬頸肉係分碟上，炸到香脆得黎唔過火。超高質！滷水腩肉同蘿蔔炆得淋身好食。。🥢八味豆腐 $24 呢度啲小食好抵食！20幾蚊左右一碟，炸得好香口，一粒粒岩岩好。。🥢自家製手作蝦多士 $22蝦多士炸至香脆，外層金黃酥脆，內裡鮮嫩多汁。。🥢腐乳通菜 $20腐乳通菜抵食大大碟。

✍︎︎秋拾豆花撈米線 $38豆花| 炸醬|酸菜|辣醬|花生炭燒豬頸肉米線 $55加魚腐$10轉通心米線+$1椒麻爽魚皮$28❥香港好似真係好少通心米線食😍見到好多人介紹，緊係要去試一試🥰••••••••••••••••••••••••••••••🔎秋拾米線 新蒲崗康強街34號康強洋樓A座地下8號舖••••••••••••••••••••••••••••••

依家黎講下我嘅食評啦！今次試咗間店嘅炭燒豬頸肉米線，燒得啱啱好，有嗰種微微焦香，超級惹味，相信我，食落真係爽口得滯😋！湯底夠晒酸辣過癮，我試嘅係小辣嘅，啱晒啲唔鍾意太刺激嘅朋友。再來講吓呢個德勝玲姐豆花撈米線，豆花滑得嚟又嫩，同魚腐一撈，完全天造地設👌！米線幼滑入口，帶有種似爽似QQ嘅口感，絕對係人間美味。蝦多士呢，炸到金黃酥脆，每一啖都飽滿蝦肉，這份鮮美，你唔試點知？總之，呢間店嘅食物真係唔錯，下次會再黎探秘更多美食，記住喇，好嘢唔好藏私，快啲約埋你哋嘅閨蜜死黨一齊黎試下啦！🍜🐟🌶️

有個weekend去咗啟德個新商場到行下hea下，但發現入面啲餐廳都幾貴下，所以最後都係去返新蒲崗嗰邊搵嘢食～ 呢間「秋拾米線」好似開咗唔係好耐，米線只有2款湯底：標榜無味精嘅「招牌豬骨湯底」同埋「秘製酸辣湯底」～另外仲有款比較少見嘅「通心米線」～•🥢 炭燒豬頸肉通心米線 $55 （通心米線 +$1）炭燒豬頸肉份量都幾多，而且每件都幾大塊，表面香脆但肉質都唔會太乾太嚡，幾爽口～ 配咗一個泰式酸辣醬，幾惹味👍🏼呢碗我揀咗酸辣bb辣，配料有炸醬、花生、木耳、芽菜等，辣味主要嚟自炸醬，幾惹味嘅，但缺點就係完全唔夠酸，睇落好似無落到酸菜🤔 通心米線睇落就係好粗嘅米線，但中間係通心，的確係會比較索湯~ 缺點就係明明揀咗爽麵，但最後上枱都係腍麵🥲 令到口感差啲～ （豬頸肉抵食！）•🥢 慢煮豬軟骨米線 $49 （通心米線 +$1）呢碗就揀咗豬骨湯bb辣，豬骨湯底就配咗腐皮、豆卜同翡翠苗等～湯底味道正常，但通心米線都係煮過龍咁，揀咗爽麵都係好腍😣豬軟骨有3至4大件，煮得好腍，啲軟骨位真係煮到啫喱狀咁，好腍好入味👍🏼 •🥢 八味豆腐 $24呢碟豆腐係抵食之選！😍 炸到粒粒金黃，外皮少少脆，但入面嘅豆腐超

近來很火熱的米線店！是新蒲崗的秋拾米線點了店家推介的豬頸肉米線真的有被驚喜到！！豬頸肉肥瘦適中焦脆的邊很可口不知為何有一種臘腸香的味道可能是油脂香啦是蠻有誠意的豬頸肉醬汁辣辣的很開胃我就覺得不點醬汁已經很好吃米線是煙韌的口感有蔥、芽菜、豆卜等配料只選一餸也是足夠女生吃啦湯底沒有很濃味精感(見到餐單寫湯底沒有味精）反而是胡椒味較重看看你是否喜歡胡椒味湯底喇這種天氣我就覺得蠻適合的另外加配了蝦多士熱辣辣，很香口大推！！

前排經過新蒲崗見到有間米線新開叫秋拾米線，小店餅位置唔算好多，星期五晚上要排隊先可食到，好好生意。叫左2 碟小食，自家製手作蝦多士同埋八味豆腐。蝦多士係有原隻鮮蝦，炸得好香卜卜脆，入口唔會油淋淋；豆腐係一口細細粒椒鹽豆腐，豆腐好滑，即炸熱辣辣，要小心吃。招牌魚腐米線配招牌豬骨湯 bb辣，湯底配左豆腐卜、菜苗、芽菜，當然唔少得魚腐，有魚肉但又無腥味，另外仲有加左豬軟骨同埋通菜。炭燒豬頸肉米線配秘製酸辣湯，bb辣好輕微，湯底清清地，唔要既配料可以走，即走芫茜！炭燒豬頸肉份量好多，燒到個皮好脆，加埋個泰式汁好好食，推介！見到每枱都有人食！應該都係signature！另外點既墨魚春卷同千層豆腐就不過不失。加配飲品有優惠價，檸檬益力多，好濃郁唔稀，檸檬好清新；凍檸茶就正正常常，茶味香。

午飯時間見到呢間位於新蒲崗嘅米線鋪, 人氣超旺, 所以今日特登去試下。12:00左右去到, 鋪頭出面都企滿哂人等位同外賣嘅人, 舖內環境比較擠逼, 見到咁多人食梗係唔執輸照等啦, 排咗大概幾分鐘左右, 都算幾快。原來佢哋好多餸都係自家製, 有啲仲好似車仔麵咁可以加餸, 用QR code掃下落單, 都好方便, 服務態度都唔錯。炭燒豬頸肉酸辣湯米線 - $55要讚下個apps, 選擇多, 又清晰, 又容易明白; 我揀咗秘製酸辣湯底, BB辣, 我都覺得少少辣但好惹味, 但無咩酸辣味, 米線算係比較腍身; 炭燒豬頸肉真係好正, 醃得夠入味, 而且仲燒到有少少焦脆嘅感覺, 份量仲好多, 豬頸肉微辣好香口, 配埋泰式醉辣汁解膩, 個醬真係好有風味。招牌魚腐米線 - $49個豬骨湯味道唔錯, 夠味但係唔會有味精感, 都幾清甜, 仲要咗小辣; 呢個魚腐係自家製, 魚肉比例幾多, 實心有魚肉味, 好似琵琶豆腐, 食落軟腍, 清清地幾好食! 另外加咗魚肉春卷, 魚肉春卷都幾彈牙, 春卷入面仲有d 墨魚肉膠, 唔錯呀!自家製手作蝦多士 - $22賣相好掂嘅自家製手作多士, 超鬆脆, 蝦肉好爽口彈牙, 仲有

屋企附近開咗呢間米線舖，超級高質，已經成為咗我嘅飯堂。佢用QR code落單，好方便。我哋點咗兩碗米線同埋一啲小食。首先係慢煮豬軟骨米線，豬軟骨經過長時間的悶煮，肉質鮮嫩多汁，與米線的口感完美結合。湯頭濃郁，帶著豬骨的香氣，令人回味無窮。另外仲點左炭燒豬頸肉米線，豬頸肉經過炭火燒烤，外層炭燒香氣四溢，內部肉質嫩滑多汁，配搭酸辣湯底，非常惹味。小食方面，紅油拌皮蛋開胃又好味。上湯翡翠苗清淡而鮮美，翡翠苗的嫩葉在上湯的滋潤下保持著鮮綠的色澤，口感脆嫩。百味豆腐外脆內軟，正。

前排新蒲崗開咗間米線鋪，喺假期嘅下午鋪頭出面都企滿哂人等位同外賣，見到咁多人食梗係唔執輸去試下，排咗大概十分鐘左右就輪到我，都算幾快。🍜招牌魚腐酸辣湯（小辣）通心米線+豬軟骨+麻辣雞球第一次見到米線鋪有通心米線，就加一蚊叫黎試下，個人覺得通心米線更加索湯同入味，比普通米線更加好味；米線嘅配料都好豐富，有炸醬、花生、木耳等。👍招牌魚腐：同喺普通米線鋪食嘅魚腐唔同，佢係實心同用新鮮魚肉製作嘅，有好濃嘅魚味。👍👍豬軟骨：無論肉定軟骨嘅部份都燜得好稔，仲要都好入味。👍麻辣雞球：雞球係無骨雞脾肉，所以肉質嫩滑，食落都唔算好辣。🍜 豆花撈米線+鹵水腩肉+翡翠苗+鹵水鷄翼豆花軟滑，豆味都算突出。米線偏幼煙靭滑溜，分量頗多，撈埋豆花炸醬味紅油道剛剛好，鹹辣分明，花生米炸得乾身，撈炸醬同米線很搭。👍👍鹵水腩肉：肥膏入口即融，入味且軟身，不會膩👍翡翠苗：少見的配料，嫩葉及嫩莖爽脆無渣，食落去口感清新👍鹵水鷄翼：size都幾大隻，頗重鹵水味🍖 炭燒豬頸肉豬頸肉嘅份量超多，自己一個人食應該唔會食得哂；豬頸肉燒得岩岩好，每件都充滿肉汁，唔會好乾身，附送嘅泰色醬汁味道酸酸辣辣，好開胃，好岩配豬頸肉一齊食。🍤 蝦多

今日係新蒲崗收工無意中發現呢間米線舖好多人食，就入去試吓啦同一般米線鋪唔同係秋拾米線好多小食揀,同出面坊間不套一樣，唔知係咪太肚餓樣樣都想試。麻椒鮮魚皮（$28）爽口又過癮，抵食。招牌原塊燒豬頸肉（$45）非常香口好食，唔乾身有炭燒味,令到你食唔停口。紅油伴皮蛋（$13） 皮蛋靚溶溶地,如果紅油轉埋麻椒仲正。煎釀三寶（$21）四件係用自家製鯪魚肉加冬菇，健康又美味。講返米線，我叫左慢煮豬軟骨bb辣（$58）湯底清清地唔係味精湯飲完唔口渴,好耐未試過食完米線仲有豬軟骨，證明佢份量夠。配菜唔係生菜係荳芽苗就足以證明佢嘅誠意。另一碗係自選兩餸魚腐同墨魚春卷轉埋淮山麵（$65）魚腐夠厚身有魚味，墨魚春卷足料彈牙，淮山麵清爽有益。整體來講，呢間小店值得回頭，價錢唔貴款式又多，難怪門口常排隊等位。

新蒲崗呢到有好多食市，最近新開左間米線勁想試.ᐟ‪.ᐟ‪.ᐟ‪呢日收工同朋友去到都7點幾，好彩有位唔洗等，但逼左少少🤏🏻我哋好餓，叫左好多小食😋· - - · - - · - - · - - ·🔸 炭燒豬頸肉米線🔹 自選酸辣米線（少辣）🔸 招牌手作蝦多士🔹 越南炸春卷🔸 紅油拌皮蛋🔹 檸益🔸 檸檬蜂蜜柚子茶· - - · - - · - - · - - ·炭燒豬頸肉米線，份量唔細，豬頸肉超級好食，湯名清甜，個米線好食🍜😋朋友話佢個酸辣米線唔夠辣，下次要叫辣啲🥘🌶️至於小食，真係令我心心念念😋由其係招牌手作蝦多士！ 即炸出泥，脫卜卜同埋好大隻蝦🦐 好彈牙！越南炸春卷都好正，佢真係用越南炸皮出泥個春卷外層係一絲一絲個種，呢個係正宗既越式春卷既脆皮，好正🥹🫶🏻紅油拌皮蛋都好好食，而且好抵食$13 炸抵食小食之選🤤檸益｜檸檬蜂蜜柚子茶🍋🍊🍯檸檬加益力多呢個組合出面都無乜見過，幾得意。而檸檬蜂蜜柚子茶好味，養生的感覺( ˶'ᵕ'˶) 整體呢間新米線都好好食，就係逼左少少🤏🏻