秋拾米線

營業中

休息中

今日嚟到新蒲崗，見秋拾米線終於冇咁多人排隊，似乎有機會試到啦！嗱嗱聲拎個位先~平時行過聞到佢都好香，要食餐豐富嘅慰勞吓自己炭燒豬頸肉米線 $56+首先梗係要嗌個最出名嘅豬頸肉米線啦~湯底係秘制酸辣湯，bb辣啱晒我呢啲唔食得辣嘅人。欣賞佢米線可以轉芽菜底，索湯得來感覺又輕盈啲😎豬頸肉果然世一冇介紹錯！😇😇😇嗰種脆邊、焦香，加上豬肉嘅彈牙口感，同埋神埋支筆自家調製酸辣汁，我敢講比泰國地道嗰啲更Juicy香口🤤🤤重口味但好值得+$6 魚腐：自家製魚腐原來係讓咗魚肉，比一般魚腐再實淨啲冇咁Puffy+$15 豬軟骨：我食嗰舊肥嘅超級軟嫩，另一舊瘦嘅老公話煮得耐咗+$6 酸甜齋：酸齋同米線其實都幾夾，過下口癮+$6 幼滑奶茶：食住辣嘢梗係要飲返杯熱飲。加$6真係唔貴呀 自家製手作蝦多士 😍😍😍$24呢個又係另一必食推介！$24兩件實在超值，蝦大隻彈牙，多士脆口，味道調得剛好，仲有蜜糖芥末醬增加風味。唔係賣廣告，真係好抵食紅油拌海蟄 🤩$30 另一款小食都有驚喜😬唔食辣嘅我都將佢清晒盤。海蟄有咬口，青瓜特別爽脆，呢個價錢好無敵上湯翡翠苗 $30食得太多辣要加個菜苗。放落豬骨湯零舍鮮甜日本芝士年糕-

見到店門前的人龍，就知道這間「秋拾米線 」的受歡迎程度，所以話用心製作的食店，絕對是有捧場客的。無論堂食或外賣，客人日日都絡繹不絕。今日一試，果然值得排隊。《慢煮豬軟骨米線》加魚腐和雞軟骨春捲每碗米線都有腐皮、芽菜和豆卜，而這份量也不少，湯底清甜好喝，絕無味精。米線轉生菜底加5元，最適合不愛吃澱粉質的人士。豬軟骨果然是招牌菜，大大舊非常軟腍入味，吃一口隨即愛上。《香茅豬頸肉米線》加墨魚春卷和墨魚頭豬頸肉切的又薄又長，燒到微焦，非常香口Juicy，墨魚春卷脆卜卜，每樣都好吃到停不了口。《自家製蝦多士》$26《越南春捲》$24金黃香脆的蝦多士和越南春卷，雖然凍了，仍舊脆卜卜，非常惹味。《上湯翡翠苗》$30翡翠苗幼嫩，湯底清甜，正。

平日晚上 8 點左右嚟到秋拾米線，唔洗等位直入 Lucky Day！豬軟骨薯粉真係好好味！豬軟骨煮得入味，肉質軟嫩，輕輕一咬就能感受到肉汁流出來，好滿足。薯粉的口感滑滑的，配上濃郁的湯底，整道菜味道更加提升，讓人忍不住想多吃幾口。豬頸肉米線也非常推薦！豬頸肉烤得剛剛好，肉質鮮嫩多汁，還帶點油脂，吃起來特別香。米線煮得彈牙又不軟爛，搭配特製的醬汁，香氣四溢，讓人每一口都感到滿足。尖掓皮蛋勁辣超醒神！皮蛋外層滑滑的，內裡的蛋黃金黃還帶有淡淡的鹹香味。配上特製的辣椒、醬油、蔥，味道更加開胃，真係好好食。最後，炸豆腐是我最喜歡的！外皮炸得金黃酥脆，裡面保持著柔滑的口感，吃一口時，香脆的外皮和嫩滑的豆腐形成了完美的對比，食到停唔到口❤️幾道菜無論口感還是味道都非常出色，一定要來試試！

排隊都要試的豬骨湯底和秘製酸辣湯底的米線同豆花撈米線，健康之選炭燒原塊豬頸肉($48)燶邊脆口豬頸肉超好味😋配泰式魚露辣醬非常惹味😍豆花撈米線，好香滑，肉碎微辣鹹香頭再舖上一層嫩滑的豆花，減肥健康之選慢煮豬軟骨米線+蟹柳+墨魚春卷+魚腐($84)招牌豬骨湯湯底鮮甜清淡，米線煮得軟硬適中，順滑吸湯，基本 配料有豆卜、腐竹、芽菜、韭菜和翡翠苗慢煮豬軟骨肉質鬆化，軟骨 充滿骨膠原額外加了爽口彈牙的墨魚春捲、魚味濃鬱且索汁的自家製 魚腐，還有蟹柳自家製手作蝦多士($24)蝦多士炸得金黃酥脆且不油膩，最驚喜是放了原隻爽口的蝦肉，非常 足料

此店在區内人氣高企，在用餐黄金時段往往在此店外等位嘅人龍，人数比在店內，用緊餐嘅顧客還要多6月10日市區氣温高達34度，揾食肥華和靚媽，為要避開在酷熱天氣之下，要在大汗揼細汗嘅苦況下排隊等位，所以選擇在下午茶時段嘅尾聲時段才光顧此店，一如肥華所料果然用在店外排隊，可以輕鬆入座，嚟得此店當然不能錯過，此店鎮店名物，炭燒香茅豬頸肉，自家制魚腐，和配上秘制酸辣湯及招牌豬骨湯底嘅兩碗米線，再加上兩件鎮店之寶，自家制手作蝦多士和肥華嫌芋頭蓉過多唔啱食，卻獲芋頭控靚媽讚許的兩條越南炸春卷，都冇令人失望，論此店食物味道和所收取價錢都無乜可彈。但可惜今日肥華在此店所坐嘅座位喺正正望到，店內食物殘渣嘅餿水桶，真係大煞風景影响食慾，此餐👍🏻👍🏻👍🏻👍🏻

香茅豬頸肉米線呢碗香茅豬頸肉米線真是一個驚喜！豬頸肉燒得香口，帶濃濃嘅香茅味，肉質軟嫩又juicy，唔會太乾🥹🤤米線爽滑，香茅同少少辣椒嘅味道好開胃❤️份量夠，食完好滿足，絕對係必點之選。秘制酸辣湯係今次嘅亮點！小辣嘅程度啱啱好，辣得嚟唔會搶咗酸味嘅風頭，酸酸辣辣好開胃😆湯入面嘅豬軟骨燉得腍晒，入口即化，魚腐吸晒湯汁，軟滑又鮮甜，配搭起來真是一個perfect combination😁 八味豆腐層煎得微微脆，內裏嫩滑，入口有濃郁嘅豆香。食落好惹味。呢碟小菜份量適中，適合同朋友share🙂‍↕️ 手拍青瓜清爽又開胃，保持脆口嘅質感。調味用蒜蓉同辣椒油，微辣中帶點酸甜，食落好醒胃😍檸檬利資納好清新，酸甜平衡，飲落有濃濃嘅檸檬香，唔會太甜，啱晒解膩同解渴😊香茅豬頸肉米線同秘制酸辣湯係必試之選，呢度係一個值得再返去嘅隱世美食好去處！🥳

新蒲崗的 秋拾米線 是一家主打雲南風味米線的小店以酸辣湯底、配料豐富和性價比 聞名但不值得排隊 外賣單忙不過來堂食坐下也要等半小時才上桌而且味道也很個人   - 招牌 酸辣湯最受歡迎酸辣度有分，帶有雲南風味，不會過於油膩但bb辣已受不住   - 可自選配料 很多選擇 份量足   - 米線軟硬也能選擇   - 名物豬頸肉 炸得過火 肉質超柴   - 蝦多士 多士油膩感重最好食的居然是KFC口味的雞翼尖服務：   - 店主和員工態度友善但人手不足而且安排不當環境超擠逼   - 店內空間小，需排隊+搭枱

聽講呢間米線成日排長龍，今次去完airside專登行過嚟食！夜晚6點幾都等左約20分鐘到入座，中間仲不停有外賣員嚟拎嘢食，真係好旺朋友叫咗個豬頸肉酸辣米線，我就見豆花撈米線幾特別就叫左！因為怕太飽就無特別再叫小食了試左朋友個個一啖真係幾好食！！佢個酸辣湯好濃，唔會太酸，而豬頸肉整到脆脆地，食落又不失肉汁，點埋佢個醬幾惹味。反而豆花撈就無咩特別驚喜，食落唔算好重豆腐味，同普通撈米線差不多，但多啲配料咁。

平日夜晚大約8點到不用等，餐廳內座位較窄。點了蝦多士，炸得脆，蝦肉彈牙，汁醬酸甜幾好食，不過食哂成件最後少少油膩。另一名物，豬頸肉米線。基本上每枱都叫，廚房可能炸唔切，連埋米線套餐叫，上完米線話後上，但唔記得咗。另一枱遲過我點餐，上豬頸肉俾佢都未俾我，隔籬枱都有同一個情況，不過同店員提一提佢就即刻上返菜。味道方面，入味香脆，肥瘦適中，好食，不過配嘅醬汁就覺得麻麻哋。米線中規中矩，軟硬度煮得幾好，酸辣湯底惹味啲，清湯冇乜特別。

在新蒲崗的秋拾米線，這次的美食體驗令人驚喜。保証最抵最好食既豬頸肉米線😍😍😍首先，通心米線的口感滑順，搭配的配料新鮮，特別是配上香濃的豆腐花及肉醬，讓每一口都充滿層次感。米線的份量也相當足夠，讓人吃得過癮。在配菜方面，炸豆腐和炸蝦多士都非常美味，外皮酥脆，內裡嫩滑，特別適合搭配店家的特製醬汁，增添了風味。燒豬頸肉則是另一大亮點，其肉質鮮嫩多汁，外焦內嫩，香氣四溢，無論是單吃還是搭配米線，都讓人難以抗拒。總的來說，秋拾米線在食材的選擇和烹調技巧上都表現出色，值得一試，而且湯底又沒有添加特別嘅味精。無論是想要品嚐地道的米線，還是想要享受多樣的配菜，這裡都能滿足你的味蕾。叫左四個米線，三個小食都不用$300，確實抵，難怪長期有咁多人排隊。最後如果唔鍾意排隊嘅話，就係非繁忙時間去食

新開優質米線專門店，環境舒適企理，主打優質米線及多款小食，招牌豬骨湯底和秘製酸辣湯底，不含味精，味道鮮甜。必試招牌魚腐米線，大大碗，份量十足，魚腐全人手自家製造，保證新鮮，炸得金黃香口，魚味濃郁，口感軟腍，米線彈牙易入口。炭燒豬頸肉米線也是我的推介之一，豬頸肉兩大塊，份量好多，熱辣辣燒得香脆，外脆內軟，再點一點泰式魚露，酸酸辣辣，十分開胃。小食方面，滷水雞翼非常入味，雞肉嫩滑，龬紋春卷炸到脆卜卜，香口惹味。

朋友聽說呢間店就拉埋我去食，到咗跟住指示排隊，心諗呢間店一定成日要排隊要會貼咁大張指示，見到前面大約排10個人左右已經覺得算幸運。大約等咗15分鐘左右就可以入座，一坐低朋友強調要食佢既豬頸肉，咁我就梗係跟機架啦，唔洗諗呀嘛，其實我本身望到餐牌上面既豆腐花米線咁又一場黎到就叫埋小食試下啦，份蝦多士一食認真超級驚喜，豬頸肉米線就OK啦，唔算好驚歎但係OK好食既，仲有一份八味豆腐，食食米線上枱所以冇影低，外皮香口裡面粒豆腐白白滑滑，不過都幾熱氣。

位於新蒲崗·超人氣排長龍米線小店 無論堂食定外賣一樣咁受歡迎 Scan QR Code落單好方便 就係逼咗少少🤏🏻·`♡·炭燒豬頸肉米線招牌必點😛奶白色嘅豬骨湯底夠濃郁 都幾出色豬頸肉份量好足夠 脆邊炭燒焦香味唔會太乾 調味都啱啱好 肉質仲保持Juicy❤️米線吸收晒湯嘅鮮甜·`♡·自家製魚腐米線魚腐係自家製👏🏻唔似出面咁多麵粉 有少少似鯪魚肉加豆腐😚都幾特別 食落軟腍米線轉咗薯粉 口感Q彈 粗幼度適中·`♡·自家製手作蝦多士必食小食之一🥰🥰賣相吸引🤩原隻嘅蝦🦐放喺多士上面 炸到鬆脆口感脆卜卜 蝦肉爽口彈牙 每一啖都可以食到蝦肉 麵包同樣做到好鬆脆 鬆化口感 醮埋芥末沙律醬都好好食😋·`♡·八味豆腐上枱好似一座黃金山好吸睛🤩每一粒豆腐炸至金黃色 外表酥脆 咬落去係滑溜溜嘅豆腐 溫馨提示🔔小心燙口 熱辣辣上枱·`♡·上湯娃娃菜上湯娃娃菜用豬骨湯底上 帶出鮮甜味道 好健康·`♡·檸檬利賓納利賓納搭配清新檸檬片 酸酸甜甜 清爽解渴🤩

呢間米線未被報道之前已經經常嚟食自從報道之後經常大排長龍上次紅日下晝三點諗住唔使排點知前面有成10幾個人果斷放棄咗今次星期六7點幾到都等咗差唔多成個鐘入到去仲要等多半個鐘先上餐🥲🥢豆花撈米線$42 + 魚腐$10+ 甜酸齋$6叫咗BB辣，對唔食得辣嘅我嚟講啱啱好魚腐係自家製，有魚味，炸得啱啱好甜酸齋酸酸甜甜好味米線係用江西米線，佢嘅米線係偏淋身，我自己幾鍾意配料有豆花，肉碎，花生撈埋一齊食好惹味🥢炭燒豬頸肉米線$57 +墨魚頭$8 + 雞軟骨春卷$8叫咗BB辣豬頸肉煎得啱啱好，帶點油脂，點埋佢嘅醬汁👍🏻墨魚頭好爽口雞軟骨春卷幾特別，每一啖都食到雞軟骨，口感唔錯今次嘅米線份量比較少，男仔食可能唔夠🌸🌸🌸🌸🌸總括食物保持到水準但要排咁耐，真係太辛苦下次可能會叫外賣提外話呢間米線人龍不絕，小店做街坊生意見到有人叫錯芽菜底老闆都加返個米線俾佢感覺幾有人情味

新蒲崗小店，座位唔算多，環境尚覺企理。蝦多士多士上面大大隻蝦，揸得好鬆脆，蝦肉爽口，唔覺油膩，色澤鮮豔。八味豆腐豆腐粒炸得內脆外軟，香口惹味。椒麻爽魚皮魚皮好爽口，冇腥味。 麻辣汁配合青瓜、木耳、芫茜。 餐前小食好開胃。酸辣豬頸肉薯粉薯粉富彈性，吸到湯底香味。 湯底入面已有大量肉碎、芽菜等配料。 豬頸肉表皮十分脆，肉質嫩滑。 配合埋個醬汁更加惹味。豆花撈米線幾有趣嘅組合，夏天唔想食熱嘢嘅好選擇。 涼拌撈米線配合豆腐花，豆花嘅質感令撈米線多一分嫩滑。 不過留意撈咗豆花會令味道都變淡，可按口味調高一級辣度。