秋意 (成業工業大廈)

營業中

休息中

前排同朋友傾開觀塘有咩好食朋友非常推薦觀塘工廈裡面的——秋意的豉油雞，話d肉好嫩滑，今日經開呢邊就決定試吓Menu入面有三款雞的選擇，分別係去骨豉油雞、去骨口水雞同埋瑤柱去骨貴妃雞***瑤柱去骨貴妃雞淮山幼麵***雞肉非常之嫩滑多汁～正👍配合瑤柱食味道好香好夾好好食😋味道層次豐富左好多而淮山幼麵也值得稱讚口感好幼嫩好好食配搭腐皮及雲耳簡直係健康養生之選***酒釀溏心蛋（加$10）***味道剛剛好唔會好鹹食完好滿足***蟲草花烏雞燉花膠湯***湯料十足（有烏雞、圓肉、豬肉、蟲草花同花膠），味道香濃，絕對啱鍾意重口味的朋友餐廳地方唔算大我平日下晝五點幾去都有兩三枱客我相信lunch time應該都多人適合附近返工人士性價比高又可以有湯飲的餐廳

今日觀塘收工二個人去咗搵工廈美食 發現原來”秋意”係觀塘都有分店‼️‼️而且堂食座位比鰂魚涌多好多 雖然好多人但因為佢有兩邊嘅舖位 所以只係等咗5分鐘左右就有位 入座環境舒適 食物方面嗌左秋意去骨豉油雞飯 同埋黃酒藥膳雞湯麵 兩個都+10蚊轉髀位 🤤🤤秋意係做雞方便真係世一 嫩滑多汁 無骨既雞肉可以大大啖放入口 完全唔需要擔心 豉油汁既甜鹹度餸飯一流 而酒藥膳雞湯底濃而不膩配上幼麵掛湯進食十分合適另外加多左一個小食 係撈汁皮蛋同酒釀糖心蛋🍳🥚撈汁皮蛋性價比高於知名米線連鎖店🤭🤭二人份量岩岩好 鍾意食皮蛋既唔好錯過飲品仲有多款自家製茶品 試咗自家製白桃無糖烏龍茶入口即刻有refresh 既感覺 解膩一流整體用餐感覺良好 值得成為必食飯堂

呢間秋意真係聞名不如去食🤭擇日不如撞日啦～竟然係工廈都有咁好食嘅豉油雞😋真係性價比好高，係附近返工嘅人好幸福🤣🤣朋友話Lunch去真係超級多人排隊，不論係堂食定外賣今次係專程去堂食食豉油雞㗎🐥而且都上曬報導大讚呢間秋意嘅豉油雞🙊餐廳座位唔多！秋意去骨豉油雞評分：👍🏻👍🏻👍🏻👍🏻👍🏻浪不虛名嘅豉油雞，雞肉嫩滑多汁，而且雞皮亦唔會太油膩，秘製醬汁真係令人食到停唔到口，最surprise係除左揀配飯，原來可以揀淮山麵，仲要唔需要額外收費，係濃濃嘅雞湯，麵好煙韌，真係令成個口感昇華！酸菜魚淮山麵評分：👍🏻👍🏻👍🏻👍🏻👍🏻魚肉份量麵幾多，魚肉仲好嫩滑無骨，味道亦唔會只係酸，配埋淮山麵食真係好match撈汁皮蛋評分：👍🏻👍🏻👍🏻👍🏻皮蛋係一早切好擺雪櫃再加上辣汁，但作為前菜都好開胃

今日中午食午餐 🍚 一心前來幫襯，用 App點餐，已經好混亂唔清晰 😑，點知落單後，發覺有錯，已經即時走去收銀處職員作出更改，前後無三十秒，她的回應說已幫我更改了，但最後發現原來冇更改不特止，還加回我份涼菜拼盤 HK$8，錢是少，講大話是大，所以一定要公開這間 <講大話飯店> 🔥🔥一定唔再去幫襯 👎👎幾好食都是假 😤 有相實証 📝#秋意觀塘

今日中午食午餐，一心前來幫襯 🍚 用個 App又亂又唔清色，最後落單後，發覺有錯 ‼️即刻去前桌作出更改，前後無 30秒，點知，收錢同事說已更改，原來最後無不得止，還靜稍稍收回我份涼菜拼盤 HK$8 😳😳 錢是少... 講大話是大 🔥所以一定要公開這間服務 <大話店> ⚠️👎唔會再去 🙅🏻‍♂️ 幾好食都喺假 😤

非常失望 首先處理訂單製作時間的問題，我係5pm下單時已註明6:45pm自取，但是5:20打去聯絡要多飯時，店員表示已經整好外賣，為何不在6:45前少少時間才整好外賣呢?你提早咗一個幾鐘整外賣人哋拎到嘅時候一定凍晒，著名取餐時間呢個機制就係為咗保持食物溫度，但係今次返到屋企打開外賣已經凍晒。重點係啲飯有怪味，本身都唔係幾以為係啲飯純粹凍咗，點知食完之後當晚已經肚痛，第二朝睇咗醫生話係腸胃炎，希望你們可以改善以上問題。

Bookmark左好耐嘅秋意🤌🏼之前黎成日都好早賣哂啲雞早收工搞到食唔到😂今次終於有得試呢間觀塘名物！大家想食嘅一定要早啲黎！⭐️叫左一個口水雞飯同半隻豉油雞。秋意嘅口水雞同出面食嘅都幾唔同😂呢度嘅口水雞醬係用麻醬做base, 所以冇咁油膩😋醬汁帶有微微嘅麻辣味，口感層次分明。每一口都充滿香氣✨仲有花生碎同蔥花嘅加持，令整體味道更加立體，食完真係想再嚟一份！👍豉油雞秋意用心熬製嘅醬汁，醇厚又唔過鹹😚雞皮完全吸收哂醬汁，十分之入味！😍咬落去有種香醇嘅口感，肉質彈牙。而且豉油雞皮嘅油脂加埋啲豉油，真係勁好送飯🥹平時食好少飯嘅我都爬哂成碗飯！😹再嚟就係溏心蛋😙佢哋嘅溏心蛋真係超正！蛋黃柔滑，一咬就流出嚟！而且好入味😋醬油嘅咸香加埋少少酒香，口感同味道都好到爆！每一口都係幸福，同白飯簡直係絕配。⭐️蟲草花烏雞燉花膠湯✨超級足料😍成碗有一半都係湯料，如果係鍾意食料嘅人一定覺得好正！🤣湯應該冇點加味精同鹽，所以味道比較淡☺️但都飲到淡淡嘅雞味，冬天飲完成個身暖笠笠好正！🤌🏼烏雞燉到好淋，整體不錯！一定一定會再黎試埋佢個貴妃雞😍😋

呢間秋意真係要推介一吓，佢地嘅黃酒藥膳雞湯麵十分岀色，不單止雞肉嫩滑，份量十足，湯底非常濃郁，而且仲充滿酒香味，簡直令人一試難忘。而佢地嘅去骨豉油雞亦十分好味，濃郁嘅醬汁配上嫩滑嘅雞肉，餸飯一流。另外酸菜魚就更加美味，不單魚肉爽口彈牙，湯底味道亦非常豐富。仲有個蟲草花烏雞燉花膠湯，真係超有水準，湯料十足，味道香濃，花膠亦好大塊，飲完好滿足，另外佢地嘅飲品都好有特色，尤其是冰凍嘅九製陳皮洛神花茶，好香嘅陳皮味配上洛神花，真係絶配，十分好飲；熱生姜蜜亦夠哂姜，味道香濃。整體來說，價錢亦好大眾化，係一間性價比極高嘅菜館，值得推薦！

酸菜魚Lunch好普通，店員服務態度差今日同friend食lunch，我叫咗酸菜魚，同圖片不符。好普通：雖然魚份量算多，但係感覺好似净係食咗魚，湯好寡，乾辣椒得三分一條，餸得半舊枝竹。匙羹好污糟最唔開心係店員服務態度差：店員送餐過來ge時候，好粗魯將個盤丟係檯面就走，比少咗個涼菜拼盤，我同佢講“唔好意思啊，我應該嗌咗個涼菜拼盤”，佢一粒聲唔出，轉身攞個拼盤又係同一個態度將個盤丟係檯面就走我唔要求佢好有禮貌，但係可唔可以溫柔dd啊

啲waiter個個黑口黑面 唔知以為爭佢錢 由入門口到食完埋單 唔同人啲服務都係差到無譜 身邊有人去買過外賣 啲態度係差到貼地 好似唔憂做咁 出左名就扮上菜 就算比起其他好食都唔會再幫襯 寧願食快餐店都唔比佢賺 垃圾服務

位於觀塘工廈既小店，lunch有好多人叫豉油去骨雞set, 我同朋友就試下個間秋意，我地都叫左豉油去骨雞lunch（$64）。 豉油去骨雞可配飯，上海麵，咁我地都叫左飯，另加5蚊配生薑蜜。首先份量足夠，豉油味啱啱好，係啲雞唔夠嫩滑，有啲柴。個lunch仲包左半隻花雕溏心蛋，雲耳同椰菜為拌菜。生薑蜜對於冬天飲係一流，因為好夠薑😁Lunch以呢個份量呢個價錢算係咁

呢間餐廳喺觀塘超級熱門，記住7:30之前要嚟到，如果唔係就錯過last order！見到七點幾門口已經有客人等緊，不過等咗一陣就好快有得坐！**秋意去骨豉油雞** 這道菜色澤誘人，豉油雞肉嫩滑，去骨設計讓人輕鬆享用。搭配香飯和，涼菜還有酒釀溏心蛋的微甜，讓整頓晚餐非常豐富蟲草花烏雞燉花膠湯，真材實料花膠發到好腍，湯汁鮮美！**芝麻醬拌油麥菜（沙律）** 新鮮的油麥菜與蕃茄仔，淋上香濃的日式芝麻醬，經過攪拌後的每一口都充滿了芝麻的香氣，清脆可口，既健康又令人滿足！**濃湯雞上海粗湯麵** 這碗湯麵真是讓人回味無窮，湯頭濃郁，雞味十足，讓人一喝就愛上。滑潤的烏龍麵與和黑木耳的搭配，還有香葱點綴，讓每一口都充滿心意，滋味無窮，是不可錯過的美味。覺得濃味啲仲可以將少少雞嘅時候帶落濃湯雞上海湯麵入邊！

秋意 觀塘成業街19至21號成業工業大廈6樓29室坐港鐵到觀塘站B2出口，大約行5分鐘店裡光線充足，空間感合意，店員有禮貌和笑容，也有打卡的地方。酸菜魚麵: 魚切薄片，入口爽脆、新鮮嫩滑，湯底料，酸菜、腐竹、木耳等配料，放在眼前，香噴噴，聞到都好想食。 酒養溏心蛋: 咬入口溢出香香酒味，溏心蛋黃液流出來，填滿口腔，酒味濃鬱，賞心悅目。 芝麻醬拌油麥菜(沙律): 新鮮油麥菜和蕃茄仔加日式芝麻醬攪拌後，非常之入味，食得舒服又健康。 蔥油凉拌雙耳: 木耳和雪耳，入口爽脆又有營養，用蔥油炒雙耳又可補回鐵質，很不錯小食。 香辣蓮藕角: 咬一口蓮藕，切成厚度，入口少許麻辣爽脆，香辣味重，但又不算辣，很不錯小食。 招牌去骨口水雞: 賣相好靚，雞肉肥厚嫩滑，咬到啖啖肉，雞肉味再加上麻辣醬汁，香辣和嘢味。 飯後餐飲: 羅漢果菊花茶，百香果柑桔，第一次飲，好飲和舒服，圓滿的晚餐。

『秋意』📍觀塘成業街成業工業大廈6樓，鋪頭面積唔大，10-20個座位左右。呢度招牌菜有豉油雞，口水雞。之前試過呢度的豉油雞，非常好食，今日同朋友再嚟，就食呢度另一個招牌菜——去骨口水雞。🥢招牌去骨口水雞白嫩的白切雞，雞皮入口滑溜Q彈，雞肉柔嫩，花生粒，多樣辛辣香料揉和的醬汁，味道豐富，香辣惹味。🥢酸菜魚魚片鮮嫩滑溜，酸菜爽脆，味道上帶微酸，配上海麵，味道👍。🥢酒釀溏心蛋蛋黃有少許流心，香香酒釀味道，加上滑蛋白，必食推介。🥢香辣蓮藕角蓮藕爽脆，加上香辣醬汁調味，惹味小食。🥢葱油涼拌雙耳雪耳，木耳，口感爽脆，簡單以葱油調味，清爽開胃。百香果柑桔百香果香甜，加上柑桔，甜度剛好，味道清香。

今日放工專登跑黎觀塘，原因係約左朋友吃依間鼓油雞專門店，小店有機會好早賣曬食材而提早收工，所以要食就要早d 到啦！7點左右已經坐滿，人氣真係非常高！香辣蓮藕角 依個冷盤值得一試！蓮藕角已經切到一口大小，吃落口非常爽脆，好下飯。又香又辣，真係一啖接住一啖，停唔到！秋意去骨豉油雞配白飯，黎到一定係點佢既招牌菜-鼓油雞！賣相好靚，色澤比較深，以為會比較重口味，點知食落完全唔覺咸，反而係吃到醬香味之餘仲有少少甜甜地！雞皮係必食，吸收左醬汁食落煙韌，配上雞既油脂真係超正，之後再食一口白飯，真係嘆！雞肉唔洗講啦，浸熟既煮法令到肉質相當嫩滑，一定要試！蟲草花烏雞燉花膠湯係必試推介！燉湯大大壺好足料，花膠好大件，仲有唔同既配料包括鳥雞，蟲草，桂圓，瘦肉等，材料既精華落曬d 湯度，湯頭極度清甜！好味！