秋意 (成業工業大廈)

營業中

休息中

🏬📍觀塘成業街19-21號成業工業大廈6樓29室▪️秋意去骨豉油雞（嘢飲跟餐+$8）$72呢一個豉油雞飯嘅量好足‼️食落都容易飽肚入面都包咗三樣前菜有涼拌雪兒&木耳、糖心蛋同埋少少菜～ 鍾意佢嘅溏心蛋 因為好入味😋佢個豉油雞係非常入味同埋佢嘅色澤望落都好吸引 見到佢都係好深色嘅食落就覺得佢個肉質都唔錯 都幾嫩滑嘅咁我自己本身就好鍾意食雞皮嘅 所以我覺得呢一個豉油雞一個唔好嘅地方就係雞皮太肥膩🥹所以都好可惜地冇得咁盡興咁食埋雞皮跟住覺得佢個嘢飲都幾特別 係好似袋咁樣裝住😂

🧭秋意• 觀塘🍴觀塘成業街19-21號成業工業大廈6樓29室黎到難過既星期三，lunch要食好啲先有動力捱多2日😬今日同飯腳去食傳聞世一豉油雞先得😛秋意去骨豉油雞⭐️⭐️⭐️⭐️⭐️真世一豉油雞，佢個皮好脆。食落好香同埋無骨 可以啖啖肉咁享受呢個🐥😛之後佢有3個前菜一齊上 有菜 有雪耳 同糖心蛋🥚而白飯上面亦都有落到飯素，令個白飯唔dry...再加埋個豉油！簡直不得了。岩哂我呢啲鐘意豉油撈飯既人。呢間絕對值得encore 食，之前lunch time都大排長龍。依家開多左個單位 就唔洗等好耐。#hongkong #hongkongfood #foodstagram #foodie #chicken #香港#覓食 #香港美食 #九龍 #觀塘 #觀塘工業區 #港式 #燒雞 #糖心蛋 #lunch #秋意

#去骨豉油雞飯雞肉質感幾滑，但唔知係咪浸得太耐，食嘅時候有啲苦味，唔係我預期中咁好食。網上評價咁高，但我覺得味道真係普通，冇咩特別驚喜。#前菜跟餐配咗啲前菜，流心蛋煮得唔錯，蛋黃流心🤣最好食應該係呢樣

朋友咁啱Work from Home，就約喺公司附近食個lunch😆黃酒藥膳雞湯麵金黃色湯底帶有淡淡黃酒的香氣，淮山麵幼滑，配上杞子、木耳同埋蟲草花，增添了風味和營養。去骨雞肉質鮮嫩，雞皮彈牙。整體來說，湯頭美味，如果碗麵再熱啲就會更加滿足

最近我去咗觀塘的「秋意」，餐廳位於工廈，但人氣好盛。呢度最出名係豉油雞，但我上次食過，所以今次試其他。首先，我試咗佢哋嘅「瑤柱去骨貴妃雞」，呢道菜真係超正！雞肉煮得非常嫩滑，咬落去完全冇咬勁，肉質鮮嫩，入口即化。瑤柱嘅鮮味同雞肉完美結合，令整道菜有一種海味嘅清新感。配埋白飯，飯粒粒分明，飯面有飯素，吸收咗雞肉嘅鮮美，食落去真係一啖接一啖，完全停唔落嚟！我選咗轉淨脾，味道更加清新，唔會太重，正好襯住雞肉，令人食得更加開心。接住試咗「原件花膠肉碎擔擔」，呢個真係辣得過癮！擔擔麵湯底香濃，花生醬食食下都仲時不時痴住麵，好濃郁。味道好入味，簡直係無得輸。花膠嘅口感滑膩，但偏少，得1舊。肉碎則帶有一點點咸香，兩者搭配得好好，令整道菜有層次感。辣味唔算太強，但夠刺激，食完之後令人心情都好起來。麵條幼滑，吸收咗湯底嘅味道，口感真係一流，咬落去有嚼勁。另外，想食得健康啲，餐廳仲有個涼菜拼盤，味道清新，非常開胃。入面有幾款不同嘅小菜，塘心蛋，涼伴菜，配上特製嘅醬汁，味道酸酸甜甜，正好平衡咗主菜嘅濃郁，真係好好味。

觀塘呢間餐廳好出名食雞，今日就同老公嚟試一下！ ！佢真係好多人食，我哋七點幾嚟都要等一陣😂秋意必須要食豉油雞，所以我哋食咗半隻，啲雞件好滑，豉油甜甜哋，果然係招牌菜😉另一個嗌咗瑤柱貴妃雞，佢個味道溫和啲，轉咗做雞髀，所以每啖都係肉，跟嘅飯上面有啲飯素，食落去味道豐富啲🥣酸菜魚好唔錯,又唔會太重口味，跟咗淮山麵，原來都幾夾。啲魚冇骨大大加分👍仲嗌咗一個小食係皮蛋，呢個反而有啲啲辣！將個皮蛋溝埋啲面食，簡直就係神一般的美食🥰🥰另外我哋仲嗌咗涼菜拼盤，可以換下口味，隻蛋必食😬😬😬飲品都幾多款，大大包share 飲都得🫶🏻

得一樣野好味的餐廳😪仲要有🪳豉油雞半隻豉油濃味，雞嫩，不過凍嘅，成間餐廳得依個雞係嫩💰HKD$98口水雞飯得個辣字，雞肉唔夠嫩💰HKD$64黃酒藥膳雞湯麵雞都係鞋，重黃酒味，重點黎啦‼️有隻小曱甴🪳跟住同佢講佢淨係話整過碗比你，一句唔好意思都冇，咁我都已經冇胃口啦就話唔洗整啦。但到埋單佢照收我錢,跟住我睇返OpenRice有人都表示間野好污糟，食到肚柯🤮🤮💰HKD$64皮蛋正常發揮💰HKD$28

留意返鰂魚涌只有外賣，呢間我係喺觀塘堂食，老闆嘅金句係食雞唔食皮不如唔好食，佢嘅豉油雞係有特別去過啲肥嘅部位，所以食落完全唔覺得肥，豉油偏甜，好適合配飯食，好好食啊，本身我唔知個飯配有糖心蛋，另外加咗錢要😂，洛神花茶正常，個溏心蛋好重酒味，好正，唔怪得隔籬枱會另外加錢要多隻-。 秋意去骨豉油雞 | $58轉白飯，飲九製陳皮洛神花，再加了酒釀溏心蛋-📌#sorriso_觀塘 #sorriso_觀塘區 #sorriso_鰂魚涌 #sorriso_東區-👅【秋意】📍觀塘成業街19-21號成業工業大廈6樓29室 (有堂食)📍鰂魚涌海堤街2號多寶樓地下E5號舖(外賣店)🕑Mon-Sat 12:00-18:00#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #觀塘美食 #鰂魚涌美食

「秋意」我認為是暫時香港最好食嘅豉油雞，一想食就會即刻諗起，今日去開觀塘梗係去食，而家佢哋仲擴充咗，有埋斜對面嘅舖位，空間大咗坐得更加舒服，人氣依舊不變，一樣爆棚👍👍▪️秋意去骨豉油雞（半隻） $ 98保持一貫水準，都係嗰句「食雞唔食皮、不如唔好食」，豉油雞賣相和醬汁色澤，已經睇到已經好想食，雞皮入味到不得了，雞肉就算連雞胸都係嫩滑，沾上鹹甜適中的豉油雞汁，再食一口白飯，快樂就係咁簡單🤗▪️黃酒藥膳雞湯套餐配白飯 $ 82今日試咗新嘢，黃酒藥膳雞湯睇湯既顏色，就知道味道濃郁到不得了，加上蟲草花、紅棗和木耳非常滋補，就咁飲或者撈飯，似湯飯都好鮮味，雞件一樣係去咗骨，雞皮和雞肉都香滑到不得了，而且入晒味，正呀▪️ 酒釀溏心蛋 + $ 10 （加配價）都係呢度必食嘅小食推介，全個雞蛋充滿酒香，溏心蛋黃入口甘香油潤▪️撈汁皮蛋 $ 28溏心皮蛋撈上自家製既醬油辣汁，再伴上蒜蓉和香蔥，香辣惹味▪️芝麻醬拌油麥菜（沙律） $ 20油麥菜和沙律菜新鮮又清爽，仲有小蕃茄，再伴上沙律菜的最佳醬汁拍檔芝麻醬，新鮮好食▪️白桃烏龍茶（無糖） + $ 8（套餐）▪️羅漢果菊花茶（低糖）$」 $ 24自家製嘅特色茶飲，跟套餐

喺樓下交咗智商稅食到一肚氣！😤上嚟食人氣豉油雞食返餐正常飯先😌18:00上到嚟已經好多人好熱鬧門口見到好多外賣，應該今次冇中伏啦🤭叫咗個招牌豉油雞同埋酸菜魚，都係一人份量平時食豉油雞一定唔食皮，不過見佢話食豉油雞一定要食皮，就試吓喇😁 雞皮幾入味幾薄👍🏻肉質都唔會好嚡口👍🏻唔係肥雞🤣幾好食唔錯👍🏻👍🏻配佢嘅雞湯，淮山麵，飲得出雞湯係自己煲，冇味精連雞湯都飲晒😁👍🏻👍🏻👍🏻酸菜魚冇得揀辣度，唔算辣，小朋友都食到👍🏻最特別係佢啲魚係爽口彈牙😳呢個幾驚喜幾好食👍🏻加$8要做包白桃烏龍茶（無糖）幾特別幾好飲👍🏻呢間會再encore✅❤️ 仲留意到佢啲燈泡用飲品袋裝住好搞笑🤣

今晚，我和老婆造訪了位於觀塘成業工業大廈的「秋意」餐廳，這裡距離觀塘地鐵站僅需幾分鐘步行，非常方便。我們聽同事推薦，特別想嘗試他們出名的豉油雞，於是滿懷期待地進入餐廳。一進門，餐廳的氛圍輕鬆舒適，讓人感覺賓至如歸。我們開始點餐，老婆選擇了涼菜拼盤作為前菜，搭配了黃酒藥膳雞的精緻濃湯和上海粗麵。涼菜拼盤色彩繽紛，口味多樣，清爽開胃。黃酒藥膳雞湯則濃郁香醇，雞肉鮮嫩，湯底令人感到暖心。老婆還點了熱生薑蜜，這款飲品既暖胃又有助於消化，非常適合晚餐時享用。我則點了撈汁皮蛋和原件花膠肉碎擔擔，這道擔擔麵搭配了濃郁的雞湯，麵條滑順，辣味適中，讓人一口接一口，回味無窮。撈汁皮蛋的口感滑嫩，搭配香醇的醬汁，令人驚喜。另外，我選擇了凍百香果柑桔，這款飲品清新可口，酸甜平衡，讓整個用餐體驗更加清爽。最讓我們期待的當然是秋意的招牌——去骨豉油雞半隻，雞肉鮮嫩多汁，醬汁香濃，令人難以抗拒。最後，我們還點了芝麻醬拌油麥菜，這道沙律清新爽口，為整餐增添了健康的感覺。總的來說，今晚的晚餐體驗讓我們非常滿意。「秋意」無論是食物的質量還是用餐環境都非常出色，值得再次光臨！

作為雞嘅愛好者，想試咗好耐好耐，終於買咗外賣返去公司食。因為第一次食秋意，諗咗好耐加唔加錢轉髀好呢諗諗下佢話去骨啊嘛咁可能會無雞翼 或者雞翼都起骨？（咁樣諗有啲傻仔點知返去見到得好少肉……好大舊雞屁股，好大舊皮，有雞翼已經好失望😞佢豉油雞個味都係偏咸，唔係甜果種都同我想像中嘅味道唔同無想像中咁好送飯今次都無叫飯，轉咗做上海粗麵入面有木耳同兩塊炸枝竹腐皮果啲物體唯一想讚係個湯底幾好飲但偏咸啲麵質好淋（可能外賣關係，建議要飯未必會再食萬一真係再食，都一定會叫轉髀…..如果唔係食得好唔開心

觀塘呢間豉油雞好出名，見網上評價一致好評，就專登出去觀塘試試佢😝可能本身懷住好高期望去食，食完又覺得未至於吸引到要再去食多次🫢1. 秋意去骨豉油雞飯 （$64）豉油雞色澤好靚，上哂色🤩雞翼雞槌肉質嫩滑，雞胸就有啲鞋🫢另外略嫌雞皮比較肥🤔總括嚟講，味道正常，不過不失啦😬2. 黃酒藥膳雞湯麵 （$64）呢個麵湯底超淡，完全食唔出黃酒同藥膳味😅雞胸都係比較鞋😢唔推薦🫣

第一次去食，枱都冇抹就交代俾我哋試左個豉油雞飯，好好食，鹹甜適中，有一種食過返尋味嘅感覺。可惜呢間餐廳最敗筆之處，係服務極差。店員黑口黑面都算，極度冇耐性兼唔耐煩。我同好幾個朋友去，嘢食一到，個女店員已經西晒口面，問係邊個叫架，超級唔耐煩，好似殺左佢全家咁。之後佢再拎野食黎，我地叫佢擺低就得，但全程都係keep住西口西面，唔知仲以為有咩得罪左佢。講真今時今日咁嘅態度，真係嘢食幾好食都冇用，俾錢買難受建議想試吓嘅朋友，都係外賣算。

秋意去骨豉油雞飯呢間嘅雞肉一直都好出名最難得嘅係出名後，依然可以維持到水準豉油雞唔死鹹但夠入味肉質滑身連胸位都唔會乾柴連皮食嘅話口感更加滑溜，因為多咗層油脂個人鍾意配飯食多啲溏心蛋係必定要追加嘅項目！（本身已跟半隻）酒釀糖心蛋的蛋白部分通常非常細膩，而蛋黃就保持半熟的狀態，當一口咬下去時，蛋黃的醇厚甜香味道好正口水雞同平時食開比較多紅油嘅口水雞唔同呢度嘅醬係偏啡色同埋花生味重啲如果唔食得辣嘅話，呢隻辣係會last一陣但唔會好辛苦撈汁皮蛋的醬汁通常有醬油、蒜末辣椒等調味料，酸甜適中，好配皮蛋嘅質感叫左口水雞嘅建議嗌杯凍飲會食得爽啲！暫啲呢間嘅豉油雞依然係觀塘區心中no.1