秋意 (成業工業大廈)

營業中

休息中

好耐冇食過咁正嘅豉油雞！秋意間舖由開業到宜家一直都係爆晒場，仲要7點半就last order。朋友話佢試過去咗幾次都買唔到，今次總算食到呢間神級豉油雞首先講佢嘅皇牌 - 去骨豉油雞，雞肉超嫩滑，皮香脆得嚟又唔會油膩，最緊要係豉油醬汁入味到核心，香甜鹹香夾埋一齊，配白飯絕配！至於個酸菜魚套餐都相當搶眼，魚肉新鮮彈牙，酸菜湯底酸辣開胃，辣度啱啱好冇搶咗魚嘅鮮味。配埋杯無糖白桃烏龍茶，非常清新蟲草花烏雞燉花膠湯就係養生之選，湯底濃郁甘甜，花膠軟糯入味，烏雞嫩滑得嚟冇半點腥味，真係補身之選！配菜方面，蒜泥青瓜爽口開胃，芝麻醬拌油麥菜香濃惹味，蒟蒻麵就係健康之選，啖啖有嚼頭，配埋豉油雞醬汁就更加滋味！總括嚟講，秋意嘅出品質素真係高，份量都幾足，性價比都唔錯。不過想食就梗係要趁早啲去，最好6點前到，如果唔係真係好大機會撲空。講真，等咁耐都絕對值得，因為呢啲水準嘅豉油雞真係好難搵！

係觀塘返工都知成業工廈多美食呢間更係上晒報導既超入味豉油雞$64就有一碟雞飯及三款配菜本身雞既煮理都好理想、味道更十分獨特難怪LUNCH都要排隊、更何況晚市同價咁抵食!期間限定仲有推廣食滿HK$300就送半隻去骨豉油雞下次食(限期1個月內)最岩幾個朋友嚟食就好易得到見到隔離枱換左都幾大碟、誠意十足!秋意去骨豉油雞 $64雞肉嫩滑多汁少油 雞皮超入味仲唔咸稍甜既醬油令到雞皮軟滑超易入口份量都不算少 去骨仲大大件配上米飯大大啖好味又夠爽快真係明晒排長龍及好快售完既原因招牌去骨口水雞 $64最特別係不用辣椒油都會令你口水直流獨特既藤椒撈花生醬 濃厚掛汁又過癮配搭清新雞湯上海面解除口中既麻痺感整個套餐創新又滿滿記憶點!

平時都會嚟呢度外賣最出名嘅豉油雞無論賣相肉質都係非常好 用咗慢煮嘅方法所以肉質非常之嫩特別欣賞佢嘅醬汁 味道好有層次次次 食都覺得好好食其中一個地方好加分就係冇骨嘅 食得特別方便朋友推薦我呢 花膠擔擔麵湯底真係好惹味 真材實料有花膠 味道唔會太辣 如果麵質可以揀爽啲就更加好整體嚟講都係有9/10 分 好食過好多上海餐廳！糖心蛋都好好食呀雞腳好食處理得好好 非常入味啊，酸菜魚我哋好快食咗冇影相味道比較適合香港人口味 我覺得如果配面會比較合適

聽講觀塘有間好出名食豉油雞嘅 難得準時收到工就去左朝聖 觀塘餐廳全部都係工廈入面 真係要細心睇清楚係邊幢打邊幢😂踩點七點半入到餐廳 平時繁忙時間得四十五分鐘進餐 不過今日得半個鐘因為餐廳八點就閂門！一黎唔講咁多就即刻掃code叫左個豉油雞飯先！雞可以加錢轉雞脾🍗 餐飲都係要加錢嘅我冇突登加錢都咁岩俾左隻脾我🫨 成隻雞非常之滑口 果然不負眾望 係超級好食 豉油好入味 又上色 但係又唔會過咸 仲有雞味！呢種口感嘅雞好耐冇食過啦🔥 餐廳除左雞飯都仲有其他選擇 不過我完全係為左個豉油雞而慕名而來 所以就冇試到其他款式好食！一定會再encore! 不過時間就少少kick 想食都要有誠意先食到🤓

聽朋友介紹觀塘有間食豉油雞好出名嘅餐廳，秋意，今日特登約埋佢一齊去我地叫咗一份秋意去骨豉油雞，一碗酸菜魚麵，我哋兩人一人加咗一隻酒釀糖心蛋，然後再嗌咗兩樣小食，香辣蓮藕角同埋芝麻醬伴油麥菜。飲品就叫咗自家製嘅羅漢果低糖菊花茶，同埋無糖嘅白桃烏龍茶。去骨豉油雞，真係呢間舖頭嘅招牌菜，口感嫩滑，豉油醃得入味，但唔會覺得好鹹，拿捏得啱啱好。酸菜魚麵亦都好足料，湯底唔錯，好開胃。酒釀糖心蛋都食得出有少少酒味，容易入口。然後小食都幾高質，最鍾意佢個香辣蓮藕角，切到一口size所以食落都唔會太辣，幾惹味。整體嚟講嘢食幾高質，如果想食成隻雞嘅話要早啲去，我哋晚市去到嘅時候已經所剩無己，勁搶手，留返下次有機會再試。

#20241012 🤍📍 #秋意 @autumn_feeling_hk 觀塘成業街19-21號成業工業大廈6樓29室 🍽️鰂魚涌海堤街2號多寶樓地下E5號舖➖➖➖➖➖➖➖➖➖➖➖➖➖➖➖➖➖ 🥢 #前菜 💭 如果叫餐就會有個三小碟做前菜，都係啲涼拌，分別有蒜蓉雲耳木耳、紅蘿蔔絲椰菜，仲有半隻溏心蛋，唔重口味就咁食感覺都幾fresh🌱.#秋意去骨豉油雞 $64 🥢 #白飯 💭 被網民稱為世一豉油雞，老闆都講到明「食雞唔食皮，不如唔好食」，試下發現雞皮做到爽彈效果，雞肉都尚算滑身，最正係已經去左骨可以大大啖咁咬，望落隻雞好深色好似好咸咁，點知比想像中淡，用尼撈飯一流🐔白飯自身已經帶有啲飯素，米應該係溝過，做到有飯香之餘又比平時食開煙韌🍚.#蒜辣牛魔王 $74 🥢 #撈蒟蒻麵 +$8💭 雖然話午市2:45先截單，但當日未夠兩點坐低都已經好多野賣晒，所以唔建議大家咁晏去，用口水汁煮牛𦟌同牛舌都係第一次試，兩款肉都整得好淋，nice try👍🏼主食轉左做蒟蒻麵，估唔到係豉油王整法，就咁食無問題，係同個肉唔太夾，一齊食口味重左就會偏咸🙈.#觀塘美食 #🐷在觀塘 #鰂魚涌美食 #🐷在鰂魚涌 #🐷_食

今次試咗位於觀塘工業大廈- 以豉油雞聞名嘅餐廳，對於本人夜晚唔算食白飯嘅人嚟講係一個好選擇。半隻秋意去骨豉油雞 $98 👍首先，必試嘅梗係佢哋嘅招牌菜 ！雞肉嫩滑多汁，豉油香濃入味，甜中帶鹹，啖啖肉送飯一流！瑤柱去骨貴紀雞套餐 $66起 👍雞肉滑度竟然仲要贏過豉油雞，薑蔥油香味恰到好處，絕對係意外驚喜！如果想試吓新嘢，推薦瑤柱去骨貴紀雞套餐！酒釀糖心蛋 $12/隻 👍 跟餐已經有半隻。高質水準，蛋黃流心，酒味適中所以另外再嗌多2隻 凍無糖白桃烏龍 $8 （跟餐）凍百香果柑桔 $24另外，提提大家啲雞係會沽清㗎我嗰日去係星期五晚飯時間大約6:30去到 估唔到都已經全場爆滿。大約7:15食完，出嚟竟然見到已經沽清！大家記得趁早去食啦！

我真係超鍾意食呢間嘅豉油雞 不過lunch time每次都大排長龍 所以一定要提前去先得 如果唔係都要排半個鐘以上🥹- - - - - - - - - - - - - - - - - - - - - - - - - - - - - - ❤️豉油雞飯我見到每一台都會嗌呢個豉油雞飯 因為真係好好食 佢個雞肉好嫩 都好入味 豉油味唔會好鹹甜甜地咁 加埋D飯食真係一流🤤🤤 我有試過佢其他嘢食 都係覺得個豉油雞係最好食 其他都一般般 所以大家第一次食都係食返豉油啦 一定唔會出錯㗎🥰🥰

位於觀塘成業街的「秋意」，這間隱藏在工廠大廈的小店，讓人驚喜不已！一走進去，簡約卻不失時尚感的裝潢，讓人感到放鬆。這裡的招牌菜——去骨口水雞，確實名不虛傳！😋 🍗 招牌去骨口水雞（轉乾撈蒟蒻麵）一上菜，香氣撲鼻而來，雞肉的顏色誘人，肉質滑嫩，宛如入口即化！💖 特別的是，這道菜選擇了轉乾撈蒟蒻麵，讓人感覺清新又不油膩。蒟蒻麵的Q彈口感，配上雞肉的鮮美，簡直是一場味覺的盛宴！每一口都讓人感受到秋天的暖意。🍜✨ 🥒 蒜泥青瓜這道小菜非常清爽，青瓜的脆感與蒜泥的香味相得益彰，讓人胃口大開！🥗🥳 每一口都能感受到清新的滋味，適合在享用完豐富的主菜後來一份，平衡口感，真係好正！👍🏼 🥬 芝麻醬拌油麥菜油麥菜的鮮脆加上濃郁的芝麻醬，成為了一道完美的配菜！🌱🥢 芝麻的香味完美包裹著每一片菜葉，讓人忍不住多吃幾口，健康又美味！💚🌶️ 香辣蓮藕角這道香辣蓮藕角真係一絕！蓮藕的脆嫩與香辣的口感相結合，刺激了味蕾，令人回味無窮！🔥😍 每一口都充滿了濃厚的香辣風味，讓人停不下來，十分過癮！ 🍑（凍）白桃烏龍茶（無糖）飲品方面，選擇了無糖的白桃烏龍茶，清新又不甜膩！🍵🍑 茶香與白桃的果香完美融合，特別適合搭配這些美

位於觀塘嘅「秋意」就係一個唔錯嘅選擇！呢間餐廳主打雞，由招牌口水雞到去骨豉油雞，每一道菜都經過精心烹調，令人一試難忘。酒釀溏心蛋：首先上枱嘅係酒釀溏心蛋，一咬落去，蛋白Q彈滑嫩，蛋黃呈半流心狀態，口感豐富。酒釀嘅香氣滲入蛋中，味道香甜，帶有淡淡酒香，令人食慾大增，作為開胃前菜就最適合不過。招牌去骨口水雞配濃湯雞上海麵：呢個係餐廳嘅招牌菜之一，口水雞嘅份量十足，雞肉嫩滑，配上麻辣嘅醬汁，香辣惹味，令人食到停唔到口。濃湯雞上海麵嘅湯底鮮甜濃郁，麵條彈牙爽口，口感豐富，令人回味無窮。秋意去骨豉油雞一隻：去骨豉油雞係另一道必試之選，雞皮爽滑，雞肉嫩滑多汁，豉油嘅香氣滲入雞肉中，味道鹹香適中，令人回味無窮。而且去骨處理方便食用，唔使擔心食到滿手油膩。凍九製陳皮洛神花：食完咁多濃味嘅嘢，最後嚟一杯凍九製陳皮洛神花就最適合不過。洛神花嘅酸甜味道配上陳皮嘅清香，清新解膩，為呢一餐畫上完美句號。

聽同事介紹，話呢間位於觀塘成業街嘅工廈癮世小店「秋意」嘅豉油雞非常出色，一於去試下！當晚大概六點半來到，見門口仍然好多人排隊，即刻更加期待！但同時都擔心小店嘢食會賣曬！呢間餐廳鋪位雖然唔大，但裝修頗有特色。入到去坐低，一掃qr code果然見到好幾款食物都已經賣曬！好彩呢度主打豉油雞，咁梗係要加錢食個雞髀靚位啦。雞腿肉超滑，雞皮非常入味，簡直係一流！除左豉油雞腿飯，我地仲試埋牛魔皇拼盤：牛魔皇其實即係麻辣嘅牛腩+牛𦟌，麻辣固然刺激，啲牛肉亦都唔韌，正！飲品方面，試咗呢度嘅白桃烏龍茶。值得一讚嘅係可以選擇唔甜嘅口味，所以唔會太甜太膩，用嚟配豉油雞非常合適！總結：呢間餐廳最好提早少少嚟排隊，因為人氣非常旺盛，不過佢咁受歡迎有原因嘅！

超鍾意食的豉油雞，但記住早啲去，晚市有機會賣晒，想飲湯嘅話都要早啲去，好想飲佢個燉湯，但今次佢賣晒#### 主菜：秋意去骨豉油雞 半隻首先，我點了秋意的招牌菜——去骨豉油雞。這道菜的雞肉經過精心烹製，肉質極其嫩滑，入口即化，雞皮的豉油醬汁渗透得恰到好處，既不過鹹也不油膩，令人回味無窮。搭配的白飯吸收了雞肉的鮮美，簡直是絕配。每一口都讓我感受到廚師對食材的用心和對料理的熱愛。瑤柱去骨貴妃雞搭配濃郁的雞湯和上海麵（粗）。這道菜的雞肉同樣細膩，瑤柱的鮮味與雞肉的香氣交織，讓湯底更加濃郁。粗麵的口感彈牙，吸附了湯汁的精華，每一口都充滿層次感。但個人覺得豉油雞好食啲酸菜魚我還點了酸菜魚，這是一道非常受歡迎的菜品。鮮魚片的口感滑嫩，與酸菜的酸爽相得益彰，湯底的酸味恰到好處，帶來一種暖意。粗上海麵的選擇則完美地吸收了湯汁的鮮美，讓整道菜的風味更加豐富。每一口都讓我感受到魚肉的鮮甜與酸菜的清新，讓人不禁想要多吃幾碗。撈汁皮蛋在主菜之後，我嘗試了撈汁皮蛋。這道小菜的呈現十分精緻，皮蛋的鮮香與撈汁的醇厚相互交融，讓人驚喜。這是一道非常適合作為開胃小菜的選擇，清爽又不失風味，為整體用餐體驗增添了不少彩。##

以豉油雞作主打，自煮豉油汁🍗用本地豉油加台灣醬油🍾連同十多種香料熬煮而成🧂像滷水湯的湯膽一樣🍲每日朝早都要重新調味，確保每日味道一樣😃豉油雞以走地雞製🐓在豉油汁中浸煮至九成半熟🔥待餘溫把雞完全煮熟🥘出來的雞肉份外滑溜🤩雞皮帶有濃濃豉油香🥢爽口入味，味道帶香甜，雞肉嫩滑😋除了招牌豉油雞外，另一招牌菜🎖️必定是將酸菜、辣椒、花椒炒出香氣🌶️再以大量豬骨及雞骨熬製的酸菜魚湯🐟鮮香味濃，酸辣開胃🤤魚片爽滑、微辣而不膩😍

觀塘工廈出名多好野食，今日去左食間主打雞嘅樓上店- 秋意。餐廳喺成業工業大廈，觀塘港鐵站行過去都係大約5-10分鐘。餐廳唔算大，但都坐得舒服，除左雞套餐，晚市有得散叫，仲有酸菜魚等其他菜式。我一個人就叫左個套餐。瑤柱去骨貴飛雞，濃雞湯上海粗麵加配酒釀溏心蛋推薦 酒釀溏心蛋，熟度控制得好好，蛋白幼滑，蛋黃一半熟，一半流心。食落唔會太重味，淡淡酒香，唔會太濃，好食！瑤柱去骨貴妃雞，濃雞湯上海粗麵(少麵)貴妃雞去骨去得乾淨，肉質嫰滑，另上嘅薑蓉都好出色，質感夠細之餘仲唔會有渣，食落更加香。份量正常，調味唔會太濃，有少少油香，配湯麵或者飯都啱啱好。雞湯清香，上海粗麵麵質偏淋，但唔會散或者槳口，配上腐竹同雲耳，味道唔錯。白桃烏龍茶 好得意用膠袋包裝，冷泡茶包，烏龍茶香濃順滑，中間帶微微白桃香，好飲！餐廳未夠6點都已經好多堂食同外賣單，性價比都幾高！值得一試！

一坐低就QR CODE，再加餐廳一系列規條，我以為返緊小學。 完全唔係做生意，唔通以為自己係獨市，定係生意好得滯，唔憂做啊。觀塘大把嘢食，唔想受氣及做奴隸，絕對唔會再幫襯！