禾牛薈火煱館 (金馬倫道)

營業中

休息中

為了避開冬至人潮，我地每年都會提做一點做冬，加上呢幾日天氣寒冷，今日就帶埋阿爸阿媽黎到尖沙咀禾牛薈火鍋館做節啦。之前跟朋友喺九龍城食過一次，就係因為用料新鮮，對食品質素要求高，所以印象非常深刻。知道佢地喺尖沙咀開左樓高兩層分店，梗要黎會一會佢啦。除左招牌牛肉出名外，呢度嘅湯底絕對係頂級。其中御膳宮庭海中寶及魚與熊掌(鮑魚、牛蹄)更係期間限定，而且呢啲高質食材供應有限，每天只會出2-3鍋，所以必須預約，好彩我BOOK檯時ORDER定魚與熊掌湯底先有咋。湯底未上之前，我地叫左兩款熟食。呢個老友鬼鬼(油炸鬼+蝦滑)炸得金黃鬆脆，加上嫰滑蝦滑，香口又彈牙。另外，仲有脆炸蜆蚧鯪魚球，熱辣辣嘅鯪魚球，再醮一下鹹香味的蜆蚧醬，簡值係絕佳嘅配搭。呢個魚與熊掌鍋，用上八頭鮑魚，加上新鮮牛蹄2隻及牛骨燉足10小時(你話唔預約點預備比你呀)。牛味夠濃但又唔油膩，店員仲幫我地將新鮮牛蹄剪碎再用大火煮滾，真係啖啖都係精華，大家都品嚐完靚湯，先開始打邊爐。叫左個靚湯底，梗係要叫番碟靚牛黎食啦。呢個特級手切肥牛，紋理分明，色澤紅潤，而且食落口感嫰滑，牛味十足。花枝片及魚皮餃都係我的最愛，花枝片夠鮮味，而魚皮餃就啖啖

天氣咁凍，又係打邊爐的季節。朋友話想試新嘢，所以就嚟左位於尖沙咀的禾牛薈火鍋館。店址位於金馬倫道，非常方便就腳。店內環境寬敞、光猛，枱邊仲有台細電視，可以自由調教頻道，非常貼心呢。湯底：招牌禾牛薈 + 四川麻辣湯（大辣）湯底揀咗雙拼，招牌禾牛薈有齊牛肚、牛筋、牛膀、大腸等食材，而麻辣湯則滿足我地食辣的慾望，夠麻、夠香、夠辣、夠醇，好正！精選六寶丸$188丸類好彈牙，包括有：蝦丸、芝心丸、鯪魚球、豬肉丸、貢丸、魚蛋，能夠滿足大家嘅口味。特級手切肥牛（例） $208牛肉肉質相當嫩滑，估唔到咁平都咁有牛肉味，性價比極高！三色水晶包 $98作為店內主打之一，三色水晶包每日只推出五份，口味包括：叉燒、奶皇、芋泥，係店家每日新鮮自家製，餡料豐富，不惜工本，真係好好食！大力推薦！加多寶 $18/罐估唔到又發現到一間有水準嘅火鍋店，咁嘅價錢有咁嘅質素，真係夫復何求！下次再搞聚會，一定會再黎呢度食！

四個巴打一個月例牌約會一次食飯，男人最喜歡就是烚吓烚吓😎尖沙咀地方方便食物質素有保證打邊爐最緊要地方夠闊，乾乾淨淨，食物新鮮，呢度都算做到了👍攞個全單九五折先😝😝凍凍地揀個健脾養顏椰子雞湯，雞件很多原隻椰子🥥牛的選擇很多有唔同嘅部位我哋揀咗 挽手腩，牛味很重唔會太肥呢個部位好少地方有得食呢，15至20秒食得😋😋咁啱我哋都鍾意食魚而且健康啲嘛脆肉鯇骨腩vs白鱔片。兩個都好食新鮮無骨👍自家製餃子很特別很足料帶子加鮮蝦冇得輸，珊瑚蚌份量也很多呢！😊其他配料大概38至$58.份左右啦，份量都很多的呢個水晶粉很特別口感很滑一定要試😝

冬天最好打邊爐，所以做冬飯揀咗打邊爐個個都讚😎😎地方揀咗尖沙咀金馬倫道，方便大家，最正就係有得 代客泊車🤩🤩而且收費很合理$100 3小時👍👍地方夠大，整齊企理，店員服務非常之親切，做嘢有熱誠，即點即有😊就有幫我地做介紹鍋底添好在店員介紹我哋，唔好漏咗個優惠啊！禾牛薈顧名思義 🐂係主打，但係其實鍋底也非常不錯，我哋揀咗原隻椰子雞非常足料，而且個湯仲可以飲添😋勁多辣椒，正😅呢個老友鬼鬼，即食又得，放湯又可以，一上枱即刻清晒打邊爐又點少得飲啤酒呢！本地手切肥牛(大)新鮮又牛味，嫩滑，始終本地牛最好食👍雙魚 脆肉鯇骨腩 份量都有成12件，新鮮爽脆，就算煮內左都同樣好味😌自家製餃子很足料，餡料是鮮蝦和帶子鮮蝦大大隻夠新鮮，帶子又有半粒，抵食其他配料也不錯，今次禾牛薈冬至火鍋真係無㨂錯，好過酒樓圍餐😏😏

店員服務態度非常好 有禮貌 有服務 飲品多選擇 食物多選擇 秘製湯底多選擇 地方整潔 又有電視睇 環境舒適 座位寬闊 清潔衛生 價錢合理 很適合和朋友 和家人聚餐 地點方便容易搵到 絕對值得一試

忽然氣溫急降，凍冰冰最啱打邊爐🤤果日同朋友行完山餓到飛起，出到尖沙咀就直接衝左上黎，因為之前IG見過呢間都幾多明星仔幫襯，相信質素有保證。每張卡位都有獨立電視，唔洗邊食邊‘樂’高頭，都幾貼心喎☺湯底揀咗雙拼，一邊台式麻辣，夠哂麻，辣味食到喉嚨就感受到，超正！另一邊珍寶豬骨煲，湯底都幾清甜，仲有大大舊豬骨啜😚老友鬼鬼$68即係油炸鬼釀左啲蝦滑，可以就咁食，不過我地鐘意放落湯度滾一滾，索左啲湯仲好味！特級手切肥牛 大份 $268好新鮮，睇賣相已經見到啲脂肪比例好平均，薄切滾一滾就食得，而且好有牛味，$268份量都算多，性價比好高👍🏻蒙古羊肉片 $88呢個羊肉仲跟埋腐乳醬，超match！而且唔會好un，不錯～白鱔片 $98強烈推薦！魚肉好爽滑，就算滾耐左都仲keep到個爽脆度，好新鮮好正！黎呢度食記得必點喔！鮮肥鵝腸 $98好爽啊～～脂肪唔算好多，食落唔會好肥，我幾鐘意喎😋西班牙橡果黑毛豬柳條 $138豬柳條好香，食落冇油膩感，而且做成條狀食落更方便👍🏻又一必點之選！另外我地仲叫左渣菊花茶 唔記得有冇記錯 好似係$68/渣 幾甘甜解渴 不錯～整體食物質素都唔錯，而且服務幾細心，會久不久行經過

超級喜歡的火鍋店，牛肉和海鮮出品非常好，價格也很實惠，松葉蟹皇包料非常足，全是實在的蟹肉和蟹黃，豬骨湯鍋底的料也足的不得了，兩塊大大的豬骨滿是肉，還有蘿蔔。辣湯鍋裡面有豬肚和鴨血，很喜歡。

約了幾個master同學仔出來晚飯，雖然都畢業了，但我們並肩作戰了2年，感情仍然很好！我們四口子都喜歡火鍋，我們去了金馬倫道的禾牛薈火煱館打邊爐！環境好大，我們坐卡位，竟然有獨立電視，保證不怕悶！利害！醬料很多，大家先自行混醬！點了一壼竹蔗茅根，清甜滋潤，可以下火！食物和火鍋材料選擇好多，店員介紹了一款新湯底給我們，鮑魚牛蹄湯，淆了多個小心，這個湯底來到時十分霸氣，見到有2隻大大的溏心鮑魚，用了一隻牛蹄，湯是精華，喝一口，好甜，店員會幫你剪開牛蹄，方便我們食用牛筋！牛蹄有好多膠質，好軟淋！湯底的蘿蔔令湯更清甜！點了一個小食老友鬼鬼，油炸鬼裡面釀了蝦膠，炸到好脆，蝦膠彈牙，香口美味！點了一份本地招牌手切肥牛，肥瘦均勻，牛味濃，夠淋，沒有筋！我喜歡淥大約三十秒就吃，剛剛好！蒙古羊肉片沒有羊羶味，少少油脂，很香！手打黑白墨魚丸，兩隻色都好彈牙，有墨魚香！脆肉鯇很爽脆，魚肉好新鮮，切得很薄，不用淥太久！鮮蝦雲吞好大粒又足料，裡面的蝦好爽口！桂花蚌好新鮮好爽脆！唐生菜和油麥菜，這裡的菜又大棵又新鮮！最後想不到還有甜品送，很圓滿的晚上！食物質素真的不錯！

今日嚟到尖沙咀嘅呢間餐廳食打邊爐門口就有一隻好可愛嘅牛牛啦上到去安排左我哋坐sofa位，俾咗啲醬料我哋選擇，呢度嘅火鍋配料係單點嘅首先落咗個湯底，揀咗健脾養顏椰子雞湯$188雞見到有好多，而且好滑嫩，又入椰子甜配料方面推介呢個精選六寶丸，有蝦丸，芝心丸，鯪魚球丸，球肉丸，貢丸同魚蛋，可以咩都食下😋呢度嘅手切肥牛有等級之分，而呢啲^_^碟就係貴啲嗰款，不過值回票價，色澤已經好靚，食落明顯同平時嘅肥牛唔同，更加滑身有牛香😋叫咗海鮮拼盤，新鮮大件，蝦肉10分彈牙爽口食火鍋梗係要叫個啤酒啤啤佢最後仲送牛奶布甸同椰子糕做甜品☺

椰子雞湯底非常香甜，大大煲，手切牛肉新鮮，牛拼盤掂，水餃皮薄料多，大蜆非常鮮甜。小食非常香口，尤其炸午餐肉，非常特別，其他材料也非常新鲜，很多種類，值得推薦，會再來。

一家三口行街經過見到好似幾吸引就上左去試下，叫左個珍寶豬骨煲，好正呀，勁多豬骨，老公一個人食左三舊，仲有叫左個肥牛，入口即溶，囡囡都食左好多，其他食材比想像中大碟，整體來說不錯不錯👍🏻，值得一試

同家人嚟到呢度食打邊爐有隻牛公仔logo嘅禾牛薈🐮安排左坐卡位 仲有個電視俾你睇TVB添，坐得幾闊落舒服😌呢度係單點形色既，價錢同其他單點火鍋店差唔多，嘢食選擇都好多有唔同嘅醬料配料俾你揀 揀完之後就會收走佢 如果仲有需要就可以問職員拎湯底方便叫咗呢個椰子雞做湯底，好香嘅椰子味，有好多椰片係面，裏面有雞件同粟米🙈叫咗個海鮮拼盤就咩都有啲，有海蝦，蠔同元貝扇貝甘，食落都幾新鮮👍🏻叫左至尊本地手切肥牛，仲有得揀部位添，我哋就揀咗封門柳，色澤好靚少少雪花，牛味充足。簡單616就熟啦，都好滑嫩😋另外仲有叫唔同嘅蔬菜配菜丸類，亦都不錯，最重要係坐得舒服有空間👍🏻

踏入12月，天氣突然轉凍，當然是吃火鍋的最佳時機，雖然香港人一年四季都喜歡吃火鍋，但天氣凍，自不然對火鍋的要求提高，一餐有質素的火鍋為寒冬帶來溫暖以及更大的滿足，所以我們今晚選了禾牛薈火煱館，聽說不少明星都來光顧，相信質素必定有保證吧﹗禾牛薈位於尖沙咀旺區，所以如果不訂座，相信也要等一段時間才有位，而且佔2層，可以坐400位客人，有幾間房間，最大房間更可以坐20人，造節、公司活動也非常適合，雖然可以容納400位客人，但就算是平日都全場爆滿，有人流食物自然新鮮，而座位方面，除了舒適和寬闊之外，所有卡位更設有獨立電視，看得出店主對服務客人的心思及貼心，值得一讚﹗火鍋點餐紙有2頁密麻麻的選擇，分類排列，更有精美圖片及推介食物，有選擇困難的朋友可以考慮店主推介的菜式及配料呢﹗入座後店員送來醬油架，讓大家自行混醬，特別要提的是麻醬非常香濃～最近禾牛薈新推出2款火鍋湯底，其中一款就是這個魚與鴻掌(鮑魚丶牛蹄)，由於湯底每天花十小時燉製，所以只能每天限量供應，想試記得訂座時預訂，不然大家就會走寶了﹗魚與鴻掌(鮑魚丶牛蹄)說是火鍋湯底，其實根本是燉湯來的，除了八頭溏心鮑魚外，還有2隻牛蹄，一隻牛只有四

氣溫一下子驟降至14度，係咁凍既夜晚最想就係圍住個㷫烚烚既爐食火鍋。見網上推介位於金馬倫道呢間《禾牛薈》並以牛為主打題材既火鍋店。好吧! 網上訂座儲分先~呢度既湯底項目可以用"誇張"來形容，由上而下計多達22款俾你選擇，一時之間心大心細唔知點邊款好!最後我地決定試下有潮州風味既咸菜胡椒豬肚湯，因為食潮式打冷都特別喜歡點這地道菜，但用來做火鍋湯底就未曾試過~鍋底到位時，強勁既胡椒、香芹氣味撲鼻而來隨著鍋底受熱，湯頭跟大量白胡椒粒、豬肚慢慢滾動翻騰起黎，味道層次更加強烈! 趁湯頭還沒有被稀釋及沾有肉汁前，先喝一碗試試，果真用料十足兼味濃~再吃爽滑豬肚，薄薄既切片味道甚為清甜更勝厚切既效果，絕冇任何苦澀又或是腥味感覺!講到醬料調味架，各樣必須品都齊集，當中我最愛既辣椒粒，原來不單止有紅辣椒還有青辣椒，頗特別!掛住飲湯差點兒忘記點配菜，由於今晚並非太肚餓緣故，我地點了5款。分別為本地招牌手切肥牛 (例)、自家製手打牛滑、黑牛柏葉、薈味牛什及唐蒿，有趣的是全都是牛的不同部位，可以謂【牛氣沖天】!每次打邊爐都總係唔少得既一碟靚牛肉，先從份量計，除非你係另類牛魔王否則一碟例牌絕對足夠二人用。如果是用

食物好新鮮，服務好好值得推薦適合一班朋友食最愛台式麻辣火鍋- 麻辣岩岩好鮮牛肉- 冇雪味，唔錯唔錯脆炸響鈴卷 - 食完再叫，一定要食黑白墨魚丸 - 好正脆炸午餐肉 - 最適合鍾意炸嘢既我地