福元湯圓

營業中

休息中

在北角飲完茶，飽飽哋。係做吓運動的時候，當然剛吃飽不能做劇烈運動，咁就步行去銅鑼灣啦！行到天后站附近，經過福元街，想到福元湯丸，個甜品胃即刻有反應，飽都要吃。坐低吃碗鴛鴦湯圓，有花生餡2粒，黑芝麻餡3粒。先試糖薑水，望落啲糖水很清澈唔濁，但飲落非常重薑味，薑辣味到有些嗆喉，微甜啱啱好。試主角湯圓啦！糯米皮薄到可看清不同的餡料，而且依依韌韌得嚟又有些彈牙。一口咬下，餡料都是流心的，花生餡內有炒香的芝麻，令花生味更能帶出來，又有咬口。黑芝麻餡似很幼的黑砂糖，芝麻餡味道較花生餡濃味。各有千秋，很難說那一種好味些。

平時小編介紹新式嘅甜品店就介紹得多，不過好似中式嘅糖水店都係第一次介紹。福元湯圓主要係賣舊式糖水為主，不過西米露同布甸都係有嘅，但一場黎到就梗係要試吓佢哋最出名嘅湯圓啦！🍴鴛鴦湯丸食湯圓嘅話小編通常都會叫最普通嘅鴛鴦湯丸，因為一來可以試晒唔同味道嘅湯圓，二來可以食到湯圓本身嘅原汁原味。呢度嘅湯圓就只有兩款口味，分別係芝麻湯圓同花生湯圓。一碗鴛鴦湯丸裏面就有三粒芝麻湯圓同兩粒花生湯圓。湯圓睇落超級大粒，而且亦都好飽滿，自然咬落去湯圓個內餡係會爆曬出嚟。黑芝麻湯圓咬開超級流心，個湯圓皮亦都比較薄。黑芝麻內餡嘅味道好香濃，可以食到有啲芝麻碎喺裏面，但味道亦都比較甜少少。而個花生湯圓方面，雖然爆餡同流心嘅程度就冇黑芝麻湯圓咁犀利，但味道上亦都唔會比黑芝麻湯圓差。花生湯圓入口有好濃郁嘅花生味，而且當中仲夾雜着左啲花生碎粒喺度，所以口感亦都係比較豐富。至於個味道方面亦都冇咁甜。配合埋個好重薑味嘅糖水真係超級夾。薑汁糖水入口偏辣，但一粒湯圓一啖糖水咁樣真係好正好滿足呀！

很地道的一間香港老店，喜歡這裏的湯圓多年，也食了不少其他中式糖水的湯圓，在我心目中沒有一間能夠和他媲美店舖位於炮台山往北角交界，店面很細，只有四張枱平時大排長龍，買外賣的人絡繹不絕，更多人買的是生湯圓，湯圓能夠一貫保持水準，很利害每次都會食芝麻糊，或者紅豆沙，再加芝麻湯圓湯圓，+$7有3粒，好抵食糯米表層做到很薄，一口咬下去芝麻餡會流出來，非常好，很回味，這間芝麻湯圓真的是我食過最好食的湯圓沒有之一紅豆沙非常足料，紅豆煲到軟綿綿，有蓮子，陳皮，不太甜，非常正

平時好少踏足北角區,不過因為晚上要去上堂讀興趣班所以路過此區.下課後就同幾個同學仔一齊食個糖水順便吹吹水,遠處望見有個小小店舖但竟然滿座兼有人在店外排隊，羊群心理下就走去排埋一份，等左15分鐘左右,終於有位啦～不過就坐店外的，呢間主打賣湯圓的，所以叫了薑汁鴛鴦湯圓和酒釀鴛鴦湯圓,鴛鴦湯圓係花生和黑芝麻餡，黑芝麻湯圓比較出色,感覺流心,口感軟滑,反而花生餡就普通,不過不失,另外酒釀湯底都唔錯,有酒香味但不會太濃酒味,食完後真心覺得唔錯,難怪大排長龍,如果再嚟北角都會再幫襯😆

香港島炮台山區食評系列壓軸一回！繼之前頭兩篇食評，我購買試食了「抹茶紅豆雞蛋仔」以及「三層芝士牛肉飯」之後，我的終極試食目標，年十五元宵姜汁湯圓的食店「福元湯圓」終於開門營業。不過，「福元湯圓」的下午開門營業時間，竟然比我之前看到「福元湯圓」預計營業時間，還要提早差不多半小時。「福元湯圓」原本預計營業時間下午四點，結果「福元湯圓」實際開門時間卻是下午三點半左右。當然，「福元湯圓」早在正式開門營業之前，「福元湯圓」負責製作湯圓的店員，一早已經在「福元湯圓」店內，密鑼緊鼓地製作預備所以應市的「生湯圓」。而大部分食客，都已經按捺不住要在店外詢問跟預訂「生湯圓」。結果「福元湯圓」提早在下午三點半鐘左右開門營業，「福元湯圓」店內立刻坐滿了，慕名前來炮台山幫襯享用「福元湯圓」招牌湯圓的食客，以及大量還想購買「生湯圓」的北角街坊。在我於「福元湯圓」找到座位坐下，還一早已經點選了「福元湯圓」的招牌食品「鴛鴦湯圓」之後，從街外湧過來想購買「生湯圓」的街坊，早已經在「福元湯圓」裡面排出了一條長長的輪候人龍。所以我拿着手機鏡頭拍攝下來的「福元湯圓」實際樓面，都已經被排隊購買「福元湯圓」招牌生湯圓的人龍所層層

雖然忘記拍照，但仍想寫下感想，因為真的是性。價。比。超。高。我們叫了蛋白燉奶($2x)及一碗芝麻糊加三粒湯圓($23+7)。我吃的是後者，大家請務必要加錢加3粒湯圓，絕對物有所值，不會後悔。芝麻糊很香很滑，沒粉狀，溫度也剛好，吃到最後仍是暖的，很窩心。芝麻湯圓皮不黏牙，軟綿綿。最特別的是芝麻湯圓跟芝麻糊的芝麻味道感覺很不一樣，也是很香，口感是沙沙的卻也很滑，很難形容，相信大家吃完就能感受到固中奧妙。另外燉奶，小弟只偷吃了一口就感到驚為天人，液體跟固體感比例剛好，奶味也很香。若有下次我必然會叫這個。吃了無悔，完美結束這個happy friday. 另外我們坐得比較久。。。店長也很佛心沒有趕我們出去，實在是不能更感激，我若再到炮台山，必定會再到此一吃!

今日同朋友食完晚飯，未夠喉。決定再去食碗湯水。搵到附近有一間出名食湯丸既舊式糖水就去呢間啦！都好多人食，坐滿哂人！我地就揀左坐路邊食！可以坐得鬆動d,佢舖頭本身好細間！而家出去食碗糖水都好貴！難得呢間既價錢仲係好平民價！！太好了😊當然要食佢出名既湯丸！揀左花生湯丸！有5粒！大大粒！要等一等先食得，好辣口。糖水帶一點薑味，好香！咬落真係幾多花生流出，都幾足料。仲試左糖不甩。佢d粉好特別，出面食既通常一粒粒花生碎。呢度就粉狀。但味道都幾好味！反而覺得糖不甩仲好味過！😊下次再要再試下其他糖水。都幾多選擇！

bookmark咗至少有五年嘅福元湯圓，真係至少五年冇誇張！😂😂好耐好耐之前已經聽人講全香港最好食嘅芝麻湯圓就係炮台山福元的🙈但作為一個新界人+極度懶惰嘅人，我都唔常去嗰頭。或者去親都係約咗人食飯食完已經好飽😀芝麻湯圓一咬開，啲芝麻餡即！刻！爆！咗！出！嚟！😂真係唔洗幾秒就已經流出匙羹外，滴咗落碗芝麻糊倒😮但我仲未ready影相㗎，咁要點影低佢呀？！(😹😹錯哂重點，梗係一啖食咗先再講☺️)湯圓嘅芝麻餡比碗芝麻糊更濃芝麻味同甜一點，所以好搶fo!!風頭蓋過了芝麻糊呢😛一食芝麻湯圓，芝麻糊即刻變大配角😂所以有機會再嚟食，我會叫糖薑水+芝麻湯圓五粒($24)🤫.係暫時我食過最impress倒我嘅芝麻湯圓😍

熊妹連放幾日假，日日都有飯局，今日終於輪到熊大喇。係熊大屋企hea左個下奏，夜晚要出動覓食喇。但熊妹未見肚餓，所以決定行下海濱長廊吹下風浪漫下，一條路向前行由西灣河行去北角都唔太遠，大概行左八九個字喇，夜晚都好多人跑步，唔知黎緊係咪有咩賽事呢?去到北角陪熊大食左啲泰國街頭小食，熊妹就無咩點食，所以熊妹建議去食糖水。北角區糖水鋪出哂名街知巷聞的一定係呢間福元湯圓，絕無他議。福元湯圓睇個名都知道出名的係食湯圓喇。位置係炮台山以前權記粉麵位，時日變遷，都逆左幾手，到福元湯圓堅持到而家。真係幾出名，好多人下，店鋪小小，得一兩張小枱坐到2，3個人，地方係有啲狹窄，所以啲人多數賣外賣，或者攞住碗糖水係問的街檔坐得食，成件事融入哂好似坐街枱咁，好搞笑。一心都係想黎食湯圓，熊妹仲想食芝麻糊潤潤口，所以就叫左個芝麻糊加芝麻饀湯圓，$30，勁芝麻，正。先講芝麻糊，好濃好香，食得出有打磨過的芝麻碎粉，一定唔係包裝開的芝麻糊，唔錯。另外有3粒芝麻饀湯圓，細咬一小口，芝麻饀超級澎湃的湧出，想即刻放入口接都接唔住，混和係芝麻糊中，但呢個芝麻饀同比芝麻糊的味道係更勝一籌喎，甜啲，流心啲，油啲，膩啲，熊妹估計係有豬油

The traditional Chinese dessert and definitely one of my favorites. People have this on the fifteenth of lunar new year. It's super sweet and full of black sesame. The fermented glutinous rice flavor is not so good as I have imagined. My friend ordered almond dessert and it smelled good. U can also add 7 bucks to have 3 more rice dumplings;) Wise choice ~

食完飯，就過左黎食湯圓，一試就覺得勁好食，個皮好簿，芝麻好流心，又香芝麻味，真心好食，fd 就叫其他糖水加湯圓，我自己要左碗薑汁湯圓，有五粒，食完係勁飽的，仲買左盒湯圓返屋企添😆

每逢佳日時節，香港人既傳統都喜歡跟番時節去食吾同既食物，例如新年會食年糕/ 各種賀年食品如瓜子、角仔，中秋節就會食湯圓，寓意團團圓圓。當然呢家亦有吾少人系已經冇跟傳統節日而去食呢d應節食品，不過去到新年，之系中國人重視既節日，就會多人重視左節日既慶祝。福元湯圓系一間人氣湯圓店，我向來都認為一間傳統糖水店系呢家既趨勢黎講好難系飲食界立足，因為呢家出左太多新式既甜品店，又能吸引大眾去試，變相傳統糖水店既「行頭」愈黎愈窄，所以都幾好奇福元湯圓到底有幾咁好味真系吸引到咁多人去。小店位於北角近炮台山一條小街，叫福元街，似乎成條街入面都系呢間系人氣最高，令戈一帶既範圍變得熱鬧一點。一去到已經見到有數位客人等候緊，店舖其實好細，好似20個位都冇，同埋要搭枱坐，由於座位少，室內滿座既時候店舖會開埋室外既範圍比客人。店內環境雖少，但完全冇影響客人去食既意慾，系戈度既40幾分鐘當中，除左有好多人系戈度堂食之外，外賣既都有吾少。黑芝麻湯圓 $24呢度既招牌菜系鴛鴦湯圓，即系有花生味同埋芝麻味系入面，我個人較中意芝麻味，所以叫左個芝麻味黎食。個湯圓一黎到我真系O左咀每一粒既大小都好似乒乓波咁大，甚至比乒乓波更

朝拜完藍月亮🌝寶寶同我去左想食好耐既福元湯圓😍熱辣辣既姜糖水加鴛鴦湯圓真係好正😋😋有芝麻同花生，芝麻好食好多，叫左先發現其他人淨係叫芝麻湯圓。但係紅豆沙好難食，$20紅豆煲唔lum，一粒粒硬硬地。下年可以買生湯圓番屋企自己煮😋😍😚

早兩晚已經很想很想食湯圓！今晚在中環晚餐後，特地走到砲台山福元！以前食過過一次，覺得不錯，不過今次再食覺得水準下降了。店內店外都人頭湧湧。這裏是先下單付款再等食。在微涼的天氣下，在室外吃湯圓感覺不錯。我們二人點了一碗芝麻一碗花生。每碗24元，各有5粒大大的湯圓。薑湯甜度低，薑味可以再濃些。兩款餡料都很多很夠熱，一咬下去便即湧出來。可惜花生餡質地偏稀，除了花生還有白芝麻，不過香味仍不足。芝麻餡質地好些，不過味度和香度都是偏淡。

Mid-Autumn Festival this year is the working day, rush to catch the crowd after work to reunite. Reunion dinner is ready, the only sign of reunion glutinous rice balls. Special detour to the North Point, as is the Fu Yuan Tang Yuan. I heard that outdated holiday glutinous rice balls difficult to buy, or first call to confirm before going. Take a box of 10 dumplings with sesame seeds, peanuts, bean paste taste optional. Selected sesame dumplings ($ 40) and peanut dumplings ($ 40) respectively, wh