福元湯圓

營業中

休息中

Not sure why most Chinese dessert places serve only (say 99.9% of the time) black sesame tangyuan nowadays what I really want is PEANUTS.This tiny shop at Fortress Hill specializes in tangyuan and I went nuts seeing that they have the peanut version. Never mind on what the dessert soup base was (we tried the green bean soup, walnut soup and black sesame soup) because they all had too much rice blended into them, making them very thick and not as rich on the taste of the main ingredients.The seco

星期六在北角吃晚餐，由於時間尚早，特意到訪米芝蓮推介的福元湯圓。在地鐵站出來，找了好一會才找到店子。這家店子十分狹小，只有寥寥幾個座位。雖然裝修簡樸，但食客不絕，可見其甜品應該有一定的實力。他們供應的甜品全都是傳統的中式糖水，有主打的湯圓、傳統的芝麻糊、紅豆沙、腐竹旦、涼粉和西米露等等，價格由$20-$36不等。鴛鴦湯圓$26這鴛鴦湯圓是人氣食品，差不多個個到來必點。湯圓有兩款：黑芝麻湯圓、花生湯圓。湯圓即點即煮，所以要稍作等待。黑芝麻湯圓皮又薄又滑，一咬流心芝麻饀一湧而出，正呀！芝麻味極為濃郁，有著炒香的風味，味道甜香又唔太膩，好吃！花生湯圓花生饀料同樣出色，有著強勁的花生味，好像花生醬咁濃郁，還帶著沙沙口感，好味呀！雖然薑糖水比較淡口，味道輕甜，但喝後緩緩透出薑的辣勁，少甜風味配甜湯圓又幾恰當。本來只是吃湯圓，但見到唔少人都外賣杏仁茶，我又心癢癢的試一下杏仁茶$25杏仁茶口感幼滑，杏味濃郁，甘香奶滑，稠度猶如杏仁露，比較薄身，感覺輕盈，而且甜度剛剛好，喝罷感到滋潤，非當不錯。估唔到這家店除了湯圓外，杏仁茶都幾出色，真是我吃湯圓的心水選擇。

食完晚餐意猶未盡, 嚟到呢間傳統甜品店, 原本以為呢度只有經典中式糖水同招牌湯圓, 一睇餐牌, 原來都有唔少選擇㗎。咁多款糖水入面, 最貴嘅一款都唔超過$40蚊, 相當經濟抵食。雖然鋪頭晏晝4點先開, 但開到凌晨一點先閂門, 係宵夜嘅好選擇。大部分中式糖水都冷熱皆宜, 今晚就決定健康D, 食返碗熱嘅生磨合桃糊。生磨棗香合桃糊 (熱) $28合桃糊熱辣辣, 色水自然, 質感濃稠細滑, 帶點果仁和米香, 甜度不會太高, 嘅能健腦又有飽足感。

繼續炮台山搵野食，黎到細細間福元，點咗推介的芝麻糊湯圓。甜品到，碗和羹普普通通，先食芝麻糊甜度剛好，但未算好滑。好，一於食湯圓，細咀一咬，皮薄，哇，芝麻漿夠溶，徐徐流出來，味道幾好味。

行左一日街，當然要食反個糖水慰勞下自己同犒賞下BF.我地叫左兩碗，我既係木瓜雪耳加湯圓。對上一次本來想要呢款，但老板娘話賣曬，今次終於食到。話者係我對佢期望太高，木瓜雪耳唔會太甜。但個味道偏淡。個湯圓還是唔錯。大大粒，皮薄餡足。有花生以及芝麻餡。BF既係芝麻糊湯圓。黑芝麻係手工磨既口感。絲滑濃香。不會太甜，又帶少少炒過既芝麻獨有既苦味，正。個人中意芝麻糊加花生餡既湯圓，一次過滿足兩個口味。因為好食，所以叫多左一個糖不甩。好有嚼口。都唔錯。幾十年既老字號，雖然間鋪唔大，有時人多都需要排隊。但美食係值得等待。會再黎。

在炮台山吃了晚餐，建議去食碗糖水，多次未能試，今晚再碰碰運氣，走去橋底，店內只有三四人店子細細，大約有十個位左右，看似好多人來買外賣。下單後不到兩分鐘⋯兩碗糖水已被送上檯前和我見面心想⋯⋯湯丸不是即叫即煮麼？？？木瓜雪耳加芝麻湯丸$35聽說好正，雪耳滿滿膠質桑寄生蓮子蛋茶加芝麻湯丸$33桑寄生味略偏淡，可以再濃番少少芝麻湯丸好大粒芝麻茸慢慢流出，糯米皮軟軟綿綿蛋外層好深色，應該浸在桑寄生茶中不短時間食食下覺得苦⋯原來蓮子無去芯㗎蓮子點解唔去芯㗎

今天出門前，剛好看見Facebook四年前的今日與一位好友去了炮台山的福元湯圓吃鴛鴦湯圓，我們今晚正好又去炮台山吃晚飯，可以飯後來過「當年今日」的糖水回顧。在這裡堂食，都是即點即付款，朋友思前想後，還是想吃熱桑寄生蛋茶，滋補她氣虛的體質。我沒問她好不好吃，但從雞蛋的色澤看應該非常入味，茶底層超多蓮子，用料十足。我依舊吃鴛鴦湯圓，湯圓的湯色比從前的淡，然後喝上一口，薑汁不夠辣，雖有薑味，可是有些許淡。幸好湯圓水準仍然出色，熱騰騰的芝麻湯圓香甜味美，流心度一流，至於花生湯圓花生內餡幼滑裡帶粗粒，甚具咬感。

新年過後正月十五 又想食呀湯圓 不過我冇買到嗰啲急凍嘅湯圓 就應屋企人要求落嚟買福元湯圓 夜晚8點咗差唔多半個鐘， 買咗最普通嘅芝麻湯圓 拎返屋企食 味道好好皮薄餡多 唔會太甜 好啱我屋企人口味 以後會再試

個friend堅持一定要帶我去食呢間嘅湯丸，我見時間仲早就去喇。。。OMG! 咁多人！點迫入去啊😥😥😥 先至八點幾就已經咁多人係度等，係唔係㗎？個friend話次次都咁多人㗎啦，等多一陣，試過你就覺得值得等啦。終於迫到入去，坐得唔舒服，又冇人招呼，真係想走。唉...算喇，只此一次。連排隊等成半個鐘，終於有得食，我叫咗鴛鴦湯丸，OMG！...果隻芝麻湯丸好食到不得了，真係好香，好好味，花生餡都唔錯。一碗$26有5粒，唔貴，下次要排隊都一樣會再來。

絕對會令人驚艷的黑芝麻湯圓❤️一咬落去d芝麻漿爆曬出黎，真係好正！同其他湯圓唔同，距嘅芝麻味d帶少少焦香，感覺似專門炒過嘅感覺～食落特別香濃！鋪頭比較細，坐得唔算舒服，不過盛在有得外賣生湯圓翻屋企！可以買翻屋企慢慢食雖然距芝麻湯圓好正，但芝麻糊就好普通，無乜芝麻味又唔算滑，所以唔推薦。

今晚同女友食完飯，意猶未盡，想食埋個糖水甜一甜先番屋企。我地係OpenRice 睇到炮台山附近都無咩選擇，成日食翠苑甜品好悶，就去福元試一試，聽個名就知呢間出名食湯圓，我同女友異口同聲都突然興奮起來(因為好耐無食啦!) ，期望都好高!!!一入去鋪頭細細地，入面得幾張枱，其實我幾鐘意呢種up up dup dup，低調，懷舊既感覺，呢類既鋪頭越黎越少了。望一望餐牌，其實都幾貴。原來大陸版OpenRice 大眾點評都有好評呢間，唔怪得咁貴啦。而這裡的湯圓只有兩種味道，分別是花生味同芝麻味我地點了芝麻糊+ 花生湯圓 -$32芝麻糊就唔多講啦，正常發揮。湯圓有3粒，主打既湯圓真心好味，湯圓皮不太厚，不太薄，剛剛好，餡料有一粒粒小花生同好香花生味。鐘意食湯圓既朋友一定讚好。好彩湯圓點了花生味，同芝麻糊好夾。如果芝麻糊配芝麻湯圓就好似重覆了....鴛鴦湯圓 - $26有3粒芝麻和2粒花生，個人覺得芝麻味比花生味更出色，兩者都好好味。但芝麻餡咬落去有同出面的好不同，超級流沙。令你每食完一粒都有想再食下一粒既衝動。花生味都好好，如果芝麻味湯圓係90分，花生味有89分咁上下。兩種口感，各有各好食！非常推

新年要團團圓圓，和朋友在北角吃過團年飯後想吃一點甜品，便步行往福元湯圓。 店鋪雖小，但多年來不乏捧場客，宵夜時段更經常人頭湧湧，一位置難求。這天晚上店鋪內的位置的滿座，店舖兩名員工忙得不可開交，有些顧客詢問可否自行幫忙開些摺枱及摺椅在店外吃，店員當然樂意。 結果我們都坐在外，再進店下單買甜品。三人點了花生湯圓、芝麻湯圓及桑寄生蛋茶。湯圓雪白渾圓，有薑茶作底。薑茶不會太甜，有微辛，很暖胃。一口咬下黑芝麻湯圓，糯米皮香糯軟滑，流心的芝麻蓉香酥味美，非常美味。花生湯圓亦是流心，同樣香軟棉滑，但相比之下還是芝麻湯圓味更香，略勝一籌。桑寄生蛋茶加了湯圓在內，茶微甜，吃過這一碗甜茶，真的非常飽肚。小店曾獲多個獎項，實至名歸。

利申只愛吃水晶湯圓 見番工地方同呢度近近哋又被極力推銷 所以就試試佢為咗影呢張相都食得幾leh hea望望碗邊嘅黑色痕跡就會得知真心皮薄爆餡又真係估佢唔到喎 咁薄皮 經高温烹調底下都唔爆裂 勁嘢泥burr本人都幾欣賞黑芝麻呢種食品之前去過食品展 有即炒黑芝麻同即磨黑芝麻醬嘅booths 戈種闖入呼吸道嘅香味係難以形容呢個餡都fulfill倒我呢種對黑芝麻香嘅鍾情皮嘅糯米味唔重 or可能ratio wise令佢突出唔倒 再or黑芝麻味真係太strong個湯底我就嫌唔夠薑唔夠甜味道：7/10福元湯圓黑芝麻湯圓$26📍北角

傳統中式糖水～店面細細，坐位有限，超過4人就要坐在鋪頭門外天氣涼，坐門口都唔會覺得唔舒服芝麻糊+湯丸（芝麻）濃濃芝麻香～又香又滑又惜芝麻糊配芝麻湯丸...相比下芝麻湯丸變得無味下次記得叫芝麻糊配花生湯丸先得杏仁茶+湯丸（芝麻）杏仁茶好香濃，加上芝麻湯丸好夾薑水鴛鴦湯圓（芝麻+花生）薑水唔會太辣，岩岩好花生湯丸裡面有粒粒白芝麻，勁好食芝麻湯丸外皮又薄又煙韌，好有咬口綠豆沙（右上）無渣綠豆沙，個人覺得好正，綠豆蓉味道更濃

食飽飯當然要搵甜品，係隔離食完米線好唔滿足，見到湯圓大排長龍，當然排埋一份。長龍但好快就買到。堂食好地道，係坐係門口的公眾長櫈食，天氣凍凍地食住碗熱騰騰的芝麻湯圓加芝麻糊，係幸福既。湯圓煙韌流沙，可惜芝麻糊偏杰又唔夠芝麻香。