祥榮餐廳

營業中

休息中

三個人點了半隻雞及兩個小菜套餐，埋單都係二百蚊多，價錢實惠，估唔到黃埔花園都有咁抵食的餐廳。餐湯要了一中一西，中湯味道較甜，西湯則較淡。半隻海南雞份量十足，雖然無去骨，但啖啖雞肉，十分嫩滑，不過雞味就比較淡，雞皮皮下脂肪都很少。朋友最仲意食魚，有幾款唔同的魚及做法，佢就揀了檸檬蒸烏頭，烏頭蒸得唔算滑，但肉質結實，魚肉鮮甜，加上淡淡檸檬香去掉魚腥味，加上$78就一大條，好過自己煮。最後加了個XO醬西蘭花炒花枝，花枝彈牙，XO醬惹味。三個人都食得好滿足，碟頭大價錢抵，人少少出去食仲抵過煮。