祥仔 (K11購物藝術館)

營業中

休息中

呢晚黎到k11 想搵間餐廳試下，見到呢間祥仔，門口都好多人排隊～於是就試下！ 我地揀左鐵板豬同牛～加左個羅宋湯～d鐵板加埋d汁炸炸聲！真係睇落都覺得惹味！豬扒餐塊豬扒勁厚，仲有火腿都好厚，食落啖啖肉，個鐵板餐仲有勁大舊薯仔，認真夠份量！ 仲有個餐加左菠蘿冰！好有好多菠蘿肉～正！ 豬扒夠哂厚又唔un~~跟住牛扒又勁正，有塊肝係上面，夾埋食勁正！！上面仲有粟米啦菜等等，食落夠哂菜～羅宋湯夠哂味！ 又惹味！餐廳既防疫措施都做得唔錯 員工都好有禮貌～～～餐牌上面仲有好多其他既選擇～下次黎都好想試下其他野hahah

一直都知K11有間港式西餐質素好高！但每次嚟都要排隊等位，但發現openrice有得訂位之後緊係即刻訂位試下！嚟到都見到坐滿人！表示有訂位之後就好快有同事帶入座，座位之間都有膠版間隔，入去又會有人量體溫，做齊防疫工作🙌🏻落單之後好快上嘅 #兩日兩夜羅宋湯 跟餐+$28就可以升級，同湯名一樣同兩日兩夜嚟煲，將食材嘅味道煲晒出嚟，味道特別好香濃！跟著就到我睇menu 已經心動嘅 #零油感蝦多士 $88 一式兩件，真係有條蝦係多士上面！咬落香脆+真·零油感，食完都唔覺得好肥膩👍🏻👍🏻👍🏻另外同男友各嗌咗一份主食套餐 #蒜香特醇橄欖油辣椒意粉 $98 同埋 #爵肉牛柳鐵板 $178。 就咁睇碟意粉好似好簡單，蒜香味加埋少少辣，香得嚟好好食！對於減緊肥嘅豬太郎，絕對係一個誘惑。另外牛柳雖然係鐵板餐，但啲肉唔會硬晒，啖啖香腍軟肉，仲有焗薯同粟米，絕對夠飽！我哋仲嗌咗 #新鮮菠蘿冰 跟餐再+$20 真係有菠蘿喺入面，無花無假！唔好太甜，夏天飲夠晒清爽！

呢日喺尖沙咀剪完頭髮後順便喺度食埋晚飯，我哋揀選咗K11入面嘅「祥仔」，皆因朋友話好鍾意食港式西餐嘅口味喎🇭🇰。不過其實我都覺得唔錯，特別係鐵板餐嗰種咋咋聲。餐廳環境十分型格，外面望入去有啲似竹林，而且牆身放滿打側咗嘅立體方塊，部份仲會發光添。另外，座位闊落，我哋坐得好舒服😌。除咗環境外，店員服務亦係相當出色，佢哋全部都好好禮貌，而且會主動關心客人需要。總之服務好，整個用餐體驗都會大大提升👍。我哋要咗兩份主菜、一份小食同一個甜品，全部賣相都唔錯，份量正常。不過價錢方面，就可算稱得上為貴價港式西餐呢！但間唔中食下都OK嘅👌。冬蔭功雞翼Tom Yum Goong Chicken Wings($78)，呢個寫住係星級名廚系列，係由飲食達人余健志創作。🐔八隻酥炸單骨雞翼滲透住冬蔭功香味，再配合青檸汁食非常惹味，留意番雖然係冬蔭功，但唔辣的。雞翼下面仲有好多沙律菜添。爵肉牛柳U.S. Beef Fillet with Pate ($178)，就咁睇個名唔知咩嚟🤔，但餐牌有介紹，呢道菜又名雀肉牛柳，即係用上鴨肝醬搽上牛柳表面，帶出油香。呢個組合我真係第一次食！鐵板牛柳必然為我哋帶嚟視覺效果，店員為

今晚收工後約左個朋友出TST行街食飯，去到K11我地一齊俾呢間高級版fusion菜吸引左😂我地最欣賞佢份menu好詳細咁介紹Ｄ菜色既成份，製法等等，唔會一個唔小心叫錯左有Ｄ自己唔中意食既配料／醬汁／食完會敏感既野👍🏻兩個人叫左份祥仔推介必試既零油感蝦多士， 秘製瑞士乳鴿，脆脆豬扒飯，同埋新出既祥仔泡芙😎豬扒飯係第一樣黎到既，我開始食嗰陣明明唔係好肚餓，但唔知點解食完一啖之後愈食愈開胃😮😮 佢個汁輕微偏酸，我好怕出街食啲蕃茄汁係一食就覺得好假既味道，但呢個完全唔會👍 真材實料，連啲車厘茄都好甜👍👍 我自己本身唔係話特別鍾意食吉列豬扒因為覺得好油膩，但係呢個朋友好鍾意食炸野所以就叫咗一份一齊試， 點知令我非常驚喜！！！ 香脆而一啲都唔油膩，裡面juicy，我食食下都食咗半塊😱 從來無試過一口氣食咁多炸豬扒😮😮蝦多士真係見左大大隻而且仲見到蝦尾既新鮮蝦整成，好香脆，而且蝦同多士之間仲有層好香有啲creamy既口感，超好食！！😋😋我鍾意食乳鴿但係唔係特別鍾意瑞士汁，不過呢個瑞士汁係非一般嘅瑞士汁！！佢有種好香既花椒八角香料味，唔辣但真係好香口好特別👍👍祥仔泡芙係一開始落單嗰陣就叫店員可以即刻上

五星級大廚Ricky 主理嘅祥仔，主打特色港式西餐及經典菜式，當然要搵機會試一試！爵肉牛柳爵肉牛柳係以鐵板上菜！一上菜，侍應好細心幫手落汁喺鐵板上，咋咋聲，香噴噴，好吸引！爵肉牛柳即係鴨肝醬搽牛柳！濃郁軟淋嘅牛柳，加上鴨肝醬油香，味道口感層次更豐富！而配菜嘅小番茄、焗薯、粟米，當然都唔可以錯過啦！祥仔脆脆豬扒飯豬扒外層炸得金黃香脆！切開後，見到豬扒勁厚身，而且肉質保持粉嫩！正呀！將豬扒同飯分開上，確保豬扒唔會變淋，好細心，值得一讚！白飯上面淋上由甜椒、蕃茄等煮成嘅開胃醬汁，配豬扒食真係一流！加$28轉套餐包埋兩日兩夜羅宋湯同飲品，抵呀！兩日兩夜羅宋湯呢個用兩日兩夜去煮嘅羅宋湯，認真與別不同！加入左香草牛油，飲落有淡淡香草味，而且好香滑，酸酸甜甜，好味道！凍奶茶估唔到港式凍奶茶，都可以另上糖漿，自己控制甜度，又一細心位！凍檸蜜

早前在該商場消費了一定金額，送了$300現金卷，當時選擇在一甜品店使用，但在食甜品前要先食正餐，由於有老人家，所以費事行來行去，決定在同一商場食，見這間祥仔，平時都有人排隊，食評也高，於是決定試吓，入去時，個職員啲態度燥燥地，可能店內不夠人手掛🤷🏻‍♀️，anyway，叫了祥仔脆脆豬扒飯、黑豚肉粒飯鮮栗米汁、芝士煙肉長通粉伴溫泉蛋，其中兩個餐加錢要兩日兩夜羅宋湯，食物上枱後，發覺食物份量都幾少吓😨，係個脆豬扒感覺好似大啲啲，豬扒外脆內軟，也不錯，個羅宋湯由於都幾多人推介，個名又好似好勁咁兩日兩夜羅宋湯，可能期望過高，我其實覺得幾普通，整體而言，價錢偏貴，份量偏少，味道一般，服務一般，下次未必再幫襯．

城中名廚之一，經常在各大傳媒都有撰文和粉墨登場施展廚藝的張錦祥，先後在長沙灣和尖沙咀開設名為「祥仔」的西餐廳，主打多款經典港式懷舊西餐，最近我就在他的尖沙咀分店，位於 K11購物藝術館商場內的分店，吃了一頓晚餐。餐廳主打多款招牌菜式，一次怎能試到全部，所以這次光顧只試了「芝士煙肉長通粉伴溫泉蛋」（$138）、「兩日兩夜羅宋湯」（$28/套餐價）、「零油感蝦多士」（$88）、「酥皮蘋果撻」（$58）和「新鮮菠蘿冰」（$34）。「芝士煙肉長通粉伴溫泉蛋」是好的，卡邦尼忌廉汁雖然不算十分濃稠，但味道挺好，掛在索汁力強的長通粉上，加上一戳即破的溫泉蛋，芝士香與蛋香俱備，那些特別加在意粉上的芝士脆片，更為這意粉增添額外的「芝」味。作為餐廳特別推介的「兩日兩夜羅宋湯」，老實說，是頗為令我感到失望的。這湯無疑是足料的，但味道偏酸，也不夠濃稠，要是可以選擇的話，我就喜歡辣味重一點，酸辣平衡，也較濃郁的羅宋湯。「零油感蝦多士」賣相漂亮，兩件厚身蝦多士果真一點不油，原來這蝦多士是先經焗至金黃再將多餘油份吸乾的，怪不得能做到不油不膩的效果，七分脆的多士，頗大隻的蝦，蘸點伴在黑木板上兩旁，從小到大排列得整整齊

電話book枱冇講有限時，去到等位見到有個牌寫住用膳時間45分鐘，帶位入座個陣就問職員是否有限時，佢先話45分鐘一定要交枱。明白最近生意難做，但一班朋友聚餐，45分鐘真係好趕，正常都係90分鐘架嘛！即係佢啲野係一早整好晒，因為上菜要超快，仲快過快餐店，倒晒入口就要埋單走! 我哋最終離開食第二間。

行完K-11在商場內食完晚餐才走，本身擔心在這種商場食飯會好貴，原來有間貼地的高級港式餐廳，價錢合理。 ▲爵肉牛柳嘩一上台好吸睛，份量多又colourful! 查看餐牌介紹，爵肉牛柳其實又叫雀肉牛柳，爵（雀）肉即鴨肝醬，相傳只供給貴族爵士衡頭人士享用。又有鵝肝，又有大大塊牛柳，ok喎！我將鴨肝醬沾滿牛柳表面，鐵板的熱力令鵝肝溶化，牛柳頓時充滿鵝肝味！牛柳嫩身好易咬，亦好香！Side 有半隻薯仔、洋蔥等，好豐富呀。 ▲零油感蝦多士這個小食起源自廣東菜中的鍋貼明蝦，是六，七十年代香港英式下午茶常見的人氣小食。用了鮮蝦，麵包配上特製蝦膠慕絲。在祥仔食到的是外脆內軟的零油感蝦多士，爽脆無油膩的感覺呢，又香又有啖啖蝦味，很出色食完想繼續食！加$28可以升級會餐，有湯及熱飲。奶茶杯好靚靚。 ▲兩日兩夜羅宋湯有幾兩日兩晚先？個名好吸引，看似平平無奇的羅宋湯，果然好清新自然，飲得出蕃茄、其他蔬菜的甜鮮呢，不是很造作的那種茄膏調味料。看看餐牌介紹，原本兩日兩晚的意思，是以香港絕跡的古老工序，用兩夜精心去煮：先時新鮮的食材煮成湯，經過兩晚的冷藏，加以然製會湯更入味。 ▲祥仔秘制瑞士雞翼連雞翼賣相都咁好，又

放工約咗朋友去尖沙咀，順道去K11食野~好耐冇飲酥皮湯，見到menu有，同朋友即刻一人點一碗~除咗酥皮海鮮濃湯，我地仲點咗零油感蝦多士（＄88）、冬蔭功雞翼（＄78）同埋祥仔脆脆豬扒飯（＄118）。豬扒飯最快上，件豬扒同d飯係分開上，所以食既時候豬扒仲係好脆身冇變淋。d飯番茄味濃郁，酸酸地好開胃。之後係雞翼，我地加咗少少青檸汁，感覺fresh d，而雞翼就好入味。朋友最鍾意係蝦多士，即叫即整，嚟到既時候香噴噴，正！最後就係我最鍾意既酥皮海鮮湯，成碗香濃夠味，入面仲有兩隻蝦~

光是聽個名好像好舊式的餐館， 但其實裝修好靚， 環境仲好舒服。menu 上都有好幾款特式食物好想點, 但基於今餐是兩個人的關係， 只能點3款吧， 唔想浪費食物。小食個名好好～ 零油感蝦多士， 見到要即點， 因為好似無咁肥嘛⭐️⭐️⭐️⭐️⭐️要推介， 真係無油感， 好鬆脆可口主食 no. 1⭐️⭐️⭐️⭐️鐵板爵肉牛柳 ~~ 今次先食呢個先， 有水準， 唔錯喎Vs鐵板澳洲黑毛和牛牛肋條肉 ~~ 下次要食主食 no.2祥仔脆脆豬扒飯汁同脆豬係分開上的碟的， 我想講個豬堅脆而不油， 口感唔會係厚粉漿個種， 皮簿鬆脆， ⭐️⭐️⭐️⭐️⭐️推介兩人黎講呢個份量已 好 full, 因為都唔算細份。

在尖沙咀K11商場購物，尖東站 D2 出口可直達，就算像今天是下雨天也不成問題，十分方便。疫情靠穩，商場也熱鬧起來，這是大家都樂見的。購物完，嘆下午茶是我們的指定活動。脆脆豬扒配鮮果沙律，沒料到下午茶的脆豬扒，可以那麼厚厚的！目測一定不少於1吋，而且還是大大塊的，肉質鬆軟可口、有肉汁，足夠兩人分享。祥仔泡芙 ，其實我比較少嘗泡芙，因為香港的餐廳能提供泡芙 的不多，所以，很期待呵！外層是朱古力脆皮，內裏薄薄的泡芙很鬆化，中心的特製忌廉是特別香滑可口。 鮮奶泡沫咖啡，家人說👍👍👍我的紅豆冰，粉糯的紅豆是紅豆冰的靈魂，還有香滑雪糕球，紅豆冰的層次大大提升，也沒有因為有雪糕球而令味道變得過甜。

好耐無寫評，因為真係好小出街食飯，有大有細喺屋企安全啲，唔係食TG多過食飯。。。但早幾日幾左個午餐，好多野想同大家分享.....今次食既食尖沙咀既祥仔，有睇tvb既都知呢個大廚既名同嘜頭，所以我都抱好大希望，想試佢既野食。聽講仲係新開，不過係有緣見到，唔係專拜訪其實午餐黎講係算貴，不過我窮，過100蚊我覺得貴啫🤣🤣我見到隔離枱好多人叫個脆豬，好似幾吸引，同個星班粟米汁好似好勁，就呢兩樣的而且確厚脆豬係幾厚，仲幾脆，但有肉汁ok, 都唔太乾，但飯就......似乎小左啲🤣個汁我比80分，我唔鐘意太甜既茄汁，佢好啱我。星班粟米汁呢個講真，魚同一般唔大分別，都係贏汁，但呢個$138，就有啲失望。頭先都驚唔夠食加左個雞亦，佢係跟餐可以加，兩隻剛剛好戲肉黎喇，標籤煮2日2夜既羅宋湯，如果唔係跟餐加10蚊，我一定嬲到彈起，因為真係好似普通茶記唔洗錢嗰碗例湯咁，可有可無，好似開左水咁啖而無味，最慘佢過煲左2日2夜嗰下衰，唔講仲好啦😅整體就都唔錯既，不過好多改善空間，人比較多，如果想食早小小，我都排左15分鐘先入到，不過帶位安排同唔太多位都係問題黎。

同朋友一齊食飯傾下計交收就約左大家既中間點尖沙咀,早排見朋友ig打卡塊豬扒好大塊咁,價錢又合理就走左去食環境幾好 明亮又大.祥仔脆脆豬扒飯 $118 (升級兩日兩夜羅宋湯$28+附送咖啡/茶)塊豬扒熱辣辣咁上台 好脆一d都唔鞋!好好食!!個飯滿滿的蕃茄,多汁,啖啖都有味個湯如網友推介咁濃郁.埋單果陣巡例checkcheck張單,發現職員將我地叫餐既組合以抵d既價錢加野飲好細心^^

行行下 K11 購物藝術館見到大排長龍，朋友話老闆原來之前係酒店名廚，羊群效應又忍唔住要排隊試下，唔算太耐 大概15分鐘就入到去。爵肉牛柳原來爵肉牛柳又名係叫雀肉牛柳，即係鴨肝醬咁解，都算係鮮見菜式。牛柳係以鴨肝醬塗抹喺鐵板上煎熟，整塊牛柳充滿油香，食落去腍熟嫩滑，卻依然保存到肉汁同肉香~祥仔脆脆豬扒飯見到每一枱都必點既豬扒飯當然要試下！ 菜式係分開豬扒同埋飯上菜，炸豬扒係巨大厚肉豬里肌肉即炸而成，麵包糠唔會好厚， 外皮黃金香脆但內裡嘅豬扒卻係粉嫩軟滑，肉質甘香鬆軟，配埋酸酸甜甜嘅蕃茄飯味道，鮮香甘甜，令人回味！零油感蝦多士首先不得不讚佢真係完全零油感 唔會好似平時食開嘅蝦多士咁油淋淋 烘至香脆嘅多士上面舖住半融焦香嘅芝士，然後係爽滑彈牙嘅原隻蝦肉，面頭仲加咗少少香料，惹味又口感豐富！