祥仔 (K11購物藝術館)

營業中

休息中

之前小編試過嘆住海景食祥仔🌶辣辣，今次一於試埋位於K11藝術館嘅祥仔茶餐廳。話晒係有名氣玩fusion 嘅茶餐廳，雖然餐廳格局有點茶餐廳，但價錢比一般茶記偏貴。小編叫左個下午茶餐，跟埋餐飲埋單$68，差唔多平時一個午餐價錢。 😋紐西蘭牛肉炒蛋福袋三文治配田園素菜沙律 $68 👍🏻👍🏻👍🏻/ 5炒蛋🥚夠滑溜有蛋汁，但紐西蘭牛肉就有少少韌，整體來講都算好食，可能小編一心來著一點期望來試，食物卻沒有驚喜。🤪

朋友極力推介K11祥仔餐廳,所以呢日同佢一試。正值午飯時間都唔系太多人，但要等位都等左15分鐘左右呢度lunch都唔平由88至138起，難得來得就叫左個祥仔脆脆豬扒飯$128（包經典熱飲，凍飲+$2），見到下面尾尾寫住套餐可以優惠價$18（原價$48）既兩日兩夜羅宋湯就叫埋黎試下。先來兩日兩夜羅宋湯，料好足，但飲落去同平時大x樂／大x活會比較好飲，佢得過酸字冇辣味，佢加左種好特別既香料，我淨系飲到個個味，因實在太強烈完全遮蓋了湯本身的味道。飲淨大半😶向飲湯期間祥仔脆脆豬扒飯到左，豬扒好大塊佔左一個圓碟，另一碟就系充滿茄汁加唔同顏色蕃茄仔；賣相都幾吸引。豬扒好鬆脆可以切到六件左右，厚度有成大概3cm厚，齋食豬扒好食既；到個飯又點呢？！蕃茄汁好酸好杰，完全接受不了～本身以為蕃茄汁可以好開胃🙂點知😑...我只系食晒啲蕃茄仔同幾啖飯已經放低左，豬扒好膩，食幾件已經飽晒～問我會唔會再黎呢間食，都可以既，試下其他款囉，但呢個飯食一次就夠，可能share食會好些少

之前行過K11都見過這間餐廳，但沒有特別看這餐廳是食甚麼！有天約了朋友吃午餐在K11等，然後看到哪一間有位就入去食，看到這間餐廳有位，在看看餐牌上的午餐是否合適我們，我們當天就選了這間祥仔！我就點了招牌菜”脆脆豬扒飯”，朋友就點了”俄國牛肉蕃茄意粉”，本來想試經典芝士煙肉長通粉但友人不吃長通粉！坐了一陣，脆脆豬扒飯就送上😀先食豬扒，一切開就知好野，一試難忘，鬆脆，淋身，仲好Juice!而個飯係配茄汁簡直一流，唔洗咁Dry!成個飯連豬扒都扒晒到俄國牛肉蕃茄意粉，啲蕃茄汁同豬扒飯個汁啲顏色一樣既？等我試下意粉個蕃茄汁係咪一樣，係有點唔同帶微微酸的，牛肉一塊切到好大件唔係薄身，無乜牛味，意粉軟硬適中，這碟一般般！總括嚟講，脆脆豬扒有驚喜，可以再黎食！

脆脆豬扒好好味，保持水準。其他食物則一般般而且份量很少。第二次去光顧，但服務仍然一點也沒有進步，屬於差的那種！如果希望多啲人流，服務水平必需提升，否則只會把客人嚇走！

今日喺K11行到累 所以求其喺商場入面找了間餐廳點知係超難食 永世都唔會再幫襯其實一開始都已經等位等左30mins 但因為我地好累 加上出面好熱 所以照等 起碼喺商場入面等都有冷氣 同埋咁多人等 心諗啲嘢食應該ok 唔會太難食 點知難食到咁X樣 😒叫了番茄豬排飯 味道好一般 番茄汁完全係小學供應飯商嘅質素 豬排正常 有汁唔乾冇奇怪嘅味 份量還可以還有雞扒 羅宋湯通粉 炒蛋多士嘅套餐 佢話碗羅宋湯通粉係咩煲左2日2夜 飲落去仲淡過尼姑尿 乜味都冇咁濟 用金寶罐頭湯煲20mins 仲濃過佢多多聲 其他雞扒 炒蛋多士就正常啦但服務質素好差 舉左手差唔多7次先有人幫我落單 但明明冇乜人喺餐廳 啲waiters剩係話一陣再幫你 咁就走左去☺️☺️真係服務好到呢仲有呢兩杯嘢就等左我45mins 食完啲嘢 連附近全部嘅客人遲過我地入座嘅 都食完野 飲完野 埋完單 走埋 我地都冇嘢飲 問啲waiters話係咪漏左我地單 佢地剩係話再等等啦 咁樣🙂🙂真係唔該曬你wor食到我成肚氣 埋單計埋加一要$17X (每人要>$85) 去茶餐廳俾$50食呢個質素嘅嘢 比呢個服務質素我都算喇 大佬呢間係喺K11入

慕名名廚Ricky的出品，想試好耐，今日經過終於可試下。但有啲失望。兩個餐加個冬蔭公雞翼，要四百幾蚊埋單，個人覺得唔太值。叫左個卡邦尼煙肉意粉同茄汁焗豬飯，見$28加餐有兩日兩夜羅宋餐同餐飲，就加了。仲好期待兩日兩夜羅宋湯應該好香濃，來到點知只係茶記質素。又唔係好淡，但唔香濃，無牛味，好普通。跟住到個意粉，份量唔算多，男士可能唔夠食。廚房就咁用cream 做個汁，無加芝士，其實我自己都整到。茄汁焗豬等左好耐先出餐，豬扒同飯分開上。豬扒夠厚身，炸得ok 既，但個茄汁飯個茄汁，係茶記紅汁個隻茄汁。佢個價錢我會期望有西餐質素，個紅汁應該要用蕃茄蓉調，但只係普通茶記紅汁。冬蔭功雞翼係好食既，不過$78得8隻單骨雞翼，份量有啲少。如果係8隻雞中翼就差唔多。人均食左二百幾，K11其實好多選擇，感覺唔太抵。

祥仔脆脆豬扒飯：好有驚喜，真係好脆好鬆化，食落又唔油，份量亦大。炸得出食🤤海鮮出前一丁：湯底好有魚味，好香。好食有個常餐（？）炒蛋多士沙嗲豬肉多士係麥包，炒蛋好香牛油味好滑。多士又有啲口感，夾埋食好好食。食物總括嚟講都唔錯，稍貴。但最大問題係侍應服務有啲問題，人手明顯唔夠。我4月一共去咗2次，2次都叫好耐先有侍應幫你，而2次都係隔離左右啲枱都不滿侍應嘅應對。可能係呢批侍應較新手，但呢個係致命嘅問題，希望可以改進一下。

陪媽媽覆診嚟開呢頭覆診，另一間等咗好耐冇位就轉食呢間。喺門口睇個餐初牌價格都偏貴，不過唔方便行嚟行去再搵第二日喇。【祥仔脆脆豬扒飯】諗住係穩陣嘢，賣成HKD128嘅吉列豬扒飯應該好味掛。上到枱賣相係唔錯嘅，吉列豬扒飯大大塊，飯上面啲配料都幾足，又有蕃茄仔又有蘑菇。吉列豬扒係炸得好脆，豬扒都厚切，但冇乜肉味，亦唔 juicy。飯個汁係茶記嘅燴汁，同吉列豬扒個味道係幾夾嘅。媽媽食栗米肉粒飯，試食咗一啖，正常發揮。係啲肉粒太厚，有啲韌。

問咗你幾位，用埋安心出行都冇用，有位都要呆等！兩位三位的可以直入，慢慢填紙！旁邊的年輕侍應都覺得有點那個，有位點解要人等？但企reception 嗰個就係要揀客呀😏

Went there for the first time yesterday with a friend. Seeing that it's in the name of Ricky, the standard was supposed to be guaranteed but was a bit disappointed. Ordered set lunch 'Pork with Creamed Corn' (can't recall the exact wording in English, 粟米肉粒飯), thinking what new elements would be put into this ordinary dish. I kept telling myself not to expect too much as it's unfair to the chef coz he/she was not Ricky himself at all. The dish came, corn and rice were fine, the pork cubes were mu

呢間餐廳近排好似好多人食咁😝我哋上次經過K11終於有機會試啦🤗我哋一開頭就叫咗個兩日兩夜羅宋湯😚😚呢個湯嘅特別之處就係佢係裝喺個膠袋入面嘅😙😙要剪開個膠袋先可以飲😆雖然佢嘅賣相幾特別🤔不過我哋就覺得味道同普通茶餐廳嘅羅宋湯差唔多🧐🧐不過個湯都加咗幾多海鮮落去😋算係幾足料嘅🤗🤗🤗另外我哋仲叫咗呢間餐廳好出名嘅祥仔脆脆豬扒飯🤤🤤呢個豬扒飯真係做得幾出色😍雖然佢個飯嘅賣相唔係太好🤔但係佢嘅蕃茄醬味好濃🤩而塊豬扒就切得非常之厚同埋炸得好脆😍😍😍真係幾好食😋😋😋我哋最後仲叫咗佢同出前一丁嘅聯乘系列入面嘅芝士煙肉一丁伴溫泉蛋😚男小編覺得用類似西式嘅煮法整出前一丁好似幾特別😝所以就俾佢吸引咗🤤🤤呢個出前一丁食落就真係幾好食嘅😋感覺上好似食緊某間茶餐廳嘅芝士公仔麵咁😆😆加埋隻溫泉蛋真係好夾🥰不過呢間餐廳嘅衛生就真係唔係咁好😵我哋一坐低嘅時候職員遞咗兩杯水俾我哋🤔其中一杯水入面竟然有隻超大嘅烏蠅喺度浮下浮下🤢🤢但係職員由斟完杯水至到拎出嚟比我哋😱相隔左咁長嘅時間都竟然發現唔到呢隻烏蠅 真係有啲恐怖🥴🥴所以服務同衛生都要扣分😣😋 好味：7.52/10🤑 價錢：7.25/10🤗 服務：3.59/10😝 環境

響電視度見過Ricky san好多次，今日特別黎到佢主理間餐廳祥仔在K11的B2層， 名氣就好大，味道就真係非常之見仁見智。叫咗個鮮粟米真星斑魚飯，系堅星班但就有啲overcooked，啲星班魚魚冇魚味，仲好『鞋』， 侮辱咗塊堅星斑；飯有鮮粟米跟住，甜D，味道又咪咁，仲有D唔夾…另外叫咗個葡汁雞球飯，『頂』…啲雞嘅雪味漂晒出黎，葡汁完全係冇味兼水一般好差，勁想叫人攞豉油…仲有個雞翼，好似迎合四川人食咁樣，花椒八角味過重，蓋過甜豉油香味，一路食下食下嘅時候把口已經有啲麻，再食唔到有乜味，仲要九蚊一隻…明明系西廚，無那那搞間茶記，難怪中伏。

這間由上過電視的廚師主理的港式連鎖茶餐廳，見裝修唔錯，同屋企人試吓。餐飲集團加入會員有優惠券，吃飯選擇不多，叫了脆脆茄汁豬扒和咖哩豬扒飯。餐具走意大利風。加了$28有餐湯和茶或啡，二日二夜的羅宋湯是濃但沒有特別驚喜。豬扒和飯分開上，豬扒幾大份，對得起$138這個價錢，炸料好脆略乾，肉質是嫰，但沒有鮮炸豬扒或日式炸豬扒層次口感，有些吃合成肉或植物肉感覺，飯伴有些西式芽菜。侍應可安排將豬扒切開。侍應看來都年青但冒失，放鐵叉跌落我手機上。

行完藝術館，想搵個地方嘆杯咖啡食個包，友人介紹K11 的「祥仔」，反正從未試過，一於試試。下午茶餐選擇頗多，有飯丶意粉丶雞脾或甜品，因大家都不肚餓，我們選了一個酥皮蘋果撻（$58）及精選蛋糕（即芝士餅）（$48），下午茶餐包一杯飲品，朋友叫了凍檸茶，我叫了熱鴛鴦。芝士餅上枱已十分之吸睛，擺放精美，加有新鮮士多啤梨及鬼佬豆苗，顏色美麗。味道方面，芝士味香濃，疍糕質感不鬆散或太黏，好味！👍🏻👍🏻👍🏻蘋果撻上枱亦吸引，同樣伴以新鮮士多啤梨及豆苗，它還加有提子乾，令口感及味道也豐富。蘋果撻的皮鬆脆，內裏有用肉桂及糖煮過的蘋果肉，熱辣辣的，不過甜，香甜美味，屬必叫之選。😋😋😋這個鴛鴦也很有特色，它用滴漏咖啡，絕非普通茶餐廳貨式。飲落有香濃咖啡味，雖然奶茶味道被咖啡略為掩蓋，仍很香及滑，好味兼提神。👍🏻👍🏻👍🏻總結而言，祥仔是下午茶的好選擇。

一路走來，和天使一起走來的道路絕不是平坦。但近來走過的高低起伏，實在太過頻密而且太過牽動人心。或許天使還有翅膀可以助他飛天遁地，但我畢竟只是凡人，我有時侯霎時間真的接受不了。既是天使，自不會只為我打開雙翼，而打開的地方有時便是我鞭長莫及的邊際。迫不得已，唯有學狼般仰天長嘯，結果卻是傷了兩個心。天使再次開始吃不下東西，我其實也好不多少。但天使的工作實在太忙，不吃東西不行的，於是便強行迫他離開公司去吃一點東西。幾乎就是一入商場隨便見到一間餐廳便入。內疚得根本不敢正眼看的天使，一臉倦容，彷彿不再能飛天遁地…某程度上，也許這也是我在追求的結果？已經記不起是怎樣點菜的，只記得店員表示只得下午茶餐可以選，然後我便隨意在餐牌選了兩個。「是但‧求其」？還是「是‧但求其」？我已經分不清。食物上桌了，天使彷彿入了定，眼睛空洞的只是向下望，完全沒有吃的意思。不忍心，於是將我面前的茄汁炸豬飯一啖啖地餵他吃。天使正眼看了看我，想了想，然後張開口吃了下去，然後露出一副辛苦的表情。我嚐了嚐，味道是沒有什麼題的。嚴格來說，味道酸酸甜甜的，其實還算蠻開胃。餵了七、八口，然後天使吃不下去。我便吃掉剩下的食物。炸豬扒其實炸