24
1
2
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
食家推介
平時幫襯開元朗店，今次黎太和店試下，點知中伏，差得離譜！牛扒評價👎🏻：點左一個牛排餐，上黎全部都係筋腱同肥肉位，基本上得三分一塊肉既部位係可以入口。平時呢d部位係應該放羅宋湯入面煲，估唔到佢會攞出黎比客放鐵板度煎👎🏻飯評價👎🏻：第一次食到白飯係凍既，估唔到放電飯煲入面都可以凍。冷飯配牛扒食真係好難食🤢羅宋湯評價👎🏻：去開元朗店食，個個食客都知呢間既羅宋湯好出色，正常係啖啖肉豐富既口感。但今次我黎太和店食唔係啖啖肉，得湯同超級細既肉碎，令人大失所望！整體黎講，唔會再有下次！以後唔會再去太和店食，大家唔好對太和店有咩期望，直接去元朗食更加舒服☹️☹️☹️☹️
繼續閱讀
#20240215 💛📍 神 @god_steak_hk 大埔太和路15號太和中心地下10號舖 🍽️元朗教育路103號鴻運樓2號地舖➖➖➖➖➖➖➖➖➖➖➖➖➖➖➖➖➖ 🥢 #自助吧 💭 沙律有正常粟米粒🌽 椰菜絲同蕃茄仔🍅同一般既差唔多🥗但佢取勝位係有好多醬汁可以揀，洋蔥汁甜甜地又有洋蔥粒好正🧅芝士凱撒沙律醬都係少見之選🧀湯得一款，係好濃烈既紅湯，好多料，淨係飲呢個都飽飽地👍🏼飯聲稱係珍珠米，不過煮得麻麻，飯素亦普通，但呢個價錢算性價比高🤩最特別係呢度唔止水或者茶飲，仲有青檸汁可以隨便斟，高級！.#燒安格斯牛舌芯 $99💭 呢度所有牛上枱果陣都係3成熟，之後想要幾熟就靠自己係塊石度控制，個牛舌芯都幾考功夫燒，唔好諗住牛生啲都無所謂，牛舌無返咁上下熟就會韌😅塊石唔夠熱可以換，不過預返啲時間等⏳好彩煮到尾啲牛舌都幾淋👅.#牛柳 #180g $89💭 其他扒有唔同gram數揀，見有飯唔敢叫咁大塊，相比起其他牛尼講，牛柳係最淋🥩輕輕辣下個面食已經好好味😋強烈推介隻甜椒牛排汁，點肉再撈飯食一流😚.#大埔美食 #大埔黃店 #🐷在大埔 #元朗美食 #元朗黃店 #🐷在元朗 #🐷_食
繼續閱讀
一踏入呢間店，間屋就好似帶咗我去咗個石頭時代，點解？因為我碌咗塊火山石牛扒上嚟！🥩🌋🤩 首先，個辣根醬牛油🧈好正，與牛扒結合得嚟，邊食邊流晒口水。佢哋個哥士嘅牛扒，真係滋味豐富，就算係單食都夠晒味，但人地話漢堡醬配牛肉係絕配，我都點咗小小試吓，結果一啖焗得啱啱好，鮮嫩多汁嘅肉質，同埋醬料撈埋一齊，係咪嘢嚟㗎！旁邊個自家製朱古力軟心蛋糕🍰，甜度啱啱好，入口即溶，美滿嘅一餐就咁收科。至於環境，就幾chill，放低成日嘅奔波，坐低慢慢嘆，真係一種小確幸。如果你想食返個異國滋味，唔駛飛出去，呢度就可以滿足到你！總括，呢間店值得推薦，無論係約會定係一個人靜靜嘆個午後時光，都好適合。下次再過嚟，我一定會試多啲唔同嘅菜式！🍴✨
繼續閱讀
呢幾年石板燒開到成行成市，神嘅設計係參考日本自助販賣形式嘅食肆。呢一類食肆喺日本好常見，門口有自動售賣機，無咩特別都係客人自己搞掂。可能香港人未習慣又或者係技術問題，神嘅店員多數都會出黎幫手操作呢一部機。 入返正題，神嘅石板燒係半自助形式。除主食外，白飯、羅宋湯以及沙律都係自助放題，而當中最出色嘅係羅宋湯，牛肉同蔬菜都好足料，真係飲湯都可以飽。 今次嘅主食係燒安格斯牛舌心，最少唔會好似八號花園嗰間同類型餐廳咁樣燒到塊板著火。第一次咁樣食牛舌，唔可以話好好食，但係都OK嘅。 如果大家去神，記得飲多碗湯。
繼續閱讀
味道：⭐⭐⭐⭐⭐環境：⭐⭐⭐⭐⭐⭐⭐服務：⭐⭐⭐⭐⭐⭐⭐⭐店舖門外有一部自助售賣機, 是專門售賣牛扒, 很有日本的味道。但可惜只可以用現金支付, 對於習慣用電子支付的人實在有不便之處。而店內環境不大, 都是單向坐位, 還有一個自助區可以任飲任食羅宋湯、沙律、珍珠米和青檸水。款式雖然不多, 但也已經很足夠食用。其中羅宋湯非常足料, 牛肉味很濃郁, 可以多喝幾碗也沒問題。牛扒有哥士牛扒、牛柳、西冷牛扒和安格斯牛選擇, 而且更加可以選擇180g、300g和400g的不同重量。牛柳 180g，$89西冷牛扒 180g $119西冷牛扒的質地可能較為堅實，口感可能較為有嚼勁，但缺乏嫩滑的特點。而牛柳應該擁有豐富的肉味和柔軟的口感，但在這家餐廳中可能未能展現出這些特點。味道方面可能也欠缺一些濃郁的肉味。如果您喜歡較嫩軟的牛扒，或者更喜歡其他牛扒種類，建議您嘗試一下店內提供的其他選擇。
繼續閱讀