神石燒牛扒水產專門店 (東港城) (已結業)

7:30嗰陣去到個陣見到都仲有啲長龍所以行咗一陣八點再返去食都仲要等一陣 不過都keep住係門口落緊單既初初以為一定用嗰部機比錢淨係收現金 但係其實都可以碌卡既雖然個肉係主菜不過因為其實白飯沙律同埋湯都係任食既關係所以叫咗400 g其實都好夠 我嘅選擇係：100g 鹿兒島A5和牛肉眼300g 美國極黑毛豬不得不讚一下個A5和牛 真係有入口即溶既感覺㗎冇得輸有人帶位同埋都有人送餐 自助添飯沙律同埋湯佢沙律都有兩款選擇 沙律菜同埋薯仔沙律🥗仲有好幾款醬料調味😋

今日專登去新開既神石燒去食個lunch。原來set lunch係半自助式，先揀主菜，然後白飯，沙律同湯都係自助區任添，好抵食好正。我叫左一份美國極級黑安格斯牛隔肌150g ($89)，牛味好濃，肉質好靚，勁好食。第一次黎食，要大大力讚!!

神石燒牛扒水產專門店原來係Rubberband成員呀偉主理， 入面平至貴價＄不等，人均消費大約100-250。 除了有肉食套餐外，還有供應石燒海產。 另外仲有半開方式放題，沙律、飯湯可以任fill，白飯亦都有飯素可加。 整體環境舒適嘅，不過今次牛肉我淨係試咗美國安格斯三重奏，牛肉質感一般。 神石燒牛扒水產專門店（新店）地址: 將軍澳重華路8號東港城2樓265號舖電話：91638734#日本菜#神石燒#hkfoodie#foodie#日本燒肉#將軍澳美食

再次encore神石燒, 今次係平日lunch time時間去, lunch set價錢由$50-129不等, 選擇十分之多, 有秋刀魚, 池魚, 牛扒, 豚肉等, 呢個價錢已經包埋味噌湯, 珍珠飯同埋沙律放題, 真係好抵食, 不過lunch set就只有平日先有得食! 神石美國極級天然牛扒 150g牛扒切左兩件都幾厚身, 但唔算好大塊, 牛肉味尚算濃郁, 配埋燒肉汁食真係冇得頂, 加上聽到鐵板炸炸聲, 寧舍過癮! 西班牙極級豚肉 200g 豚肉份量就比牛扒多, 切成兩大塊, 面頭鋪左蒜片, 燒完會香口D! 不過呢款豚肉味道就相對一般, 豚味唔算突出, 但幾有口感! 唔知係咪切到塊肉唔係好平均, 到最後竟然有一小舊燒唔熟, 搞到冇得食…追加澳洲M8黑毛和牛$10今次仲追加到黑毛和牛食, 只係$10一份, 叫左兩份! 賣相就麻麻地, 但食落又幾有牛味, 又唔錯喎! 仲配埋另一款燒肉汁, 幾抵食呀!

將軍澳開左神石燒，我即時要來幫襯下，openrice 可book 又有優惠，一於試試，真係無來錯，性價比完勝。我地4人食左兩個午餐set, 另兩份獨立叫（牛舌and 黑毛豬）再用openrice 優惠加左蠔，帶子，蝦同和牛。散叫嘅黑毛豬最好食，塊熱石真係超勁，帶小朋友一定要小心（唔建議帶太細嘅去），另外沙律，湯同飯任吃（最緊要有飯素任加），食完大滿足，呢個價錢絕對超值😊⋯⋯但最唔鍾意就係間鋪油淋淋，沒有抽風的，檯面都好油😅但價錢食物可彌補這缺點😊

今日係平日，同其中一位屋企人慶生，因為其中一個屋企人好鍾意食牛，所以就book咗呢一間餐廳。知道呢一間餐廳喺坑口開咗冇耐，呢間餐廳都算啦好多人等位，所以好彩我喺OpenRice訂座。我哋總共四位，呢間餐廳最唔好嘅地方，如果人多嘅話，可以選擇其他餐廳。因為佢只可以一排過咁樣坐，最多應該係四個人。我哋每人揀咗一個套餐，湯同埋飯同埋沙律都係任食嘅，我哋冇揀食二人以上嘅套餐，嘢食嘅質素都非常之好，分量算係OK，所有嘅肉都係新鮮同埋高質素，價錢唔算好貴。我哋都食到好飽，仲要係因為啲飯沙律同埋湯都係任食嘅，我哋飲咗好多湯。啲湯都係好好飲嘅，有牛尾湯同埋麵豉湯可以揀。四個人食完，都係$1100左右埋單。都算係幾抵食。

就算係商場一角都keep住有人排，試完就明點解！！！好似日本咁自動售賣機形式買飛，有得睇圖，再揀埋咩size既肉就可以番埋位等送餐☺️今次揀左一款就比較重肉味，一款就比較爽口，塊石夠熱所以幾多成就完全自己控制！同埋個自助bar有沙律，白飯，飯素？同麵豉湯，岩哂想食燒肉但又要澱粉質先飽肚既人🥰😛今次因為早左book仲可以20蚊有一隻大蝦同帶子，唔錯😋唯獨挑剔就係抽氣差左少少，成間野都幾重肉味幾煙😂

終於開到黎將軍澳，假期緊係人山人海🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️唔想排隊排到傻？緊係一早係OpenRice 訂座先啦😎將軍澳分店未到8點已經近乎滿座，訂左位既朋友show booking pass就可以入座啦👍🏻店內十分有日本既感覺🇯🇵擔心order一份肉類唔夠飽？白飯同沙律🥗係buffet 形式嫁，仲有味噌湯，十分周到今晚就食左安格斯牛隔肌🤤自己決定幾多成熟，肉質好軟，入口啖啖肉，本人係牛魔王今晚真係相當滿足。

星期四去了坑口的東港城行街順便食午餐。在考慮食店時，突然見到有新店未見過，所以便去試吓。首先吸引我的不是食物，而是店內經理在售賣機前面向買票客人講解食物內容，和如何運用這部售賣機。真的很詳細和有禮貌，完全沒有疲態👍🏻👍🏻👍🏻一間很整潔的半自助式食店，由餐具、水、湯、沙律和白飯都須要自己去取，而且是任添加👍🏻水機有分開熱水和凍水（這樣已經是很細心的安排），而且，這間店面積不算大，但這個自助式枱面就有兩處，真的很難得的細心👍🏻還有，每張枱上面都會有一個放四種醬汁的位置，而且不佔枱面，送食物的BB機也是，這樣就不會整污糟枱面和BB機👍🏻食物方面，很喜歡他們會說明肉類的來源地。我們點了來自日本🇯🇵的石燒池魚和石燒雞扒，另外加一客兩隻的燒凡立貝😋我對店舖食物的要求很簡單，貴有貴食，平有平食，貴不一定好，平也不一定差；今次選擇了一間中低價錢的店，食物是比想像的好👍🏻之後才知道這間「神石燒」原來已有好幾間分店👍🏻值得一試的👍🏻

最近東港城開左神石燒，每次經過都見到長長人龍，所以我地今日食早啲，6點就去到餐廳！門口有部售賣機，隔離有位店員幫手，可以直接同佢落單，點好餐之後店員隨即安排座位。▫️趁主食未到前，可以去出面自助吧拎野食先，沙律、白飯同湯都係任食。沙律有兩款: 薯仔沙律&雜菜沙律! 沙律菜都幾新鮮，好爽脆～ 神石美國極級天然牛扒 200g牛扒切到都幾厚身，可以係熱板上自己控制生熟度，個人比較喜歡燒到有微焦，食落會香口啲，但牛扒味道就不過不失，牛肉味唔夠濃郁，但口感尚算唔錯。枱上仲有幾款調味料:燒肉汁、生薑燒肉汁、岩鹽同黑胡椒，可以自己調味。美國極黑豚 200g反而豚肉好有驚喜，係石板燒完之後已經聞到好香，食落好香豚肉味，口感有彈性，加上用石板燒到外皮帶有微焦，十分香脆好味。

知道將軍澳開左神石燒就忍唔住要去試！價錢完全唔貴，仲可以選擇肉嘅份量！揀完肉俾錢後職員會安排座位，出面仲有自助吧！湯，沙律同飯都係任添🤤 重點係有我中意嘅薯仔沙律！食物好快就到，叫左300g嘅天然牛扒，塊扒非常厚身！鐵板好熱，所以都好快熟，重點係可以自己燒！黎到已有少少熟，燒多一陣就可以燒到自己想要嘅熟度喇😍 我唔中意太熟，燒到medium rare左右🤤 枱旁邊有鹽，黑椒同醬汁可自行調配🙌🏻 食落好好味😍 唔多肥膏，而且完全唔un，而且非常juicy🤤 大滿足🙌🏻

之前經過門口已經想試但無奈人龍有點長，今晚可以早D食飯，六點幾唔駛排就梗試啦! 係門口點好餐後就可以入座，不設卡位套餐係沙律，麵豉湯及白飯任意加添，帶好口罩就可以出去自己"畢"當BB機發出聲響時，代表你嘅肉已經預備好，侍應會用紙蓋住仲有支旗仔寫明邊款肉仔，包無搞亂拎開紙巾就見到今晚主角...................美國極級黑安格斯牛膈肌 ($119 / 200g)，有蒜片相伴，肉嘅外圍其實已經微微整熟咗D，肉香味亦聞到D自己用刀叉切開決定肉嘅厚薄度，貼住"神石"面發出"滋滋"聲，生熟度自己話事隨餐送上味道稍甜嘅燒肉汁，而座位上亦另外預備岩鹽/黑胡椒/生薑燒肉汁等，各色其式呢舊牛膈肌，入口鬆軟，無多餘脂肪，牛味都幾豐富，個人黎講鐘意加少少岩鹽及黑胡椒，再加片煎香咗嘅蒜片一齊放入口，然後再加一啖白飯...................正呀!200g嘅肉對我黎講份量岩岩好，食埋白飯及沙律就已經好夠飽，自己燒肉自己話事，絶對有下次!

今日等位已經唔算多人，肉質平都好吃😋！可惜，飯太乾太硬，麵豉湯就正常！雖然系免費但係都expect有正常質素😭大部份都自助形式，包括餐具，飯，湯，沙律。沙律直情個樣都唔吸引就無試到😅。去到主食，肉就成舊都生嘅。我估系兩面煎一兩下就放上石到比客。對於一個第一次試嘅人來講，好新穎😂，朋友喜歡生少少，我就死都要熟哂😋自己煎嘅話就可以自己控制！雖然對於一個唔喜歡生食嘅人，視覺上有些許震撼🥲但係好處係舊石都夠熱絕對有時間煎熟成舊肉！朋友食169左右嘅西冷，而我就食佢隔離個個餐（詳細叫咩肉就忘記咗）但係我嗰個價錢可以接受！我覺得最令我失望嘅系環境，首先員工服務態度欠佳，有部機仔方便員工比餐嘅，部機一響就俾個員工搶走咗。我認為態度方面佢可以改善，問一句都好。另外餐廳衛生問題，枱面油到好似無抹過咁，然後自助式餐具污糟，有污跡，水跡。每一台提供嘅醬油個樽都好油，甚到會漏油。地下都好痴笠笠。而座位安排都欠佳，好逼，我期望系有個舒服位坐食吓肉，鋸扒咁。總結而言，野好食，坐好逼，地好油，環境差。

今天中午同朋友諗住試吓呢間新開既燒肉店。一入到去已經覺得舖頭啲位好窄，同朋友係面向牆既單人位坐底之後，無乜位可以放低啲袋。出去攞飯或者湯亦十分辛苦，因為個位實在好窄。個餐送上來之後，加上張檯放左兩碗湯同飯，基本上已經無位比我地郁。再者就係張檯根本無抹乾淨，枱面至枱邊十分之油，都幾污糟職員態度方面，有位黑衫男性職員係送餐個部機響既時候，直接係我朋友手上攞走部機，無乜禮貌，態度頗差。食物方面，肉既生熟程度可以自己調校，醬汁味道亦不錯。至於麵豉湯同白飯嘅味道亦不過不失。但店舖環境和職員態度實在令人失望，座位狹窄、枱面油淋淋，令用餐體驗感到不舒適

日本鹿兒島A5和牛肉眼(150g)~較其他出名嘅和牛，味道略為遜色，牛味不夠濃郁，不過口感算不錯。~牛肉在上盤時，肉眼可見某些地方已經放到熟了，牛肉色澤不是完全粉嫩。~石板燒這種玩意，好不好就見仁見智，只有第一次放肉的時候，溫度才足夠把牛肉燒得好，想慢慢燒則要叫侍應幫忙換石板。~坐位也算坐得舒服，白飯和餐具也要自己出去取，中間排的坐位上的醬料是前後兩用，如果是單獨一面用會更方便。~整體不過不失，我就不會推薦去食