神木日本料理 (已結業)

心血來潮想去食下燒肉，本身諗住去食牛角點知件條龍排到2046。於是好快就放棄咗，周圍搵吓有冇其他相似嘅嘢食。結果就搵到黎呢一間餐廳，見都係去一間新開嘅餐廳就入去試吓啦。餐牌同牛角其實都好相似，試吓都無妨啦仲要平過牛角好多。第一個即刻點嘅就係美國西冷，佢都有成250 gram。兩個人食真係啱啱好。跟住唔少得嘅就一定係配燒肉嘅飯，加隻蛋再配埋佢特別製嘅醬汁配上啱啱燒好既牛肉味道一流。唔會話太鹹亦都唔會話俾啲醬汁搶晒所有燒肉嘅味道。食完一碗燒肉飯之後你係會好想即刻再食另外一碗野非常值得推薦。叫多咗兩隻大蝦來做配菜，新鮮之餘仲爽口彈牙。仲有一個清酒煮蜆，酒味唔會太重亦都唔會太鹹叫你開胃啱啱好。最後想兩杯梳打，唔會太甜但係亦都同時唔會失去咗佢作為飲品嘅味道調味係啱啱好嘅。

早前到了觀塘食燒肉，這間店新開，環境幾大坐得舒服！還有室外地方位置，相當不錯！我地懶廢事諗，所以就點了2人餐！選擇了美國安格斯西冷！如果升級選日本黑毛和牛或極上和牛拼配的話，只需加$30,就可以任食燒肉和刺身，性價比更高！燒肉部份，所有肉類都有名牌提供，非常細心！當中最出色係上等肩胛肉，色澤紅潤帶光澤，差唔多烤熟時將肉剪成小片，再烤熟為止就可以食。香脆脂肪層外，亦可放到生菜上，加上用醬汁、蒜片或其他配料，包起黎食都有另一番滋味。牛既油脂加上醬油嘅味道再配上白飯，個種鮮甜嘅口感唔係到到都食得到，簡直超級大滿足！套餐以外，我還點了一份大蔥吞拿魚蓉，幼細香滑，軟綿綿的口感加上魚的油香，配大蔥的微辛引發出美妙作用，每一口都特別鮮甜美味！清酒經過煮熱後味道更加香濃，放入新鮮的蜆實在是絕配！無沙夠乾淨，蜆肉鮮味。

觀塘是一個傳統的工廈區，不過越來越發現這裏的食肆，有很多不同的選擇，今天便來到新開的日式燒烤場。神木燒肉二人前，SRF極上和牛拼盤(320g) $388。包括：肩胛肉眼心、三角肉、上後腰脊肉、西冷、牛舌。所有部位都仲有牛肉味道，而且脂肪甘香。其中以三角肉的牛肉味道最為濃郁。最令人驚喜的是牛舌，想不到這麼軟淋好味，已經很久沒有吃過這個級數的牛舌了。扇貝每隻$10，不能燒烤得太久，否則會損失了海鮮的鮮味。每個套餐配：野菜拼盤、清酒煮蜆、泡菜、味噌湯、無限追加白飯。清酒煮蜆，酒味香濃，蜆肉鮮甜美味。

今日晏晝想食好啲又坐得舒服，於是同朋友去咗 神木日本料理 食午餐神木日本料理裝修別緻，環境舒適，有著日式居酒屋嘅格調。晚餐可以選擇燒烤，所以每張檯都設有抽風機，唔怕食完成身油煙味我哋點了午市套餐汁煮豬軟骨拉麵定食豬軟骨上汁煮方法烹調，好入味，肉質軟淋。拉麵整體賣相唔錯，幾多配料，仲有半隻流心蛋。湯底方面，我㨂咗秘製辛辣湯，香辣得嚟都幾香，不過唔食辣嘅朋友，就手豬骨湯較合適鹽燒鯖魚丼定食鯖魚都幾大條，外皮燒得好香口，肥美肉質加上油香嘅味道，好味飲品方面有特別飲料，我哋點咗花茶和乳酸梳打，口味好唔錯定食配有沙律、前菜、麵豉湯同飲品午餐嚟講都十分豐富，大滿足感

試試工廈新燒肉店穿過APM直達，算係非常方便四個人點了兩個2人A4黑毛和牛set另每人加$30任食刺身燒肉飲品套餐先來清酒蜆暖胃、味增湯同我最鍾意嘅泡菜一口和牛西冷一口日本米係絕配油花剛好又不膩任食嘅五花腩配泡菜好正任食刺身質素高，有圖有真相另加點了每人一隻蝦，燒香嘅蝦脆身juicyA4和牛整體不錯這個價位再加$30追加確係好抵食另，原來店主係愛狗之人，所以歡迎客人多帶狗狗一齊出去玩🐶希望疫情快d過去，恢復晚市小店加油呀！💪🏻💪🏻💪🏻💪🏻💪🏻

觀塘工廈出名多美食，係觀塘行街經過，見到呢間*神木日本料理*新開張，就去試下呢間工廈日本餐廳。餐廳裝修得好靚，好日本風，最吸引我就係幅面具牆配埋啲櫻花，好好既打卡位。餐廳有露台，仲有客人帶狗仔上黎添。我地叫特選壽司定食同防疫限定午餐。特選壽司定食，刺身好新鮮，紋理分明。個中拖羅壽司超正，有入口即溶既感覺。加多15蚊有個烏冬食，烏冬好彈牙煙韌。防疫限定午餐好抵食，我揀左和風豚肉丼，豚分量好多又好食。野杯叫左一杯藍柑乳酸梳打同洛神玫瑰花茶，乳酸酸酸甜甜好開胃、花茶夠養生。本身想黎食晚市燒肉，無計啦，食住lunch 先。

神木日本料理燒肉二人餐點咗個安格斯餐食，呢個價錢可以食到咁靚嘅牛肉絕對係懶得行見到就一試吓睇吓佢嘅質地如何清酒煮蜆跟餐送咗個清酒煮蜆俾我哋，清酒嘅香甜味加上鮮甜嘅蜆肉，絕對係一個唔錯嘅前菜二人餐仲有白飯任裝，溫泉玉子蛋配白飯果然出色，餐廳仲要用咗出色嘅日本米牛筋肉，牛板腱呢兩隻係我覺得最好味嘅，用上燒烤爐自己燒食起上來嚟肉質鮮嫩，好好味幫唔到喺觀塘都會有咁出色嘅日式燒烤料理餐廳，喜出望外終於唔使去到尖沙咀都可以食到咁高質嘅牛肉果然係好

而家市面上已經好多燒肉放題或者燒肉店.無論日式或者韓式我都試咗好多.但因為近我屋企.所以都想試多d觀塘既🤪今次就揀左哩間觀塘工廈既日式餐廳🎉食物方面:⚪️叫咗一個二人套餐💫美國安格斯西冷(320g)套餐包含西冷.牛肋肉.牛板腱.肉眼.封門柳（另外仲有一個野餐拼盤.清酒煮蜆.泡菜.味增湯同埋任加嘅白飯）⚪️牛肋肉油脂最少.岩我唔中意太油膩⚪️西冷有少少根.入口有少少口感⚪️封門柳同牛板腱我就最中意🤩油脂分布啱啱好.而且牛味好濃好香!另外再追加左⚪️兩隻虎蝦 $15/隻大大隻.肉質彈牙.吾錯!⚪️一份五花腩$25/份唔係厚切.所以比較快熟.啖啖肉唔錯😙⚪️香蔥溫泉玉子飯+$22食燒肉加溫泉蛋真係絕配.正😋⚪️藍柑乳酸梳打同桃園柚子梳打幾好飲.吾錯整體方面:如果成日都去開啲大型嘅放題或者燒肉店食.就知道環境真係會比較嘈同埋好多人.反而有時都想靜靜地食燒肉享受一下.同男朋友兩個人一路食一路傾計幾正.慢慢食又唔會限時嘅舒服.味道都幾好.而且店員服務都好好.工廈真係收埋好多好既食店😊

突然又停止晚上堂食,梗係要捉緊,仲可以晚上堂食嘅尾巴希望快啲疫情穩定又可以出街食飯💪🏻💪🏻天氣涼涼地，最適合就係食燒肉啦!!揀咗2人燒肉前，有三款可以揀我哋揀咗SRF 極上和牛拼盤牛肩肉眼心 肉質軟嫩肉味濃及，油花豐富三角肉 將三角肉兩面稍稍燒香，入口牛油的甘香與牛肉的鮮甜馬上充斥整個口腔上後腰脊肉 肉質柔嫩多汁西冷 比起三角肉同牛肩肉眼心鮮嫩度較低， 但較有彈性肉味濃牛舌軟嫩，口感爽滑，油香味濃有肉梗係要返啲蔬菜個餐已經包咗嘢菜拼盤🥗清酒煮蜆, 唔錯熱辣辣仲有淡淡酒香而且啲蜆脹卜卜冇沙👍🏻泡菜 正正常常冇乜特別 味噌湯 就喊咗啲🙈仲有可以無限加追🍚 😅加30元仲可以無限追刺身同埋肉類🥰

揀左SRF牛肉二人套餐1.先上個清酒煮蜆,我想應該係熱嘅,但上到枱係凍嘅,呢個都唔會好難整,咁都唔好整定啦2.牛肉有5個款,除左牛舌無筋之外,款款都咬好耐,仲要吐出食唔到,我食牛肉都係5成熟3.餐有野菜併盤同泡菜無上,都廢事追4.套餐都唔會夠食,追加左$30可以食下刺身,肉類,上到枱一個字形容,好似垃圾咁食到都唔想食,埋單兩個人$500有找,我不如去食牛角啦

👫試試觀塘新開嘅日式燒肉店。性價比超高，二人份量肯定夠三個人食🤪。🥢燒肉二人前SRF極上和牛拼盤 $388拼盤包括A4黑毛和牛西冷、精選角切一口牛、和牛舌。A4黑毛和牛西冷脂肪紋理吸引，質地軟熟，充滿油香。角切一口牛筋位唔多，口感比想像中好。牛舌味道相對濃郁，只係口感比較韌。套餐仲包埋野菜拼盤、清酒煮蜆、泡菜、味噌湯，仲可以無限追加白飯。🥢追加：香蔥溫泉玉子飯 $22珍珠米煮得軟綿，加埋蛋黃、飯素、紫菜絲味道豐富，仲有陣陣麻油香。🍹藍柑乳酸梳打 $28🍹草莓乳酸梳打 $25

觀塘嘅工廈最近都開左好多新餐廳，趁住仲可以出去食晚餐嘅空檔食頓日本燒肉～餐廳還設有戶外用饍空間，感覺都幾好feel!燒肉二人前有3個套餐揀左中間果個中levelSRF極上和牛拼盤 320g$388 （肩胛肉眼心、三角肉、上後腰脊肉、西冷、牛舌）配野菜拼盤、清酒煮蜆、泡菜、味增湯、無限追加白飯 清酒煮蜆都幾大隻SRF和牛拼盤中最推介肉眼心，肉質軟稔又有牛味，又唔會過肥！牛舌厚切燒完非常爽脆！叫左波子汽水梳打同柚子檸檬梳打追加了6隻青口，大大隻！開飯網優惠：叫指定燒肉套餐每位+$30 任飲任食刺身燒肉

星期六有節目，友人約會午餐，位置於觀塘地鐵站步行幾分鐘到，交通方便，於工廠大廈樓上 「神木日本料理」主打食日式燒肉，裝潢門面不錯，竹林、日式傘子好靚，古銅色抽氣，坐得舒服，原來仲有有室外坐位午市定食都幾個選擇，奉送沙律菜，麵豉湯清甜叫了 雜錦角切魚生丼賣相 色澤鮮艷魚生丼粒粒有三文魚、油甘魚、蝦、玉子和蟹籽，爽脆青瓜，質素唔錯，份量都多喎滑蛋吉列豬定食大大碗，嫩滑 滑嘟嘟蛋，大塊豬扒啖啖肉、厚肉，香脆，吃得滋味餐飲： 洛神玫瑰花茶朵朵玫瑰花，仲有紅棗和洛神花微酸 醒神開胃

觀塘區食肆多籮籮，識得搵工廈會有好多選擇。朋友在觀塘區返工，當然是地頭蟲。帶我去了巧明街一工廈內的日式餐廳。內裡裝潢日式風格，還有露天區，觀塘區少有。滑蛋吉列豬扒定食份量不少。豬扒炸得鬆化，保持到肉汁。蛋漿滑溜，洋蔥的配料增加了口感。套餐包括沙律，前菜和麵豉湯。角切魚生飯定食粒粒魚生種類多，鮮甜又味美。每啖口感豐富。黑糖生薑茶冬季最佳保暖飲品。甜度適中，薑味突出。洛神玫瑰花茶酸酸咪咪，開胃又養顏。

第一次嚟呢間位於觀塘既日本燒肉🥓我同朋友兩個人叫咗「A4日本黑毛和牛腹」，呢個套餐包含西冷🥩肉眼 牛板腱 牛胸油同牛舌👅拿拿拿！千祈唔好以為佢係一般既日式燒肉喎 佢既肉質香又juicy 燒出嚟唔會好dry 仲有喎 最鍾意既佢環境夠寬敞 咁同朋友慢慢食gathering下都唔錯架🤪