神木日本料理

營業中

休息中

耐冇食日本菜，有時都有個心癮想食，好在身邊嘅朋友同另一半都鍾意食，有個伴真好！而今次呢間餐廳都係主打日本料理，進食嘅環境相對寬敞，裝修偏向日式風格，有啲座位以竹葉圖案嘅屏風一邊包圍住，牆上亦掛有幾幅日本動畫嘅畫像，有如置身日本享用晚餐一樣～✎ 牛肉他他牛肉質感鬆軟而富有肉味，裡面粉嫩，易咬開。表面放咗好多蒜，口感濃烈刺激。篤穿流心蛋，令蛋汁流岀，蛋香味浸入牛肉，令牛肉多咗一重絲滑口感！✎ 神之特上刺身(6點盛) 刺身有蝦、帶子、油甘魚、三文魚、吞拿魚同鮑魚。刺身普遍新鮮，冰凍感十足。最令我深刻嘅係鮑魚，非常Q彈，爽口滑嫩，令我想食多幾塊嘅感覺～✎ 雜綿燒物 分別有燒蕃茄、牛舌、雞肉串、雞軟骨串、翠玉瓜、雞皮同埋雞肉棒等等。串燒以辣粉調味，微辣，香口美味～牛舌爽口；雞肉柔嫩；雞軟骨爽脆嫩口；翠玉瓜多汁，燒到有啲焦，更顯惹味；雞皮脆香，一入口少少油脂爆出黎；雞肉棒外層微焦香脆，肉質軟腍，肉香四溢。燒物味道都唔錯！✎ 火灸三文魚卷火灸三文魚充滿油香，味道鮮甜，入口幾乎即溶～入面嘅餡有玉子、蟹柳同青瓜絲。飯口感軟腍，味道酸酸地，唔會鬆鬆散散！✎ 藍柑乳酸梳打 濃濃橙香同乳酸味。✎ 草莓乳酸梳打

神木雖然話係工廠區，識路嘅官塘友就知道，地鐵穿過APM, 一出港貿就到。其實都幾方便架~ 神木的日式料理好多元化，有刺身，壽司，串燒，仲有燒肉~ 和風設計，地方都幾闊落，坐得舒服, 仲有戶外區~呢D天氣坐戶外，認真爽呀~頭盤先來個牛肉他他，超級好食~ 必點推介~牛肉半熟，一D都唔嚡，配埋個蔥粒蒜蓉醬，非常惹味~ 一碟只係88蚊，但有十幾塊，抵食~  神之特上刺身 (6點盛)  6款時令刺身，每款都有2切。擺位好有心思，連隻蝦都扭哂花極度厚切上~ 咬落啖啖肉，對於鐘意食刺身的朋友，呢個刺身拼盤一定好滿足~ 串燒來個雞五味盛  神木的串燒雞是用日本薩摩雞，而呢個雞五味好特別，除左有常見的雞肉同雞翼串燒外仲有雞心，雞潤同雞軟骨，直頭食勻成隻雞呀~雞心同雞潤嘅質感同鵝肝差唔多，燒過後口感更結實。如果燒得再乾身d 就更有BBQ 風味~ 不同的串燒，師傳都用上不同的自家調味 ，唔會串串一樣味的。青龍炸蝦卷 卷物內包住炸到脆脆的吉列蝦 ，外面鋪上了芝士和三文魚籽，再加綠色的海苔，變成一條青龍了。有芝士又有蝦，仲有粒粒三文魚籽，口感有脆有軟，非常豐富。藍柑乳酸梳打 士多啤梨乳酸梳打 2款梳打顏色都好靚

Located conveniently near APM, Kamiki Japanese Cuisine offers a serene dining experience. The restaurant's bamboo-themed design creates an enchanting atmosphere, and it provides both indoor and outdoor seating options, ensuring a comfortable environment for all.We opted for the "竹" set, which showcased a delightful array of flavors and textures.🦀 The Salad was a refreshing starter, with the briny crab roe adding a burst of flavor to the crisp and cool cucumber.🍢 The Assorted Skewers Platter feat

今晚朋友帶我到這間「神木日本料理」吃晚飯。原來觀塘工廈真的有很多高質素的餐廳，這是其中一間。蒜蓉燒生蠔：店員推介是日特價蒜蓉燒生蠔。我們就叫了一客三隻。生蠔都頗大隻，蠔肉鮮美多汁，上面鋪滿蒜蓉，超香勁Juicy。牛肉他他：牛肉鮮嫩多汁，medium 的牛肉配上很多洋蔥，還有惹味的他他醬汁，中間有一隻生蛋， 將生蛋、醬汁和牛肉拌勻，蘸在一起吃，超級十分好味。一口牛肉炒飯：一口牛肉很鮮味，飯粒非常軟糯有彈性，每一口都有牛肉，整碟飯炒得很甘香鮮味，讓人回味無窮。彩虹卷：有拖羅、三文魚、油甘魚、左口魚、馬刀背、真鯛等。裏面包着蟹柳、青瓜、甜蘿蔔。色彩繽紛，以花瓣和黑魚子做裝飾，上面還有金箔，口感非常豐富清新。雜錦燒物：是隨機七串的串燒，包括日本薩摩赤雞心、日本新瀉縣雞胸軟骨、大蔥雞、豬五花、日本薩摩赤雞二節翼、大京蔥和蕃茄仔。每一讓串燒都燒得很香充滿炭燒味，不會太乾，口感鮮嫩多汁。店舖內的陳設佈置充滿日本風味，周圍掛上日本特色燈籠，牆上掛着一幅幅別緻的畫作，還有室外平台雅座，非常有意境。真是一間不錯的日本居酒屋。

居酒屋位於apm對面嘅工廈 位置好方便餐廳裝潢充滿日本色彩 除左有唔少日式燈籠、日本傘同動畫角色嘅壁畫之外仲有一幅掛滿狐狸面具嘅牆 打卡一流🦊餐廳座位都幾闊落 部分座位更以竹簾相隔 私隱度甚高🍴彩虹卷 ($88)卷物以6款唔同顏色嘅魚生製成 好似彩虹咁🌈魚生上面仲放左金箔、花瓣同魚籽做裝飾 好靚❤️魚生包括有：三文魚、真鯛、拖羅、油甘魚、馬刀貝、左口魚款款都好新鮮🫶🏻卷物嘅餡料有青瓜絲、蟹柳、玉子、沙律醬 食落幾有層次感🍴蒜蓉燒生蠔 ($60)依家做緊優惠 $10一隻燒生蠔！真係好扺食😍生蠔雖然唔算好大粒 但係夠哂juicy而且放左好多蒜蓉 好入味勁香☺️🍴刺身串燒拼盤 ($98)呢個係店家新推出嘅優惠 星期一至四都有拼盤包括刺身同串燒各3款剌身有三文魚、帶子、油甘魚 每款各有2件😋串燒就有雞二節翼、雞腎、雞頸肉全部都係選用日本薩摩赤雞 我最中意二節翼 燒得好香好惹味🫶🏻拼盤仲有包埋一款飲品 真係幾扺食👌🏻🍴明太子一口烏冬 ($48)烏冬嘅份量比我想像中多 而且煙韌彈牙撈埋明太子沙律醬一齊食好好味😍

外賣親子丼飯硬到似生米，硬到食唔落；D蛋好似水浸，多到不成比例，而且完全無蛋味；D雞又鞋又無味，都預左食冰鲜雞肉，但都應該煮好D，我都唔知自己食緊咩；味噌湯其實可否用心煮吓？真心覺得兩餸飯好食好多，又平好多。好少上網寫負評，今次忍唔住，真心想提醒老闆，要訓練吓個廚，否則D客唔會返轉頭。收銀小姐有禮貌，但食物質素太太差，簡直難以入口。今次第一次，又是最後一。APM有其他更好選擇，今次做錯决定。就算今次外賣有九折，也不足以彌補。

小編同朋友慶生，到訪該店進食晚餐。計埋小編，總共三位女生～我們叫了一個《月》的套餐 $598第一道菜是蟹籽沙律，蟹籽份量不少，撈勻後每啖都有，食落好fresh，作為開胃菜，剛剛好👍🏻一條時令原條空運刺身❤️❤️❤️ (鯛魚)因同行者怕腥味，因此我們選擇了比較淡味的鯛魚～嚟到時看到擺盤十分花心思😍，打卡一流，店員亦好人主動問是否需要幫手影相👍🏻魚生片咗18件，唔會切得太薄，食落唔腥👍🏻，油脂都唔會太重😋😋😋旁邊亦有一些魚肉粒，經過燒烤，有部分連埋魚皮，食落有燒烤香味，亦有魚的油脂味，讚！🥰🥰🥰食完後，你可以選擇把剩下的骨拿去炸/煲湯(價錢需要額外另加)串燒則給了我們七款，可惜的是串燒款式不能選擇，是廚房隨機給的：雞胸軟骨、雞肉串、雞頸肉、雞腎、免治雞肉棒、蕃茄、翠玉瓜調味好香而不鹹，亦都唔會過辣，啱啱好。翠玉瓜仍然保持到鮮甜味；蕃茄亦都唔會燒到變酸；特別嘅係雞胸軟骨，第一次食，由於佢係薄片，唔會好似雞軟骨咁比較難咬，反而更脆口加洲卷(同我想像既加洲卷有少少唔同🤭)綠色捲住壽司卷的皮，應該是蛋皮，但不知加了什麼把它變成綠色🤨配菜有蟹籽、玉子燒、青瓜條、蟹柳。係成個餐唯一嘅澱粉質，係唔錯既小店嘅酒

呢間餐廳分別試過午餐同晚餐, 兩日都係網上訂位既, 所以去到就有位啦,  午餐都好抵食, 而晚餐都有套餐食, 但我地就想乜都試下, 最後就散叫壽司定食配烏冬 - 壽司刺身都好新鮮, 而烏冬口感不錯 - - - 以下係晚巿既菜式 - - - 蟹籽沙律 - 蟹籽多, 各種配料都好足料炸雞軟骨 - 炸粉唔算太厚蒜片牛柳 - 偏咸, 但牛柳肉好食好入味彩虹卷 - 賣相不錯, 每款刺身都好新鮮, 刺身厚度比較薄牛油果軟殼蟹卷 - 冇乜驚喜蒜蓉燒生蠔 - 呢款煮法出嚟效果不錯, 生蠔肉好鮮嫩燒菠蘿 - 超甜菠蘿總結 : 呢間餐廳晚巿都唔算好FULL, 又唔會趕人走又冇限時, 啱晒三五知己吹水

觀塘工廈區一向都多嘢食，今次選擇樓上日式餐廳。🍽️牛肉他他 $88食落甜甜地，生洋蔥同蛋黃撈埋微熟嘅牛肉，好香口開胃！🍽️燒牛柳粒（1串）$28燒物熱辣辣，牛柳粒唔韌🍽️廚師推介-一人壽司拼 $108拼🍽️神之特上刺身（6點盛）$198壽司刺身好新鮮，刺身唔會雪到好冰，仲好鮮甜添！壽司賣相好靚！🍽️鍋燒烏冬 $78食完凍野當然要食返暖笠笠嘅鍋燒烏冬，雖然上菜時焗住個烏冬，令炸蝦稍為淋咗少少，但湯底好鮮甜，暖入心🍽️藍柑乳酸梳打（凍）$28🍽️草莓乳酸梳打（凍）$28

轉左工嚟左觀塘返工，朋友介紹觀塘好多工廈有好野食，仲話帶我試下。神之特上刺身（6點盛）入面有三文魚，帶子，吞拿魚，火炙金目鯛，火炙左口魚，蝦🦐刺身新鮮鮮甜，火炙魚有充分嘅魚油，勁香，正，值得一叫👍牛肉他他好有特色既他他，入邊有半生熟嘅牛肉，洋蔥同埋金黃色嘅雞蛋黃，配上秘製醬汁，愛好牛牛既我，非常鍾意。雞五味盛店員介紹裏面有雞肝，雞心，雞翼，雞頸，雞軟骨，肉類有先調味再燒烤，燒至金黃色。鍋燒烏冬最後叫返個飽肚嘅日式烏冬，入邊有一隻炸蝦，有茹類，蘿蔔等等配菜，烏冬有咬口，湯底清甜，食完即刻暖笠笠。藍柑乳酸梳打/草莓乳酸梳打朋友叫咗哩個藍柑乳酸梳打，而我就叫咗草莓乳酸，顏色幾靚，飲品偏甜，帶有果肉同乳酸味。

🙋🏻‍♂️餓底探員今晚去咗觀塘調查呢間日本料理，餐廳走木系風，裝修充滿和式風情，食物種類多，壽司，刺身，串燒，炸物小食甚至燒肉都有，啱啱一眾鍾意日本料理嘅吃貨🥗蟹籽沙律 $45🙋🏻‍♂️表示個蟹籽沙律底下墊滿青瓜絲，配上蟹籽同蟹柳絲，唧上蛋黃醬，個沙律食落有青瓜嘅清新同蟹籽嘅鮮甜🥩牛肉他他 $88🙋🏻‍♂️表示個牛肉他他配上洋蔥，蒜蓉，蔥花，蛋黃同醬汁，牛肉口感軟腍，食落牛味香濃，連埋啲配料一齊食層次感豐富，香濃惹味🍗雞五味盛 $118🙋🏻‍♂️表示個雞五味盛有免治雞肉棒，雞軟骨，雞腎，蕃茄仔等串燒，免治雞肉棒食落脂香有咬口，雞腎同雞軟骨都有嚼勁，食落香口🐟神之特上刺身 $198🙋🏻‍♂️表示盤刺身有三文魚，赤蝦，帶子，左口魚裙邊等刺身，擺盤精美，赤蝦鮮甜，口感彈牙，左口魚裙邊食落有咬口，帶子口感煙韌，味道鮮甜，整體刺身都好新鮮🍲鍋燒烏冬 $78🙋🏻‍♂️表示個烏冬有天婦羅蝦，蛋，日本魚蛋等配料，湯底鮮香，烏冬口感爽滑，天婦羅蝦鮮甜，係略嫌浸咗落湯食落唔脆🍊桃園柚子梳打｜藍柑乳酸梳打 $28🙋🏻‍♂️表示杯柚子梳打味道甘甜帶乳酸味，底下有好多柚子肉，杯乳酸梳打成杯藍色好夢幻，飲落有柑嘅甜味又有乳酸味

又同叔叔係觀塘搵食😝佢有情意結離不開觀塘😂牛肉他他大推😍牛肉好粉嫩🥩面頭有好多蒜🧄下面又有好多洋蔥🧅中間有個蛋黃🍳吉爆蛋黃撈埋哂一齊食好惹味😋蒜&洋蔥好夠辣味，牛肉肉質好嫩又易咬👍🏻6點刺身有6款唔同刺身，三文魚、油甘魚，吞拿魚、蝦、帶子，鮑魚，每款2片，全部都係厚切，食落無雪味幾新鮮炸蝦卷🍤飯卷包住青瓜絲&炸蝦，面頭有燒香左既芝士同蟹籽，有軟有硬有粒粒，食落幾有層次雜錦串燒🍢随機5串肉+2串蔬菜小蕃茄同翠肉瓜燒完都仲好多汁肉就以雞肉為主，雞胸軟骨好爽脆免治雞肉棒，雞肉mix埋啲軟骨，好有口感

依度有冇觀塘打工仔呢🧏🏻‍♀️今次介紹既餐廳可以成為你既食堂啦!地鐵站出穿過APM就到 極為方便🚶🏻‍♂️日式裝潢 忍唔住都打左幾張卡📸仲有戶外坐位都幾chill架播住日本懷舊金曲同MV 夠晒feel🇯🇵✿ 神之特上刺身 $198 ✿依盤咁架勢既刺身拼盤一共有6樣野:三文魚、油甘魚、吞拿魚、帶子、蝦、左口魚樣樣都新鮮厚切 最出身係左口魚 微微燒過油脂香口✨✿ 廚師推介-一人壽司拼 $108 ✿一人壽司拼盤黎講依個都算誇張😂六件壽司 件件都好大舊🤣好彩我地係share係 我一個人食到依度應該開始都食飽了~✿ 牛肉他他 $88 ✿份量極多 大大碟粉嫩既牛肉淋上秘製蔥蒜汁 加埋生蛋黃 食落好絲滑😚鐘意重口味d既可以夾埋生洋蔥一齊食🧅✿ 鍋燒烏冬 $78 ✿扁身烏冬 配冬菇、鳴門卷等 重頭戲係隻天婦羅大蝦🍤蝦大隻彈牙炸皮薄湯底好清唔味精 食完暖笠笠🫂✿ 燒牛柳粒 $28 ✿牛柳配埋車厘茄解油膩 肉香尚算唔錯有肉汁~✿ 藍柑乳酸梳打/草莓乳酸梳打 $28 ✿酸酸甜甜唔係藥水味~

1️⃣ 牛肉他他 $88呢款牛肉他他同平啲嘅有啲唔同，牛肉係半生熟，仲好粉嫩，份量都幾多！仲有個生雞蛋撈勻蒜蓉做調味，適合喜歡蒜蓉嘅朋友🐮2️⃣ 鍋燒烏冬 $78份量都幾多，適合同朋友分享～配料有天婦羅炸蝦同冬菇等等，食落暖笠笠十分暖胃3️⃣ 雞五味盛 $118雞五味盛包左五款唔同雞嘅部位，有雞肝、雞胸軟骨、雞心、雞頸肉，可以一次過試哂唔同部位，面頭有少少調味4️⃣ 神之特上刺身（6點盛）$198呢個神之特上刺身係包咗6款唔同嘅魚生，拼盤都幾靚😬刺身包括三文魚、油甘魚、蝦、帶子、左口魚同拖羅，啱晒每樣都想食嘅大家～📍Address📍神木日本料理觀塘巧明街114號迅達工業大廈4樓A室

最近去咗「神木日本料理」嘅餐廳食飯，餐廳提供豐富多樣嘅高質日式料理，環境雅致，氣氛舒適神之特上刺身，每一款都非常新鮮，每一口都帶來一種鮮美嘅滋味。牛肉他他，牛肉鮮嫩多汁，配上獨特醬汁，帶來一種濃郁嘅口感享受。雞五味盛，以雞肉為主角嘅串燒，五款不同的雞部位，可以一次品嚐到不同嘅風味。蟹籽沙律，蟹籽鮮甜，配上新鮮蔬菜，帶來一種絕妙嘅口感。鍋燒烏冬，湯底濃郁，絕對係冬日的美味享受。藍柑乳酸梳打/ 草莓乳酸梳打，清新爽口「神木日本料理」絕對係一間不容錯過嘅餐廳！