神戶屋日韓放題

營業中

休息中

兆萬不嬲都多放題選擇，又日式 泰式 韓式。真係諗食咩都有排揀😂😂今日男朋友就揀左8樓嘅神户屋。放題黎講佢間隔隔算好，位同位之間好闊落，2個人坐都唔會比好逼嘅位你，見6點左右未有太多人，有6 7個侍應。野飲選擇有2個野飲櫃你揀，驟眼望落都成20款選擇，野飲自己拎！點餐紙有成10張！係10張！過百款野食😚😚火灸岩鹽燒三文魚腩壽司。三文魚腩入口即溶，飯唔會太大舊，送上檯仲有陣陣鹽香。招牌炒硯。隻隻硯都連住硯肉架！滿滿一大碟，夠辣，但無乜味。。。鐵板牛柳粒。牛肉夠大粒，份量細細碟。但牛肉有小小煮得過熟。。韓式粉絲。肉碎同粉絲配撘出色，肉粒增加粉絲嘅咬口。味道似生菜包feel，係泰式唔係韓式🤔🤔人參雞湯。好足粉，滿滿嘅杞子鋪係湯面，入口淡淡人參味🙈🙈羊架。入口無騷味，熟度岩岩好，唔會太老。推薦！！帶頭甜蝦。入口有甘甜味，蝦肉新鮮希靈魚。入口魚蛋有甘味，魚蛋彈牙天使蝦。大大隻蝦肉，入口新鮮珍寶帶子。原粒大大粒帶子上檯，唔係開半，唔係切片，真係原粒上！味道鮮甜🙈三文魚。切片較薄，油脂分佈平均松葉蟹蟹鉗。細細隻蟹鉗，有海水味整體上菜速度快，食物味道屬中上，選擇多元化，略厭熟食味道較淡。

很久沒吃放題了，便相約友人聚一聚Book了平日的星期三，六點半客人不多，甜品飲品自取，款式頗多先點了刺身，蟹腳象拔蚌都有，質素中上，螺肉比較推介，彈牙爽口卷物有牛油果，蜜桃，玉子等，配上壽司又很不錯，賣相又靚比較特別有炸鮮奶！好吃外面甜甜似麵包，入面包着軟滑鮮奶，少有芝士年糕都不錯，熱辣辣芝士開邊蝦，蝦身不爽，淺嚐便可火炙三文魚腩壽司，通常都是不敗之作，魚油燒香後入口綿滑魷魚鬚和炒蜆愛辣之人必點，十分香口！蜆肉沒沙又有肉，不錯甜品有奶凍，泡芙，雪條都有，正常放題有的都包了總括來說可以一試，但壽司種類較少，熱食較吸引，另外服務很不錯，態度比起坊間放題好多

帶住一種愉悅地心情去旺角點知一入去就好失望，座位太狭窄，隔離枱走人都要起身借借，青梅酒🐔尾酒都要收費，食物叫多都🈚️位摆，食到冇晒興趣，吃1⃣️個钟到就走人，一定無下次。

呢間係旺角兆萬中心既神戶屋日韓放題，系我食過諸多放題入面其中好值得推薦既一間。日韓放題顧名思義匯集曬日式同韓式既美食，食物種類真係好多啊！就算同中意唔同口味既朋友仔黎食都一樣滿足到曬距地啊！一黎到緊係揀翻個刺身拼盤先啦！三文魚，泰式生蝦，鮑片，虎蝦，甜蝦刺身呢啲就緊係唔少得啦，而最令我意想唔到既就係呢度既海膽刺身，真係好好味，好鮮味啊！揀完刺身就揀埋壽司啦！呢度既壽司款式都好多樣嘎，任君選擇!食完生野，食翻啲熟食啦！呢個芝士局大蝦真係好吸引啊！大大塊既芝士鋪系大蝦上面，食起黎真係好滋味啊！至於神戶既雞軟骨同燒靖魚都一樣咁好食，黎到一定唔可以錯過啊！

好耐無去兆萬中心啦，一如以往勁多人派傳單。朋友提議食神戶，就試下！上到八樓有唔少人等位，建議先訂位。安排左坐卡位，職員有禮，人手充足，上食物都執野都好快，几乎完全無錯漏，只係漏左個牛油粟米。不得不提，佢個刺身好新鮮，超級多選擇，全部用心拼砌，一啲都唔馬虎！最愛吃帶子，好清甜。以為尤魚會好硬，佢又唔會喎，幾爽！蝦勁大只，又有幾款唔同既蝦刺身，又爽又甜，愛蝦之人一定要試！總括黎講，刺身做得幾好，又有一大盤冰冰震住，保持到新鮮！除左普遍日式野外，都有幾款韓國特色小食炸香蕉糕脆口，入面係蕉肉，未食過，幾特別，不過會濟，食一兩舊就夠。韓式炒尤魚好惹味，辣到流鼻水，食得辣既你一定要試！柚子大蝦沙律柚子粒甜甜酸酸，個汁咸咸地，其實又幾夾，又開胃！飲品唔只有氣水果啲普通野，仲可以揀韓國芒果汁同忌廉鮮奶等。甜品每人可選兩項，其實食左甘多野，選兩項已經好足夠！雪糕係我至愛之一！仲叫左溫泉蛋同其他食物，蛋熟度剛好，流心，但汁味道剛好，不會太咸，加上紫菜，正！仲有天婦羅同芝士年糕等不過不失天婦羅多脆，剛炸起，不會凍晒，個人覺得蟹柳天婦羅最好味！值得一食！呢間舖頭每碟份量不太多，唔會食死一樣，可以試唔同既野！大

今日突然想食放題，去到放題集中地兆萬中心，樓下已經好多人派傳單，見到有幾個神戶屋既職員派，又落力sell ，就試下！上到去都幾多人等位，場內滿座，似乎人氣唔錯！餐紙有好多張，分門別類，好多野食！一開始就俾佢個刺身吸引到！！！超大盤同多款！擺得好靚，有心機。加埋有十幾款，剩係蝦刺身都有四種，虎蝦，甜蝦，赤蝦。。。刺身底有一大盤冰，保持住新鮮，食左個幾鐘都仲係凍同新鮮既刺身新鮮，爽口，三文魚係腩肉，無物筋，帶子鮮甜，螺肉夠脆同爽，唔會“星”第一次食甘大盤同靚仔既刺身，睇見個人都開心啲！好滿足！爽呀！壽司同花之戀，啲飯唔會好大舊，一口一件剛剛好，足料。肉鬆壽司好好味，唔係度度有，一定要試！勁蒜焗蠔，熱“敕敕”，重蒜味，岩晒口味，蠔夠肥美鐵板牛柳，入味，夠晒林，有牛味，唔會雪藏味，一碟唔會太多，可留肚食其他野！仲有兩樣係必試既！就係紫薯仔，一口一粒，清甜，不過記得趁熱食！心太軟！！細細個，兩三啖一個，佢唔會太甜，有流心，唔會太濟！少少地剛剛好！不過實在太好味，再叫左兩個黎食共食左四個！哈哈仲有其他野食，數唔晒，超飽！總括來說很滿意，食物款又多，又新鮮，上菜快，兩個人唔洗四百！值得一試！！

蝦米寶寶的第一篇食評，大家多多支持喔！同一班朋友聚餐，搵餐廳係最麻煩的一件事，因為未必搵到果果啱心水的食物。所以有時食放題，都係一個唔錯的選擇，可以滿足唔同人的需要。今次去左兆萬神戶屋，價錢唔算太貴，野食都多選擇。大堆頭的刺身，刺身新鮮之餘，款式都好多，比足夠的數量，唔會上枱數量唔夠分最愛甜蝦，一啖一隻，新鮮爽口，唔係將價就貨的質素--炸物--炸物有天婦羅 & 雞軟骨，較為偏愛天婦羅，唔會太厚皮，天婦羅炸蝦，肉質OK。--卷物--細細粒，唔會上枱就散晒，而且款式都多--燒雞翼--最愛食雞中翼，叫左幾次，雞翼香味夠，肉嫩

同姊妹每年新年，無論幾忙都會約返日出黎團拜Gathering，人多最煩要想食咩，食放題就包冇走雞。旺角兆萬一棟入面有勁多放題，今次就去左神戶屋日韓放題。我地到達時間較早，都唔係好多人。平日食未計加一，都唔過$200。我地安排4人坐係卡位，都唔會好迫夾，枱面位置都大，放完邊爐都有好大位置放其他野食。**飲品選擇多**除左一般汽水之外，韓國飲品、啤酒 & 冇汽飲品都有，任君選擇**刺身**大堆頭製作，第一轉叫刺身樣樣都有，有D特別刺身就只可以叫一轉。三文魚刺身厚切，新鮮蝦刺身都有好多款，大海老、甜蝦、泰式虎蝦，每款都好新鮮，爽口除左刺身，仲有其他熟食都好正**天婦羅**炸蝦夠大隻，唔會炸到好乾身，天婦羅皮都唔會太厚**炸雞軟骨**炸得香口，而且唔會太乾，邊傾計邊食，Encore之選**特選食物**因應人數提供**神戶牛肉壽喜燒**有四片牛肉 & 雜菜，唔錯既選擇，因為凍凍地既時候，邊食邊有d暖既菜入胃**神戶香草燒羊架** 羊架Size都大，有成隻手掌Size，有肉汁之餘，唔會太「蘇」**甜品 - 朱古力心太軟蛋糕仔** - 小小地一個，唔會太甜，個心仲有少少流心，用黎做飯後甜品都唔會太漏

星期一就是要吃好一點，為未來四天帶點正能量！旺角出名放題多，今天來到兆萬的神戶屋，9時入座仍然客人滿滿，部分客人需要預先訂座，生意好厲害。先試試日式刺身，大大個刺身盤送上桌，睇得又食得！拍照呃like之選，未食先興趣！三文魚刺身大大件，厚切又新鮮。其他刺身都很不錯，件件入味。兩大隻蠔沒有腥味，完全沒有沙，放心食用。壽司方面，選了我最愛吃的火炙三文魚腩壽司，魚腩的肥美程度實在令人一吃再吃！熟食方面都相當好吃。其中，羊架、一口牛、雞軟骨都很香口。羊架肉腍，略帶羊的羶香；一口牛粒粒入味，牛味重，毫不韌口；雞軟骨串爽口，一份兩串，份量剛好。壽喜鍋更令人難以抗拒！甜甜的湯底，牛肉，香菇，金菇混於一鍋之中，有熱湯的食物，吃完使人暖笠笠。炸物方面，榴槤炸物超好吃，剛炸好的表面金黃香脆，咬下去，榴槤蓉湧出，香味十足。炸雞翼同樣令人不禁一吃再吃。即點即炸，熱辣辣，又香又脆。飲品和甜品都可在自助區自選。蘆薈汁、芒果汁、可樂、忌廉鮮奶……一應俱全。維記雪米糍(是少見的荔枝味！)、雀巢雪糕和奶凍都任取，正呀！

同朋友一行六人 上網睇左好幾間放題 ，大部分都係好壞參半 ，是但揀左間試下啦 兆萬多放題大家都知 而且隔一排又轉左第二間 預早book 定枱 六點開始食好驚喜 竟然俾左間房我地 侍應仲話有喇叭 如果我地想聽自己歌 可以開黎聽添一班人嘈嘈閉 有房真係好正啊 如果要搵侍應 有個制可以禁 每次禁完都好快有人黎 勁好 野飲係自己出去拎 兩個櫃滿曬 超多選擇 唯一既係通道太窄啦 來來往往咁迷你手卷失敗左啦 散左 壽司類整體唔錯 不過為免太飽都係試少少夠啦第一輪刺身 雖然色澤麻麻 但食落都好味既 蝦同三文魚都算新鮮 枝豆唔得 好少見枝豆都會唔好食 一輪炸物登場 天婦羅同雞翼都唔錯食叫左炸榴連波波 直情係我之前某小店食過 驚為天人 皮薄餡多 超濃榴連味 小店賣36蚊5蚊架炸蝦 炸魚手指 全部都熱辣辣炸蠔同芝士蠔 略嫌油左少少整體好唔錯 每位199加一仲有火鍋 雪米池 豆腐花 雪糕 一定會再黎食呀！

今日係拉大隊去旺角兆萬中心既神户屋日韓放題開餐。book咗九點鐘枱，準時到達仲要等多半個鐘先有枱，真係好旺場。坐低個肚餓到咕咕聲，有理無理即刻寫紙點了三文魚刺身，甜蝦刺身，北寄貝刺身，泰式生蝦刺身，象拔蚌剌身，鮑片刺身。食完一輪刺身又继續叫了牛油果軟殼蟹卷，極上鰻魚手卷。避風塘一口豆腐，再要多個日式味噌火鍋，小小火鍋就好像快餐店既一人一鍋，是迷你形的sukiyaki, ，味道ichiban。食完日式料理跟住就食韓式料理，除了韓國人蔘鷄湯，辛辣牛柏葉和招牌炒蜆都算頗辣，好彩汽水飲料任飲，食得仲未夠喉，再叫芝士日式年糕，日本一口薯，榴槤炸弹做甜品，當然唔少得就係食雪糕。咁多款選擇係最繁忙時段7pm-8:59pm都係($219起)，其他時段都係百零蚊起，不同時段價錢不一樣，星期五，六，日，公衆假期或假期前夕就會加10%，小童和長者就特别價錢優惠$99和$129，生日前夕訂座仲有壽司蛋糕贈送。四人訂座一人半價，八人訂座一人免費。要熱鬧，食物選擇多兼價錢實惠，唔怪得邊食邊聽到有人唱生日歌，原來呢班年青人全部都是精明消费者。所以好認同古龍話齋，最危險既地方原來是最安全的地方。

今日同朋友黎兆萬食放題, 因為呢度夠抵食~首輪的剌身拼盤不用點,餐廳安排了給我們, 每樣都有D!哇,好大盤呀, 食呢個已經飽了~haha~蝦都有幾款, 好鮮甜, 各款剌身都很新鮮, 肥美呢~這個炒蜆有少少辣，但很惹味~牛粒粒好淋好入味呀~雞軟骨很有口感, 炸蠔好鮮味~最喜愛壽喜燒湯底, 甜甜的~有牛肉唔算肥, 又有菜, 非常好~其他小食也很出色~燒鯖魚很鮮美,加埋檸檬汁更醒胃呢當然不要錯過這裡的壽司,用料新鮮, 感覺到用心的製作~值得一試~呢度今日的豪食放題夜,每人都係二百幾元, 真係物超所值~

刺身新鮮，食多幾塊都回本！同一班朋友去食晚餐，要照顧到每一個人的口味，食日式放題就最好不過。我哋習慣好早食晚飯，所以book咗五點鐘，食完飯就可以去隔離行下街消化一下。成日都覺得食放題第一轉刺身嘅質素係好啲嘅，因為感覺上比較新鮮，今次嚟都神戶屋果然冇令我地失望！刺身船我哋四個都好鍾意食三文魚，所以大部份刺身都叫咗三文魚，另外仲叫咗甜蝦、帶子、虎蝦同螺肉等。呢個三文魚魚腩真係好正！好少日式放題會有咁肥美嘅三文魚魚腩，一擺落口唔知立刻溶化，魚腩肉質爽脆，每人一塊都已經好足夠。壽司我哋主要叫咗火炙三文魚同埋花之戀，三文魚質素都不錯，唯獨是壽司舊飯太大啦，我哋幾個女仔食得有啲吃力。日式天婦羅我都叫咗唔同種類嘅天婦羅，呢度既天婦羅唔會好厚粉，師父剛剛炸起，沾上天婦羅汁，味道剛剛好。特別推介天婦羅蝦，入面隻蝦大大條好彈牙！椒鹽雞翼我哋一班食肉獸，當然唔少得要點雞翼啦！雞翼嘅味道唔錯，不過如雞翼皮再脆少少就prefect 啦！甜品種類都算多種類，不過我哋唔係幾好甜品，所以我哋淨係叫咗幾款。朱古力心太軟呢個朱古力心太軟不過不失啦，中間有啲朱古力流出嚟，雖然無甜品店整得甘好味，但係係放題質素嚟講都算中上

新年假期早已完結，但心情仍在放假中，雖然今日只是星期四，但下班後即過海到旺角會合朋友到百老匯看戲兼晚飯。看罷戲後已經8時半，於是走到附近的兆萬中心看看廣告水牌，發現8/F的神戶屋有21:00後放題時段 $189加一，於是二話不說便上去。等了10分鐘左右終於有枱，而且還是卡位座，坐得比其他座位舒服。（三選一）中我們選了生蠔；（二選一）韓式部隊鍋/牛肉火鍋中我們選了牛肉火鍋。先點了一大盤刺身，生蠔亦放進內，而且還有放題少有的蟹鉗及泰式生蝦，不過味道較淡，驚喜不大。其他刺身例如榮螺及象扙蚌都算鮮甜。小食點了炒蜆、焗蠔、鴨舌、辣牛百葉及芝士年糕。炒蜆有驚喜，肉多且大粒，味亦香濃惹味；焗蠔有蒜香；鴨舌大碟且入味；芝士年糕彈牙而且比例平均。壽司點了牛油果軟殻蟹壽司、火炙三文魚和拖羅壽手。當中火炙三文魚最有驚喜，重複點了三次。三文魚表面輕𤆥過再灑上海鹽，咸鹽更提起啖啖魚脂香。最後牛肉鍋送到，肥牛大大片，湯底選了清雞湯，湯中有菜、金菇、菇片等，配料可以另點，而且還有生雞蛋附上，肥牛蘸蛋醬加上豉油實在惹味！餐廳中有雪櫃可自助取飲品，而且最後還送每人一杯雀巢雪糕。雖然不是什麼名貴雪糕，但令是晚感覺完滿。

今晚去左旺角兆萬搵食，望下水牌有咩食，見到8樓間神戶屋幾抵食。7-8:59pm $219起, 而9-9.25pm 就$189起，我地岩岩9點所以就食$189加一！放題既飲品任拎，之後梗係勁點刺身，一輪衝鋒叫左好多刺身，有三文魚、榮螺、蟹鉗、蝦、象拔蚌、玉子，仲可以每人叫一隻生蠔添。之後再叫d炸物，有芝士年糕、榴連年糕同椒鹽豆腐。呢間既芝士年糕唔錯，好煙韌，芝士多又香，唔會成舊粉。榴連年糕唔會好大陣味，一路食一路講食都唔怕臭親人。椒鹽豆腐又唔錯，炸皮薄豆腐餡滑。壽司叫左拖羅壽司、牛油果軟殻蟹同鰻魚手卷。鰻魚手卷包得好差，上到枱已經爆開左。壽司就中規中矩，味道較淡，醬汁不可缺少。之後點少得肥牛火鍋呢！湯底用清雞湯，配料都可以任叫，正！滾下蔬菜、丸、菇、粟米、魚文餃、肥牛等等，食刺身食到凍凍地打個邊爐都唔錯！最後每人有杯雪糕，食完火鍋再食返杯雪糕係正。