神戶屋日韓放題

營業中

休息中

看到神户屋放題大獲好評，於是就與男朋友兩人試一試。結果令我大失所望！鮑片好味，新鮮又鮮甜！但9點入座點的卻遲遲未到！重覆再點都系繼續漏單，結果叫待應跟左單幾次先有，真系好激氣，等左呢幾塊野足足等左一個鐘！  點解朱古力香蕉無左朱古力醬？？變得好淡 吾好食！表裡不一，裡面層炸粉好厚，d蝦十足十蝦膠，吾講都吾覺有蝦系裡面，好似食緊粉甘！差食落好腥呢個都充滿芝士，好香，好味！呢個蠔其實系蒜蓉焗蠔，d芝士少到呢。。個芝士蝦同呢個差天共地最嬲的系我地9點入座落order，其中落左個牛油粟米，但竟然成個鐘都吾黎，前前後後都吾知寫左幾多次，系甘追單都無用，結果就系交位先15分鐘先黎。粟米原本都一早煮好，只需上碟加牛油就得，吾明點解可以搞甘耐。而且叫呢樣就吾出，無叫過個d又出俾我地，十分亂又不停漏單！眼見四周的客人都不停催單，最後都因等極都無就只好無奈埋單，真系好過分！另外，坐位屬卡位坐但幾迫，見到隔離枱客有6個人，但要坐四人坐位度，睇見都覺得辛苦。加上枱的空間有限，食的時候好吾方便。呢間放題都不算太平，兩個人埋單都要438，嚴重漏單錯單，食物的質素又未如理想，我不會再幫襯了！

我覺得放題定高下的地方是刺身！今次我和朋友吃了不錯的放題！可以推薦一下！這裡環境不錯，坐位也坐得舒適。一次過點了大量刺身和壽司，還叫了多份熱炒。先說就刺身好了。我點了很多三文魚刺身，三文魚好厚肉啊～肥美得來又鮮味，咬下去入口嫩滑，魚腩味在口中浪下浪下，我吃了超級多件！甜蝦刺身夠大隻，有一陣鮮甜鮮甜，尚算彈型牙，一次過放4-5條落口，更有口感哈哈！象拔蚌又滑又鮮又爽口，邊吃會有「索索」聲！帆立貝還可以，有些不好的會有種很老，老到就快變壞的感覺，要不然就「硬屈屈」，好彩這裡的不是這種。size來說我覺得比起其他放題大，味道也不俗，有甜味，又有口感。韓國五花腩值得推薦，不但香味撲鼻，吃下去也令人覺得開心，因為爽口得來，腩肉又冧又嫩，不會咬極都咬唔爛！不知是什麼調味料提升了肉汁，好好食！串燒也是好吃，應該是剛剛燒好的！味道十分惹味，肉汁也是鮮！好味！還點了一碗拉麵，大大碗！好味道！我最鐘意食天婦羅，是去放題必食，有時食放題見到天婦羅送到來，已經放到皮都冧真係好失望，好在今次沒有。外殼十分脆！外脆內軟，食落「雜雜」聲，配合埋入面既食物，少少油香同食物香！正！羊架肉都正，羊肉味重，鐘意食羊的都應該

又係放工要食宵夜～～～本身諗住食穩陣的既大喜屋呀大滿喜呀個的不過見呢到的食評都ok又未黎過所以就trytry佢啦9:45入座 星期四晚上每位$189加一一坐低當然就系瘋狂叫野食啦的刺身其實都ok既 壽司都ok既 （起碼夠凍囉）不過其他熟食真係好差囉差到我連相都唔想影呀😂嗰啲炸物全部都係林啤啤跟住又成日漏單 要催兩三次可能先至黎一碟同埋可能因為我哋太夜啦所以好多野都無曬所以總括來講都真係麻麻地飲品方面就正正常常啦都係嗰幾味下次都係穩陣啲食番大滿喜算啦哈哈

約左朋友9點去食放題，依個鐘數唔太多人，服務生比張點野食嘅單我地睇住先，等左一陣就有位。其實員工服務態度幾好，主動拎飲管又拎紙巾。 我同朋友好好彩被安排坐梳化位，所以我哋都坐得幾舒服。 點緊野食嘅時候見到間野播生日歌，應該有人生日，比驚喜壽星！幾有氣氛！下次有朋友生日可以諗諗佢！ 我地點左盤刺身，好大件好新鮮，除左三文魚、希靈魚、北寄貝、甜蝦、象拔蚌，仲有海膽！！好少放題會有海膽！！好開心～我最鐘意既三文魚，果然無令我失望！每片都又大又厚，又鮮又嫩口，係三文魚腩啊～！珍寶帶子刺身唔會話太細舊，同埋食落去唔會似擦子膠，不錯！甜蝦有淡淡鮮甜味，而頭甜蝦份量十足，大大隻，見到都流口水，吃下去除了就覺得鮮甜，沒有苦苦的味道，巨型赤蝦更加喺又鮮甜又彈牙！ 正！食完再點多一盤食！鐘意食芝士嘅我，覺得焗蠔也不錯，因為上面加了一層芝士，蠔香加芝士香，深得我心！朋友比我喜歡吃蠔，他說有甜甜的味道，很滋味！芝士控不得不提芝士年糕，很好吃，外脆內軟！一咬到中間，滿口的芝士蓉，濃濃的芝士味，很滿足！但吃兩個就停了，雖然好吃，但吃太多會太膩。 我仲試左炸雪糕，外層係少少脆既皮，然後我一咬，入面的雪糕爆晒出黎，咬

神戶屋之前已經食過一次，覺得款式好多又抵食，所以今次又同朋友再去食。可能我哋比較夜嘅關係，所以等左一陣就已經可以入去喇。一坐低就當然寫個刺身拼盤，甜蝦，三文魚，帶子，北寄貝，一定係必叫的！甜蝦鮮甜，小小的size 剛好一口一隻！三文魚厚身肥美，我最鍾意就係食白色嗰啲油脂，食完個口都仲有淡淡魚香。帶子好大隻同新鮮，不錯！北寄貝一d都唔鞋，彈牙，值得encore.壽司方面亦有驚喜！香辣八爪魚壽司係我至愛，好惹味，加上辣汁，好開胃！花之戀壽司，上面有好多蟹子，一d都無吝嗇，加上厚厚的三文魚包圍著，口感豐富！鰻魚壽司甜甜的鰻魚汁加上面既芝麻更增添鰻魚既香氣！串燒就叫左腩肉串同雞肉串。腩肉串燒得好香，d肥係爽彈牙的，而唔係肥膩個隻。雞肉串就不過不失啦，醬汁惹味！炸蟹夾彈牙，拍得住大酒樓既貨式！好味！食完咁多熱氣野，當然要整返碗人蔘雞湯，想不到百幾蚊的放題，都有這麼高級既料理。都有淡淡人蔘味，不過就油左小小。整體來說，依然保持水準，抵食！

由於今日是星期五雖然已經訂咗位，，都要等侯15分鐘，所以如果你們想食都係預早訂位會穩陣D。其實咁樣的放題都幾特別，日式放題 + 韓式 可以多些選擇。刺身都好新鮮，熟食方便都算多選擇，不過可能因為人多所以有漏單情況，需要找服務員幫我跟進。我今次食咗個韓式部隊鍋 真的大滿足，最後還有支韓國雪糕雪條贈送。

炸物：炸香蕉、紫薯波炸物整體來講唔錯，上到枱個陣都係熱辣辣。同埋佢地個炸皮唔會太厚，食落外脆內軟。炸香蕉同紫薯波兩款炸物最出色，甜中帶咸味道唔會太over。炸香蕉仲有少少朱古力喺面，拍得住係泰國食嗰啲。紫薯波勝在個口感好好，一咬落去好鬆軟同埋好煙銀。兩款都係我食過咁多放題入邊質素好好嘅炸物！刺身，火炙壽司刺身好新鮮，特別係三文魚好肥美！以前食親啲放題啲火炙壽司一上到枱度都已經凍晒，但依度既上台速度都好快，啲火炙壽司黎到仲係熱辣辣。飯同魚生嘅比例都非常理想，唔會太多飯食到好頂胃。火候拿捏得都幾好，唔會話燒到舊魚生硬晒。每款火炙壽司都有唔同嘅醬汁去配搭，去引出唔同魚生嘅鮮味。炒蜆一睇個炒蜆既配料就知佢係真材實料，有青椒黃椒，紅椒同埋薑蔥，夠哂惹味同唔會太辣。仲有個汁係煮得幾好，非常濃味同埋好夠鑊氣，同埋都唔會話好水，有大排檔水準。冇諗過可以係放題食到咁好嘅炒蜆，今次依間既炒蜆俾到驚喜我。但係就略嫌啲蜆有啲細隻同埋唔夠juicy。泡菜肉碎包生菜先講塊生菜，好夠大塊好新鮮，食得出唔係擺左好耐。肉碎同泡菜依個組合好好。肉碎炒得幾好，好夠鑊氣同埋有加香料調味好惹味。加埋啲泡菜係面有少少辣，建議唔食

朋友生日固然食放題慶祝，這間放題於兆萬中心非常方便，放題的款式不僅是以日式，還有韓式選擇，款式相對多！放題必然之選是刺身，這個刺身拼盤好足料和新鮮，甜蝦鮮甜，還有海膽，生蠔，三文魚，帶子，全部刺身都新鮮空運到港，刺身入口即溶，沙律較特別，一般日式都以中華沙律，但呢個沙律是以韓式柚子沙律醬作配答，疏菜新鮮，口感一流，不帶酸是彼有醒胃之選！甜蝦有一隻碟的長度，新鮮大隻呢！這個帶子是非一般的味道，帶子除了鮮甜外，這個帶子是焗的，忌廉海鮮芝士汁味，口感一流，這個虎蝦同樣是新穎，以錫子焗蝦鮮甜，滿怖芝士汁，Juicy 到不得了，新鮮美味，甜蝦入口爽口！這個XO醬炒牛肉，好有特式，蒜香味很濃，以配紅淑配答很夾！炒蜆，一般放題份量都比較少，呢碟以二個人份量就直大碟，好香口呢，當然要必選這個鍋物，肥牛鍋，我揀個鍋湯底是海鮮味，配料份量十足，雪花肥牛入口即溶，還有其它白蘿白，菇等......甜品方面，呢個較創新，炸香芋雪糕芝心丸，入口外熱內透心涼，味道很特別，配上朱古力醬一試難忘！甜品款比較多，除了日式3.5牛奶布丁外，雪米池，韓式雪條，朱古力夾心軟餅呢！放題之中這間真感滿意十足，待應態度好，沒有漏單情

放工嘅時候已經係10點多，我同朋友想食好d同要搵間餐廳吃飯，呢個時候放題就最好不過。呢間係位於旺角兆萬中心，神戶屋。見宵夜時段價錢不貴就入去試吓，只係$159 一位，好抵食！一入到去就瘋狂叫野食，因為真係好餓。當然刺身係必點的。野食上得好快。三文魚十分新鮮，每件都切得好厚，間紋分明，好掂！甜蝦鮮甜，亦滑身，好味，我完全食唔停。虎蝦很大隻，爽口彈牙，也很不錯。帶子好大粒，十分爽甜，沾小小wasabi 豉油，味道更出，更添鮮味。食放題我最鍾意既係炸物。炸蠔好好味，炸得金黃色，炸粉唔多，上到台依然香脆！炸芋丸又好出色，一d都唔流，好甜，我一次過食左5粒。炸芝麻雞翼必推薦！上面既芝麻好香，雞翼餣得好好，啖啖肉，惹味！放題點會唔叫壽司，火炙三文魚超愛！入口即溶化，仲有淡淡魚油香味。我最怕壽司飯會好大舊，但呢個岩岩好，不大，所以唔怕食壽司食到飽哂。因為聖誕節關係，店員仲熱心咁同我地講可以去飲品櫃攞聖誕版啤酒飲下。見個樣咁cute，當然唔執輸啦。炸物配啤酒，一流！最後埋單每位加一只係$175. 好抵，因為我地真係食左好多野，仲要坐左2個幾鐘都無人趕。值得再去！

考完試梗係要同fd子食大餐[下面有本吃貨嘅必點推介同不建議食物]今次唸住食豪d慶祝，黎左旺角食日韓fushion菜。地方便利易搵，臨近聖誕仲好有聖誕氣氛！好彩一早5半就入座，如果唔係陸陸續續好多人要排隊。唔使等位，環境好、服務好、野食高質、價錢合理！Round One 第一彈: ABC 前菜、刺身同炸物！前菜叫左日本嘅八爪魚、螺肉、中華沙律。神戶屋訂座加推：生蠔鮮甜乾淨，海膽刺身口感個人接受不能。必點刺身：三文魚、有頭甜蝦、激巨赤蝦、珍寶帶子、松葉蟹棒、松葉蟹鉗。必點炸物：吉列蟹鉗(泰式辣醬)、吉列大蝦、海老天婦羅。Round Two 第二彈: S神戶名物-牛肉素喜燒！必點牛肉素喜燒：比起部隊鍋絕對係健康之選，菇菜鮮甜，牛肉嫩滑，湯頭係素喜燒特色嘅香甜醬油味，清甜消膩，湯都飲左兩碗！Round Three 第三彈: H產地直送/火灸壽司！必點壽司：火灸鹽岩燒三文魚腩、火灸沙律醬燒三文魚腩、足料花之戀剛完round3抖左陣，侍應哥哥見我地檯面空空地，過黎問我地有無野食未到或者要加單，服務一級棒！！Round Four 第四彈: 串燒炸物同甜品！必點過癮良物：串燒雞肉、炸雪糕神戶屋有自助甜

我都明白聖誕時節去食係會貴 但你地係fb又冇講 打十幾次電話去又唔通 到我上到去等位問個陣又話入到去再講 然後先知加到289蚊 再睇番你地宣傳單張 假日都係+$10 依家連埋加一 成3百幾蚊 出野既速度好慢 遞左好多次紙寫左好多野 都黎得幾樣野 完全唔值300蚊囉 食物質素唔差 種類都算多 有得打邊爐又有得食部隊鍋

難得有朋友從外國回來香港，又想食日本野，就諗起放題，係之前兆萬見附近有人派宣傳單張。見除了日式，還有韓式和泰式。早一日訂位，還會可以送，生豪刺身或海膽或特別雪糕。刺身方面，單係蝦就係幾款，有甜蝦，㤗式生蝦，有頭甜蝦，日本天使蝦仲有巨赤蝦刺身。非常有隻有只小長一隻手指尾既長度，蟹棒,希靈魚，象拔蚌，帶子，鮑片等，都有選擇款式都很好。除左刺身還有不同手握壽司，卷物，火灸壽司。日式前菜如八爪魚螺肉，中華沙津，沙津。當然，吾小得有天婦羅，炸物。完全都係熱辣辣，粉漿好薄，吉列廣島蠔好大隻和迷你炸雪糕就幾特別外熱內小冷。仲有燒扇貝，羊架，芝士燒廣島蠔，韓國五花腩串，金茹牛肉卷，和牛粒，炒硯非常野味呢啲都係值得推介。仲有小火鍋，可以自己選擇不同湯底，基本上火鍋上有既丸類，茹類。還有，拉麵和鳥冬但係因太飽就冇食到。最後，當然吾小得甜品有自製抹茶/3.6牛乳奶凍，雪米滋，杯裝雪糕，朱古力批。餐廳真係冇流單情況，食物都上得幾快，仲有上份量都跟填寫份量，冇俾小。仲有不同韓式，港式飲品。朋友聚會真係好選擇。

是晚友緣相聚於旺角兆萬中心的神戶屋放題。店內環境舒適，衛生不錯，侍應也十分友善。由於肚子響了好一陣子的關係，先叫了一客十個人放題有十個都會叫的刺身拼盤。食刺身我最重視兩樣野，第一係三文魚夠唔夠大塊同厚切；第二係蝦有冇清乾淨條腸，因為冇清乾淨的話就會望見蝦中帶黑，食落去嘅感覺係十分之不安的。幸好，三文魚又大又厚，蝦十分乾淨，食得津津有味。作為打頭陣的刺身都有不少選擇，馬刀貝、虎蝦、象拔蚌等等。 食完生冷野接住食番熱食暖暖胃，串燒燒物係不二之選。 仲有個牛油炒雜菇、粟米都係好香牛油味。然後仲有好多唔同款色既卷物，串燒仲有我最鍾意食既雞肉雞心都有呀！！八爪魚燒果個賣相都好吸引，加左泰式辣醬真係好正好惹味。

同朋友慶祝生日梗係要豪食食放題就最啱坐低唔好講笑梗係叫刺身呢度嘅刺身款式多好多有帶子三文魚三文魚腩蝦象拔蚌等等而且味道鮮甜唔會未解好凍咁特別推介蝦我一個人食咗五隻因為真係太鮮甜呀咬落爽口彈牙好新鮮壽司款式都算OK多同埋個配搭都比較特別上枱時都擺得幾靚非常欣賞羊架煮得啱啱好唔會太熟咬落去仲有肉汁而且有油份的甘香燒三文魚壽司絕對係我嘅至愛上枱嘅時候仲微微暖的雞翼調味幾好味雞軟骨略嫌整得唔夠脆有進步嘅空間

昨晚跟好友前往位於兆萬的「神戶屋日韓放題」!由於位置方便又正正是鬧市所以人流很多~7點左右店外已有大批食客正在等候!由於有預先訂位，所以等了大約5分鐘就有位了~座位空間比我預想中的寬鬆!而食物款式也不少，而且比我想像中更好味~對於不太食生冷食物的我們看到隔壁的剌身很吸引~所以也忍不住口.....XDDD滿滿的剌身拼盤~很新鮮呢~我是壽喜燒控~難得見到有壽喜燒火鍋當然要試呀!味道也不錯~不過要是湯底再濃一點就更好了!熟食方面就是基本的串燒，雞奕，金菇牛肉卷之類的!但不得不說這個秋葵蝦，味道很好~有機會可以一試喔!還有這個牛柳粒也很好味~最重要是很"林"!如果細心留意會發現隔離左右都有點這個喔~最後最後~一定要叫特式雪糕~因為這是由韓國引入的MELONA雪條!只能用超好味形容XD我最喜歡約朋友去食放題~因為可以滿足大家的口味~有些人喜歡魚生，有些人愛吃熟食~而放題正正就可以滿足一班朋友不同既口味!這裡的店員雖然很忙，但還是會很有禮貌的對待客人~這一點其實是很重要的!~