神戶屋日韓放題

營業中

休息中

神戶屋日韓放題位於旺角兆萬8樓。今日朋友心血來潮話想吃放題，但又想打邊爐，真係要求多多，所以我選擇左尼間。去之前我都睇左唔少關於尼間野既評論，都算唔錯。我個人主打日式，多數放題我都吃刺身飽。服務員態度唔錯，一坐低就祥細介紹有咩係免費，野飲邊度拎，還熱心提醒我地落左份刺身先，因為制作需時。係等待既時間入面，我細心睇左佢啲點菜紙，真係多到爆。大約十分鐘左右，刺身拼盤送上，睇得出制作用心，唔係草草了事。三文魚厚切，份量十足，吃落都幾肥美。而各種蝦類刺身都算還唔錯。蟹鉗肉質都還算唔錯，雖然急凍食品，但還是有蟹味。個人十分推介象拔蚌刺身，鮑片同帶子 ，因為係咁多刺身入面味道比較鮮。吃完頭盤刺身，就點其他野食來一試。韓國人蔘雞湯，只可說真材實料，真係有雞同人參，味道都唔錯。韓式辣牛柏葉，韓國醬燒猪頸肉都唔錯。招牌炒硯，吃落硯肉還算可以，唔會太辣。豉椒魷魚鬚味道就比較咸。以上上枱都還是熱的，可見是即叫即整，值得一讚。我個人都比較細食，所以好快飽，尼間野好多野食都未試，相信我會再次幫襯，價錢都唔算貴值得推介一試。☺

上星期公司特別週年安排，4點半已經放咗工，成班同事話即興放題，揾下揾下就揀咗呢間神戶屋。我地6點倒開始入去，首輪刺身就選擇了三文魚、甜蝦、希靈魚、八爪魚和鮑片等刺身。先講三文魚，口感一流而且入口即融，將大大舊厚切嘅三文魚放入口，頓時有股魚鮮從喉嚨湧上頭頂。其實呢種感覺並唔誇張，日本漁市場經常都會揾倒，神户屋既師傅不計成本，採用最上乘既三文魚腩做刺身，從而帶出豐富而不油膩既效果。此外，師傳係希靈魚的選材都別有心思，他們在處理希靈魚時，絕對唔會用一啲雪氣好重，好似一般廉價壽司咁雪到乾晒水既刺身，所以一放入口，希靈魚就唔會有仼何腥同埋淋晒嘅感覺。既爽口又有鮮味既希靈魚呈現係我地眼前。貼心既神户屋係刺身既選擇上都顧及咗我地既需要，有頭甜蝦與甜蝦都非常新鮮，同事鐘意啜埋蝦頭，濃濃既蝦膏源源不絕咁流出黎，睇倒佢個滿足樣，我地都不禁笑咗出黎。最後，自己由細到大都好鐘意食三文魚，不停咁加單叫火炙三文魚壽司同刺身，野食都保持水準同埋好快到，真心抵讚。

又想吃日式，韓式，還想要打邊爐既你，神戶屋日韓放題是其中一個好介紹。星期日，同朋友行左陣旺角，肚餓又對吃咩意見不一，最後我推介朋友吃尼間神戶屋日韓放題。尼間野我之前都有吃過，價錢唔貴，選擇又多。好多食物都未試過，上次來我就試左刺身同面吃，心覺唔錯所以再來。坐底一如既往，侍應生祥細講解吃幾耐，送啲咩，咩野免費，飲品邊度拎之類。今次我就選擇打邊爐，點啲小食，我朋友就主攻刺身。講真尼間刺身吃落都唔錯，但係其實同時下日式放題刺身一樣都係急凍食品，正正常常無異味已經低讚。兩位一開始可以選擇送兩樣本應收費既生蠔，海膽，韓國雪糕。我地就選左生蠔同海膽，生蠔吃落好鮮甜，而海膽就味道濃郁，同樣好味。吃完個頭盤，大概10分鐘左右就送上我地點既刺身，同我個日式牛肉鍋，第一轉上菜都幾快。日式牛肉鍋，肥牛肉味唔錯，個湯底飲落似出前一丁既猪骨湯底。之後我追加左金針菇，生菜，牛丸，海蝦，肥牛同雞件。打邊爐啲料真心唔錯。面豉湯同韓國人蔘雞湯都好好飲。日式茶碗蒸蛋買相唔錯，吃落幾足料，但味道比較淡。日式牛舌同燒雞肉串味道適中，唔會太咸。炸物就每樣點左啲，其中炸雪糕好出色，外脆內冷，甜味啱啱好。今餐吃到飽飽，大家來到旺角

記得之前都去過旺角兆萬中心食放題，呢一間比我嘅印象唔錯，所以今次再去，地方係兆萬中心樓上鋪，環境幾好，我係座卡位，都幾闊落，食野5洗就住就住咁，200蚊一個放題平平地，仲可以食下D氣氛。XD店家仲好貼心咁提供左叉電器，XD怕你食食下無電。上菜的份量十足，上菜的速度又快。點了一份牛肉粒卻有一大盤份量哈哈，豬頸肉的份量十足配上美味醬汁，味道真不錯。食到好快見底都唔記得左影相了XD，即使大盤也想多點一次。上的菜也很熱，應該都是即煮的，特別是炸物，全都是剛炸好的，我點了炸雞翼，雖然怕熱氣放了很久，但涼了依然很好吃喔！最後還不夠還點了火鍋，火鍋的湯底我點了清湯湯底，味道真是不錯。我都把它當湯喝了。相信將來都會再幫襯！

今日約左朋友去旺角食放題！😍😍食放題最緊係要食物數量多啦，😋😋我地揀左呢間神户屋，呢度野食真係好多，我地點食物紙都點左十分鐘，點完仲要每台仲送多個火鍋！😝😝已經准備接受今晚既放題挑戰！！野食好快就黎到，我地係咁食食食食食，店員服務都好好👍🏻👍🏻，會keep住收野。😋朋友中意食刺身壽司，我就中意食鐵板燒多d，最中意食係牛油粟米同鐵板炒銀芽，😋😋叫左幾轉，朋友都笑我食放題食粟米同芽菜😂😂因為食左好多肉啊，要食返d蔬菜類解下肥膩！😍😍食到咁上下，店員見我地無晒野食，就主動問仲有無咩係未到，咁我口頭講左幾樣，轉頭就即刻到喇！👍🏻👍🏻收集左好多野食既相同大家分享，呢度只係我地點野食既其中一部分，有d食左唔記得影😝😝飲左幾罐飲品，食左幾樣甜品，就為呢個放題之夜作結😝😝👍🏻💕

一入到店員就好好態度，立即推薦個魚生比我地一邊食一邊揀其他食物，魚生品質都非常好，特別係蟹肉，八爪魚，辣生蝦，三文魚同帶子都非常新鮮，最好食。本身就有中華沙律同螺肉呢啲頭盤放好係枱，少少地又唔洗出去拎唔洗叫先有，開胃又方便，除此之外麻醬，沙律醬同硬婦羅汁都一早set好，呢d貼心位真係加分。一黎已經見到好多野食揀，上菜速度非常快，點菜後幾分鐘已經有食物到，炸物我最鐘意食芝麻雞翼，好脆口同唔會好油，其次係天婦羅，比較特別係多春魚天婦羅。壽司方面就特別鐘意食佢個黑松露類壽司，味道唔會太濃烈，搞正冇哂刺身本身既味。另有火鍋類，牛肉都幾好食，有溫泉蛋附上，細細個鍋兩人分岩岩好，正過去吉野家。除外仲有其他小菜都好好食，例如豉椒炒蜆，牛脷，一口牛肉，菇類配菜都好推薦。飲品甜品方面都有沒少選擇，食飽後仲有韓國雪條作甜品，放題黎講都算唔錯，有機會一定再黎食！

聖誕唔想同人逼所以早兩日黎食放題慶祝，一入黎店員已經好親切問我地有咩刺身唔食，幫我地落左先，而且兩個人一個卡位，坐得好舒服唔會為左多啲客逼埋係張細枱。首先刺身同壽司來貨認真唔差，全部都好新鮮，最愛泰式生蝦同隔離個唔知咩名既蝦，兩個都大大隻啖啖肉！其次炸物上枱係岩岩炸好的，一口芝士係放題食好膩，但實在太好味忍唔住一個人食左兩粒。而之後既一品料理先睇得出間野好唔好食，豉椒炒蜆夠新鮮，隻隻都開哂殻，而且好惹味，如果唔係放題真係想加碗白飯。同樣惹味既有牛脷，夠厚夠大塊，所以完全唔會乾到硬哂。中間叫左個日式肥牛鍋、沙律、茶碗蒸同埋啲菜菇類既沖淡下個口，黎放題食沙律好似好奇怪，但佢兩塊番茄都好大塊，醬料又唔會慳住慳住比，滿足哂我呢啲麻醬控！唯一不足係雜菇好似落重左手鹽，鹹左少少。臨走仲叫左燒菠蘿同心太軟做甜品，因為太心急一野ko左兩年燒菠蘿冇影到相，燒到暖暖地一咬落去爆哂汁！心太軟好甜仲有少少黐牙，不過細細粒唔怕太膩，但係另一個壞處就係底下既會有少少窿左不過唔緊要啦上面果層都夠食，唔係會好大罪惡感！總結黎講，兆萬呢幾層韓燒放題打邊爐成日都轉，有啲仲好伏，估唔到呢間係咁多間放題黎講算高質，中途都冇漏

有時候都會覺得自己好奇怪，會突然間好想去食某一樣野。比如今次咁，之前聽朋友講左咁多次呢間神戶屋，但都無行動過，一直到前幾日，就突然諗起佢，然後就即時出發了。呢間神戶屋，睇落去好似係日式放題，但其實佢係集合左日韓兩國既特色食物，而且食物的選擇都極多。岩岩行出升降機，就係對住一個巨大既雪條櫃，裏面放滿左十幾種韓國雪條，睇落超級吸引。等左一陣，終於可以入得。裡面條通道有少少狹窄，原本以為食野會迫，點知一坐低，發現其賓座位都算幾寬敞。壽司卷：芝士蟹柳，和牛，牛油果軟殻蟹同芒果炸蝦。整體味道都唔錯，而當中和牛就特別出色，因為佢味道相對比較重，唔會比白飯遮蓋。

旺角放題選擇超級多，朋友之前介紹過兆萬神户屋。位置方便，油麻地同旺角去都近！呢到啲位都幾多，人多嚟食都唔怕坐唔哂。就算兩個人食，都有卡位坐，好加分。飲品係自助形式，自己拎。先食刺身！帶子十肥美厚切，夠哂鮮甜！三文魚都好正，而且估唔到有蟹鉗仲有好多貝殻類食！壽司款式都夠哂多咖當中我最中意芒果炸蝦卷同軟殻蟹卷兩隻都係香口嘅款式，岩哂我中意食炸野嘅人講起炸野，就梗係叫咗啲炸物食啦炸鮮奶卷幾特別！外脆內軟，香香甜甜另外少見嘅仲有網紙蝦卷，同樣有水準每次食放題我都中意叫炒雜菜，懶係健康啲咁！呢到嘅炒菜有埋蘆筍，一啲都唔hea咖。而且有香濃嘅牛油味，加埋木魚絲，好食！整體食物質素都有中上，而且店員都好有禮貌服務夠好，即時都加啲分！係旺角又多個任食嘅選擇喇！

小週末，想同父母一齊出去食餐特別D，預早了一星期BOOK位! 起初見OPENRICE有咁多個笑哈哈，心諗應該唔會伏點知......係我地食過咁多間之中，最差差差。當晚6點9，在樓下已經見到幾個職員去派單張招客。爸覺得可能因為唔掂，先要不斷兜客，心不敢抱寄望。上到去，還未坐滿，雪糕櫃放在升降機前，應該都係環境太細關係。職員安排我們去卡位，又仔細介紹一下有火煱、海膽/生蠔贈送我們點了壽喜燒，牛肉好鞋。即使有點餐紙有火煱配料揀，但我們都沒有叫過，因為主要想吃刺身。第一籃刺身好快就送上。海膽/生蠔都到了! 貨色非常一般，刺身叫了一次都唔想再來。馬拉盞炒通菜、炒蜆、一口和牛、魷魚鬚、清酒煮蜆，全都是凍的!瑞士汁雞翼、燒海蝦，肉質都是脢!韓式的牛栢業和帆立貝、牛舌，醬汁都濃過頭，調味也不好吃!雞軟骨的味道都不好!一口豆腐、芝麻雞翼和蝦卷，是比較可以，起碼是熱的。諗住冇野好吃，也叫蟹粥頂肚，稀得來都係唔熱!!!!壽司方面，只是叫了幾款，起初不敢叫咁多，好吃的再ENCORE、可惜，只有一轉....蟹籽未上枱已經掉晒，扣分吧!生食物唔太OK，神戶和牛卷比較安全。 其實都唔係食左好耐，因為D野上的好快，但

同老公二條友出旺角， 搵食都離不開食放題， 因為可以食到多d 款式嘅食品， 今次同老公去兆萬 8樓嘅神戶屋醫肚。 齋睇神戶屋嘅order紙都算多， 由刺身到熱食都有， 刺身款式都唔少。 飲品就自己出去拎， 款式都好多吓。先嚟個刺身先， 款式都唔少喎， 特別係我鐘意食嘅蝦都有5款呀， 當然唔少得三文魚呢。 小食沙律都有㗎， 愛食技豆， 老公叫咗個泰式鳳爪， 但我覺得太辣喇。炸物天婦羅當然唔少得啦。呢個黃金芝士廣島蠔正呀， 原隻廣島蠔俾你， 出面好多都係切碎㗎。 食埋呢個火鍋就好飽喇。 點飽都要留肚食甜品嘅。  大滿足呀。

一入到去神户屋，環境好唔錯，有啲似cafe既格局，唔似平時放題個啲咁老土，樓面啲佈置令到成個環境好新穎同特別，令我收左工都有啲放鬆嘅感覺！一坐低，店員都好積極講解有咩食，首先叫我地揀個鍋先，我地揀左部隊鍋，入面超級足料，有齊一般部隊鍋有既食材喺入面，而且佢嘅味道都唔係特別辣，啱哂唔係話好食得辣嘅我！揀左個鍋之後，我地仲有得揀海膽同埋生蠔食，海膽食落好鮮甜，一啲雪味都無，生蠔唔算好大隻，但味道幾好，仲有d海水味，咸咸地，鮮味都好夠！食完呢兩樣，我地就開始落筆瘋狂畫野食喇！ 首先係刺身，哎左三文魚，甜蝦，生蝦，玉子，帶子，象拔蚌，鮑片同北寄貝！值得留意嘅係刺身個到，餐廳有好多唔同既蝦刺身可以哎，如果你係一個好鍾意食蝦嘅人千祈唔可以錯過呀！佢有甜蝦，泰式生蝦，天使蝦，有頭甜蝦同埋激巨赤蝦刺身！炸物方面，我自己最中意就係炸鮮奶，芝士年糕，香芋丸同榴蓮炸彈！最緊要最緊要！係要點佢個個一口芝士呀！因為佢個芝士味好濃！一咬啲芝士就漏哂出嚟！諗番起都有啲流口水！其餘餐牌上嘅炸物同一般你食放題想點嘅炸物都會有喺到！其餘食物都好有水準！！如果大家想食放題都可以諗下呢間，唔錯！！

好一排冇食放題啦，今日朋友突然間有呢個諗頭，於是我哋喺旺角揀咗呢間餐廳。之前試過覺得ok，朋友未試過，於是帶佢嚟。餐廳每圍枱送一碟壽喜燒或者部隊鍋，主打日韓款式，同其他放題有啲唔同。我哋比較喜歡壽喜燒，因為天氣開始變得寒冷。牛肉嘅切片比較薄，易於咀嚼。打埋隻蛋落去就係正宗正原味壽喜燒。我地仲點左刺身拼盤。一嚟坐低就當然先點刺身拼盤啦，咁先抵玩呀麻。我哋分別點左帶子、三文魚、泰式生蝦等等，各款嘅刺身色澤光鮮，我地食完之後再黎多盤。云云天婦羅之中，最鍾意就係海老天婦羅。雖然天婦羅脆炸外皮包住，但係食落仍感覺到蝦味。炸天婦羅唔算太多油，可以接受。至於另一碟食物，日式芝麻雞翼，驟眼睇芝麻都幾多，食落感覺到濃厚嘅芝麻味。鍾意食雞翼嘅我就一定會點，不過始終都係熱氣野，唔敢點太多。最後食埋甜品，食到飽一飽先至離開。

琴晚同朋友慶生 佢話想食放題 我地就去咗兆萬度食 朋友提議話佢之前食過8樓嗰間日式放題幾好食 所以我地就去咗一入到去見到都幾多人 但係店員都冇忽略任何一個客人 即刻過嚟招呼我地坐低左之後 店員就同我地介紹第一round應該點嗌（出得快啲）非常熱心 佢送咗一份海膽一份生蠔俾我地 生蠔好新鮮食落好重海水味！海膽都好鮮甜！之後我地就選擇咗個韓式部隊鍋 材料好豐富！個人特別鍾意佢個黃金芝士燒廣蠔同北海道燒扇貝！佢上面啲醬汁配落呢兩款海鮮到都好夾，甜甜地，似沙律醬，但味道係甜啲既！然後有啲芝士係面，佢燒埋就黐埋啲海鮮咁食，又唔會好膩！推介！另外一定要點個個菠蘿！我本身都已經好鍾意食菠蘿，仲要呢間餐廳燒個程度好適中，唔會太硬，都唔會太淋，一食就一pat野咁，而且！佢一啲都唔酸！！原本以為會偏酸（我本身都食得酸，但我朋友嘛嘛地酸），但點知又唔酸喎，我個朋友都食到成晚我地一食完一round，就即刻再畫紙，出食物嘅速度都好快，唔駛點等好耐。最尾最開心嘅係，佢有隻好好味嘅雪條呀！係韓國個食，好smooth，好有果味架！成晚都食得好開心，性價比又高，會再食過

旺角神戶屋的放題選擇多，刺身同熟食一樣出色。店舖寬落，今次仲可以坐入房，同朋友傾偈更開心。刺身拼盤非常豐富，有甜蝦，有螺，有墨魚片等等，其中我最鍾意三文魚同油甘魚刺身，非常新鮮，而且脂肪含量低、蛋白質豐富，營養價值非常高，尤其是其中富含不飽和脂肪酸，不只好吃，對於開發智力、促進腦部發育非常有好處。熟食方面選擇亦多，我偏愛香口，椒絲炒通菜少辣又香口，雞軟骨又脆又香，炸鮮奶外表香脆，內裹甜滑。炸雞翼皮脆肉嫩，忍不住食了好多隻。黃金忌廉系列最有特色，焗蠔、焗蝦、焗帶子，上面鋪滿厚厚的芝士忌廉，食落口濃香細膩，夾著海鮮的鮮甜，回味無窮。