神戶屋日韓放題

營業中

休息中

喺旺角行完街，去咗兆萬中心搵食😝😜 同朋友最尾揀咗喺八樓嘅神戶屋食放題。 六點幾去到神戶屋都幾乎滿座，不過等咗一陣就好快有位。侍應嘅服務都幾殷勤，仲安排咗我哋坐卡位，坐得幾舒服。 食物嘅種類都幾多 ，有二百幾種。 呢排天氣凍凍地叫咗肥牛火鍋， 同埋人蔘雞湯暖一暖胃。 肥牛火鍋連埋gas爐上， 煲仔細細但係入面非常足料， 肥牛片肥瘦適中，肉味夠濃。 韓國人蔘雞湯夠滋補， 食到碗底仲見到原條人蔘😍刺身全部都有上齊，而且擺盤仲擺得好靚😂。 三文魚厚切無筋，而且夠新鮮。 甜蝦夠鮮甜，珍寶蝦大大隻肉質鮮嫩。串燒方面，鹽燒海蝦真係值得推薦😍 海蝦夠大隻，外殼燒得香脆， 蝦肉夠彈牙， 配埋海鹽食夠滋味。 雞肉串燒雞肉夠嫩滑， 配燒汁十分惹味。同朋友叫咗幾轉都冇甩單，同埋都幾快上曬啲食物。 仲要有好多款飲品，同埋有我最愛嘅韓國雪條食😍😍 下次約朋友去旺角聚會都會揀去神户屋食放題~~

刺身質素相當唔錯，除咗帶子、三文魚相當厚身外，仲有不同種類嘅甜蝦，個人最愛有頭甜蝦，無雪味腥味而且十分鮮甜。各類火灸壽司質素都相當唔錯，食到魚肉經火槍燒過之後滲出嘅油花。熟食方面，各類炸物、串燒同日式料理都幾有水準，例如炸芝麻雞翼食得出係即叫即炸，唔係炸定夾畀你。牛脷雖然調味重手咗少少，但都食得出入面幾多汁同柔軟。但我至愛燒鯖魚，除咗燒得剛剛好外，魚肉亦一啲唔鮮仲相當肥美，平時吉野家加配一件都要加十幾蚊，但𠵱家可以任點，真係一唔小心就食多咗幾嚿。

聽朋友講呢間放題唔錯，所以就決定book位去試下。去到佢安排左卡位比我地坐都幾舒服，一去到佢就比左張首輪剌身紙我地，叫完好快就會有得食，啲剌身都幾爽口。刺身好多好豐富！好大碟又吸引。店內環境明亮舒適😲，絕對不會有侷促感😁。點餐紙整齊的排好😌，款式之多不容置疑👍。食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。服務都幾好，服務生好有禮貌又幫忙收碟，而且無漏單、點了的都好齊的送上。酥炸雞軟骨🐔：爽脆的口感😋，加上香辣的味道🌶，以它作為佐酒小菜🍻，簡直一流👍！我就好鐘意食蜆，見到佢有炒蜆就一定叫黎試下啦，一份都有好多好大碟，個人認為個汁整得幾好幾回味。之後必食推介一定係芝麻雞翼，香口又大隻，真係皮香肉滑。之後仲有個限量火鍋叫左日本和牛壽喜燒，果然冇叫錯，啲牛肉薄嫩易入口，個湯都甜甜地，所以啲菜同金菇都鮮甜。總結：食物款式多元化✨，送野食既速度都算快，份量都岩，係剌身有d會比多左，食物種類都好多，味道不錯。可以一試！加上價錢合理💵，性價比不低喔！

喺週末嘅一個朝頭早同朋友做完運動，落旺角搵食。因為肚餓嘅關係所以決定搵間放題店食餐飽。呢間神戶屋日韓放題喺西洋菜街兆萬中心，食放題最熱門嘅地方之一。雖然話係週末，但係搵位都唔難。餐廳佢環境寬敞，坐得都幾有空間感。食物方面，見到點餐紙上面顯示嘅款式都幾多。日式照燒汁雞肉串 (⭐⭐⭐⭐⭐)雞肉肉身好林，加埋個日式照燒汁，醬汁可以話係雞肉串嘅精髓，令到味道層次提升左。點咗兩串，如果食得落嘅話肯定會點多幾串。鐵板馬拉盞炒通菜 (⭐⭐⭐⭐💢)本身以為好辣，但係原來一啲都唔辣。通菜唔單只好味，仲可以幫助消化，令到放題既時候食多啲嘢。吉列大蝦 (⭐⭐⭐⭐⭐)不嬲都好鍾意吉列質感嘅食物，吉列配蝦就真係好吸引。吉列大蝦熱辣辣，趁熱食真係好入味香口。三文魚刺身 (⭐⭐⭐⭐⭐)刺身都幾新鮮，三文魚就係香港人嘅至愛。呢間餐廳都俾足料，點幾多片就真係黎咁多片。甜蝦刺身 (⭐⭐⭐⭐💢)蝦刺身嘅款式其實都有幾多，例如有泰式生蝦等等，最好味嘅都係甜蝦刺身。甜蝦體積唔係好大，所以要食多幾件先滿足。總括而言，這間餐廳的選擇十分多，而且味道不錯。 ~~~~~~~~~~~~~~~~~~~~~~~~ 神戶屋日韓放題 旺角西洋菜

兆萬中心果邊食肆競爭激烈就大家都知，都曾經中過幾次伏，今次同好友行旺角諗唔到食咩好，本住「試埋今次啦」既心去呢間神戶屋試下，殊不知呢間野大有驚喜。呢度一入座就送個限量火鍋，可以揀壽喜燒或者部隊鍋，我好牛肉就揀左壽喜燒。牛肉都幾淋，容易入口，湯汁甜度適中，暖笠笠最適合冬天食。然後好快就黎重頭戲，首輪刺身拼盤。先不論味道，擺盤已經覺得勁有心機，未食已經流晒口水。個人覺得最出色係甜蝦同埋帶子，爽甜新鮮。而呢度刺身選擇都多，可以揀返自己想食既刺食。壽司選擇亦非常多，個人大推牛油果軟殼蟹壽司！火炙三文魚十分不錯。呢度熟食質素都唔差，我地叫左牛油焗帶子，一口和牛粒，清酒煮蜆，天婦羅等等。我個人最鐘意食既一樣熟食係炸鮮奶！外脆內軟不特只，店家淋埋煉奶上去簡直畫龍點晴，好味非常。炸鮮奶我地翻啅左三碟。不過賣相麻麻地，所以冇影相。飲品方面，係自助形式，選擇都非常多，最意想不到係有Hoegaarden！下次經過旺角都會再考慮返呢間！

冬天放題最緊要有熟食，仲要有火鍋，暖下身，刺身非常多款，有甜蝦、有螺、有魚生、有墨魚。刺身新鮮又夠厚肉，尤其三文魚，油香肉厚。 天氣寒冷，要食多點熱食。日式炸豆腐一向都難整得好，因為軟滑又易爛，但呢度炸得恰好，皮脆，曬上五味粉更覺滋味，內裹軟滑，一試難忘。 日式燒牛舌，鹽花鋪面，香口惹味。天婦羅炸蝦皮脆又薄，蝦身嫩滑，最緊要係隻蝦夠大隻。 火鍋點了日式壽喜燒牛肉鍋，蛋汁令牛肉更滑，肥牛肉片又鮮味又嫩，加上野菜同煲，更覺鮮味。飲品有熱柚子茶、熱香茶、啤酒、韓國經典飲品。選擇多多，傾到口乾都唔怕啦。

與朋友在旺角相聚，很多時也會選擇西餐，但常常食西餐又高脂又高卡路里，今次試了神戶屋放題，又有壽司刺身，又有炸物熟食，還有火鍋，最配合大眾不同口味。刺身非常多款，有甜蝦、有螺、有魚生、有墨魚。如果怕食生，又有燒三文魚腩壽司，或者燒三文魚片。我最鍾意係芝士焗海鮮，有焗廣島蠔、有焗帶子、有焗蝦，芝士忌廉香濃，更帶出鮮味。飲品有多款韓國汽水，最愛忌廉鮮奶，同行女性朋友都愛熱飲，有熱茶和柚子茶，暖暖身，在冬天食刺身都不怕生冷。門口有多款韓國雪條，十多款選擇，連兒時最愛鳳仙雪條都有。 除左雪條，仲有酥軟既泡芙，同埋香軟雪迷磁，令人充滿飽足的甜蜜幸福感。

同朋友行街忽冬好想食放題就膽粗粗上左去呢間神户屋真心好推薦首先食物既款式有好多刺身壽司火鍋燒物炸物應有盡有韓式部隊鍋開始點野食前侍應會俾張紙你你可以選擇日式壽司燒或者韓式部隊鍋咁我就揀左韓式部隊鍋🥘個人好鐘意呢個部隊鍋湯底好清甜唔會話太濃太淡材料亦都非常豐富:有金針茹,大量肥牛,娃娃菜,蛋...你可以見到個鍋係好滿🍲🐟刺身放題不得不叫一定係刺身🤓每人可以叫一隻生蠔或者一排海膽生蠔同海膽都好鮮甜.生蠔仲要肥美😋如果送個隻就好啦然後佢每塊刺身都切得好厚好有肉地個人好推薦珍寶帶子真係好鮮味好有口感🍼炸鮮奶另外重點推薦炸鮮奶一咬落去好滑既鮮奶係脆皮到流出黎入面既鮮奶仲要好重奶味😗所以要重點推介俾大家👅👅🍤天婦羅炸得又脆又熱既天婦羅成為左我全晚最愛第3位😊每款都真材實料唔會淨係得啲脆皮特別推薦松葉蟹棒天婦羅🦀好少係外面餐廳見到有呢個選擇仲有好多其他野食～餐廳外面仲各式各樣既雪糕俾你揀好推薦呢間放題🤓

今晚同幾個友人食放題，佢地話去旺角，咁就搵左兆萬中心嘅神戶屋。完全玩信任，其中一個話好食，反正又諗唔到食乜。入到都開始多人，環境唔算迫，可接受。諗住旺角放題有機會伏，冇銅鑼灣尖沙咀比較好，係有驚喜。刺身好新鮮，三文魚、帶子、鮮蝦刺身仲有蟹鉗都ok。仲有得打邊爐！食物係多選擇，竟然無漏單，服務態度好，上菜速度尚算快。飲品有隻荔枝烏龍茶同埋有啤酒！炸物都唔錯，有炸吉列蠔同埋炸鮮奶串燒都幾好食，但係牛舌辣左少少。天婦羅好食，剛炸起，好脆，要再encore仲有最鍾意食嘅芝士焗扇貝另外友人叫咗碗蟹粥試下，入面真係有好多蟹。再叫咗兩款唔同煮法嘅蜆尾聲緊係食埋雪糕甜品！整體ok，諗唔到食乜可以諗下呢間。

難得考完試男朋友又考車合格所以決定食好西慶祝下不過又冇咩budget 行過兆萬見到呢到啲放題都約平價錢都係200蚊內而且見到好多笑笑所以就決定上黎試下呢間放題選擇都幾多日式韓式熟食刺身火鍋全部都有上到黎仲好早，所以冇乜人不過一到7點就差吾多全場滿座所以建議大家都係訂左位先好去而且訂位仲有海膽同生蠔送海膽同生蠔都好鮮甜其他刺身都好新鮮賣相亦都好吸引壽司🍣加上黑松露醬呢個配搭原來都幾好食而且真係好有黑松露味炸野方面雖然油左啲不過因為全部都係即炸所以食落全部都好熱辣辣脆卜卜而我最鐘意食就係榴連炸彈🤤外脆內軟加上流心榴連蓉榴連愛好者絕不能錯過羊架肥左少少不過燒得幾好而且幾有羊味飲品同甜品都好多選擇如果訂位仲可以揀韓式雪糕雪條呢間放題都黎得好足份量有時可能比原本叫既多所以大家記得食得哂先好叫吾好浪費食物

同朋友食飯，唔洗諗，放題係最好嘅選擇，因為鐘意食咩自己叫。呢間係旺角嘅日式放題，同平時嘅好唔同，一坐低就會有埋火鍋，一次有兩種體驗！爽呀。火鍋分別有壽喜燒同部隊鍋揀，今次揀左壽喜燒，入面已經有菜同牛肉，係吉野家邊爐濃湯嘅味道，仲有得追加不同配料，唔洗擔心唔岩食。刺身係重頭戲，我們每樣都有叫，首先個擺盤已經呃到唔少like。而味道，全部都好鮮味，特別推薦蝦類，帶子，蟹鉗！！真心好味。熟食類點餐紙超多款揀，心大心細嘅我好想全部都揀曬，為左唔好浪費食物，嚴選左幾款必食亦都有encore 嘅食物。炸鮮奶—外皮夠曬薄，脆，入口即溶，奶味夠濃，必試。天婦羅—呢間放題店嘅炸物做得很不錯，全部上枱都熱辣辣，皮又好食。海老天婦羅隻蝦仲好大隻添！！最後仲有飲品同甜品任揀，二百幾蚊黎講非常值得一試！！

好不容易轻松了一阵，计划到油尖旺放松一下，顺便吃一餐。网上评价不错，就选了这家。我定的7：30的座，大概20就到了，门口等待区就很挤。一进去，光线昏暗，空间太小，桌子之间的距离太窄。卫生看起来也不大好，可以看到很明显的收集餐盘垃圾的柜子（敞开的），上面放的就是茶水壶和临时放置的食物。烧肉类食物太老或者不入味，炸物很一般。榴莲炸弹没有炸出榴莲的香，臭味保留的太明显。刺身很小份。饮料和雪糕单一，饮料多是汽水和柠檬茶。

與很久不見的老朋友食飯，揀選了旺角兆萬的一間放題，被安排了卡位座位，不太擠逼👍🏻，環境算屬於自成一角，不會太嘈。開始點食!!!食物種類算多，一開始就點選刺身如三文魚、甜蝦、生蝦、象拔蚌、八爪魚等等，最抵讚是上枱的數量與點選的相符，而且下單後好快有得食，端上來是一大盤剌身，好多好豐富。清酒煮蜆的蜆肉新鮮兼又酒味濃郁；長年不敗的蒸蛋，除左蛋夠滑外，亦好重麻油味。朋友最愛的牛油粟米同牛油雜菇都好夠牛油味；放題必食燒菠蘿，好甜而有焦糖香。大戰幾輪之後就已經好飽，對沒有嚐到的壽喜燒有飲恨。放題更加唔少得的飲品同甜品，開心既係佢呢度都有樂天忌廉味汽水，甜品方面有迷你糯米糍^^埋單走的時候更係出面門口個櫃撞左支韓國既啜啜冰走~呵呵~

聽朋友講左好多次去神戶屋呢間放題食好多次，今次仲要去試吓。地址好方便喺油麻地出喺笑萬中心最近。 一上到去，環境唔錯，坐嘅位都好舒服，環境值得一讚。 呢度嘅刺身真係一流，完全冇漏單，你話幾多佢俾幾多你。個人最喜歡就係赤蝦，三文魚， 北寄貝，同埋蟹鉗。赤蝦好大隻好新鮮，三文魚又肥美又郁切， 值得一讚。 北寄貝食落鮮甜爽口，另外仲有好難得嘅蟹鉗刺身，呢樣真係唔係度度都食到。神戶屋仲會每人送一份前菜，你可以揀生蠔或者海膽，每人一份。另外一台仲會送多一個壽喜燒。個人覺得真係幾抵。除咗刺身之外，熟悉都唔錯。尤其係炸物，個人會推介酥炸生蠔，燒羊架，另外仲有送酒一流嘅炒蜆。呢幾樣熟食鍾意飲酒嘅人一流，好好送酒。最緊要嘅係，呢度竟然hoegaarden任飲!!! 整體來講覺得神戶屋性價比超值，價錢唔算貴，但啲嘢食又幾唔錯，食到捧住個肚返屋企，值得推介。

今晚去咗旺角兆萬中心8樓嘅神戶屋食嘢。兆萬出名就係多放題，今次就揀咗呢間試吓，因為有朋友之前食過，都話佢哋嘅食物有好多選擇，比較特別嘅係佢哋嘅熟食。一去到職員已經好好禮貌，又帶我同朋友入房坐，環境幾好同幽靜。食物方面，先係佢哋呢度嘅刺身，感覺就係非常多款式，同埋好新鮮。出面嘅放題好多都唔會有蟹腳食，但佢哋呢度就有啦。另外印象深刻嘅係佢地嘅炒物，特別係兩款蜆，分別係炒蜆同埋清酒煮蜆，真係啱晒我呢個蜆迷。天婦羅方面同樣表現出色，炸物非常之香口，雖然唔知係唔係職員唔記得咗比天婦羅汁，但係個天婦羅就咁食都非常好味。串燒方面，我就最鍾意個牛舌，上面有好多蔥，仲要幾辣吓，最重要係一啲都唔靭，叫完一輪又一輪！另外印象深刻嘅係，職員真係每位都好好服務，就算我哋係六七點呢啲黃金時段食，都同樣照顧周到，會細心地嚟問有冇漏單或者滿唔滿意食物，香港人就係需要呢啲服務態度！然後就心滿意足食飽飽開心走人，一定會encore！