神戶屋日韓放題

營業中

休息中

好少打食評嘅經驗，但今次真係要分享下，因為第一次咁差ge體驗，真係貼錢買難受😣見到12-6放題，就試下啦，2:30食，估唔食左一個鐘就有職員話4點last order要落場，雖然冇諗過，但食得飽就冇所謂啦但估唔到D食物咁，叫10塊三文魚刺身，黎3-4塊，我明放題野食通常唔黎足正常嘅，但我叫1 ，2ge野 佢比10我係咩玩法？（唔食又好浪費，雖然係刺身姐）之後我淨係叫三文魚刺身，直接唔黎，再落都唔黎，反而壽司、炸物就比雙倍以上😣例如叫2件炸雞，黎2串，每串4-5塊🙄🙄我同朋友都有盡量食嫁，但有D真係搞唔掂，炸物好似油浸出黎咁，夾起係軟身嘅🤢之後食左件鰻魚壽司，嘩！臭嫁！前所未試過嘅味，真係即刻嘔出黎，情況緊急到我用抹完枱ge紙巾包住，朋友試左都話係有怪味，真係好痴線！仲有叫左幾次三文魚刺身，都真係唔黎，4點D師傅真係落曬場，其實全場得8-10枱客，3:40到落場都冇比我地，最後要出聲叫職員先有，今次數質比足，但size細一半同薄左👍🏻👍🏻👍🏻埋單95折後261一個人，其實咁嘅價錢，食其他放題性價比高好多，或者比多少少錢食酒店buffet會好D但要讚嘅係職員態度好好，D飲品同雪糕款式都幾多

復活節假期第一天，就打算放肆去食放題，在Open rice好方便可以訂座，就出發喇。餐廳位於兆萬8樓，去到已經好多人，我都有啲期待，我哋都唔需要等就入座了。首先要讚下喺刺身，呢度有好多款蝦，好新鮮，帶子亦質素亦都非常好！佢係厚切嗰種！另外，服務亦值得一讚，店內全是後生仔女，做野好主要快手。清碟清得快，亦會主動幫手跟單！我哋一坐低仲有特別提我哋因為今日多客所以一次過點多啲，出菜時間會耐少少。呢個係貼心嘅。但係，熟食方面就真心麻麻。無邊一款係特別出色，最無奈係芝麻雞翼。呢啲應該係簡單菜色，一上嘅時候我都面色一沉。點解會成塊炸皮係無咗架呢？味道亦好一般。最後以雪糕作結，呢款係我比較小喺放題見到嘅雪糕，都幾得意！總括來講，我未必會encore。

又食放題的日子，最近只可以晏就食放題，就簡左一間可以由12點到6點既任食放題。刺生盤一黎就比左一大盤刺生，所有款式都有幾個，三文魚大大件啖啖肉，大蝦刺生好爽口，甜蝦好鮮甜，北寄貝都好爽口，樣樣都唔錯。 燒物燒物款式都有好多種，燒牛舌，芝麻雞翼，雞軟骨等等，日式放題一定需要有既食物，食物質素都不過不失，燒牛舌都好易入口，芝麻雞翼都好香口，雞軟骨都好爽口。 炸物有各款既天婦羅，炸蝦炸番薯等等，仲有炸榴連炸紫芋丸，全部都好香脆。 火鍋一黎就會有三款既火鍋簡，今次試左韓式部隊鍋，配料係比較簡單既午餐肉，廚師腸等等，但湯料加埋芝士都好香濃，放題當然仲可以叫其他配料，仲可以加肥牛同其他配菜，配埋個芝士部隊鍋湯底，好滿足好開胃。 最後因為時間好充足，比起平時要食2個鐘既放題，可以食燒物炸物，之後仲可以慢慢食火鍋，係一個不錯既體驗，值得去試。

趁住中午得閒同老婆去食放題，最後揀左神戶屋，因為佢疫情期間放題可以食足6小時，由12:00pm食到6:00pm，價錢都只係$229，真係抵到爛，可以食到夠本首先當然係去拎嘢飲，有唔同飲品任君選擇老婆為左我既健康，叫左呢個胡麻醬番茄俾我，估唔到又幾好味唔少得當然要叫返個刺身拼盤，擺盤賣相非常吸引三文魚夠晒肥美，之後都有不斷追加！帶子、鮑片好鮮甜生蠔亦都好新鮮，有少少海水味其他嘅都屬於中上水準清酒煮蜆，淡淡的酒香加上鮮甜嘅蜆肉，唔錯～麻辣帆立貝，又辣又濃味又大粒，啱晒重口味既我蒜香一口牛，牛肉味都幾濃，加埋上面嘅炸蒜好夾，好香口燒鯖魚，外皮焦脆，魚肉嫩滑多汁，配搭檸檬嘅清香，正！燒菠蘿，香甜多汁嘅菠蘿，連埋上邊有一層薄薄嘅焦糖，口感同味道都一流，極度推介！芝士帆立貝，濃濃嘅芝士味，加上大大粒帆立貝，超好味炸雞軟骨，薄薄嘅脆漿包裹住每一粒雞軟骨，非常酥脆可口神戶屋嘅炸物真係非常出色，全部都炸到好脆又唔會油榴槤炸彈，勁香榴槤味炸鮮奶，食到牛奶嘅香味芝士年糕，又可以食到濃濃嘅芝士味南瓜香芋丸，鍾意佢南瓜同香芋嗰種淡淡的幽香心太軟，雖然唔係流心，但係佢嘅味道非常好，一口一件，好貼心食到超飽超滿足，

已經不知多久沒吃過放題這種放飛自我的餐點😂老公說之後可能只能吃外賣的，而且神戶屋居然吃6小時放題才$229 ，那我們豈不是可以一頓頂兩餐（笑）那我還不吃爆！（決心！）而且長者更有優惠$179 ，下次絕對可以帶奶奶來吃。首先點了一堆魚生😆三文魚肥美爆！希靈魚也好新鮮🤤🤤🤤老公說上次跟朋友來慶生，點了鮑片，覺得非常鮮甜，我還不小心額外追加了帶子、象拔蚌、生蠔、北寄貝（超愛）、蛋和蟹棒，天呀然後就來了這艘船...神戶屋的炸物真的是一流好吃！榴連炸彈很甜很香脆，必點！另外芝士年糕和南瓜香芋丸也甜甜的好滋味。最喜歡他們的炸物不太油，炸粉夠脆，裡面的餡料又熱熱的軟軟的🤤炸雞軟骨也是必點的吧～～～超喜歡雞軟骨的口感～很有咬口！清酒煮蜆的酒味不太濃，很適合我這種對酒一般的人，蜆肉大大粒而且沒有沙，連湯一起吃有種暖胃的感覺。蒜香一口牛的肉味濃郁，牛肉不會太淋身，加上蒜粒一口一粒，很快就清掉了整盤😆燒鯖魚很健康，真的是必點😂😂可以減低丁點罪惡感之餘，加上檸檬汁吃真的超正！魚皮還帶有少少脆口！汁燒帆立貝和芝士焗蠔也很入味，雖然醬料很多，但卻不會掩蓋了海鮮本身的甜味，而是提鮮了！另外一定一定要點的是燒菠蘿！超

仲記得細個慶祝生日一定係食放題😛因為Daddy鐘意食魚生 所以襯佢生日帶佢食夠6個鐘😆貼心提示 訂座仲有95折🙈.◽️12pm-6pm 食足6個鐘放題 $229餐廳好特別地用左竹林做背景 好似去左京都既嵐山咁😚一坐底就梗係order主角: 刺身～款式有十多款 我地每樣都有嗌黎試下勁大兜 擺盤都好靚😍最吸引我目光就係海膽😆口感好飽滿 味道帶點爽甜 唔會過腥再者就係激巨赤蝦 啖啖肉得黎好鮮甜甜蝦都細滑甘甜 泰式生蝦都好爽口😚.壽司卷物都有30幾款🍣主要有分火炙同黑松露～後者揀左玻璃蝦 味道甘甜得黎帶黑松露香除咗魚生 仲有日韓炸物 天婦羅 串燒等估唔到連炸物既擺盤都咁用心🥰除咗日本嘢都有韓式料理 竟然有人蔘雞湯仲試咗個麻辣帆立貝 辣得黎好惹味.每檯仲有一款鍋物可以揀日本和牛壽喜燒個湯底帶點甜香仲加左signature既蛋😛肉質食落帶肉感 配埋個湯底好香口仲有冬菇金菇豆腐娃娃菜 成個煲好豐富另一款揀咗韓式芝士部隊鍋真係見到勁大塊cheese 好邪惡配料有必備既火腿腸仔年糕午餐肉最後仲可以落埋辛辣麵食 ho cheesy😍唔夠喉仲可以加配料繼續打邊爐喔除咗呢兩款 仲有雞煲可以揀🙆🏼‍♀️.總結，食物

大胃口精選推介放題👍🏻食放題當然要食1.刺身 我地隨口問句有冇咩推介新鮮，侍應好好就話等佢發板😆 我地就等食啦！ 來到「哇！靚到甘 」😱如果想有個靚擺可以學我地🤣刺身好似有接近10 幾20 款三文魚 🍣 好鮮甜 肥美 厚切 大大舊 👍🏻👍🏻👍🏻👍🏻👍🏻大頭赤蝦 長個一隻掌✋都好鮮甜 好新鮮 啲肉唔會霉 仲有普通赤蝦、玻璃蝦、甜蝦、泰式生蝦🇹🇭😂蝦都目測有4 款海膽 都好有驚喜 放題都唔會期望可以食到極級鮮甜的海膽 但最驚食到又臭又腥既。呢個海膽都中上，絕對唔伏。2. 壽司🍣壽司我最愛火灸壽司三文魚有 火灸芝士三文魚、火灸沙律三文魚、火灸鹽燒三文魚全部都係燒完就上台 好熱好好食食完一轉好放心再食多一轉試左油甘魚、黑松露壽司 全部都唔會話舊飯大大舊然後食到你飽一飽唔使食其他野！3. 熱食燒芝士年糕😋 我的最愛食左3 次有個炸牛奶卷 都好好食😁一口和牛調味唔錯唔錯 成兜清哂！仲有好多燒魷魚 、清酒煮蜆、炒蟹、蟹粥、燒牛、燒羊架、一口甜薯等等等等 真係多到記唔住 QR code scan 影唔到個絕對有10 頁放題紙既menu芝士燒黃金沙律開邊蝦都好有驚喜😂叫左4 碟 沙律醬好濃 細細兜唔會食

放假搵埋女朋友一齊食放題，揀咗兆萬中心呢間比較多人食嘅餐廳，貪佢食物選擇比較多，價錢亦都唔貴，$288/位。.佢哋呢度有唔少啤酒飲品，啤酒都有幾款，選擇好多，亦有比較少見嘅椰青水。.見有唔少人都食刺身，我哋又叫一盤嚟試吓。超級推薦佢哋嘅巨型赤蝦，有成隻手掌咁大隻，鮮甜美味。.蛋卷有少少蔥花喺入面幾特別。我哋都食咗佢哋嘅燒菠蘿，估唔到會落糖喺表面燒，形成咗一層脆卜卜嘅焦糖😍😍😍😍。.另外佢哋嘅壽司都唔錯，我食咗芥末八爪魚壽司同埋朝鮮墨魚咀壽司，芥末八爪魚彈牙又唔會太辣。.墨魚咀比起想像中爽脆。壽司飯嘅份量唔會太多，可以食多幾件🤣😋。

呢排疫情又嚴重左 夜晚冇得出街食飯 咁就要日頭食下XD 見神戶屋做緊個優惠  中午1200到下午0600 一個價錢$229加一就可以食足6個鐘嘅放題 長者仲要只係179 想再抵D就唔好walk in 因為訂座仲會有95折!講番食物先 真係超多選擇 一開波當然係要食魚生先啦~ 一大盤上枱放得好令 好壯觀 而且真係勁新鮮 難得生蠔我平日頂唔順的 食2隻都輕鬆冇問題XD 而我至愛嘅三文魚更係食到我停唔到 真係好正另外一個好欣賞嘅係炸物類 炸鮮奶 椒鹽豆腐等等 無論係甜定係咸嘅 都係新鮮炸出黎 又熱又脆卜卜 好惹味 最後要提一提好正嘅芝士部隊鍋 仲配一個辛辣面 想要打多陣邊爐嘅仲可以再叫多D火鍋配料烚下烚下添 XDD喺食飽飽之後如果仲有多個胃嘅朋友仔可以食下甜品 有豆腐花 雪糕等等 雪糕仲要係movenpick❤️

疫情取消咗晚市堂食一定要把握午市嘅時間去食餐好嘅又食得好飽既🤣晚飯慳錢唔使食有朋友推介呢間疫情下午市任食6小時放題😂 味道好 選擇多 時間長 仲要座位好闊 位置方便😋價錢$229 加一 12:00-18:00 pm , 任食6 個鐘！ scan QR code落單 ～一入去比左啲醬料同前菜仲有口罩袋😂放題都有口罩袋好加分。刺身選擇極多，個擺盤靚到哇一聲😆！三文魚腩好鮮食肥美，有頭赤蝦好大隻好鮮甜！仲有甜蝦、帶子、希靈頓魚、螺肉、肉子、泰式生蝦、鮑片、油甘魚、蟹棒、象拔蚌 、海膽😱 選擇極多 全部都好新鮮😞 食完呢盤已經同男朋友講值回票價🤫🤣另外仲有鍋物，有部隊窩、壽喜燒仲有蟹粥 ！牛肉有4 大片 係極大片 😆 成個邊爐鍋上！一熱食住食唔怕涷，平時食果啲多數比一埋烏冬食飽你，呢間絕對冇😂 得菜同牛肉☺️試左幾樣熟食都好正😍燒牛吞、雞串、海蝦、靖魚 、羊架全部味道都好好👍🏻 熱辣辣 燒完就上 最驚果啲擺到涷哂先上個人最愛個羊架，味道好岩我又唔算太肥😁壽司、火灸壽司、卷物、手卷選擇望睇有二十至三十款，真係眼花撩亂。但已經好飽食唔落☹️下次一定要再試！飲品選擇都幾好！有酒精飲品有茶有汽水，仲有極少

💁🏻‍♀️放假同男朋友一齊食放題。$228+10% 12:00-18:00任飲任食超誇張。一開始就食刺身，種類都幾多。出乎意料地質素唔錯🤣。帶子、甜蝦、阿根廷天使蝦都勁鮮甜，值得encore。熟食方面，所有炸物都係即叫即炸，又熱又夠香脆。韓國炸鮮奶表層脆卜卜，味道香甜似煉奶。💁🏻‍♀️大鄉里食完覺得好特別。韓式雞軟骨其實係普通椒鹽雞軟骨，不過爽脆又唔會太鹹。海蝦燒得均勻，蝦肉彈牙唔霉。。飲品方面我哋都係飲下啤酒汽水。

疫情下禁堂食，情侶拍拖真係吾知食咩好！只有星期六日既lunch 堂食時間，真係要好好珍惜，平時地方坐低食一兩個鐘已經趕你走，哩度可以食6個鐘！真係好難得！一位疫情期間午市任食$229，12:00PM-6:00PM，長者$179 訂座95折，地方都好大，地點方便，岩哂情侶慢慢食，食完係附近行街！我地一坐低就會放低2 人既職人料理，有麻辣雞煲，和牛壽喜燒，芝士部隊鍋選擇！同埋一大碟刺身拼盤！兩人更加送兩隻生蠔，質量絕對唔馬虎，非常之鮮甜肥美新鮮！我最推介佢嘅火炙壽司，配埋沙律或芝士非常香口肥美，又有少少火炙味！選擇種類上仲有好多韓國菜式，例如紫菜包飯，人蔘雞湯等等應有盡有！串燒方面要稱讚佢嘅燒雞皮，外脆內軟唔會過鹹/過甜，岩岩好，好考功架！甜品選擇種類非常之多，有韓國雪條，skippy雪條，movenpick雪糕要另外加錢！

而家疫情期間晚餐冇堂食，好鍾意食放題既我唯有晏晝時間滿足我食放題嘅渴望。經過兆萬中心見到8樓有一間神戶屋放題，收費$229竟然可以12點食到6點足足6小時!一於去試吓刺身拼盤樣樣刺身都幾新鮮而且生蝦刺身有驚喜，大大隻爽口，Encore左好幾次。壽喜燒牛肉鍋一嚟到俾佢嘅份量嚇親！鋪滿晒牛肉好足料，湯底唔會太甜可以另外再叫配料當打邊爐。火炙三文魚壽司件件都係三文魚腩而且芝士火炙三文魚腩壽司令到成件壽司感覺好滑，入口即溶，鍾意食芝士嘅朋友唔可以錯過。燒牛舌淋淋滑滑，厚身，口感一流！麻辣小龍蝦呢度除咗日式仲有韓式同埋麻辣可以選擇，麻辣小龍蝦好入味，唔會太辣好滋味！呢度嘅款式實在太多不能盡錄，例如生蠔，肥美甘口我覺得值得一試，淨係雪糕都已經超過六款，炸物亦都非常出色熱辣辣，鍾意食放題嘅朋友真係食完會返轉頭！12:00PM-6:00PM每位$229長者$179 訂座95折一米以下小童免費

晚市停左，得番中午有得出去食，唯有食番餐中午連晚上直落既。依間係旺角既任食放題，可以由12點食到6點。當然啦，我真係食吾到甘耐，但勝在可以坐耐D，吾洗好似平時食放題甘趕。呢間放題任食質素幾好，夠平又夠多款。熟食都算理想，估唔到佢有小龍蝦，都幾鮮甜。仲試咗佢個韓式雞軟骨、豬仔脾，好夠味。個招牌炒蜆好惹味，辣辣地。甜品有雪糕、雪條，最鍾意佢個朱古力脆皮雪條同埋伯爵茶雪糕，個伯爵茶雪糕幾濃茶味，而且唔係度度有。

假日同朋友響旺角行，見耐無食放題，就入咗依間食。一入到去啲待應都好好服務，仲有個口罩袋拎俾我地，我地中午12點幾入，個場個陣得幾枱人，但過咗1個鐘左右，就坐爆哂😱可能因為而家冇晚市，同埋而家餐廳做緊$229 6個鐘放題，所以吸引左唔少人食😎一開頭佢地就俾咗一盤好大盤嘅刺身，好靚好吸引，流哂口水，裡面仲有送生蠔同海膽，刺身質素都唔錯，尤其個蝦同玉子真係鮮甜😋另外我都點咗個壽喜燒邊爐，啲牛肉嘅質素就一般啦，但因為啲菜就吸哂壽喜燒湯，食起黎就幾甜，幾好食😛之後我地分別都叫咗冷盤同熟食，都覺得熟食好食啲，炸雞翼真係整得脆，又juicy，真心推介。另外炸鮮奶同炸紫薯球都好好食，幾甜，同外脆內軟👍🏻👍🏻最後雪條都有好多味揀，我就無食哂，食咗條幾得意嘅珍珠奶茶味雪條，味道都唔錯總括嚟講，依度嘢食款式多，食物質素大致都幾好唔錯，尤其係啲炸物（炸雞翼點咗2次😙)，會再嚟幫襯💛💛