神戶屋日韓放題

營業中

休息中

🥢 刺身拼盤 一坐底叫咗一堆刺身拼盤先，好快手就黎到而且擺盤擺得好靚，仲有乾冰，一定要相機食先🤣 所有刺身都好新鮮，三文魚唔使講一定好食，帶子亦係我嘅最愛之一，仲有朋友最鍾意食嘅海膽🤤 所有刺身都完全唔會腥而係帶着鮮味，食完咁多其實已經好滿足😆 但係放題唔可以停，繼續食更多🔥🥢 壽司好喜歡呢度嘅壽司，平時食放題佢嘅壽司都整得一係好細個，一係好隨便，但係呢度嘅壽司有出邊回轉壽司店水準👍 花之戀當然係必叫，三文魚沙律醬同蟹子嘅配搭冇得輸🤤 其他壽司都正常，但係但係‼️炙燒三文魚壽司超級好食，十分推介，炙燒後個飯同三文魚都係微暖，上面再有少少嘅沙律醬（都可以揀鹽燒或者芝士），好惹味，最後我哋又叫咗四件😋🥢一口牛肉粒呢個味道普通，唔係好推薦食牛肉粒，可以留返個肚食呢度其他更加好食嘅嘢🤤🥢樂天桃茶推薦推薦樂天桃茶🍑 唔會好似平時嘅果汁咁甜，淡淡的桃味帶有茶香，好好飲，如果超市有得賣我會去買😛🥢燒菠蘿菠蘿好特別，表層有一層焦糖，係未試過嘅味道😂 不過都唔錯可以一試🥢芝士年糕、榴槤炸彈、炸流沙球（唔記得個名）本場特別特別推介‼️ 雖然係嚟食放題，但係我最鍾意嘅就係呢度嘅炸物🤤🤤🤤 每樣嘢都係啱啱炸出嚟，

星期六去旺角拍拖，順便去買運動用品， 行到下午茶時間，我們打算吃一個豐富的放題便不吃晚餐。旺角最好是選擇多😎。在網上搜尋一輪之後決定去兆萬中心。這間放題現在已經轉成用q r code落單非常方便。選擇也很多，分類做得很好！飲品選擇很多，竟然有教主代言0卡飲品，還有100% Coconut water ❤。我們點了基本的刺身拼盤，刺身種類比我想像中多，也比以往的放題店多 ，馬刀貝赤貝帶子任點！大推！壽司方面，我特別推介牛油果軟殼蟹手捲。 香香的牛油果味配上軟殼蟹，非常搭配。必吃！最重要是這裏的牛油果是真的一大舊🥰。原來這間放題的燒烤也做得很出色，牛舌很香口， 我特別喜歡燒菠蘿， 跟別的燒菠蘿有分別。他們這裏是在菠蘿麵鋪上糖，讓燒烤後出現焦糖的硬片，讓菠蘿咬落去又酸又甜又多汁。這裏的熟食選擇很多，真是花多眼亂。事實都很美味，挺著肚子也值的得一試 😋。對於一些不吃刺身或海鮮的朋友來說，這裏真是天堂！剛好遇著期間限定，我便決定食日本和牛壽喜燒。壽喜燒上枱非常大煲，非常豐富！但我必須說，這個壽喜燒我大力推介。除了因為份量十足，材料十足之外，最重要口感和味道都一流，不會太甜，是剛剛好的感覺，因為調

前排都比較少出街食飯，趁著放假，和三五知己好好放寬心情和肚皮，在旺角揀了一間日韓放題，大快朵頤。原來剛好有期間限定，可以挑選一個特色火鍋，我們選了日本和牛壽喜燒。原本個火鍋未送來之前我們都沒有很高的期待值，但是當一煲材料飽滿的壽喜燒送到枱前時，我們都立即嘩出聲來，鮮紅雪白的肥牛，豐盛的各款菇菌蔬菜，仲有要等個煲煮熱後才最後加上的雞蛋，淨係望到呢個壽喜燒，已經令人充滿食慾，相當有幸福感。之後我們點了各款刺身，魚：三文魚，希靈魚，雕魚貝螺：赤貝，馬刀貝，角螺蝦：甜蝦，特大赤蝦，泰國虎蝦每款都非常新鮮爽口，絕對是放題水準之上。特別推介：馬刀貝，特大赤蝦（由於刺身實在是新鮮，之後我們多點了兩次刺身）小吃料理和燒烤種類繁多而且美味，未能一一盡錄，當中我印象最深刻的是兩款燒烤：牛舌和羊架。由於其他人怕牛躁味，所以我第一次只點了牛舌，牛舌輔以孜然調味來燒烤，一入口嫩滑多汁，肉質肥美而軟綿，一食就知燒烤的火候控制得非常好，亦因此我再點了一道羊架。這裡的燒烤真是非常棒，羊架同樣燒得很出色，解凍做得好，肉質一口即溶，而且孜然用得恰到好處，不會像有些地方只是狂落，而不是調味。另一個令我驚喜的地方是這裏的甜品

最近都只係過住啲返工放工嘅生活🥲冇乜要事好少好少出街有乜叫得郁我今日出黎旺角食飯？就係朋友吹雞話食放題🍣🍜🍛老實講兆萬嘅放題咩環境咩質素心中有個譜我唔會話好期待，可能就因為咁我反而覺得有驚喜🤩首先如果食歡樂早場嘅話基本上冇限時啱晒今日只係想聚舊多過食嘢嘅我哋其次係佢除咗日式嘢之外仲有窩物啱晒啲怕生冷嘢嘅人🙈講得出嘅放題食物佢都有齊用QR code落單夠方便我就冇漏單情況，服務員都勤快有禮咁旺角通常都係好迫好迫呢個係事實，環境係冇咁舒適好彩收碟快，食得切先好叫下一輪就冇問題👍食物都新鮮嘅，刺身唔差冇出曬水火炙系列我覺得係必食其餘都係mk放題質素啦，唔呃你飲嘢甜品種類都非常齊兩百幾一位食呢啲無限時我就好滿意聚會必選呢度！

是日同朋友黎左旺角食放題，book左神戶屋，貪佢午市可以食六個鐘，慢慢食傾下偈都得。平日$229/位，星期五六日要加廿蚊，呢個價位都屬好平了，任飲任食喎。見好多人話佢啲刺身唔得，我食呢日又幾好喎。入座就有個刺身併盤，我見枱枱都砌得好靚，打卡一流～味道正常發揮，無雪味無腥，仲厚切添，正呀。壽司款式幾多，軍艦，火灸等，細細件方便一口一件。其他熟食，炸物等都幾好味，即刻炸好熱㗎，甜品有朱古力布朗尼，燒菠蘿，炸榴槤波波同雪糕雪條任食，雪糕雪條大部份係韓國樂天牌。飲品有多款無糖茶，汽水，果汁，連教主隻ooha都有呀。全日無漏單，上菜快，份量黎足，抵食無投訴！

呢間放題標榜下午時段可以食足6個鐘(12：15-6:00)，好少有可以坐咁耐嘅舖，於是同幾個朋友一齊去試下。其實 book完之後睇返 openrice嘅評論，深知可能中伏，但抱住試下同可以坐得耐，就去一探究竟。當日我地 book左2:00，落單係用手機掃 QR code，叫左1-2轉之後發現．網頁顯示 3:45 為最後落單時間，見到即刻嚇一嚇，唔係食到6點嘅咩，好彩店員都好好禮貌同服務，佢話因爲師傅需要落場食飯，要截單先，可以係4點幾開返系統再俾我地落單。到4點幾嘅時候，我地再掃QR code 發現顯示失效，再問另一個店員，但佢竟然回答 「我出過張俾你地，落埋最後一次啦」。我地聽到一頭霧水，不過之後都可以繼續落就算啦。食物質素整體而言不過不失，反而4點幾之後落嘅個轉食物質素開始下降，大部分食物都唔熱，例如：炸物、燒物。值得一提，餐廳內嘅甜品較多選擇，有多種款式嘅雪條雪糕，質素偏高。整體而言，可以坐咁耐，唔會被趕走都唔錯㗎啦。

同朋友去慶祝生日梗係要食放題啦，呢一間放題店食物選擇多，而且價錢亦都適宜，另外呢度嘅防疫措施亦都做得好足，消毒措施都做足，我哋都食得更加放心。食物方面我覺得呢度嘅串燒都好正，特別係呢度招牌嘅蒜蓉燒扇貝串燒，蒜蓉味夠晒香，配埋扇貝一齊食就完美。壽司當然都要試吓啦，佢哋都有好多種唔同嘅軍艦壽司同埋卷物，我覺得佢個神戶炸蝦佢好正，炸蝦啱啱炸起，捲落壽司度食都好吸引另外呢度亦都有黑松露壽司，之前都未試過好特別，黑松露配上夠晒肥美嘅油甘魚好搭配

一入坐，比左張稱為「特快」刺身紙黎，我填左20張有頭甜蝦，佢黎到比左幾隻有頭赤蝦我…首先20變左幾隻，然後甜蝦變左赤蝦？發生咩事？我唔鐘意食赤蝦！一句有頭甜蝦無貨..同埋個兜唔夠大就走左…個兜唔夠大？？？點解唔夠大？首先隻兜夠大，同埋出去食放題我未見過有邊間20隻甜蝦會放唔落去！之後我寫左20隻無頭甜蝦！依舊黎幾隻….到底發生咩事？炸物又難食.榴彈炸彈唔係叫貨既咩？點解其他放題都差唔多水準…你呢粒又林同埋榴連蓉勁小……天婦羅炸到硬崩崩…..個開邊蝦仲爆….細過蝦米🤣沙律醬又酸…到底點解甘難食？？？不過值得一提，侍應其實唔差.有禮貌的。係間野規矩同廚房或老細問題。真心…300幾蚊…好痴線…

Openrice 買咗兩張晚市$179三小時任食優惠卷諗住星期六同朋友去食 食既時候每人要比多$79事情是咁的早個幾星期打去book位 已經話晚上full晒 得4:30- 7:30的時間 我冇問題既 咪早啲食 照book去到 枱面地下痴笠笠都算 食物質素參差 叫咗的食物冇貨 都唔會講聲 要主動問離場時間早1小時便截單 6:30last order 都算6:35左右有個職員態度好差行過嚟叫我哋即刻走話出邊有客等緊我哋張枱我哋同返佢講 我哋係晚市優惠券 食到7:30佢就死口話係午市 食到6:30即刻收晒我地桌上的餐具食物質素差，員工態度差，環境衛生差

近期終於開翻晚市堂食🤩，就即刻同朋友去食翻個日式放題啦🥳。今日黎到呢間位於旺角嘅神戶屋日韓放題😗，呢度衛生環境都好好，每一張枱中間都有隔板，食得更加安心😆。首先刺身拼盤超級吸引❤️，有各種新鮮魚生，我自己就覺得三文魚特別肥美😝，帶子都超級大隻，識落好滿足。另外我都好鍾意佢個蝦天婦羅🍤，炸得好夠脆，又夠晒大隻😎。亦都試咗佢個期間限定嘅四川香辣雞煲😛，麻辣味超級惹味，而且每一件雞肉都好滑😁。呢度嘅壽司亦都好多種類有黑松露火炙壽司等等，我自己幾鍾意佢個火炙芝士燒三文魚腩，芝士配上肥美嘅三文魚腩簡直冇得輸

近期終於可以出街食飯，梗係要食啲好嘢喇～今次嚟到呢間喺旺角嘅放題，地點就腳，大家各自放工去都好方便！嘢食分類都幾多，除咗好飽肚嘅飯麵無咩點叫之外，其他都有叫到，重點講下我覺得必點嘅嘢食！刺身利申：有希靈魚嘅放題，我都覺得唔會太差，因為佢識揀，哈哈！除此之外，我覺得有頭甜蝦都係唔可以唔叫嘅，好大隻好甜～另外驚嘉嘅係泰式生蝦，即係平時叫都唔平，所以今次真係狂叫！！回本！燒物牛舌易入口，雞軟骨送汽水超正derr~而蒜香一口牛都俾到驚嘉我，牛味好濃好肉質幾好～～當然唔少得我至愛燒菠蘿，佢燒到有啲焦香，好甜好好味！炸物都係日本常見嘅天婦羅，幾香口。值得一提係有炸榴連，我就唔食嘅，但朋友食得好開心...... 🙈所以愛吃榴連嘅朋友要留意！總括而言，又有魚生、串燒、炸物、邊爐，連韓國嘢都有，CP值好高！

前排同朋友去開旺角行街諗住晚餐就食放題，見佢地做緊3小時任飲任食都係$179! 衛生情況幾好仲有間板! 2位起仲送海膽刺身同清酒/梅酒一枝，要讚下海膽份量幾充足，食落好鮮甜添刺身同壽司款式都幾多，自己最愛三文魚同珍寶帶子，大大塊都好厚身! 帶子感覺到好新鮮加州反卷超足料，自己都好鍾意鰻魚壽司個醬汁嚟到一定要試吓個牛肉壽喜燒，湯底甜甜地，配上牛肉同蛋汁一齊食好開胃有冇人同我一樣都好鍾意食韓國野呢? 估唔到放題都有多款韓國野食，自己大愛人參雞湯，熱辣辣好暖胃，雞肉估唔到都好嫩滑另外仲有蜂蜜芥末炸雞、泡菜辣豬手、部隊火鍋、辣炒魷魚等等，蜜糖芥末醬唔食辣嘅朋友仔都接受度，豬手肥瘦均勻，配上泡菜都幾夾食到最後仲有甜品同雪糕，甜品仲有豆腐花，食落去好滑！為整餐畫上完美句號

叫刺身 想食個d寫10件 黎1，2件 都算啦 唔想食個d 佢又比10幾件我地 吹脹 d侍應又成班傻下傻下禁 叫又唔應 應左又feedback 唔知想點 飲野方面，本身想拎檸檬茶，冇都算，想飲解茶都冇，作為一個收300+1的日式放題點黎D好基本的飲品種類都冇，真係說不過去最後係d野食 每樣都好似好”每”好唔新鮮禁 連熱野都唔熱 想食隻芝麻雞翼都縮水縮到仲慘過去食脆香雞翼 完全唔掂囉 都唔知d評分點黎！以後唔會再去 亦都會叫人唔好去！另外已經奇怪點解咁難食都咁多好評，原來發現係黃店咁D人食咗屎都話好食架啦，睇路啦各位同路人

終於放寬晚市堂食，已經迫不及待同朋友仔一齊出去食大餐，決定咗食放題。喺疫情期間，餐廳嘅衛生控制都做得幾好，食野嘅時候都會放心啲。見到員工喺人客走嘅時候，都會用消毒劑去消毒枱面。另外，枱同枱之間都有放間板，距離都唔會話好近。食物方面，上菜嘅速度都幾快，都冇漏單。幾欣賞佢嘅燒牛舌、燒大蝦等燒物，因為夠新鮮同埋幾入味，大蝦都幾爽口彈牙、仲有陣陣嘅鹹香味。羊架都好好味，上面啲黑椒味好突出，燒到啱啱好，唔會太散或太熟。刺身會同埋乾冰一齊上，三文魚係厚切㗎 ！油脂味都幾新鮮。其他刺身壽司都不錯，用料鮮甜。甜品嘅選擇都幾多，有雪糕、雪條。整體今次嘅放題都不錯，價錢、食物質素環境嚟講，性價比都幾好，有機會下次會再嚟。

一黎到間餐廳已經知中伏😵因為之前黎過一次覺得野食麻麻，可能前一晚凌晨眼蒙蒙BOOK, 陰差陽錯又BOOK 番呢間! 都算喇，照入去~~環境：間野黑媽媽，好似無錢交電費咁，感覺唔舒服~~我BOOK 左二人位，張檯細到呢，基本上擺左醬油碟，已經無咩地方放食物，莫講奢侈地想放個手機係檯面😪，可以話同旁邊果檯食客面貼面😒我個FRID早到仲MESSAGE 我「呢度坐得好舒服WOR」！項佢，以為係真~~食物：垃圾級別！刺物又細舊又唔新鮮，最令人難忘係佢舊吞拿魚壽司🍣！又梅又硬，唔知點形容佢，一擺落口已經想喊😭😤熱食都不相百仲，一口牛竟然係一口油，舊肉唔知係牛定豬定其他，總之無肉咪，又成口膏🙄，個汁多到一碗湯咁又喊又濃🤮🤮OH MY GOD!!芝麻雞翼可以整到得一邊係炸，一隻雞翼兩種煮法！妙極妙極~~你以為炸物無死喇掛，你錯喇! 閣下有冇唸過炸多春魚條魚係臭架呢! 真係~我即時忍唔住即場同我FRID講，陰公我最鐘意食多春魚~依家唸起都有陰影😌😌其他既......就唔講喇......難食都算！鬼叫自己BOOK錯咩~~最最最慘係我同個FRID今朝仲肚痾LOR☠️真係真心忍唔任又激氣先打生平第一次既食評😤😤