神戶屋日韓放題

營業中

休息中

放假搵埋女朋友一齊食放題，揀咗兆萬中心呢間比較多人食嘅餐廳，貪佢食物選擇比較多，價錢亦都唔貴，$288/位。.佢哋呢度有唔少啤酒飲品，啤酒都有幾款，選擇好多，亦有比較少見嘅椰青水。.見有唔少人都食刺身，我哋又叫一盤嚟試吓。超級推薦佢哋嘅巨型赤蝦，有成隻手掌咁大隻，鮮甜美味。.蛋卷有少少蔥花喺入面幾特別。我哋都食咗佢哋嘅燒菠蘿，估唔到會落糖喺表面燒，形成咗一層脆卜卜嘅焦糖😍😍😍😍。.另外佢哋嘅壽司都唔錯，我食咗芥末八爪魚壽司同埋朝鮮墨魚咀壽司，芥末八爪魚彈牙又唔會太辣。.墨魚咀比起想像中爽脆。壽司飯嘅份量唔會太多，可以食多幾件🤣😋。