神戶屋日韓放題

營業中

休息中

好耐冇食放題喇，之前約左同朋友去食，覺得都幾好，依家補番出個食評先。為左慳D錢，我地就揀左午市去食，價錢真係幾抵食。午市任食，可以由中午12點食到晚上6點，如果你冇食LUNCH，可以黎依到食倨LUNCH加DINNER都夠曬。價錢就每人HK$229 ，另收加一服務費。食物種類都多，你講得出既基本上都有。好似係刺身、壽司、日本野、韓國野都有，佢個芝士焗蠔好好食，仲有得拉糺，我就幾中意的。佢啲壽司都幾好，每件都係一小口甘，食材算新鮮。啲炸物食得出係新炸嘅，唔係放到淋晒或者返炸嘅。燒菠蘿我都鍾意食，燒到啱啱好，又唔會太熟，菠蘿又夠甜。上菜速度都快，走單都少。野飲方面，估吾到連啤酒都係任飲，汽水、甜品果D就更加吾洗講啦，款式都多。

各位大胃王係時候出動啦! 有冇諗過Lunch放題都可以食足6個鐘呢? 每人HK$229起就可以任食高質日式放題同火鍋啦，仲有多達200款美食無限量任食🥘最近就同朋友黎試，食物選擇多味道都唔錯，值得一試任食時段：中午12點至晚上6點成人每位HK$229 (另收加一服務費)長者每位HK$179 (另收加一服務費)，小童(1米以下) 免費提提大家提前訂位仲可以享有95折優惠!刺身同壽司都幾新鮮! 同朋友幾鐘意個日式和牛壽喜燒鍋，醬汁甜甜地好惹味，和牛食落去都唔會太鞋，另外炸物同天婦羅外皮香脆炸粉唔會好厚!熟食小炒都有多款選擇~香辣小龍蝦幾香口，鐘意食辣既朋友仔要試吓

朋友介紹旺角有間放題店，做緊6小時放題😎所以相約一試，座位都幾闊，唔似一般放題店咁迫。店員服務都好好。餐點方面有刺身，壽司，煮物等，最特別係e間放題有雞煲&火鍋🙊刺身當中最喜歡甜蝦夠大隻同鮮甜😋生蠔🦪都好肥美。壽司我地點左火炙壽司，火炙三文魚食到魚本身嘅甘香🤤鰻魚燒得香香，好唔會多骨👍🏻燒物同天婦羅都好吸引，我地點左燒羊架，口感好好，味道帶香草味。天婦羅炸得剛好，粉漿夠簿唔油。我地仲叫左日本和牛壽喜燒，和牛有雪花，湯式好香濃，全部配料都好入味。

宜家晚市禁堂食，放假我地決定搵個放題食食佢😂就黎到宜間係兆萬中心既日韓放題。個價錢係十分之抵食，一人只需要229hkd（另加一），最長可以食6小時😂😂😂食物選擇好多，主要有壽司，卷物，燒物，炸物。一坐低店員話會上一個刺身拼盤先 有咩唔食可以同佢講。另外仲有一款鍋物可以選擇。鍋物我地就要左日式牛肉壽喜燒鍋，入面都好多片牛肉，蔬菜等等，宜個天氣就啱哂。刺身拼盤睇落好豐富，有鮑魚，八爪魚，螺肉，幾款唔同既生蝦，希靈魚，帶子等等。我地仲叫左好多款燒物，炸物既熱食，鹽燒海蝦串燒得爽口彈牙，燒牛舌好軟稔，燒菠蘿香甜多汁。幾款芝士焗廣島蠔，北海道帶子，同蝦同焗得好靚，芝味濃郁。炒蜆，清酒煮蜆，同麻辣帆立貝都煮得好入味香口。炸物方面呢，吉列廣島蠔又大隻，同蟹棒，多春魚天婦羅一樣炸到金黃香脆，熱辣辣好惹味。因為都叫左好多食物我地就只係叫左幾款壽司，不過我同朋友都覺得熱食比較出色。除左單上面既食物，飲品，雪糕同雪條都係任食既，整體黎講好抵食。。。神戶屋日韓放題旺角西洋菜街1號兆萬中心8樓。。

今日同男朋友放假去食放題，而家冇左晚市堂食，但餐廳因應疫情推出左6小時放題，好抵玩。呢到既首輪刺身包括左海膽同生蠔，好正🤩而家除左任食日本刺身，仲可以打埋邊爐，我地揀左壽喜燒鍋，牛肉嘅份量都多，湯底鮮甜，仲可以自己揀唔同嘅火鍋配料打邊爐，岩晒咁凍嘅天氣。呢到食物種類好多元化，一般放題會有嘅刺身都有包括在內，另外都有唔同款式嘅炸雞、同埋韓國嘅特色野，e.g.人參雞湯。甜品選擇都好多，有好多款嘅雪條、雪米糍同埋豆腐花…可以滿足埋第二個胃🤤呢到既職員態度都幾好，會定時問下啲野食有冇到齊，食完啲野都好快收走👍🏻唔錯整體黎講，$229嘅放題可以食到咁多野，CP值高👍🏻值得推介

放題第一件事實係食刺身先啦😋 因為有幾種魚我地都吾食就冇叫太多，但係嚟到佢擺得好靚，即刻少女心🥰然後叫咗少少壽司，花之戀同芝士炙燒三文魚最推薦😋 佢嘅份量比其他放題大好多，係普通出去食嘅壽司size🤣 好彩我哋叫得唔多，先可以留返肚食其他嘢，因為佢真係好多嘢食💕真係冇諗過放題可以食到打邊爐😂 幾個鍋裏面最吸引我哋嘅就係壽喜燒，嚟到之後佢已經有晒所有配料，個牛肉唔會有冰鮮嘅味，喺放題來講好高質👍 個壽喜燒湯底都好好食，我哋之後再嗌咗少少其他嘅料，食嘅時候唔使再點汁已經好有味 👍👍然後嗌咗燒菠蘿同埋好多好多炸物，榴槤波波同埋炸鮮奶好好好食，一定要叫😋 甜品Ending ❤️ 有好多好多雪條選擇最後講吓佢哋好好嘅係原來疫情期間可以六個鐘放題，我哋12:30入去佢話可以坐到六點😱 不過最後我哋食得太飽所以坐到三點就已經走咗🤣

去唔到旅行，又想食盡日韓美食，不仿試下呢間放題店，這就是位於交通方便既旺角兆萬中心－神戶屋日韓放題。我一入到去餐廳已經仿如去到日本，紅燈籠高高掛，有日本式風景畫，一些日式植物和佈置更具風格，一大班好友仿如去了日本相聚一刻！坐底很興奮啊！又係任飲任食的好時候，我們不少得叫了很多款刺身船，拿過來已值回票價，很精緻滿載又新鮮！另外我們又叫了他們的新推介的火鍋，有多款湯底選擇，又有高級和牛，蜆，魚皮等新鮮海鮮選擇，我選了一款芫茜鍋，既滋味又下火，真係唔錯。另外，我們也點了一些炸物，我推介那日式芝士年糕，外脆內軟，做到洽到好處，很唔錯，吃完想再吃。韓食方面也有部隊鍋選擇，一款人參雞湯很有參味，難得一試。臨走前再來數款軟心甜品，入口即融既麻薯，糯米磁來個完美完結吧！總括而言，這一間食物，種類選擇多，日韓美食中既，海鮮加火鍋，品質都新鮮，環境服務不錯，飲品甜品任飲有品質，這一間綜合食物選擇多樣化，放題價錢幾低唔貴，性價比高，唔試真走寶了。

一家人去食放題提早慶祝聖誕節～ 我地一家四口去旺角行完街就去左搵食啦～ 去到兆萬見到有放題任食價錢又合理就決定去試下啦～ 今次放題真係超多選擇呀！有炸蝦天婦羅，南瓜天婦羅，炸榴槤波，全部都好好味！食炸嘢都抵！超多唔同炸物，有刺身都好多款～ 款款都咁新鮮好味，蝦居然都有幾款可以叫！最喜歡泰式生蝦！平時出面食好貴架！仲有火鍋可以食～ 食物好多選擇，飲品雪櫃都好多野食！雪糕有好多款仲要有超多唔同口味！我鍾意伯爵茶雪糕！超級特別甜品都有好多選擇下！餐廳服務員服務態度好好！又nice! 上菜好有效率！好快上！我食成家慢慢食都食左好耐下，好似超左好耐時限都唔會崔我地走，仲由我地去拎雪糕食！真心超級好！

依家又冇左晚市，同朋友決定去食個放題，食盡佢！好彩下午人唔係好多，即刻就有位。呢度選擇都唔少，飲品都有兩個雪櫃咁多，大路飲開既都有，岩晒唔同人既口味。食放題當然要點刺身🤤今次點左好大盤刺身🤩每次都會點蝦🤤今次都唔例外，好多款式嘅蝦刺身！當中甜蝦幾鮮甜爽口，三文魚都充滿油香，全部質素都算係合格，冇乜雪味，肉質好肥。炸物拼盤方面，不得不說佢選擇真係好多😆全部都即叫整，熱辣辣脆卜卜💥其中吉列廣島蠔真係要encore 😎外脆內軟。日式他他醬炸雞個肉質意想不到地滑😮必點。清酒煮蜆蜆份量唔少，隻隻都好多肉。人參雞湯估唔到真係有參，味道都幾甘香。雪糕方面選擇都好多😍隻隻味可以慢慢試。

朋友推介我呢間位於旺角兆萬中心既神戶屋日韓放題。18款新鮮刺身, 50款壽司冇花冇假, 魚生新鮮, 刺生蝦都有幾個種類比你揀, 蝦肉好爽, 唔爛。 刺生新鮮冇雪味, 唔錯。刺身想食靚野可加錢升級, 有鐵板鵝肝, 巨型赤蝦刺身, 海膽花之戀, 刺身生蠔。我覺得呢間既炸物都炸得幾出色, 私心推薦: 日本芝士年糕, 香芋丸, 榴槤炸彈。唔會油林林, 都好乾身, 內脆外軟, 榴槤炸彈好驚喜, 因為好足料好多榴槤漏出黎。Lunch 可以最多食6個鐘, 可以好好的CHIL下嚕。

多謝呢個天才政府，而家又要停晚市，唯有轉戰Lunch。好耐都冇食過放題，今次就同朋友去左旺角試下呢間神戶屋。呢度除左中、日、韓式食物外，仲可以打邊爐，食法都幾多。刺身選擇都唔少，淨係蝦類都有4款都中，仲有象拔蚌同角螺都比較少見，而且出奇地幾鮮甜，岩哂鍾意食刺身既朋友，而且廚師擺盤仲好有心機。熟食方面炸物都好多，每樣試一舊都已經飽咁滯。幾特別既係有麻辣小龍蝦，另外羊架同牛舌都好香孜然味，好岩我口味。飲品同雪糕都唔少，而且雪糕雪條都幾多特別款式，好想樣樣都試，但奈何已經太飽😂，唯有留返下次

而家剩返午市食，所以決定午餐食飽啲，去食放題! 今次揀呢間仲要有「疫情期間6小時放題」(12點-6點)😆呢度環境唔錯，而且每座位都有更有隔版隔住，食都食得放心啲😊呢度款式好多，除咗刺身之外仲有得打邊爐！首先講吓佢個刺身拼盤，睇張相都知淨係蝦都有成4款簡🤩刺身都好新鮮同肥美！我哋order第二轉嘅時候，佢哋都比足曬份量😊火鍋湯底有三款揀:部隊火鍋、壽喜燒同麻辣雞煲。我哋揀咗壽喜燒因為鍾意食肥牛😊火鍋配料都好多選擇，食到我哋超級飽！當然都唔少得炸物啦，佢啲炸物即叫即炸，非常脆口！我哋亦都嗌咗啲火炙壽司， 好香口，入口即溶🤤總括而言呢次放題嘅體驗非常好，又抵食一位都係$229咋!!

今日放假黎到旺角, 食放題]~一坐低店員就介紹呢家有6小時放題, 都只係$229加一! 咁我就揀左, 諗住坐下HEA下, 肚餓又可以食下野, 又有野飲任飲…仲有埋部隊鍋, 壽喜燒, 香辣雞煲比你揀, 我就揀左雞煲, 雞肉好咸香, 嫰肉好食, 又唔會好大煲所以仲有位食到其他野壽司黎講呢間都有好多款, 我推介佢既火灸系列, 燒一燒更加能夠帶出魚油香味. 花之戀都好好食, 一啖一口甜品就最中意心太軟, 細細舊, 唔會滯最後我真係坐左6個鐘HEA左一個下午

好耐無食過放題，聽朋友介紹就選擇左嚟旺角呢間食﹗入到去環境不錯，望兩望個menu，食物選擇相當多，真係選擇困難症，樣樣都想食﹗今次同朋友主打刺身同炸物，其實仲有火鍋，但都真係有點飽到唔多食得曬﹗刺身都有好多款可以揀，有三文魚、八爪魚、帶子、松葉蟹棒、希靈魚，而且仲有生蠔。特別推介三文魚，厚切新鮮，食落啖啖都係肉，口感一流﹗特別一提，刺身擺盤好靚，打卡一流﹗至於炸物方面就有芝士年糕、香芋丸、雞翼、天婦羅、吉列廣島蠔…….個人力推芝士年糕，煙煙韌韌之餘，一啖咬落滿口芝士，好正啊﹗另外要大讚的是，飲品及甜品方面都好多選擇，汽水、啤酒、紙包飲品、雪糕、雪條等，真係食完都好飽好滿足﹗食完覺得性價比幾高，無論同朋友定家人都值得去食﹗而家疫情無晚市，可以食足6小時，即係由Lunch食到6點， $229非常抵食﹗

一大班人唔知食咩好，放題又係好選擇，朋友問我有咩好食，發現食過既呢間OpenRice 買coupon 有優惠只係$179@1，訂位仲送生蠔，性價比高，正！決定今次再戰神戶屋！落單一結既往用Scan QR code方法，大家都可以用自己電話落單非常方便。👍🏻👍🏻🔸刺身拼盤🔶滿滿既刺身！ 一上台大家即刻相機食先😂刺身正正常常，唔會有嗰種怪怪嘅急凍味，特別推薦肥美生蠔，同有吞拿魚既玉子燒，出面普通日式餐廳都未必食到，建議一試！🔸韓式蒜香牛肉粒🔸出乎意料之外，熟食竟然都有驚喜，牛肉係牛腩，口感嫩滑，暖粒粒冬天食一流😍🔸炸物拼盤🔸上次食過佢既炸物拼盤真係非常出色，熱辣辣脆卜卜，而且種類好多，平時好少食炸野既我都忍唔住翻兜再翻兜炸鮮奶！