神戶屋日韓放題

營業中

休息中

成間店都係行呢個日本風幾年冇出過國 ，嚟到呢間店就好似去咗日本咁 🇯🇵咁啱撞正大閘蟹當季 心郁郁走咗嚟食大閘蟹放題 其實價錢都好抵食 折實價都係五百幾蚊埋單大閘蟹啲品質都好好 又大隻又多膏。呢個季節食蟹乸真係very good 每一隻都爆曬膏仲會送埋食蟹嘅工具🦀仲會有一碗蟹醋俾我地👍🏼大閘蟹都係15分鐘出一轉 又快又多食咗咁多隻，一隻死蟹都冇👍🏼👍🏼啲哥哥仔又會過嚟提我地落多少少熟食因為全部都係叫即整驚我哋等得耐呢個服務質素，真係冇得頂時間仲可以食兩個鐘頭 夠晒時間同班friend出嚟吹水食野！！

呢間放題因為開到12點所以我先去食，因為嗰晚出去旺角都9點半，其他都好似11點左右收，所以就上咗呢間。上到去職員安排坐位都已經有少少亂，不過都算數。有位坐就得了。職員多次提醒叫我哋早啲order，因為好多嘢都即叫即做驚等得耐，咁我同朋友就叫咗一個雞煲，同埋刺身啦。刺身都尚算新鮮，但係我哋take咗嘅數量，同埋款式，永遠都唔齊嘅。仲有個雞煲嚟到嘅時候，我哋嗰啲驚訝，好似食淨咗嘅雞加水俾我哋，最好笑係個職員問我哋係咪食完，我話我哋都未掂過已經係咁嘅樣。總括嚟講，呢間放題成日漏單，雖然侍應多次提醒同埋埋你問有冇嘢漏，就算講咗漏啲乜，永遠都唔會齊。如果唔係咁夜冇其他放題都應該唔會揀呢一間。

D嘢等好耐，同唔好食，第一round已經提醒你儘早落單，煎炸物需要時間。跟住第一round已經開始漏單，第二round好多嘢食都無上，等左好耐好耐都無上，最離譜係，當時個場一半都未坐滿，因為我地係5點第一場，食物等勁耐仲要唔好食，無下次。不過服務態度幾好。

呢排有返啲戲睇，所以睇完戲再食9點後放題就岩晒！個朋友帶咗我去呢間神戶屋食120分鐘放題！勁點刺身，一輪衝鋒叫左好多刺身，有三文魚、榮螺、蟹鉗、蝦、象拔蚌、玉子，都幾鮮甜。之後再叫d炸物，有芝士年糕、榴連年糕同椒鹽豆腐。呢間既芝士年糕唔錯，好煙韌，芝士多又香，唔會成舊粉。榴連年糕唔會好大陣味，一路食一路講食都唔怕臭親人。椒鹽豆腐又唔錯，炸皮薄豆腐餡滑。之後食埋肥牛火鍋，湯底用清雞湯，配料都可以任叫，正！滾下蔬菜、丸、菇、粟米、魚文餃、肥牛等等，食刺身食到凍凍地打個邊爐都唔錯！最後每人有杯雪糕，食完火鍋再食返杯雪糕係正。

今次同朋友聚餐，想搵任食放題，呢間本身係兆萬中心都算幾出名，所以決定黎試下。我地8個人18:00開始食，食到21:30，無吹我地交台，食得好舒服🥰俾左間R1號房我地，8個人黎講都算幾大，起碼唔會覺得好逼。一坐低就有小食，之後就上刺身，整體黎講D食物都好新鮮，味道都唔錯，而且雪糕同飲品款式都好多選擇！幾個後生嘅侍應都幾好，見到檯面有吉碟都即刻收，再幫我地將裝滿骨嘅碟換過曬btw希望下次黎都要keep住呢個水準😆

今日同friend去旺角兆萬中心既神户屋日韓放題開餐。6點後入座 $296/位再加一，8點去到好旺場，好彩有book枱。坐低個肚餓到咕咕聲，有理無理即刻寫紙點了三文魚刺身，甜蝦刺身，北寄貝刺身，泰式生蝦刺身，象拔蚌剌身，鮑片刺身，覺得都幾新鮮。食完一輪刺身就叫壽司、手卷，例如牛油果軟殼蟹卷、極上鰻魚手卷，都幾好味～另外避風塘一口豆腐都好香口，會追食；日式味噌火鍋，好似迷你形嘅sukiyaki，甜甜地幾好食～食完日式料理跟住就食韓式料理，除咗韓國人蔘鷄湯仲有帶辣嘅辛辣牛柏葉同招牌炒蜆，好彩汽水飲料任飲，可以解辣～食得仲未夠喉，再叫芝士日式年糕、日本一口薯、榴槤炸彈、雪糕做甜品夠晒滿足抵食！

開心Dating🥰，說說笑笑又一晚😊，介紹返刺身十分鮮，壽司賣相都好好，當然都好好食😋，個粟米好食到我叫咗4次🤣，最重要服務態度一流👍🏻，職員keep住間中都有問有漏單，而且收野都收得快，唔會推到成枱係，埋單時仲介紹有VIP房，有需要下次人多可以BOOK😉

慶祝朋友生日，就梗係去旺角食放題喇！有咁多嘢食，又唔會話好貴，大家食得開心最緊要。首先嗌魚生，厚切三文魚超肥美，蝦刺身都有幾種選擇，而帶子都好新鮮鮮甜。五花腩串係必嗌的。除咗賣相吸引，仲肥瘦分明，一啲韌感都無配埋小辣椒，惹味十足而不辣。仲唔到仲有燒蠔，我哋真係食完一舊又一舊。炸物都有好多選擇。我最喜歡食海老天婦羅同韓國炸雞，2樣都炸到外脆內嫩。日本和牛壽喜燒的牛肉都係喜岀望外，牛肉真係好嫩滑同夠味，配料都好豐富比平時係岀面食放題嘅質素更高層次。最後食埋枝雪條同個朱古力心太軟就非常完美喇！

餓腸轆轆，走近兆萬猶如走進容姥姥的大觀園，只要你伸手接咗一份宣傳單張就會有一班人塞一疊紙俾你，紙張上滿滿嘅圖片滿滿嘅字，仲有優惠劵，排除萬難終於簡咗「神戶屋」，今晚餐飯交俾你啦！食物種類多，仲可以免費加個煲打埋邊爐，餓咗刺身咁耐嘅我，當然無蝕底吃過夠啦！值得一讚嘅係，無論我叫咗幾多轉，佢嘅速度同份量都無減，真正做到任放題！其他炸物及熟食都係同其他放題差唔多，以每位$282.5（佢張單會幫我計埋，讚👍），我覺得好值！我仲想讚下佢地嘅服務，執檯快！仲成日問我地有無漏單！一般放題你食1.5鐘就開始想趕你走咁，呢度雖然都在2小時就自動出單，但絕對無催我地離場，俾我哋一大班人坐過夠，輕鬆度過一晚，壓力全消呀！臨走有個哥哥仲追出嚟放底卡片，話以後可搵佢book 檯，受寵若驚！再食放題，我一定會再簡呢間！P.S 附上剌身圖，帶子好大粒❤️其他刺身都好鮮甜，佢有支出面未見過嘅樽庄綠茶都好飲架！對於唔飲糖野嘅我，呢度飲品選擇算好多，有Anson Lo 賣廣告OOHA 白桃茶，道地解茶綠茶，仲有梳打水等，好岩我！

今日系呢間垃圾餐廳吃飯，垃圾服務，不停催我最後order,Order完，又唔來D食物之後我系吃3粒鐘（買左券，寫明）坐左2粒鐘之後，就叫我買單。。。話好多人等緊，要翻台我離場時見到好多吉台，出面無人等位（講緊一個人都無）而家7月，仲唔係見到野😱！即閃唔，真係送都唔來！激心！！！！真心，希望佢快啲執笠！😡‼️‼️‼️‼️‼️‼️‼️🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

神屋日韓放題😋一個月一次聚餐，今次朋友揀左呢間日韓放題，一入到去感覺一般，因為環境有點窄，不過食野時間好寬鬆，所以都無咩所謂啦🫢🫢至在搵個地方吹下水同食下野😂但好想讚既係佢地有個女仔員工，超級好服務態度！仲要好好禮貌👍好似叫詩琪，真係如果我係老闆都會請佢野食方面，不過不失，刺身數量比得好足，填幾多比幾多，唔似其他放題店咁，事旦咁比另外，佢仲有炸物都值得推薦，炸雞皮，天婦羅都好食👍👍😻壽司方面，有個芝士三文魚壽司，一上檯未食都已經香到陣😹個個都話即刻想食 實係唔係得個味 食落都好足料😋😋甜品都好正，好多不同種類，有雪糕夾餅，有不同雪糕同韓式雪條，食到尾記得留番個肚😸加上，因為預先訂檯，每人再送一種小食/清酒，清酒就有點淡味 ，唔係太岩我心水😅總括：如果唔怕迫，同檯細左啲啲 其實整體都幾好！最緊要唔會趕頭趕命迫你走個啲

DON'T WASTE YOUR MONEY!!when I first looked at this restaurant on open rice lots of people gave this restaurant a like but it wasn't it even that good.I went to the restaurant today and when I first looked at the surrounding the tables were close together, there was hardly one to even walk between tables. What's even worse was the food I ordered all the foods I ordered was salty and the fried foods really tasted like they've made hours ago.I had to drink like loads of drink to wash away the salt

收工之後同朋友去食，地理位置上都算方便，油麻地站出去好快就到。上到去之後見到都好多人，而且檯同檯之間嗰都幾窄，張檯仲要幾細下，好多時候都放唔曬野食，不過好彩執碗碟都算快，可以清空到少少位繼續放。落單用qr code 掃，食物選擇唔算少，但食物嘅質素就真係有待改善。我地叫左烏冬同冷麵，烏冬好食，冷麵有陣古怪味，同埋兩份食物所附帶的魚板係好似綠豆、桂花糕咁粉，同我過去食嘅完全不一樣，可能我經歷太少，無見過世面。跟著嗰唔知魚生拼盤定乜，總之有日式煎蛋捲嘅東西，嗰煎蛋捲係有一陣勁奇怪嘅味道，我咬完一啖吐番出黎，食唔落口。其他食物都係一般般，炸物算係比較好食，甜品又係一般，大部分甜品口感同味道都比較一般。不過陽光嗰柑香茶幾好飲。同埋服務其實幾好，如果食物味道有改善就非常好。

因為沒有預約 問了旺角兩間放題都說滿座一問到這一間有位置就馬上去 地點算易找門口有大招牌寫神戶屋 等了大概5分鐘就可以進去 等的時間讓我們先寫刺身紙 有效率👍🏻看到店裡的位置很近 可能想坐多一點客人 不過我那個位置 如果有人要走過 我就必須一直坐前一點貼近桌子 不然沒空間 😅一坐下就先點了刺身和一份壽喜燒和牛鍋有三片和牛 好吃 有一些配料 湯汁甜甜的 店員幫忙開爐煮熱 🌟介紹一些好食的給大家刺身（有設計過 有些葉和假花還有乾冰飄著煙 全部都覺得新鮮 蝦很大 有連頭的 我仔細拉出蝦線吃 肉很爽口 帶子和象拔蚌也好吃 但我發覺不是我點的份量 就每樣給我一點點 可能師傅自動減少了 沒關係 我手機再點好了😅 但發覺手機下單的表跟填表的有些不同 例如多了墨魚 但沒有象拔蚌😯 再點了刺身回來 又是減了刺身數目😂 ）榴槤炸彈（吃了三粒超好吃）炸鮮奶（挺特別）天婦羅（南瓜、海老、多春魚，不過沒上醬汁 要問店員才有）韓國牛肋肉粒（肉質嫩滑）甜品（很多韓國雪糕雪條，😍鯛魚燒雪糕，桃味雪糕和芒果味雪條都好吃😋，不過冰箱在門口喔）飲品（選擇都挺多，罐裝汽水紙包果汁都有）🤢有些不建議喔清酒煮蜆（超多沙，沒有清酒

有雪味嘅刺身😫仲要每塊刺身之間有冰塊，入口即溶可能係賣點？？鰻魚飯一陣酸味，真係唔知係個飯定魚定本身係咁？炸物嗰陣千年油味超勁，熟食正常係熱，但唔明點解個汁好似後加咁，凍汁上。真係搞唔掂，張枱仲要係痴立立，好似幾年冇抹過🙄🙄罐裝飲品同獨立包裝既雪糕最正常👍🏼係咪要讚下？真係未試過食咁差既放題