神戶屋日韓放題

營業中

休息中

在旺角行街，行行吓有d肚餓，就上網搵吓附近有咩好食。搵到有間韓日式放題，仲話有大閘蟹食，就緊喺上去試吓啦。一去到侍應很有禮貌為我們安排座位，我們通過QR code點食物，想食嘜就叫嘜，呢個就喺放題嘅好處。但侍應提醒我們，熱食要早點下單，因為制作要20分鐘。所以，最好一座低，就先叫熱食。刺身可以慢慢叫。一大盆刺身相當吸晴，有生蠔，海膽，4款唔同嘅蝦，三文魚，赤貝，飽魚，螺肉，帶子等。超正，超滿足。之後，有叫粉絲蒜蒸帶子，燒牛舌，燒菠蘿，芝士年糕，天婦羅蟹柳等。仲有，牛肉壽喜燒。Ichiban.👍最後，嚟左兩隻大閘蟹，食埋真係行唔玉。總之，呢度好多選擇，有刺身，壽司，燒物，天婦羅，熱食，麵同烏東。真係睇見到開心。飲品自己去雪櫃攞就得啦！。有機會，會再嚟。

今日同朋友係附近行街，接到呢間餐廳既傳單，見到款式好多，仲要日韓式食物兼備，正好我地兩個都好餓，一於大拆一餐。一坐低店員就叫我地先填左呢三張先，其他就Scan QR code再落單。見到已經覺得興奮，有咁多野食揀。期間限定料理可以三選一，我地揀左芝士部隊鍋，另外仲可以按人頭叫生蠔同海膽，好少放題有得叫呢啲。韓式芝士部隊鍋，部隊鍋應有既配料佢都有齊：年糕、午餐肉、芝士腸、火腿片同大量娃娃菜，重點係另外仲附有一包辛辣麵，唔係普通公仔麵，而係辛辣麵，即刻加哂分。刺身當然係放題既重頭戲，師父將切身砌得好有心機，成隻刺身船好靚，忍唔住多打幾張卡，每種刺身都好厚身，種類亦好多，除左一般既三文魚甜蝦果啲外，仲有泰式生蝦、鯛魚等唔係度度有既刺身。海膽同生蠔當然係重點，生蠔都算大隻，而海膽亦唔會腥苦，仲可以+$99任食生蠔海膽，真係超級扺食，但我地想留肚試其他食物就無加到。黎個生蠔大特寫先，真係見到都覺得好吸引。海膽同樣黎個特寫，雖然份量唔多，但叫做可以過下口癮。壽司既選擇同樣非常多，每一件都小巧精緻，可以試好多好多款，花之戀同三文魚籽花之變當然係必點，牛油果軟殼蟹巷同芝士鰻魚巷亦都同樣推介。炸物係今餐

旺角食放題，其實真係好多選擇，今次我就揀咗呢間，因為之前朋友食過話呢間嘢好多嘢食，性價比極高環境乾淨企理。最緊要刺身夠新鮮，我最鍾意係三文魚厚切,，脂肪紋理好靚，新鮮海膽的鮮甜味，希靈魚刺身，厚切而且肉質結實有彈性爽脆，生蠔口感Creamy，都有海水和蠔味。鹽燒活海蝦其實蝦好唔好味，夠新鮮就得啦，最驚會痴蝦殼，呢度就係夠新鮮，加少少鹽好好味。encore咗好多串😂鐵板紐西蘭羊架肉味突出，肉質亦爽滑有咬口，肉嫩無羶味，好味！避風塘一口豆腐避風塘口味，相當惹味，豆腐炸粉唔會好厚，裏面係滑脫脫，外脆！好食，不過食得多覺得好熱氣🤣甜粟米，雖然會好飽，但係真係忍唔住要食😂😂飲品方面都好多選擇甜品又點可以缺少，仲有Movenpick雪糕食添😋😋😋

今日好朋友誠邀我同佢去食放題，我地去到兆萬中心呢間神戶屋，因為有大閘蟹放題，我地都超中意食，一定回到本🤭地方大坐得舒適，不得不提呢到個個staff服務都very good👍🏻👍🏻👍🏻一黎就緊係食大閘蟹先啦，把握最後蟹的季節，每隻唔算太大，但勝在隻隻都爆膏，鮮甜。再來個刺身拼盤，款式好多，有d我地都無叫到，刺身全部築地直送，新鮮甘甜，唔會雪得凍冰冰，無腥味。最愛三文魚刺身，厚切好有口感。泰式鳳爪酸辣開胃，爽口彈牙。日本芝士年糕炸到外脆內軟，芝士味濃郁。蒜蓉粉絲蒸大元貝元貝厚肉，口感彈牙，加左蒜蓉好惹味。蟹粥粥底綿密，鮮甜。櫻花蝦炒娃娃菜有鑊氣，娃娃菜鮮甜爽脆，加左櫻花蝦有口感。燒菠蘿呢個菠蘿十分出色，甜度十足，好有心機燒到焦糖色。

同朋友做完GYM, 肌餓感爆燈, 於是我倆決定食放題, 去咗旺角放題集中地之一兆萬, 係樓下收到張傳單, 就係8/F嘅神戶屋, 吸引之處就係季尾都仲有大閘蟹任食, 即刻入座食餐勁!餐廳面積不大, 座位分佈密集, 不過還好只有甜品同飲品都係自助區拎, 所有食物均以scan QR code落單, 算係唔洗係餐廳周圍行。飲品方面就有罐裝汽水、果汁。食放題首round一定係瘋狂order刺身啦!呢度嘅刺身選擇多, 包括有刺身方面亦都有大量嘅選擇，包括三文魚、甜蝦、赤蝦、希靈魚、松葉蟹棒、厚燒玉子、珍寶帶子、北海道角螺、泰式生蝦、鮑魚、極巨赤蝦刺身、北寄貝、八爪魚、美式凍蝦、赤貝、馬刀貝、墨魚片、鯛魚刺身、海膽同埋生蠔! 一大盤刺身排得靚靚上檯, 單睇都已經好滿足, 所有魚類刺身均為厚切, 三文魚係有魚油香同有彈性爽果隻, 極巨赤蝦刺身超肥美, 生蠔仲係脹卜卜, 有淡淡海水味。再order嘅刺身, 同樣都係厚切。除了生蠔, 仲有熟蠔, 加入咗大量香蒜, 令味道更加濃。另外香蒜類仲有扇貝, 放上了大量香蒜同埋粉絲, 提升帶子鮮香。壽司方面就有火灸同埋軍艦系列, 軍艦即包, 入口紫菜仲係脆。吞拿魚蓉

我好耐無食過一間金既任食，我叫人參雞湯，佢好似給金寶栗米雞忌廉湯我，細碟，上餐慢， 白菜苦的，唔似300蚊一位的食物，似係自己屋企食大亂鬥， 買一推急凍，擺係枱自己搞掂，好彩有茶。只可以話我唔知佢做緊promotion, 店員沒問我有無189coupon, 就收我正價， 叫些野上得遲，肥牛一壘未解凍就拿過來。 只可講我唔好彩比樓下 sales 老點上去 食，您想女友食到眼都突，就可來。服務員服務好，環境舒服，但食物垃圾

兆萬一直都係放題餐廳嘅集中地，今次見到神戶屋有大閘蟹食，梗係唔會錯過～😚鍋物可以三選一，日本和牛壽喜燒、韓式芝士部隊鍋和四川香辣雞煲。今次揀咗🐮日本和牛壽喜燒，湯底唔算太甜，幾好👍🏼除咗牛肉之外，會有大量🥬蔬菜，娃娃菜、金菇、海帶、本菇、雞髀菇和冬菇等。刺身方面亦都有大量嘅選擇，包括🐟三文魚、🦐甜蝦、有頭赤蝦、希靈魚、🦀松葉蟹棒、厚燒玉子、珍寶帶子、北海道角螺、泰式生蝦、鮑魚、極巨赤蝦刺身、北寄貝、八爪魚、美式凍蝦、赤貝、馬刀貝、墨魚片、鯛魚刺身、海膽和🦪生蠔～ 超級多選擇眼花撩亂😵‍💫 當中我覺得最好食嘅係海膽、生蠔、珍寶帶子和有頭赤蝦😋都十分鮮甜～🍣壽司方面選擇都好多我只係試咗其中五款，火炙岩鹽燒三文魚腩、火炙芝士燒三文魚腩、火炙玻璃蝦、珍寶帶子和藍鰭吞拿魚蓉軍艦。特別鍾意珍寶帶子壽司🌟天婦羅方面，食咗🍤海老天婦羅、松葉蟹棒天婦羅、海苔多春魚天婦羅，都中規中矩～熱食：避風塘一口豆腐、🐥韓式雞軟骨、清酒煮蜆、日本汁燒雞肉串、日式燒🐮牛舌、黃金芝士燒🦪廣豪、鐵板一口和牛粒、蒜蓉粉絲蒸大元貝和香辣燒生蠔～特別推介避風塘一口豆腐和韓式雞軟骨👍🏼🦀大閘蟹：實在太多嘢食，所以我哋只係食到四隻～

第一次去食放題有得飲大愛既朱古力奶，睇得出老細都落足晒本。去超級市場度買6包裝朱古力奶都成30幾蚊啦。坐又唔逼，出入都唔洗隔離枱就位。好鬼怕去個洗手間都要麻煩到人咁！最緊要係啲野食又齊又快 正！出既野食好明顯係岩岩整好，唔同平時食開果啲好似放左好耐又凍晒先出黎。有冇諗過食放題都可以見到件燒牛柳粒仲係出緊煙既？ 呢度就試到啦。厚切刺身就唔多講啦，好明顯有解凍真係好細心。食落都唔會覺得係岩岩喺雪櫃拎出嚟咁，溫度岩岩好。

完全系中伏呃錢放題，聲稱系大閘蟹放題，但系享用吾到任食大閘蟹依個服務，餐廳規定每台每15分鐘只可以落一次大閘蟹單，每次落4隻，我地坐低1個鐘，落左單4次，淨系出得1次蟹，其他枱都系出得好慢好慢，簡直離譜，放題仲要系限時，蟹細隻都不只，仲要等既時間仲多過食，知吾知咩叫大閘蟹放題？我地兩位用膳每人食得幾隻total 12xx, 完全吾明憑乜去收依個價錢！放題其他食物質素都只系一般放題水平，種類亦吾多，絕對吾會有下次既一間餐廳。

兆萬多放題就出晒名 前排見呢間放題出埋大閘蟹任食 我呢啲🦀🦀fans即刻book咗去試 佢除咗有大閘蟹放題 亦都keep住有平時刺身放題 花多眼亂 好多選擇💕大閘蟹每隻大約4-4.5兩 我個人比較鍾意公蟹 公蟹啲膏杰身啲 gel狀口感 好滿足🤤 加上可能公蟹當造 啲膏都特別多😆刺身船我哋叫咗好多唔同款嘅刺身 真係多選擇 成架船好豐盛😍 有帶子肉甜 帶子厚肉幼嫰；馬刀貝爽口🤓 另外仲有生蠔同海膽添👏🏻焗蠔佢有2款唔同嘅焗蠔 一款係原隻蠔焗 主要用蒜蓉辣椒調味 食落好惹味又有蠔鮮味🦪 第二款係芝士焗蠔 芝士味濃又creamy😙蒸扇貝扇貝同樣以蒜蓉辣椒調味 有超超超多蒜 重口味啱晒😜 佢仲配粉絲 粉絲吸晒啲精華 好味🤩另外仲有好多串燒、炸物等 牛舌厚切爽口 不過今次主角係大閘蟹 所以都冇叫太多😗 雪條同埋飲品都係任叫任拎 有唔少韓國雪條😜 而呢個餐仲有多杯movipick

踏入秋季，又係食當造大閘蟹的季節啦！鍾意食蟹的人，如果想食得回本，當然要選擇最抵食的大閘蟹放題！旺角人氣任食日式放題餐廳「神戶屋日韓放題」今個秋冬天推出「120分鐘任食大閘蟹放題」，優惠價只需$499/位，不但可任食約3至4両爆膏大閘蟹公及蟹乸，還有一系列美食如蒜蓉粉絲蒜大元貝、香辣燒生蠔、鹽燒大虎蝦、蟹粉扒時蔬、蟹粉蟹肉蒸蛋等等。另外亦有日韓刺身壽司小食放題，包括三文魚/赤貝/馬刀貝/有頭赤蝦/刺身帶子等高達18款新鮮刺身、火灸壽司、新鮮生猛海鮮及美國牛肉等多種火鍋配料，仲可以拎優惠任飲清酒！我哋二人一坐底就已經Order每人兩隻蟹公或蟹乸，上枱時間都幾快手，可以戰足120分鐘，一定會食到好飽相當抵食！蟹公黃膏白膏都出哂嚟，黃膏甘香濃郁，白膏黏口，大多數都爆膏👍🏻！其他野食整體都很好，上菜好足，叫幾多嚟幾多，由其是刺身勁大盤！

今日來到食普通的放題，沒有其他人說的不齊食物，沒有其他人說的職員態度麻麻。可惜是這裡的食物如題目所寫水平以下，在旺角可以找到差不多價錢，比佢好食的餐廳。應該冇下次了。

最近發現呢間放題店有得食大閘蟹放題，就試一試佢！啲即蒸大閘蟹最重要係出得好足，order可以每15分鐘上一次，咁就可以確保溫度，慢慢食，非常貼心！（雖然食得晒先好叫，唔好浪費食物）3-4両出足數量童叟無欺，爆膏！鮮甜！出得好足！仲有蟹粉小籠包，爆汁多䱤，鮮味十足！另外亦有升級任食海鮮，粉絲蒸扇貝+香辣燒蠔 都係好正，味道好香，升級大閘蟹套餐就有得食！刺身款式多多擺盤一流！小清新就食咗日式枝豆+黃金牛油焗栗米，枝豆充滿鹽好香。另外韓國人蔘雞湯即叫即整，有趣。日式汁燒雞肉串就比較香滑。蟹籽軍艦/火炙岩鹽燒三文魚腩壽司/黑松露珍寶帶子壽司幾款唔同嘅壽司，唔會太大件，但係鮮味十足，配搭特別。特別鍾意燒三文魚腩，充滿油香。榴槤炸彈裏面爆汁，香氣十足。鐵板馬拉盞炒通菜比想像中香辣，爽口！如果食得辣就會比較推介！黑糖薑母茶食完大閘蟹一定要飲，咁就可以保暖驅都寒。另外出面都有好多飲品例如朱古力奶茶一刻等等，相當特別呢。升級壽喜燒，好多唔錯嘅牛肉，好豐富！

踏入秋季，又到食蟹的季節，大閘蟹是「九月圓臍十月尖」，即農歷九月食蟹乸、農歷十月食蟹公⋯⋯唔想逐隻逐隻計，想一次過食得回本，當然要選擇最抵食的大閘蟹放題，咁就可以一次無限量食晒蟹公蟹乸喇！🦀🦀🦀🦀🦀 【神戶屋日秋季限定 120分鐘任食大閘蟹放題】$499/位除了無限追加任食約3至4両大閘蟹公及蟹乸🦀，還有供應海鮮肥牛火鍋🍲、刺身壽司🍣、香辣小龍蝦🦞和多款炸物串燒🍢等，相當豐富吸引！即叫即蒸大閘蟹，每隻約3-4両重，打開蟹蓋全都是滿滿美味鮮甜嘅蟹膏，蟹乸蟹膏較實，蟹公白油白膏較多，口感滑溜，任食真係好爽🦀😋！另外，升級任食大閘蟹放題套餐，仲有其他海鮮類都係任食，例如粉絲蒸扇貝、香辣燒蠔、燒虎蝦，超級正！

食大閘蟹想食得過癮一點，除了在家吃，那當然可以選去吃一下大閘蟹放題了！神戶屋最近推出了大閘蟹放題，除了包了大閘蟹，還有日式放題給你任吃，那肯定要來吃一下！大閘蟹放題（499元）這個套餐包括了3-4兩的大閘蟹任吃，不分公母都可以吃到，而且還有這套餐限定的不同海鮮和蟹粉類的食物！蟹都是新鮮蒸的，如果是公的就是比較大隻的，母會細一點，但蟹膏都是比較多的，吃起來既鮮甜又甘香，真的是一個接一個的！而且下單了的蟹，也會出夠給你，真的是可能吃回本的感覺！套餐包的蒜蓉粉絲蒸元貝真的非常大隻，吃起來蒜香味十足，元貝鮮甜！第二主角，那肯定是日式放題的刺身了，滿滿一大盤刺身，還有生蠔和海膽，吃起來都挺新鮮的，味道鮮美！其他刺身也不錯的，量也足！其他食物都不錯，炸物類都是新鮮炸的，所以很脆，他他醬炸雞很特別！而雞皮串質素不錯，燒得外脆內嫩的，是我喜歡的質感！最後還少不了雪糕，也有挺多款選擇的！而且還會送一杯movenpick給你！