影片
更多
2018-09-28
221 瀏覽
今日星期日中午突然心血來潮想食日本放題，平時食過好食果幾間一早已經full 晒，之後起openrice見到呢個有500幾個好評，心諗應該好食，點知中晒伏⋯⋯⋯😑去到發現個環境麻麻，又唔係幾乾淨。個wasabi係一包包，係大陸wasabi，大連出品，支出黎既wasabi似jelly質地，我見到就唔想用⋯⋯D刺身一般，蟹鉗完全無味，食左一隻就已經停口，蟹棒只係普通蟹柳，螺肉完全無食到，所以叫左一碟刺身就無再叫啦，原因係👉🏻見到個廚房入面超污穢、好混亂。😕唯有轉下熟食穩陣d。個蟹粥好結，賣相👎🏻，好似煮bb粥仔咁結囉，味道又好一般。一口牛唔林，唔夠出面果d好食放題好食，所以好有比較，我咬左一口就無食！生蠔更加唔敢食，所以無叫。炸雞翼味道ok,不過偏油唔夠脆、炸物叫一般ok，瑞士雞翼味道都ok,不過只係微暖，好似未整熱晒咁，個新鮮菠蘿以為最穩陣，點知燒到林林地咁⋯⋯，個雞軟骨味道一般還可以啦，之不過好厚粉。唯一可以讚既地方就係送果碟海膽同埋日本牛肉鍋還可以，同埋有好多飲品選擇，員工服務ok,不過漏單比較嚴重，要吹單。總括黎講，d食物質素麻麻，味道好一般，地方衛生麻麻。寧願一早book定位，花多
去到發現個環境麻麻，又唔係幾乾淨。個wasabi係一包包，係大陸wasabi，大連出品，支出黎既wasabi似jelly質地，我見到就唔想用⋯⋯D刺身一般，蟹鉗完全無味，食左一隻就已經停口，蟹棒只係普通蟹柳，螺肉完全無食到，所以叫左一碟刺身就無再叫啦，
原因係👉🏻見到個廚房入面超污穢、好混亂。😕
唯有轉下熟食穩陣d。個蟹粥好結，賣相👎🏻，好似煮bb粥仔咁結囉，味道又好一般。一口牛唔林，唔夠出面果d好食放題好食，所以好有比較，我咬左一口就無食！生蠔更加唔敢食，所以無叫。炸雞翼味道ok,不過偏油唔夠脆、炸物叫一般ok，瑞士雞翼味道都ok,不過只係微暖，好似未整熱晒咁，個新鮮菠蘿以為最穩陣，點知燒到林林地咁⋯⋯，個雞軟骨味道一般還可以啦，之不過好厚粉。
唯一可以讚既地方就係送果碟海膽同埋日本牛肉鍋還可以，同埋有好多飲品選擇，員工服務ok,不過漏單比較嚴重，要吹單。
總括黎講，d食物質素麻麻，味道好一般，地方衛生麻麻。寧願一早book定位，花多少少錢食有質素野！
呢度對一般對「食」無咩要求既人係可以接受，可能貪佢比出面平，但食開優質一點既人黎講，可謂好有比較，完全比食評欺騙左，我都唔想你地中伏。☹️
老公今次食得最少既一次放題，去到半夜仲要起雪櫃攞塊芝士夾麵包食。😒
果d食評⋯⋯⋯⋯🙄🙄🙄完。
張貼
