神戶屋日韓放題

營業中

休息中

筆者有多久沒吃過放題？筆者也沒有印象，只知道自筆者某年生日過後，便沒有再去過。今日有朋友結婚派帖，請筆者吃一頓，筆者義不容辭賞面出席。一眼看去就見到，這放題的場就一直線，從頭到尾，而筆者就坐卡位。首先就來一大盤刺身，連著生蠔跟海膽都是送的，意料之外海膽竟然有鮮味，而且夠滑溜，刺身的質素也不俗，尤其選擇很多，天使蝦甜蝦泰式生蝦，甜蝦最鮮甜，天使蝦大而鮮，泰式生蝦大而爽脆，帆立貝也是非常鮮甜，種種都值得點。招牌炒蜆其實就是豉椒炒蜆，味道濃而鑊氣重，獻汁豐富，果真不錯耶！椒鹽雞軟骨跟椒鹽豆腐是必點之作，炸蒜加少許辣椒超重手，極級惹味濃郁，豆腐還更好吃，裡頭軟得入口即溶，吃完一盤還想多點一盤！有刺身通常筆者會多點一盤火鍋，今次就點了微辣的泡菜鍋，把刺身蝦煮成半熟的滋味，試過才知道是超一流！彈牙細膩又鮮，已經不用豉油啦～雪條的選擇很多，部分的韓式雪條包很吸引眼球，最好吃的，一定要說是芝士味，甜香中帶微微奶香加咸味，不消2分鐘就ko了！

上星期六晨早起身搞D野，晏晝約左個FRIEND 旺角行街。一見面，佢無啦啦話想食日本野，仲要話好肚餓要食好多，咁唯有睇吓附近有咩日式放題可以餵飽佢啦...見到兆萬門口的廣告，就隨便簡左一間入去試試 – 神戶屋午市冇咩人，店員比我地兩個人坐卡位~~~多款點餐紙，食物種類選擇OK。一開波緊係先點刺身，三文魚厚切肥美! 玻璃蝦同甜蝦都好鮮甜，貝類我地點左有赤貝同鮑片，當然仲有必點既珍寶帶子!!! 我地仲加錢點左個海膽，平時食呢d放題對海膽都唔會抱任何期望，純粹過過口癮，點知呢間既海膽出奇的鮮甜!!! 剌身船整體都好新鮮足料，90分!!!食完生既，之後梗係熱食，串燒，天婦羅，鹽燒大蝦，芥末蜜糖雞翼，鹽燒一口牛舌(好大塊~~~)。再黎，我地仲點左肥牛壽喜燒，老闆出手好重吓，D肥牛多到走晒出黎，湯都唔夠蓋過 >V<，甜品我地又加錢要左個movenpick雪糕~ 好滿足!總括而言，刺身好正，熱食味道中上ok，CP值好高的一餐。

難得週末，和friend相約一起試吃這家放題慰勞下自己!!! 這裡環境都算闊落，而且全部卡位，坐落幾舒服！ 可能當日我們比較早到，所以餐廳還沒有很多人！ 可以俾我們慢慢嘆~~~刺身上菜快，食物都好新鮮，三文魚好厚切，😍😍😍 而且刺身種類幾多中意食榴槤的朋友一定要試下E個榴槤炸彈👍🏼👍🏼除左刺身，熟食種類都唔少。 炸物上枱時仲係熱辣辣!!!燒牛舌少少辣幾野味!!!入座仲每枱送一個鍋!!! 當日我們試了壽喜燒，湯底甜甜地，都唔錯!當日最驚喜是個海膽， 很鮮甜!!! 👍🏼最後忍唔住食埋個美味甜品😋😋，順便清清味蕾~~~

「放題」係一樣間唔中都會想食既野。因為任食既關係，唔覺唔覺會倉咗好多野落肚，會令我越黎越肥，所以只可以間中食。今日要講一句「機會黎啦飛雲」！真心講句，餐廳位置闊落，可以舒舒服服咁慢慢食。無限量啤酒供應(18歲以下既小朋友就唔好飲啦) 嘩！第一個反應係問自己「係咪叫多咗呢？」即係有種食唔哂既感覺。超巨型既刺身併盤，可以保證每一種刺身都好新鮮，特別係帶子、牡丹蝦。入口嗰種鮮甜絕對係其他刺身俾唔到你既。(最後我Encode咗一盤。) 壽喜燒鍋，肥肉外表都唔錯，索哂啲湯汁之後個味道認真一流。菜底，可以消消油膩感。辣味燒八爪魚，醬汁非常香濃惹味。肉質彈牙爽滑。燒牛肉粒，肉質鬆軟，生熟程度岩岩好。淋埋炸蒜係面，香口惹味。

朋友想食放題，就去左神戶屋，店鋪位置坐得算非常寬敞，員工亦都解釋得好好，但食物就比較一般，最好既係有韓國雪條，其他食物質素唔算太好，特別係炸物，係旺角食放題可以有其他更好選擇~

早幾日幫襯了一間位於旺角的日韓放題餐廳，魚生刺身、壽司、天婦羅、燒肉、炸物...應有盡有，仲有女士們最愛馬卡龍、Haagen Dazs , Movenpick及韓國特製雪條等等，一個價錢食勻日韓兩國的美食十分物超所值！2人份量的刺身拼盤。三文魚、帶子、鮑魚片都嫩滑鮮美。甜蝦、天使蝦、赤蝦份量十足，絕無欺場！每台限定的部隊鍋。材料豐富之餘，仲另上辛辣麵，讓客人想食的時候才開封，唔怕浸得耐變晒樣，夠貼心。放題連生蠔都有得食，無得輸！味道不錯，最重要係夠新鮮。食完海鮮，轉戰肉類。首先係厚燒牛脷。足足一支竹筷子般厚，味道亦十足。作為飯前小食一流。天婦羅蝦、蠔、芝士球、豆腐都十分出色。香口而不膩。黑松露帶子壽司，一啖啖咁食黑松露，已經值回票價啦！汽水吧之一。好多係日本進口汽水，正！特別推介，呢度有廂房，一班朋友歡聚晚飯，我極力推介呢度！P.S. 廚房上菜速度好高，刺身類不用5分鐘就有得食，抵讚！

這晚跟老公🍋在旺角附近閒逛🛒，還沒有想到晚餐要吃甚麼時🤔，突然有人放了一張宣傳單張在我們手中😳，那就不要想太多吧🤣。店內環境明亮舒適😲，絕對不會有侷促感😁。點餐紙整齊的排好😌，款式之多不容置疑👍。刺身拼盤🌊：每款都點了一點😁，滿滿的一盤🤩，當中包括了象拔蚌、鮑片、甜蝦🦐、珍寶帶子、天使蝦、希靈魚🐠、松葉蟹棒🦀、北寄貝🐚、泰式生蝦、三文魚🐟、松葉蟹鉗等等💖，每款都鮮甜味美😋 ，新鮮度滿分💯！壽司🍣：芥辣八爪魚軍艦是必點的吧🦑！另外也點了幾款的火炙壽司🔥，三文魚腩非常肥美😍，油脂豐富香濃🤤。酥炸雞軟骨🐔：爽脆的口感😋，加上香辣的味道🌶，以它作為佐酒小菜🍻，簡直一流👍！日本和牛賀喜燒🍲：湯底鮮甜💖，牛肉大大片的🐮，鋪滿了一整鍋🤩，肉質細嫩😋。總結：食物款式多元化✨，加上價錢合理💵，性價比不低喔🈵~

第一次到旺角兆萬中心揾食，自己有選擇困難症，最後由好友決定食神戶屋日韓放題，貪佢有日式同韓式兩種食物。任食兩小時，可以一邊食一邊傾。全場都係卡位，座位較窄。點餐紙有十張咁多，包括有刺身、壽司、天婦羅、韓式炸物、串燒、日式前菜、沙律、韓式料理、爐端燒、鐵板燒、炒飯、等等⋯⋯食放題當然要點刺身，一大盤的刺身有三文魚、松葉蟹鉗、松葉蟹棒、象拔蚌、希靈魚、鮑片還有不同種類的蝦刺身，每樣刺身都非常新鮮，食兩轉已回本預先訂位每兩個人送生蠔六隻或海胆，生蠔肥美、海胆新鮮芝麻雞翼夠香口炸榴槤球陣陣榴槤香味好天婦羅炸粉太厚麻麻地柚子大蝦沙律酸酸地夠曬開胃牛油果軟殻卷、蜜桃炸蝦卷都好食日式壽喜燒火鍋，可以選火鍋配料打邊爐飲品種類有很多選擇，甜品有雪糕同雪條，整體都算不錯。

今日同男朋友黎兆萬中心，大家返屋企都方便，所以經常在這邊食晚餐。我們今日選擇了放縱一下，食日韓放題，可以食不同美食！環境都幾大，又有房間（比訂多的客人有自己空間）食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。(寫好數量、人數、枱子號碼）服務都幾好，服務生好有禮貌又幫忙收碟，而且無漏單、點了的都好齊的送上。飲料有2個冷櫃可以自助領取（包括：汽水、茶、蘋果紙包果汁、酒類等）還有熱的茶或水。坐下來服務生就送上前菜、介紹畫紙的食物種類！刺身好多好豐富！好大碟又吸引壽司細細件，有唔同的款式，都幾美味！燒海蝦：好大隻又爽口！燒菠蘿：多汁又香口！甜甜的！炸物：芝麻雞翼、韓式芥末雞翼、炸芝士、網紙蝦卷等等！最愛榴槤炸彈、芋頭丸、天婦羅等，好好味又香口！好熱辣辣！燒羊扒：好香口好入味、軟腍又美味蔬菜好健康，當然唔少得； 這個避風塘炒通菜及炒芽菜，好香口又微微辣！甜品有雪條、雪糕等，好開心

神戶屋一向係兆萬平價放題之選！價錢親民而且食物選擇又多！所以已經唔係第一次食神戶屋啦！不過今次再戰神戶屋，食左較多嘅熟食，所以介紹熟食先！一開始就食左牛肉壽喜燒，牛肉份量多，而且個鍋愈煮愈出味，都幾甜！不過d牛肉記得唔好煮咁耐啊，如果唔係好容易老！燒青魚都係好推薦嘅，燒得啱啱好，魚肉滑嫩唔會老。連外皮都處理得剛好，唔會烤焦或苦，好食！但鹽燒海蝦都好食！蝦殼上嘅鹽畫龍點睛咁帶出蝦嘅鮮甜味，而且蝦都好爽口彈口，唔錯！燒菠蘿都係必食嘅！上菜時間比較耐因為係即叫即燒！d菠蘿好新鮮，而且又甜又多汁。簡直係食完再食！仲有紫薯，口感綿密又甜甜地，仲細細粒好容易入口，不俗！日本枝豆咸咸地都幾好食，想食嘅朋友可以一試。至於魚生，神戶屋嘅刺身最好食嘅就係蝦刺身！天使蝦大大舊，鮮甜又爽口！甜蝦雖然細細地但好甜，好味。象拔蚌都幾彈牙。壽司方面，花之戀壽司d三文魚都新鮮。鰻魚就一般般，唔夠醬汁。吞拿魚腩都唔夠肥美。甜品方面，有多款韓國雪條，仲有Haagen Dozen 添！

自從變左輕熟女之後，就好少再去食放題，因為本身食得唔多，今次有中同約食飯，就提議食放題，重拾當年的感覺旺角的放題，一向價錢較親民，而中學時期無錢的我們通常都會去旺角搵食要回味當年就當然要去兆萬刺身的種類十分多，甫坐下不久，店員就已捧出一隻刺身船，原來餐廳會預先設定好首輪的刺身刺身船擺放得十分精緻，而且有生蠔，很少放題會有生蠔吃呢，還有我最喜歡吃的海膽，我們都十分驚喜。除了刺身外，不得不稱讚一下它的炸物，我特別喜歡它的香芋圓和榴槤炸蛋很喜歡這2種食材做的食物，味道香濃因一上碟就想馬上嚐榴槤炸蛋，因此沒有拍照既是懷舊之夜，又怎少得懷舊包裝的長青飲品，蜜瓜奶呢!吃飽結帳後，還會贈送一條雪條，而我選的是芒果味，它的口感在冰和jelly之間，十分好吃

又食放題啦，今次決定平平地食d價錢親民嘅放題。神戶屋就係不二之選啦，中午時段黎食，199+1，仲可以任食四個鐘添！扺啊！各位朋友更可以主攻以下推薦嘅食物！因為係中午時段，所以唔洗等位！侍應仲好快手咁上左d前菜比我地，有螺肉，八爪魚同中華沙律！填下胃先！刺身上左好大碟，份量十足。最最推薦嘅就係蝦刺身！無論係甜蝦，天使蝦都好食好鮮甜爽口。 天使蝦仲好厚肉，唔錯！三文魚都好厚身同算新鮮！不過蟹棒同蟹鉗就一般般。之後就到壽司，黑松露系列嘅壽司一直係我最愛。今次嘅黑松露三文魚同黑松露帶子壽司都好食。尤其帶子大大粒仲好鮮甜！今次除左叫左好多魚生之外，都試左好多熟食！照燒醬雞串好食！雞肉嫩滑而且醬汁味道甜度都剛好。人參雞湯都有驚喜，雖然雞味唔重，但係就重蔘味，湯入面仲有d蔘鬚，而且唔油膩。最好食嘅就係燒菠蘿！今次嘅燒菠蘿又甜又多汁，比起貴價嘅放題更好食！今次仲試左唔少韓式料理, 但個人覺得唔太韓式同正宗。所以中意食日本料理嘅朋友都係食上面推薦嘅食物啦！仲有唔少雪糕。

最近真係成日都食放題，諗唔到食咩，又想放縱食一餐嘅話通常大家都會提議食放題。真係會變肥肥～已經好耐冇兆黎過萬食野，想當年間唔中都會黎呢度食下野。依家嘅餐廳都變晒。呢間餐廳其實我都未聽過，朋友話試就試下。呢度嘅舖面唔算勁大，但估唔到幾出名，有好多人食。一開始我入左座先等朋友，見到佢枱上面已經放左少少前菜同醬汁，真係一個幾方便客人又方便員工嘅方法，唔駛特登舉手問佢地攞～呢度好好嘅係佢有分首單落定係後來追加，侍應解釋比我地聽原來首單嘅會優先處理，真係好體貼～每個客人可以揀要生蠔、海膽定係雪條，餐廳會送其中一樣。我地一開始2個都揀左海膽，仲唔到餐廳係我地刺身上面再放左2隻生蠔～超級Surprised 又開心因為呢度嘅放題始終係比起出面嘅平，一開始我地都唔係對海膽同生蠔有好大期望。估唔到佢都唔錯，雖然唔係最好食，但質素絕對係唔係呢個價錢可以食到嘅～以送嘅黎講份量都唔算少～更何況我地仲賺左2隻生蠔～呢度嘅日韓唔係講緊有韓燒個隻，而係佢係有一D比較有韓國特色嘅小食。我地叫左人參雞湯同埋炸雞黎食。佢將雞翼開左邊，食落去方便D。唔係講笑，佢都幾辣完全係賣相上睇唔出佢嘅炸物都有幾多係平時放題唔太食到嘅。超

This is my first time to try this restaurant. We were a group of 6 friends and it was a reunion gathering. When we arrived, we were shown into a room with a big table and sofa seating. This is one of those all-you-can-eat Japanese buffet restaurants and as usual there is a time limit. I and my friends definitely wasted no time in laying out all the menus and started choosing what we want. The vast array of choices was a pleasant surprise. While we were still working hard on our food choices, the

本來想請朋友食餐好的，結果完全不行，我訂的是五個人，卻是給我四個人的坐位，實在太迫了。再來就是經常漏單，經常都要下两次單才有的。至於食物，不過不失，不會再有下一次了。