神戶屋日韓放題

營業中

休息中

訂咗枱！去到無枱俾你，之後俾咗門口應該係員工房，但係成間房都係煙味，我哋唔要之後就介紹我哋想去帝王水產， 佢話姊妹分店，但係上到去七個人比五個人卡位好逼，但係佢話冇晒枱，嘢食全部漏晒單，追咗幾次，一係就來得好好慢，員工話因為前日母親節，啲嘢食賣晒，今日啲貨送唔切，只能夠講好黑仔，但係好在員工還是服務好好的，過咗用餐時間都free番半個鐘俾我哋，刺身都叫新鮮，但係好多熱食，咖喱炒蟹、 炒蜆、冬陰功湯....味道真係嚇親人，反而炸嘢有驚喜

本來一心想找一間好餐廳，渡過一個愉快的下午，左挑右選來到這所餐廳。可是，坐低後發現環境污糟，叫了些壽司和熟食，食物質素參差，咸食好重口味。而且嚴重漏單，叫了的食物有一半都沒上枱。樓面不夠人，想追單都困難。兩個人午餐食了四百幾元，等了一個多小時，上枱的食物完全食不飽，而且走的時候非常憤怒。這所餐廳比差還差。OpenRice 如此多好評，但竟是如斯差的體驗，令人非常失望。看來openrice 值得參考的指數愈來愈低了。

之前我妹打電話訂抬，係1位先生接聽，我已經確認訂左13人抬，仲千叮萬噣要求2張抬，唔好分太開，當晚我們一家人上去，職員話我們冇記錄，冇訂抬，搞到我們成家人企係度，急急忙忙找另一間食，這間野服務超級差勁

上openrice見到咁多人讚，就一心諗住book呢間食母親節飯，已早一星期致電， 一位男職員接聽， 仲同職員講想左右枱座, 唔想前後枱,職員仲搭冇問題, 當日去到，就話冇我電話，之後就叫我等，不過就唔知等到幾時，我一家十三口就喺出面又逼又 焗，最後嬲嬲哋去咗第二間食

刺身都幾新鮮 尤其 炸野好脆 無論天婦羅定炸榴槤等 都係即叫即炸 個心太軟其似brownie多啲 但朱古力味好濃 口質都唔錯雖然有時會漏單 但不時都有店員問你頌有無咩食物未有 可以幫我地跟進返 服務態度好好 值得一讚！ps 好多野食都唔記得影相

記得最後一次來光顧經已兩年了, 因疫情下好多放題都暫停營業 ,結果響網上再搵到呢間日韓放題 ,所以決定再來一次!因為食早段整個場都甚少人 ,一改以前作風, 第一個round嘅刺身全部order蝦,例如： 有頭甜蝦 有機甜蝦 泰式生蝦及美國凍蝦,果然肉質鮮甜 ,只需點少少芥末已經帶出鲜味,加上蟹柳 象拔蚌,正!再嗌炸物, 有至愛的雞軟骨 炸雞翼 及炸雪糕 !再嗌一個鍋物 主要都係食蔬菜,其次燒物有虎蝦 牛舌 及燒菠蘿,唯一個牛舌個人覺得 太淋 唔夠彈口 有些少失望!最後嗌咗兩個湯拉麵分別係龍蝦湯味拉麵 揼咖哩海鮮湯麵。 可能淥得太耐麵得有啲糊口 ,但總括嚟講水準都不算太差 ,希望疫情盡快過去, 取消酒令, 可以再約三五知己痛快暢飲 一晚!

第一次黎，果個服務員（女，二十幾歲）。態度極差，第一：將和牛鍋的湯汁整到檯面完全冇道歉，完全扮知，點火後，將有火爐擺到檯側最邊位，同埋個蛋，上面都係石膏，就咁擺低都都唔知用黎做乜。唔知係咪故意。不過食物都算ok，正常水準，不過這個服務態度，以後好難再幫襯。

係樓下揀左好耐，決定入呢間試，門口一睇就知撐黃，唔錯。間隔都可以，然後食既野好好食，可以話冇中伏咁濟。刺身好食之餘，個火炙壽司真係太正。除左冇食火鍋之外，都好滿意。

我地10點30分到，期間有25分鐘係齋等，上緊嘅刺身甜蝦肉質非常之差非常之唔新鮮，蚬非常之唔新鮮，又细粒！啲服務員全部都，前面完全係唔會理我地嘅，然後啲嘢食非常之唔好食又非常之唔新鮮你唔到一個鐘坐到半個鐘就同我講就關！搵經理話經理放假，想投訴都完全搵唔到地方！完全中晒服！邊個嚟試邊個黑仔！11:30都未到就話最後點野，如果咁趕住時間收工咁就唔好開門呀嗎！所謂嘅芝士焗號芝士焗蝦芝士焗帶子千其千其千其都唔好掂因為會超級無敵中伏！

我哋兩個人夜晚10點半過來，佢話11點半就最後落單，咁都OK，但完全中晒伏，唔系走單就係我哋等20分鐘食物先來，投訴就話經理今日放假，就到11點，員工就在清潔趕著收工，刺身那個員工就在抹抹抹，根本冇人服務，三文魚就新鮮，但蝦好唔新鮮，我哋來的時候好少人，根本就唔忙，但少佐經理在真系服務好差呀，209大元加一，真系好唔抵食

3月10日生日飯很久沒有食放題就試下呢間，上到去可能太早未有人5：00食，而且樓面得一個。坐底就同我地講解下幾錢、用餐時間、有邊張要下單先。飲品也是普通沒有特别。先來了一個牛肉火鍋，內面有肥牛.、金菇、娃娃菜，湯底是甜豉油沒有特别。之後來了魚生盤，尚算新鮮簿切上但勝在數量多，很奇怪冇點的也有來。通菜好味夠鑊氣，炸雞翼、韓式炸雞都正，值得讚榴槤炸蛋乾身冇油餡多。壽司都ok正常野，但我鐵板牛粒就咸到冇朋友，小龍蝦也一樣而且新鮮肉梅。羊架太熟咬不動放棄了。。。炸物完全冇味又冇上汁比你點蟹粥好失望唔好味，手卷紫菜也是咬不動。還有有啲要加錢才有得食但我地冇加。總結就試一次就可以了

朋友生日，本身打算食自助餐。但由於疫情關係，大部分都無開。見open rice 咁多好評，就打算試試。因為兩個人食既份量唔多，為左試多少少野食，所以每款刺身只叫兩件。上菜之後當然數目完全不對，有的更加無出現到。但唔緊要，好多放題都係咁，我不以為意。首先先試佢的蝦，因為見到佢蝦既種類好多。結果全部無味，一的鮮或者甜既感覺都無。你要知道蝦如何唔好食，你除左食到佢滑潺潺既感覺。好嘔心。然後到三文魚，好難食。首先，佢無味，其次，我篤過佢的肉，唔識彈返上黎。即係話條魚死左好耐好耐。咬落仲淋淋地，食落去果種勇氣同食紅豆壽司差唔多。再黎蛋，完全無味。跟住係北寄貝，有大量粗沙夾雜。唯一比較正常既係象拔蚌以及係鮑片，好大程度係因為佢地係罐頭貨。螺同帶子，無黎到。壽星已經係極度失望。我建議不如食下的熟食。結果再度中伏。上菜數量比我地叫既黎多左好多，結果全部都浪費晒。我地叫左一碟炸蝦天婦羅，同樣地，咬落去根本食唔出係乜野，的食材毫無味道。而天婦羅配上既汁都係無味，而且無蘿蔔蓉。極度失望。之後仲有牛仔粒同牛肉火鍋，好難食。雪糕全部都係韓國牌子，貫徹始終咁難食。佢點難食法？就係的雪糕擺左三十分鐘都無溶。我真係唔

昨晚原本打算吃火鍋，下午卻傳來新聞說吃火鍋感染武肺，便打消了。改到同一棟大廈的韓日放題。打電話預約，侍應說$229/位加一，八位送一位，仲話比多95折添，又話送海膽⋯⋯滿心歡喜，結賬時收$239/位，有送一位，沒有95折、沒有海膽😏食物方面一般，10//F果間D魚生比這間新鮮，炆牛肋骨和牛仔骨等就夠淋，食物種類都多，就是魚生唔夠鮮。

好耐冇食過放題，又係時候約朋友去大吃大喝一餐。兆萬中心向來多美食，今次就揀咗兆萬中心嘅神戶屋日韓放題，食個lunch。首先呢度包羅同埋韓式嘅美食 日，坊間少有，選擇非常豐富，刺身，壽司，炸物，煮物，鍋物一應俱全。餐廳環境舒適，坐得舒服，而且店員十分友善，服務佳，令人吃得開心。全餐無漏單，上菜時間快，幾滿意。最喜歡刺身夠新，質素好好，食咗唔少，回曬本！燒菠蘿超juicy，又香甜又多汁。估不到還有人嵾湯飲，人參夠曬味，好滋補健康😋每人埋單230元，吾算特別平 但值回票價。

大年初三一班朋友的飯局老實說農歷新年期間沒什麼店在開尤其晚吃吃到凌晨選擇不多之下選了神户屋日韓放題對兆萬中心的食肆一向印象不好😂經驗是便宜但質素中下有在openrice先爬文😂神户屋食物選擇多而且大路 價錢不過300 才決定一戰😜甫到達 就送一個火鍋是餐廳策略嗎？畢竟先吃鍋很快飽呢選了韓式芝士部隊鍋有火腿 腸仔 娃娃菜 還有辛辣麵材料跟味道正常 訂座送每人一客海膽/生蠔/韓國雪條先點刺生 應有的都有比較值得說是 有多款蝦刺生切勿點美式凍蝦！只是白灼蝦！而且完全無味！嚇死人！熟刺生有角螺 鮑片 蟹棒 玉子溶雪處理OK份量雖然沒給足 但Hold單情況不嚴重飲品自取 維他奶及小罐可樂屬小見一旁可自己斟水、茶沒支裝或罐裝無糖茶 實在扣分點的熟食一半以上都不夠味什到沒味道炸鮮奶、炸芝士不錯燒扇貝、燒廣蠔OK有大量沙拉醬襯托天婦羅 夠熱 OK壽司類 可以 飯不是很多炒蜆、清酒蜆無味滷雞翼、炒雜菇無味韓式炒粉絲不是韓式甜甜的牛柳粒韌到一個不行牛舌太乾結帳約$250一人考慮到平日非假期價錢應$200左右如果對食物要求不高只求整桌食物求開心 可以一試