神山麺屋 (創紀之城五期(apm))

營業中

休息中

平日等位，2個人，等左15分鐘就可入坐.❇️環境餐廳Design似日本的麵店，有一邊Bar枱，Open Kitchen,可以直接睇到師傅整麵👍🏼.❇️食物今次小編叫左兩個麵1️⃣豚角黑神山沾麵黑神山係湯底加入左黑蒜頭燒豚肉個味就好好食，有燒香味，個皮都好香.2️⃣燒豚肉火神山沾麵個沾麵汁一開始食就岩岩好，但係食食下，開始覺得比較鹹所以之後都不能沾太多湯.新一年梗係要食下沾麵， 沾晒所有運氣 好彩 番尼💪🏼

當晚8點幾鐘,見冇人排隊就打算同屋企人試下食依間拉麵。點知一開始帶位果位職員就已經開始黑面。到準備點餐,叫左幾次都冇人踩我地(但佢地當時吾係忙緊)好喇,到有人踩我地喇,開始點餐點到一半,未點完就急住走去落單,最後叫佢返轉頭繼續落。食到一半佢地就拎張單放左係我地檯面(咩都冇講,就走左去)。咁我地放埋一邊打算食完先再俾錢囉。點知五鐘意之後,個職員就行過黎拎走將張單再放返係我地面前(好冇禮貌咁叫我地埋左單先)。當時我同屋企人都呆左咁望住佢。之後屋企人終於忍吾住開口問佢，你好急咩？好趕時間咩？之後個職員先好老監咁講唔好意思。真係食到成肚氣。如果食物再好食但係態度差到咁，絕對係吾會再光臨。更何况食物唔係話好食。

APM見到間拉麵店都多人食，所以試下，但係令人大失所望！。餃子係全餐最好食的東西😐煎餃放入湯到，湯有京葱同韮菜。個湯好似淡味嘅早餐蕃茄通湯底。。。同拉麵唔係咁夾。。。。仲有球薯仔。。。是薯仔蕃茄湯嗎？拉麵係粗麵，但係感覺有點太硬。沾麵個汁好啲啲不過食到尾都有啲太咸，同唔夠熱！！舊厚叉燒都好食嘅，不過唔算太腍。鐘意叫個飯撈拉麵湯食不過啲拉麵湯都唔係好食就咁食個飯無味的！有落鼓油不過都無乜味！。重點係！！！！我哋兩個人食完返屋企都覺得超級無敵口渴！！！口渴到要夜晚起身飲水很重味精的感覺。。。無下次了👋🏻

麵屋係尖沙咀麵有分店，小編兩間都食過，個人就覺得分別不大，保持到水準.❇️環境餐廳Design似日本的麵店，有一邊Bar枱，Open Kitchen,可以直接脆到師傅整麵👍🏼.❇️食物今次小編叫左兩個麵1️⃣豚肉黑神山黑神山其實係加左墨汁，食落去會成個口黑哂小編就覺得個豚肉比較dry而湯汁入面本身鹹鹹地，感覺幾得意.2️⃣燒豚肉白神山沾麵而燒豚肉個味就好好食，有燒香味個沾麵汁又唔會過份鹹，沾住尼食就岩岩好

收工攰攰哋想搵間餐廳坐低一個人慢慢食吓嘢。由裕民坊行到apm都未諗到想食咩，突然醒起好似好耐無食拉麵。即刻走去神山，好好彩唔駛等位～帶位嘅姨姨好好服務👍🏻睇完menu決定食新嘅猿侍拉麵～$138再加一，跟餐包嘢飲仲有小食。小食可以揀武藏餃子或者武藏炸雞。我就揀咗餃子😋一嚟上咗武藏餃子先，無咩驚喜，頗為普通嘅餃子一碟⋯跟住到跟餐嘢飲𥌓光，其實係醬油果凍柑橘特飲。帶位姨姨再次發揮好服務，教我要攪勻個底嘅果凍飲會好味啲。飲落口柑橘味微酸幾好飲，不過個果凍就唔覺有醬油味，可能俾柑橘味掩蓋咗。重頭戲猿侍拉麵嚟啦一上枱好色彩繽紛好靚。學吓日本人食法，第一啖飲咗湯底先。哇！好有驚喜呀😆蝦油發揮咗佢嘅功效，勁香蝦味！仲有成堆櫻花蝦，真係食到成口蝦味😋麵底保持到神山一貫水準彈牙好味。個慢煮伊利比亞豬好淋，我諗連老人家都食到🤣再嚟隻紅酒漬溏心蛋，無咩紅酒味但夠晒流心～不過湯底真係比較濃郁，食到尾有少許咸。建議唔好飲太多個湯。

📍神山麵屋厚切豚角煮好入味，肉大塊好淋麵質夠曬彈牙，沾麵湯夠濃，每啖麵都可以吸收湯嘅精華大滿足！食麵必配溏心蛋，沾埋湯食味道更加絕配啱曬重口味的我

廣島蠔 ，炸粉唔厚，食落唔會成啖粉，同埋無腥味，整體都唔錯，可以一試。.神山湯餃，成餐最好食呢個，個湯好好飲，雖然有少少油，但我都忍唔住飲左幾啖。餃子係煎過再浸湯，所以同平時既湯餃唔一樣。咬落會有爆汁。.白神山豚角拉麵，湯底幾濃郁唔錯，不過食落只係一個好普通既拉麵，無咩驚喜，但肉質都夠冧，睇得出有下過功夫，初次去既朋友仔都可以一試。.叉燒沾麵，其實個湯味道不錯，唔會好鹹，而且麵既口感好好，有咬口又唔會好硬。但衰左係湯唔熱同肉好靭，碗湯上到枱唔熱唔暖咁。而且肉又咬唔開，又大舊，成碗野就扣左好多分。

APM 分店，外賣自取竟然有minimum charge，而家咁嘅時勢, 我特意出來向你買個便當$68-80 來支持你已算係咁。你此舉確實絕不合理;不再光顧。TST店都無MINIMUM CHARGE.講真，觀塘區$50~$70, 有很多其他好選擇, very competitive ，無論是日式便當還是外賣一餐food in general. 你做呢盤生意，做到咁DESPERATE.

沾麵 is always the most popular dish at 神山麺屋. However, I have ordered the ramen soup instead.The soup base was very very rich and the cha siu was tender and juicy. The soft boiled egg was just right.I need to drink plenty of water as the soup base taste too strong.神山麺屋 is located in APM which is very convenient for people who work around.  There were always people waiting outside this shop during lunch hour.I would like to try other flavour and  their 沾麵 next time when I come. 

Always heard about how popular Hey So Nuts is, finally got a chance to have a coffee date here with my beloved one.We ordered mille-feuille with red wine pear and vanilla ice-cream. The pear is rich in red wine flavour and the ice-cream is firm and rich in vanilla flavour. The layer of the mille-feuille and the dried orange was the spotlight of the dish. It took 20mins waiting time for the dish to be ready. So be ready if you would like to order the mille feuille when you come to Hey So Nuts. Th

假日出開APM買啲嘢，唔想行太遠就喺返APM搵食啦。知道神山拉麵其實前身就係麵屋武藏，印象中唔係話出色，但都不過不失，所以就揀咗食神山，諗住都正路，起碼對得住80幾蚊再加一嘅價錢。叫咗角煮豚肉拉麵，無諗過可以咁乾。諗住一件乾咗啲唧，另一件睇落都幾肥，應該會好少少，點知：好啦，溏心蛋應該唔會出事喇啩？咬嗰時都小心啲，唔想個流心融於湯中，但點解咁熟呀…不過講真，湯同麵都仍然不過不失。朋友叫沾麵，麵條比湯麵更好，但佢哋話勁鹹，反而湯麵就還好。服務態度嚟講就好個別，上菜位侍應心情似乎麻麻，黑口黑面掉低碗麵就走咗。但其他侍應都有啲ok嘅。

難得路經觀塘APM又想食下拉麵，見神山門口只有5個人排隊，大約等左10分鐘就可以入座，所以就嚟個速食拉麵之旅。之前亦曾經試過佢地既神山豚角沾汁麵，豚角大大舊多汁好味，所以今次就想試一下另一款既拉麵。叉燒醬油拉麵叉燒配上溏心蛋，蔥花及大量芫茜。醬油湯底味道濃郁但略為偏鹹，比較適合重口味人士。叉燒質感偏淋同比較薄身，肥瘦比例適中，味道唔錯。溏心蛋曾經醃過，做到流心效果，都好食。但食完成碗拉麵會感到口渴。至於價錢方面亦都係性價比之選👍🏻。

落完單5分鐘後食物就黎 黎得好快叫左碗蕃咖湯拉麵 同 山神沾汁麵唔係好好食 又唔係難食既好普通 水準一般 好淡味 又唔係好熱個蠔又係 暖既 唔係熱辣辣成個感覺好似快餐店咁唔會再黎第二次既然俾得錢 都要食哂佢既

晏晝午飯時間都唔少人等位，等候約15分鐘就入座。叫左呢到出名既沾麵-神山豚角沾麵。豚肉沾滿醬油，略嫌過咸，肉身乾燒得比較乾同柴，不過中間夾肥膏，所以都唔會太難咬開，食到少少油脂甘香。掛麵汁味道濃郁，可取之處係麵身本身又有坑紋，掛汁能力大大提升💦💦，令每淡麵都能充滿湯汁👍🏻麵質口感都實淨彈牙，但豚肉質地調味需要改善。🧐總括黎講，沾麵本身唔錯可以一試，但配料扣分，侍應接待一般，回頭意慾不大。

APM搵嘢食，差唔多9點呢度門口都幾多人等位目測等3-4張枱，不如就試試佢😂外賣自取價錢親民，不過今次試堂食先呢個魷魚彈牙，醬料冇特別沾麵彈牙，湯底好濃好味，同外面嘅拉麵店有得比😋😋叉燒超級肥美，兩嚿已經好飽溏心蛋係原隻上蘆筍炒菇，都ok，冇特別至於黑芝麻湯底拉麵，好咸，返到去要係咁飲水😅😅😅總括嚟講，都尚可以，比期望中嘅水準嚟得要高，本來商場舖頭唔expect個湯底會好正，有少少驚喜