碌冧法式越南料理 (已結業)

呢間餐廳應該o岩女仔黎食多o的, 因為佢既份量唔算多, 屬輕量級, 但菜式就擺得幾靚, 而味道都幾ok, 最鐘意佢枱面放住1枝魚露同泰式青檸酸汁, 仲有埋簡介佢用黎點咩餸添, 食完後覺得, 冇之前其他人講到咁差, 不過就偏鹹少少今日4個人叫左1) 咖喱雞椰青焗飯: 冇諗住原來佢o的飯同咖喱雞係分開上, 咁樣個椰青可以完完全全咁裝滿飯, o的咖喱汁好似加左芝士咁, ok~2) 水晶拼盤:好似春卷咁,白色皮裏面包住生菜, 檬粉, 軟殼蟹, 可以點o的酸汁食3) 碌冧蝦: 我最鐘意呢一個餸, 佢有好重既香茅, 魚露同埋泰國香葉既味道, 1碟$70蚊都算ok4) 蒜蓉炒什菜: 另外一個我好鐘意既餸, 如果你鐘意食蒜味既野, 應該都會鐘意, 有翠肉瓜, 荷蘭豆, 通菜, 椰菜, 菇等, 我地幾個都鐘意5) 豬扒石鍋檬粉: 用石鍋上, o的粉係乾身既, 佢要落o的酸汁同魚露落去一齊撈, o的魚露落落個石鍋度, 好似鐵板餐咁sasa聲, 味道一般

個日係媽咪生日,本身有朋友叫我地試下呢間野~咁咪去lo~事前都唔想等book 左位先,點知去度仲要等多半個鍾,而且個sales 仲喝返我家姐轉頭服左佢,個經理一知就即刻走黎同我地say sorry,好,算啦~反正都係想媽咪食得開心,點知一入到去佢俾張4人梳化位我地7個人坐.....點坐呀叫人又叫經理,之後等左一陣就同我地轉位第一同第2樣菜好快就到,但之後等左差多半個鐘都冇野黎,呢間叫法式越南菜,跟傳統就一樣一樣菜咁上ga嗎~等唔到又叫人lo,個waiter答得幾好呀"小姐咁個飯要炒ga嗎,野飲要沖菜要煮ga嗎你等等啦"等多個幾字發火叫經理媽佢先同你入去追單,野食唔算差,但service真係令我覺得就算叫我去死我都唔會再去食野lo~最搞笑一入坐叫ge drink到埋單前2分鐘話取消order先黎,真絕!!一句講晒,貼錢買難受!!

昨日一行五人到呢度食野，覺得呢度環境唔錯，而且响得雅蘭開應該都算係中上格局，所以試吓。點知來第一度菜時，待應錯手將成兜咖喱汁倒瀉，其中一個朋友的套裝、電腦袋同手袋完全遭殃。我們沒有怪待應，而待應亦十分有禮而反應敏捷地遞上紙巾，不斷道歉，但善後的十多分鐘，一位女經理都只站在一旁，心痛地看著污糟了的梳化和地板，由頭到尾都沒有問過我們有沒有熱親，又或是要甚麼協助。至經典的，就是我們的菜還不斷端上來，「聰明的」經理從來沒有想過先停單，難度要我們吃冷了的餸菜嗎？然後，一位待應說可以幫我們換桌，站在一旁的男經理(女經理已經失踪，另一個男經理出現)似乎沒有任何意欲道歉，我便問他們發生這件事，他們會有甚麼安排，那位男經理先問我們需不需要換衫(我即時想:難度要換上待應的衫嗎？)，然後竟然叫我們日後將衫交給他們洗然後再歸還，我問:「你把我的朋友攪成這樣，還要她日後將衫交給你，再要等幾日時間，然後再抽時間回來拿嗎？」那位經理竟然悔氣地說:「咁叫你朋友洗完之後拎張單來拿錢囉!你明唔明呀!」語氣像是我們要夾硬屈他付洗衫費般。實在想不到一間「懶係」走中上級路線的餐廳，態度可以如此差勁，我立時和朋友拉隊走，可能男經

吃完豬手撈,時間剛好,相約在旺角打銀行工的靚女午膳,地點在雅蘭六樓的"碌lum".以旺角區黎講,環境也算優雅,月前在Soho間Song吃過餐貴夾麻麻的越南菜,希望今次唔會歷史重演.兩個人一人一個set,我個鮮蝦濱海,加扎肉米卷.鮮蝦濱海也過得去,隻蝦唔算新鮮,濱海質感剛好,唔會UN到咬唔爛.友人個青木瓜沙律,幾清爽.順帶一提,我係好喜愛店內果支40度的頂級魚露.比我屋企用來炒菜撈麵果支順發,更加咸香.其他菜式,或者下次有機會來才試,但要到晚飯時間,在旺角兩個人正正經經,坐得舒服,消費唔大貴,真係唔多選擇.尤其係越南菜.今次只吃過兩味,未咁快下得結論住.

我地一行六人, 先叫左6個dish醫下肚.1. 牛肉凍檬(d牛肉硬左d)2. 軟殼蟹濱海(無供應生菜for wrapping,比較失色)3. 魚露雞椰青焗飯(魚露雞=蕃茄薯仔雞,唔知點解)4. Appetizer四拚(因份量太少,我只係試左水晶蝦卷,質感很差,無味道可言)5. 香茅豬扒(coupon送的)(ok啦,我個人覺得salty左D)6. 魚露蝦(算係最好啦)但係佢d食物份量實在太少, 我地6個人(4girls)都唔係好夠分. 我覺得佢d食物份量最多4人share就好,多人就好難share 啦.我地食完6個dish都好似無食過野咁, 見佢d食品無乜特別,就決定轉去第二間restaurant食晚餐.食物賣相係幾好,但係味道就...就算魚露點好味,都好難叫我再去幫襯.

三個人點了五個菜式和兩款甜品。這兒的「拼盤」造形頗有特色，內有：牛肉濱海、炸春卷、雞翼、水晶蝦仁卷。味道不俗。還點了「牛肉凍檬」牛肉略硬、「鮮魚沙律」味精過多、「南乳雞」偏燶兼量少、「炒雜菌」味道一般。甜品方面，點了「芒果黑糯米」和「香蘭糕」。量少味道一般。服務OK，環境幾好，雖然略貴和味道一般，但都應該有下次。

上星期日18 號，本來我爸諗住晚飯請我地全家去呢度dinner，不過我媽響下午時候同我爸先去呢樹試下咁話.點知....我媽說以後不會再去，屯門的小巴黎廿蚊食到你唔食=.=那天出外晚飯planning取消@@生牛肉湯河，我媽比較傳統，要野食熟哂先會放落口，點知呢度食生牛肉河的特式就係你面前加湯，嚇死佢之餘又得2塊牛肉，而且唔好食咖哩牛腩，飯...得一啖...(無言)..又唔好食加$10有杯野飲，佢地加左一杯...咁食法埋單...要$110，貴到癲!走左之後佢地即刻去附近d魚蛋粉店再食過=.=

今晚試下呢間先:行入去,看見座位幾特別,好像家庭中的沙發一樣,不過坐上去,又唔見得十分舒服.無論如何坐下輕鬆下,點點菜:椰青牛肉湯-用明火燒住個椰青上,湯很清,但牛肉份量很少小心燒到手青木瓜雞肉沙拉,青木瓜十分清新,加上薄荷葉包上送入口,味道很新奇,明蝦河粉,湯完全無味道,蝦十分細少,份量也少,令人失望越南地雞是鹹雞,味道就有如海南雞一樣,但就無咁好食,不鮮卻很鹹.碌林果然是最重要的,這鹹和酸的魚露,我每一口也放了很多,我們尤其喜歡酸的碌林.

我地經理已經向各員工訓示左>.<而且而家我地開始執行五常法,衛生,服務也會有所改善希望閣下會再光臨~~

差點忘記了這間餐廳，開張第一天已幫襯，但只此一次, 感覺是不去也罷。已經有心理準備第一天會亂, 要等, 但估唔到會咁。叫了二人餐, 有"海南雞"(他們不是叫海南雞的, 但忘記了叫咩, 不過切切實實是海南雞囉), 炒菜, 炸春卷, 蜆湯, 糙米飯, 甜品, 預咗份量細, 所以叫多個"青口"。當日客不多, 應該是真正比錢幫襯的客不多, 唔使錢老闆請來試餐的客就多。幫我地落單個經理好叻囉, 唔使寫低, 記得我地叫咩(actually 都係兩個order啫)預咗漏單, 結果真係。二人餐嗰海南雞好快上, 份量超少, 比大家樂份量還少。我和bf一人3件咁多, 味道一般。等左好耐, 等到呆左都無人理我地，之後上湯, 都係一般, 反而春卷熱辣辣, 唔錯。再等左好耐, 炒菜上場, 嘩, 我以為去錯隔離別府, 食炒野菜哩, 炒椰菜, 一人兩啖食哂。諗住青口要煮耐啲, 就唔吹佢啦。於是問個侍應二人餐嗰糙米飯係碟上定碗上，點知佢答我係跟海南雞上嗰喎。吓！海南雞食完好耐囉噃，其他菜都食哂, 咪無嘢送飯囉。嗰侍應聽完好驚咁即刻出一碗飯比我地, 記住係一碗囉, 一碗好似酒樓細碗仔size咁大。因為已經無哂餸, 我無

菜式的presentation都幾有心思, 例如個柚子大蝦沙律用柚皮上, 又幾靚喎! 原來呢度的生牛河係上的時候先落湯, waiter哥哥解釋話咁樣牛肉先唔會過熟!環境靚, 好多花花草草, 幾relax! 服務都幾ok, 不過出菜時間可以快d就好了...

我係11月19日(星期六) lunch time食呢間野, 當時係lunch set A 係豬頸肉湯河囉!

By Nuco Mam 員工:多謝各位的食評本人會轉告本餐廳上級^^To KK:請問你是何時光臨的??本餐廳何時有豬頸肉湯河出售的...??

好驚呀, 本來間餐廳裝修好靚, 但係我地叫左個豬頸肉湯河, 個waiter會碗河黎時, 佢勁長手指甲(少少黑邊)兼插左入碗湯裡面, 好恐怖.衞生呢家野咁重要, 好心檢查一下d員工的手指啦!野食普通, 出品比較慢.

昨日，小妹生日，朋友仔帶我食"好野"！點了二人套餐，有海鮮湯、香茅豬扒、“碌林”蝦（即是魚露煎明蝦）、白汁芝士天使麵、野菌炒什菜、椰汁糕！平日不好湯的我，都飲了半碗，湯料點魚露，很香很鮮明！香茅豬扒很硬，卻很油膩，可能加上了一些蔥油吧！“碌林”蝦，很鮮，蝦就細了一點！白汁芝士天使麵，很普通，ｄ汁不會太稀爛！野菌炒什菜，普通啦，食到魚露味，很香！椰汁糕和其他食店的沒分別！餐廳的環境不錯！有些越南歌（聽不明嘛！我估係啦！）伴著食晚餐，幾好呀！