碌冧法式越南料理 (已結業)

去旺角入KT貨，漫無目的去了雅蘭搵食，見新開有7折，就入去試下。我o地叫了個二人套餐，先o黎個鮮魚酸湯，湯料有楊桃、菠蘿等生果粒，幾得意幾清新，不過我覺得酸味不足。碌林蝦原來係用魚露煮，食唔到魚露鮮味，只覺味道好鹹。蝦肉普通唔爽又唔諗，不過可以連蝦殼都可以食埋。香茅豬扒-將豬扒切成一塊塊，買相唔錯。豬扒較諗唔夠鬆化，香茅味亦唔夠濃。本來餐有香草蜆肉天使麵，但係我o地轉o左軟殼蟹撈檬，軟殼蟹炸得幾脆。另外用佢主打的魚露來撈檬，所謂主打的特制魚露，有兩款一款帶鹹味另一款就帶酸味，其實與其他越南菜館的魚露差不多。還有一碟蒜蓉炒野菜不過不失啦。甜品係椰汁羔有咖啡味同班蘭味，因為有椰汁我冇食，而老公就話煙煙韌韌幾好食，尤其是咖啡味好香濃。另外老公仲叫了杯芒果芝麻smoothies，好有鮮芒果味，不會只飲到過甜的糖水味。原來只是menu上的食物先7折，我o地個二人套餐就冇得折。

誤打誤撞去左呢度食.. 唔知叫咩食, 一個二人set搞掂.咋一聲上左個生牛肉河, 好多花臣,d牙菜要分開上, 河粉個碗好大,但上檯時只有五分一滿, 幾件生牛肉(幾雪花o既)放係d河粉上面,仲以為就咁食, 正煩惱緊點食時, 佢拎左一個水煲過黎, 加湯. 有點兒滴汁.. 個湯個味同平時越南野有d唔同, 多左一種香料, 不過不失,再好快又上左兩個大蝦酸湯, 好多西芹,d蝦唔大, 普通基圍蝦size, 但唔爽,好老, 湯小酸, 不過不失.越南春卷, ok好味,越南地雞, 唔出色,唔特別,唔滑, 小乾, 個汁好酸.最後蒜茸炒野菜, 比較正常, 唔太咸, 仰有d新鮮蘑菇, ok喎... 仲有個甜品食-- 椰汁羔, 咖啡羔... 正常味,有咩驚喜.

我地叫左個越式粉包，點知食落覺得有d酸酸地，咁我地即刻問個經理，呢味餸本身係咪酸架，佢話係，同埋因為我地點左d醋.佢態度十分友善，即表示如果我地唔鍾意呢個味道，費事勉強，即刻幫我地取消呢個餸，個粉包一碟有五件$48，我地已食左兩件架啦！佢隔左一陣又再走埋黎，話已經試食我頭先個粉包，應該無問題，可能我地唔食慣，仲話如果你地下次再黎，我介紹do岩食的餸比你地呀!我覺得呢間野好識做生意，其實其他野味道都幾好，我應該會再光顧同埋介紹人去．