碌冧法式越南料理 (已結業)

上次食過Dinner 覺得唔錯，所以今次3點左右，行完街就順便上去Hea 吓 !原來$20 左右有交易，坐係天窗下面，好有泰國Feel，又有Magazine，真係Very Nice !!!特別介紹她們嘅 High Tea Set 好味同好Special !!值得一試

叫了小豬脾骨(名字不太記得, 大概是這樣), 都幾好食, 奶茶都不錯.和同層的阿詩瑪雲南風味軒一樣, 附近無人吸煙還是有陣陣煙味傳過來, 可能是同層的酒樓傳過來?!

三個人行完街食晚飯，呢間唔使點等，所以就試下~~環境不錯, 只係稍嫌太嘈同冷氣太凍~叫o左個$188 o既套餐~~一o黎個雞湯味道好一般, 有o的似味精水~~ 蒜蓉包質感唔錯~ 雞翼小食味道都幾好~~ 主菜唔差, 我好欣賞個炒野菜~ 但我發覺所有炒o野o既配料都係差唔多, 食唔出有咩分別~ 亦都唔覺得有咩咁法式~~o個杯叫「估你唔到」o既飲品酸酸味味, 好fresh、好好飲~ 送o野食一流~中段有服務員sell 你入會, 話會送$300 coupon 同埋以後食o野九折, coupon 可以即時用~~~雖然整體都幾ok, 但以咁o既質素, 價錢就稍稍貴o左少少~~有機會都會再來o既~

味精勁到有刺喉感覺, 就算未食飽有食物淨都哽唔落, 好唔掂!! 埋完單要即刻走落地下木田園買sorbet漱口

星期五放工到旺角找食，一街也是人。求其到雅蘭找，因為夠集中，總有一間有位呱。結果處處也是人，選了法式越南餐廳，專心的等。等了十五分鐘左右，也算不錯了。我倆也不大食，要了牛油雞翼(有4隻)、軟殼蟹柚子沙律、碌林小炒皇。飲品- 水兩杯。本來想點炒粉麵，但沒有太多選擇。雞翼新鮮熱辣，好吃但炸雞翼少不免總會有點像KFC。軟殼蟹柚子沙律，柚子太少，其他蔬菜太多，軟殼蟹可能撈完沙律不太脆，但味道都ok的。至於小炒皇，味美，料子有蓮藕片、花枝片、豬頸肉。埋單$170，沒有飲料也算差不多了。服務也不錯啊~PS 記住試試那兩枝魚露。藩切魚露，夠味得像豉油。

本人雖然是該店員工,但從沒到過越南,不清楚何謂真正\"正宗越南菜\"即使香港的\"地道\"雲吞面唔同地方食都會唔同口味唔同制法,不可那樣去肯定.....咖啡你需要的,我們也可加冰飲,也可走奶,可以說香港從難找完全的正宗,如果你是懂欣賞的那些人,我們樂意提供你想要的食物/飲品而且,黑糯米上面的絕對不是練奶,而是椰奶煮出來的汁(請不要無視左我地D心血>.<)無論如何~~多謝你的意見~~p.s.我地上頭成鬼日都會睇le個網....絕對放心=.=

o黎呢度既主因，係因為梳化位正是前身雅蘭酒店Main Lobby 既梳化位。舊地重遊，難免有點唏噓。講番食物：一個「越式甜品拼盤」，有斑蘭味、香蕉味既千層糕，同芒果黑糯米；飲既係「越南滴滴咖啡」- 無問個客就已經預設o左個客要糖要奶，「滴咖啡」之前已經預先將奶粉同煉奶放o左o係杯底。「地道」呢兩個字一早已經唔可以用o黎even 問佢既菜色如何：（一）越南既唐人街又好，越南既普通社群又好，都無賣上述三種既「越南」甜品；（二）越南人飲咖啡好少熱飲，係凍飲（熱既滴滴咖啡加即鑿冰），而且係齋糖（奶另外request 先加）；（三）佢地唔係用「奶粉」、「煉奶」沖咖啡...（四）就算係泰式芒果黑糯米，都唔係用煉奶上...係椰奶，椰奶呀。o黎呢度既誘因，係因為有張coupon 要用o左佢；如果呢餐正價係$75，休想。

my friends introduce this restaurant to me and i really enjoy the dining experience.the atmosphere doesn't match with Mongkok as the combination of ambience, musical and lighting can be compared to the restaurant in Central but the price are reasonable...every servers are friendly and recommend the food that we like.( they explain what is the sauce of foodex and homemade one) they won't hard sell the expensive dishes nad pay attention to us,,,,e.g we cold, they gave us hot water automatically.

(1)Waiting time超耐唔打緊...最弊係未有得入就晨咁早叫定你先,慌死你走咗去咁!(2)無水招呼唔叫唔比...水黎到個杯好污漕仲發出異味,依家諗起都想嘔!!!(3)香茅豬扒炒紅飯...飯硬無味,香茅豬扒又係無味兼似食柴皮!!!(4)越南春卷嘅餡only食到肉...不如叫越南肉卷啦!一句到尾,食到想講粗口!!!

晚上到咗 MK, 又係要揾食嘅時候，聽朋友話有間新派越南菜响雅蘭6樓，所以去試吓。上到去環境唔錯，心想會唔會好貴呢？於是去睇睇Menu, 越南菜嚟講都算ok,而且選擇都幾多. 最後試咗個二人套餐，因貪佢有蒜蓉包送和有隻大頭蝦(越南名菜)先上湯,椰汁味好香到主菜大頭蝦，真係好大，而且好好味，特別個汁有D蕃茄，幾開胃。最後係一層一層的糕點，賣相得意，不太甜有口感，水準之作。而且我哋2人唔食煙，但原來隔離係Smoking Area，個經理就馬上換咗張枱比我哋,D Waitress 仲好好禮貌幫我哋搬埋嘢食。

看電影前先與b享受一頓晚餐吧!環境很舒服...很喜歡它那喑喑的燈光. 如果可以坐在sofa上會更理想<3鮮蝦凍蒙是不錯的, 蝦是新鮮貨...很爽, 很甜. 凍蒙的口感好好..煙韌又不會黏在一起,很容易"蛤".左伴regular的魚露很開胃呢.(店內有兩種魚露供應,另外是秘制的...但遍咸, 應用來點炸春卷或其他炸物.)b的咖喱豬扒飯很搞笑,飯是炒飯底..用了一個椰子來上,我猜是想焗出椰香吧..咖喱不算辣, 但不好辣的b都吃得滿頭大汗...hehe. 正體沒有"wow"的感覺, 但算是不錯..之前有食家提及過其服務很差,老實說,笑容欠奉了,但基本禮貌是有的. 有時侯自己給別人的態度也很重要的呢....他們也只不過打份工而已,自己要求也別要太過坷剋呀..

服務差, 唔好味!! 唔會再幫襯!!服務差, 唔好味!! 唔會再幫襯!!一個四人餐, d 小食竟然每款只得2份, 例如雞翼, 炸春卷.雞翼點樣四個人每人share到? 問個經理點分, 佢竟然話: “呢個係拼盤小食, 係咁o家啦, 係每樣得小小o家咋!”我向佢提供意見話如果d雞翼, 炸春卷係切開1半, 會好d, 方便每個人都試到, 佢話“set係咁o家啦! 唔通你想我俾哂全部同一樣食物呀?”咁我寧願佢比一個雞翼小食, 好過拼盤小食但唔夠分囉! 好呃人咁!咁我哋話你哋唔改變吓d份量, 好難會有人繼續唻o家. 佢話:”隨便!”佢d態度真係…!!!! 我係度提供意見, 佢連接受吓都唔願意!d態度…其中一個朋友叫個waitress幫我哋戡水, 真係估佢唔到, 個waitress剩係戡我朋友嗰杯, 而另外幾杯都明顯已經飲晒!!當我哋離開嗰時, 有個waiter拎住盤嘢迎面行來, 唔該都唔講聲, 企响度等我哋讓路. 我哋見到咁梗係會讓比佢行先, 不過佢又唔係啞嘅......做咩要企响度等...!!真係好無敎育!!d 嘢食無味, 完全靠個魚露. 咁呢個餐廳應該只外賣魚露. - 海皇湯, 係稀淡椰水…(

好多選擇，都好味!但甜品超唔得，芒果好酸，又貴!

原本以為"法式越南菜"會有d法國菜特色，咁咪諗住去試下囉!!上個week end 同媽咪, 細老同佢女友一行4人去試下呢間野!首先叫左個"軟殼蟹油凍檬"--d軟殼蟹用粉漿炸脆, 味道唔錯! d蟹肉都好肥美, 至d凍檬粉就好有d 乾身同埋d粉會黐埋左好難夾, 台面上有兩支魚露︰一支係酸甜魚露, 另一支係咸既魚露. 我就覺得酸甜既魚露加檬粉好食d!!跟住就黎一個"四式併盤"都係d炸春卷, 炸雞翼之類既野, 份量太少啦...每人都係得一兩舊, d野食仲要比較咸同油. 第三樣係一客"越式粉包", 聽個名以為係冷盤所先叫, 點知黎到先知係熱食既, 望落就係一個正方形既腸粉加一塊扎肉, 食落去更加似d酒樓既牛肉腸粉, 比較油, 都係牛肉腸好食D然後上"咖哩雞椰青焗飯"呢個就係最好食既一個啦, 個飯係裝入椰青入面焗, 有陣陣椰香, 再加埋咖哩雞, d咖哩加左椰汁好香濃又唔太漏又野味, 配合得好好!跟住叫左個"蒜茸炒野菜", 都唔係咩野菜, 只不過係d雜菜炒一盤, 都係份量太少. 最後食埋個"越式蝦餅", 呢個原本以為佢會好似泰式蝦餅打左d蝦膠再炸既做法, 但原來佢將d蝦完隻再加埋d番薯絲一齊囉去炸!

5月16日放假與老公過旺角行街，是但點中此間餐廳，之前在報紙見過介紹，於是一試。先講環境，確實唔錯，玻璃天花好及酒店式餐桌擺設好有度假feel，令一向緊張的我記起自己正在放假。set lunch約$40幾，點左雞喇沙及春卷撈矇。喇沙湯底唔夠濃，若食過天后Chef，會覺得比不上，但雞則夠嫩滑及份量多。春卷好味，面上有兩款碌，一種較咸，一種味帶酸，分別給食湯粉或春卷時用，味道不錯。我覺得服務不錯，有酒店feel，個個食客都食得輕鬆。由於母親是越南華僑，我由細到大都食慣越南菜，所以知道食越南菜o既精髓是個碌(即魚露)，個個都係自己調味，好難學。雖然此間碌非城中最好，但整體食物及環境搭較，不太失禮。下次我會試二人high tea餐，好似有三款小食同一個矇粉及兩杯飲品($98)，我見人地食，真係用幾層的high tea座上，好靚o架!