石磨腸粉 (已結業)

是日早餐時間山長水遠去到粉嶺祥華邨，梗係要食飽先至開工啦，因為唔想幫襯連鎖式食肆又或者茶餐廳，於是睇Openrice就搵到呢一間。我問老闆娘邊款好食，佢建議我試至尊石磨腸粉，因為多料得黎性價比又會高D，於是我就聽佢講仲另外加多$3落埋蛋去蒸。料真係幾多，而且食落就知新鮮，叉燒有咬口、碎牛唔係用梳打粉搞到無晒味嗰D、粟米粒都幾新鮮、最勁係D蝦，真係無諗過咁新鮮，蝦肉爽口彈牙，真係幾好食。不過佢嘅腸粉就略嫌唔夠滑。對住外面行人路食都幾好。

嗌咗個雞蛋石磨腸粉 蒸太耐🤯林晒 個口感好核突，好似食緊糊仔咁🤢🤢又落得好少蛋，好似食緊齋腸粉咁😪得食過咁多間石磨腸粉，未試過食一間咁難食嘅，粉嶺難得有間石磨腸粉，點知咁難食，好失望！

試咗個至尊腸粉，先$25有四樣餸，真係平靚正！重點個腸粉真係用石磨，腸粉有米漿嘅香，我都係最鍾意佢個豉油同埋XO醬👍🏻👍🏻👍🏻一份大大份，加隻蛋更好吃😋

依區終於都有腸粉同生滾粥啦，啱晒啲老人家🧓🏻日日都見到好多人排隊想試好耐架啦今日終於的起心肝去排隊買嚟試下，買個芫茜牛肉腸同埋皮蛋瘦肉粥，之前見咁多人以為要等好耐，其實又唔會，腸粉同粥都係即叫即整，繁忙時間都係等咗10-15分鐘，腸粉好滑唔會太厚加埋個甜豉油真係好正，粥都好綿，兩樣都好足料價錢都好合理，抵食（見到好多街坊行過都會話，嘩！啲米漿真係用石磨磨架）佢仲有炒麵炒米粉，下次要再試埋問咗佢哋原來收凌晨12點，咁樣以後咩時間想食都可以落街即刻買，同埋依家疫情關係買完可以即刻拎返上樓食