石磨坊 (已結業)

今日同朋友黎食, 兩個人叫左一個佢地既"鎮店之寶"芒果芝麻撈河,我個朋友話試過好味,但係我覺得聽個名怪怪地,河粉喎....我想食甜品架嘛.,咁我咪問個staff係點既,佢原全答唔到我,淨係話唔係普通河粉,不過我見有芒果,我個FD又話好,咁就要左一個,原來佢果D"河粉",係用椰汁做既,整到一條條咁,真係好似河粉,係面頭加左芝麻,側邊有芒果,一客要$32,但係味道無乜特別,唔係難食但係又唔係好食囉..$32真係賺死佢...仲要係埋D咁既街度,都幾污漕,食完要即刻走,絕對唔係傾計坐下既地方...

芒果黑糯米芝麻卷頗特別，但子只有熱吃，我認為凍吃會更好味道．芝麻糊味道濃郁，杏仁和合桃糊也不俗．座位較狹窄，有時見到有小昆蟲飛過．

以為有乜咁全新啦,原來係加左d哈蜜瓜,都未食過咁杰0既楊枝甘露!食左兩啖頂唔順叫男朋友仔食埋佢...真係好差!杏花樓正過佢!其他甜品我冇試過,應該冇咁差掛?但呢個叫全新楊枝甘露的,千祈唔好試!

第一次來食...帶住興奮的心情...坐低左之後,我決定叫朱古力燉奶(雖然聽聞是這裡最bad的,但都拼死一試)...而我個friend就叫左紅豆沙粉圓!先講講個朱古力燉奶(凍食)先...我覺得吾似之前0的人講到甘差囉...我又覺得吾錯喔!!可能大家的口味不同吧!呢個朱古力燉奶面頭有一層好似朱古力慕絲的東西..底下的朱古力燉奶好滑(沒甚麼奶味,但朱古力味好濃)!相對地,紅豆沙粉圓(also凍食)好似就普通得好緊要!!只係將勁普通的紅豆沙+粉圓(真的是"品"如其名)..(PS.粉圓即珍珠奶茶入面黑黑的珍珠)味道就普普通通啦..所以下次去都吾會再叫!反而成個食野的過程入面..最最最最最最最最令我不滿的是..衞生的問題!!!!!!!!!!!!!我同個friend本來想坐耐0的..但不停有0的虫在我們身邊飛來飛去...搞到我地好似置身在埃塞俄比亞...真係好disgusting!!下次我可能考慮外賣,也不要堂食!>.<

上次見到好多人讚石磨坊啲糊好好食, 咁我本住八掛既心態又走去試下啦~我同我男友叫左一個黑芝麻加合桃糊,一個朱古力心型甜品(唔記得左叫咩名), 一個芋頭涼粉冰, 一個朱古力燉蛋白, 總共四樣個黑芝麻味道淡左D, 而且唔夠大良八記D咁夠口感, 但D合桃糊真係唔錯, 下次可以剩叫合桃糊^^個朱古力心型甜品好古怪, 我食左一啖就唔想再食, 朱古力味唔夠濃, 淡戍戍, 又暖暖地, 真係好奇怪= ="個芋頭涼粉冰真係好好食, D芋頭磨到變左茸, 又杰又滑, D涼粉同我平時買開D唔同, 唔知係唔係自家整架呢, 比較實, 有口感, 加多D冰就更好~^^~最後個朱古力燉強有D怪, 但都OK既, 可以一試~~最後埋單80幾, 個姐姐仔仲計錯數, 計左我90幾, 所以大家要小心D自己CHECK一次~~

5點幾食完個低食茶餐, 睇黎都唔駛食晚餐, 練功後走去旺角轉車, 順路試下石磨坊d 糊, 叫左個紅黑兩溝($13), 芝麻糊入口確實好滑, 但芝麻味略淡, 可能個批芝麻質量問題, 另紅豆沙都好夠沙, 還有白合和豆豆, 好彩d 紅豆沙夠熱(但芝麻糊只是暖的), 否則呢碗糖水就唔合格拉. ^^^ 唔知點解食完一個鍾後都覺得有dd "滯"

食過返尋味, 所以今次試下其他野, 香芒黑糯米芝麻卷($18), 睇過名感覺上係一個冷食甜品, 點知一上台時發覺原來係熱熱地, 芝麻卷皮做地幾香滑同埋幾煙"un", 黑糯米亦香口, 不過香芒熱食始終有d唔習慣, 好似配合得唔係幾好咁......下次都係食糊類算了.

見到好多人盛讚,尊登去試.本想試栗子糊,但係要7月先再有,就食芝麻糊($12).真係好滑,好重芝麻味.我想佢淨係用芝糊無加糯米.最緊要唔算甜,又唔會落太多粉.值得再食!!

睇左呢間甜品店既食評, 所以第一次入去就叫左兩個糊類甜品, 1,芝麻糊($12): 香滑, 糊質好杰, 而且唔係好甜, 果然唔錯~ 2.腰果糊+合桃糊($19), 同樣香滑杰, 不過比較偏甜, 相信混合芝麻糊會好d.兩個糊真係好杰, 入口時真係好d驚喜~ 食落雖然真係有d濟濟地. 不過真係好值得一試. 地方服務都唔錯~

睇黎佢非糊類甜品真係要改進一下.上次試過芋泥西米露就唔係太ok,西米露淡到好似水而且比較稀.只得舊芋泥有甜味.但舊芋泥同西米露又完全唔夾味.淨係食芋泥仲好d.注:今次個分for芋泥西米露only

今晚食完泉章居，未能盡興，自自然然就走o左o黎石磨坊食糖水。上次食過香芒黑糯米芝麻卷之後，覺得呢度始終係糊類比較優勝；穩陣D，叫o左一個芝麻糊同合桃露。芝麻糊一如以往般香香滑滑；合桃露都好味啊，冇話一舊舊咁，滑得o黎幾香合桃味，滿意。不過呢度好似加o左價；依家芝麻糊要$14，合桃露就$16～唉，不過好味就算啦！

慕名去吃，價錢貴又不好吃，只是外表好(但都過時），甜品吃不出味道，失望！

My friend and I went to that restaurant today. She ordered 楊枝甘露and I had 朱古力蛋白燉鮮奶. 1. 楊枝甘露~ d西柚係乾的~ d西米仲係一舊舊, 未煮散的~ 標榜有其他果汁, 但只係食到芒果汁的味2. 朱古力蛋白燉鮮奶~ 似飲緊朱古力奶, d所謂鮮奶應該係朱古力奶~ 水汪汪, 好似未完全凝固咁~ 以為只係面頭有層朱古力, 點知入面都係朱古力奶燉奶, 而唔係燉白奶我仲見到隔離張枱d 食客仲食餘三條唔知咩o既甜品, 可想而知, 呢間野, 真係好唔掂!

聽講這裡的糖水唔錯，今日就一個人來試試。五點幾，無咩人，好多位隨便坐。呢度裝修簡潔，行行下旺角來坐下是不錯的。原本想叫朋友推介的石磨特色河粉，但當我問個侍應姐姐那些河粉是什麼時，佢講來講去都講唔出，見隔離檯叫的芝麻合桃糊賣相不俗，結果就要叫了這個。芝麻合桃糊偏向杰身，見黑白兩色食來食去都溝唔埋就知不是水汪汪的，好剛合我的口味。芝麻糊及合桃糊都不是粉開的，食落幼滑，幾甜但味道唔錯，有水準。因為杰，所以食完都覺飽的。埋單13蚊，單叫芝麻糊只12蚊，是幾抵食。下次要試試佢個腰果糊，唔係處處有得食。起碼好過大良八記好多。

我一心想食百合玉米糊同栗子糊，但佢話要到7月先有得食，個sales態度好好，有問必答，值得一讚！之後我叫了芝麻+合桃，好滑口好杰，咁先似靚糊，合桃味很香濃，我本來不太愛食合桃，但佢整得好出色，一點也不濟，又不會太甜，好過大良八記好多。PS:望能在元朗開分店，因為B記太難食了…