石磨坊 (已結業)

食左個腰果糊…好濃既腰果味…好香…不過碗野超杰…食左幾啖都唔想再食落去…另外食左兩個心形既朱古力糕…一d 都唔好味…都唔知咩黎既…

我覺得個芒果河粉幾有新意,但汁多d會好食d,(河粉)份量太多了.糊呢方面,可能我喜歡吃甜點,太甜都唔多覺,不過個合桃糊就差d,由開店到家下都無變,開粉都唔好話比人知喇.刨冰款式唔多,百香果刨冰色香味俱全.

只係叫左一個芒果糯米圈咁上下既物體，原因都係試下食架唧，見佢門口貼滿哂雜誌既報導，應該無死錯人啦，點知叫到埋黎果碟野係"熱"既，乜有香港人鍾意食熱既芒果架咩？雖然難食程度唔係好高，只係叫做無咩味同埋好痴牙，食完un胃到好似食完一餐飯咁，呢種感覺真係難以想像係食甜品而咁痛苦囉。我見隔離叫左芒果刨冰，好似好靚好好食咁喎，不過試左呢個芒果糯米圈連呢個賣相咁靚，但都可以咁難食既野之後，我已經無打算幫襯佢第二樣野。去一去個廁所，嚇死你阿媽，個男廁細到已經無得再細，只係可以容納到一個人企係度，佢都擺左支地拖係度，叫我點痾，真係好過份，唯有去女廁啦，點知女廁塊廁所板係拎唔起既，真係對唔住啦大家，我都唔想企係度痾架。最後食完果d糯米黐牙黐到暈，呢樣野又唔怪得佢，不過我問佢囉杯水，佢竟然答我: 5蚊一支水。我即刻拍台走人，永遠唔會有第二次幫襯呀！

味道平平, 價錢偏高

覺得這裡的甜品很有特色及花了許多心思.昨天吃了一個芝麻黑米芒果卷,熱食的,味道不太甜,感覺很滿足.而且還吃了木瓜燉xx (忘記了),即叫即製,有誠意.值得一提的是,店內貼滿了雜誌的介紹,有從日本及Taiwan 的.勁!

記得第一次去石磨坊,已經係年幾之前既事。果陣好鍾意食佢既同心糕+朱古力燉旦!!menu入面既甜品基本上都試過晒(除燉奶)..每次去試..水準都跌左..唯獨係同心糕水準都keep住..仲有佢個芋蓉刨冰..好味!個幾月前去過一次新舖.. 始終都係覺得舊舖水準比較好..

一次比一次差，尤其是芝麻糊，好似食緊粉漿，已沒有當初那陣濃的芝麻香味，煞是失望。

其實呢度已經黎過好多次,基本上每次出旺角也必到,由以前一間去到要租埋後巷,雖然佢地久唔久就會加d新嘢,但都係朱古力蛋白燉奶最正!好似上星期六啱啱喺旺角食完飯,專登留肚帶同bf和一個未食過此店的友人同去;我照舊,bf想要新出玉子糊,但原來唔係成日有,所以轉了要芝麻花生糊,友人要了奶黃燉奶,再加多個紅豆蓉桂花糕.朱古力蛋白燉奶唔講,芝麻花生糊就好滑好香,講真,糊類糖水呢度做得都好出色;而奶黃燉奶友人就覺得麻麻la,可能佢太飽la;個桂花糕好似同以前有d唔同,入面多咗d芒果,反而突出唔倒桂花香,好彩口感唔錯,似"舉弱",煙煙un un!不過後巷嗰度好似焗,如果有人煲煙就唔係幾好la!

真定假！好驚？雖然我覺得它的糖水只是一般，如芝麻糊太杰太醬和太甜，芒果撈河亦太甜、太厚和味道一般，但很有創意和膽色。我去過幾次，衛生一般和算OK，始終是旺角。如是真，那水吧亞姐都幾恐佈。

今日我同幾個朋友到石磨坊食糖水。我們叫了芒果刨冰、什果刨冰、芒果撈河等等。芒果撈河尤其難食，簡值不知所謂，仲要收咁貴。最恐佈的是當我們準備埋單時，聽到隔離話碗芝麻湯丸裡面有隻蚊子，叫待應換過，我見到個侍應去水吧度，個水吧亞姐就咁用手一挑就把蚊挑走，就照拿出來比番個客，真係好好恐佈。

今次黎食左芝麻糊和合桃糊+紅豆, 碗芝麻糊較上次黎食的時候甜左, 亦較杰, 仲係好滑; 原來合桃糊+紅豆呢個配撘較芝麻糊+紅豆仲好, 合桃糊與紅豆的香味都蓋唔過大家, 今次的紅豆份量都多左, 食完就好飽!

近一個月，吃了五次之多，但感覺上跟以前差了，芝麻糊有時欠芝麻香、有時過甜、有時唔夠杰身…希望她快快回復水準啦！

我係在幾個月前下午4點幾去食,一入到去,一個客人都無,我同小熊叫了芒果黑糯米卷同芒果芝麻撈河,個芒果黑糯米卷來先,個賣相麻麻,之後來的芒果芝麻撈河,lee果個樣好好多,兩樣吃第一啖都ok,之後都覺得越食越甜,好鬼死溜,連小熊敢食得甜都話太過甜,食完好濟,我估佢地應該落左好多糖落水落去,所以先敢甜,同埋價錢都唔平,一個甜品都要成三十幾蚊, 都幾貴.

個度d 甜品的確好好味，而且款式多，又夠創新，價錢平。招呼都幾好，雖然就迫左d，但係都算幾有風味！值得推薦！甜品愛好者，必要試試！

I ate there once, the place was kind of hot, but people there are very young and the atmopshere was very good too~~ the food--of course is very innovative !